11:49 - 05 օգոստոսի, 2024
Աստանայում քննարկվել են թվային օրակարգի ոլորտում հայ-ղազախստանյան համագործակցության հեռանկարները
2024 թ․ օգոստոսի 2-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի թվային զարգացման, նորարարությունների և օդատիեզերական արդյունաբերության նախարար Ժասլան Մադիևի հետ։ Այս մասին տեղեկացնում են Ղազախստանում ՀՀ դեսպանությունից:
Հանդիպմանն անդրադարձ է կատարվել Հայաստանի և Ղազախստանի միջև տեղեկատվական և հաղորդակցության տեխնոլոգիաների, էլեկտրոնային կառավարման ոլորտներում, ինչպես նաև տնտեսության նորարարական ճյուղերում համագործակցության հարցերին։ Տնտեսական համագործակցության հայ-ղազախստանյան միջկառավարական հանձնաժողովի համապատասխան որոշումների իրականացման ընթացքին առնչվող քննարկումների շրջանակներում մտքեր են փոխանակվել հետագա քայլերի մասով։
Երկկողմ համագործակցության առաջմղման համատեքստում ընդգծվել է պարբերաբար փոխայցելությունների և հանդիպումների կարևորությունը, այդ թվում՝ Երևանում և Աստանայում նախատեսվող միջազգային համաժողովների եզրույթներին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)