17:57 - 28 հունիսի, 2024
Հայ պատգամավորները Գերմանիայում հանդիպել են Բունդեսթագի արտաքին հարաբերությունների հանձնաժողովի նախագահի հետ
Աշխատանքային այցով Բեռլինում գտնվող ԱԺ Հայաստան-Գերմանիա բարեկամական խմբի անդամները նախաճաշի սեղանի շուրջ հանդիպել են Բունդեսթագի արտաքին հարաբերությունների հանձնաժողովի նախագահ Միխայել Ռոթի հետ:
Այս մասին նշված է ՀՀ ազգային ժողովի տարածած հաղորդագրության մեջ։
Հաղորդվում է, որ հանդիպման ընթացքում քննարկվել են Հայաստանի անվտանգության համակարգի ամրապնդման եւ տնտեսական հզորացման հարցերը:
«Կողմերը կարևորել են Հայաստանի եւ Ադրբեջանի միջև խաղաղության գործընթացն ու տարածաշրջանային անվտանգության վերաբերյալ հարցերը»,- նշված է ԱԺ հաղորդագրության մեջ:
Զրույցի առանցքում են եղել ՀՀ-ԵՄ հարաբերությունների խորացման հեռանկարները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)