«Աշխարհը կտեսնի Իսրայելի պարտությունը», - այսօր Թեհրանում հնչեցրած ելույթում հայտարարել է Իրանի գերագույն հոգևոր առաջնորդ Ալի Խամենեին, ընդգծելով, որ չնայած ծանր կորուստներին՝ «Հեզբոլա» շարժումը շարունակում է դիմադրություն ցուցաբերել իսրայելական բանակին։
«Հեզբոլա»-ն ուժեղ է և այն շարունակում է կռվել։ Այո, այդ կազմակերպության մի շարք հայտնի գործիչներ, ինչպես, օրինակ, Հասան Նասրալլան և Հաշեմ Սաֆիադինը, այսօր մեզ հետ չեն, բայց կազմակերպությունը շարունակում է գործել», - նշել է Խամենեին՝ համոզմունք հայտնելով, որ «կգա մի օր երբ աշխարհը կտեսնի, թե ինչպես է սիոնիստական կազմավորումը պարտվում այդ մարտիկներին»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)