16:50 - 24 դեկտեմբերի, 2024
Սիրիայում Սուրբ Ծննդյան տոնածառ այրելուց հետո քրիստոնյաների իրավունքների համար ցույց է սկսվել |azatutyun.am|
azatutyun.am: Այսօր առավոտյան Սիրիայում հազարավոր ցուցարարներ փողոց են դուրս եկել՝ պահանջելով պաշտպանել քրիստոնյաների իրավունքները։ Ցույցը բռնկվել է, երբ սոցիալական ցանցերում տեսանյութ է տարածվել, որտեղ երևում է՝ ինչպես են դիմակավորված զինյալները այրում Սուրբ Ծննդյան տոնածառը Համա քաղաքի մերձակայքում։
«Մենք պահանջում ենք պաշտպանել քրիստոնյաների իրավունքները»,- վանկարկել են ցուցարարները։
«Եթե մեզ թույլ չեն տալու ապրել ըստ մեր հավատքի, ուրեմն այստեղ անելիք չունենք»,- «Ֆրանսպրես»-ին ասել է նրանցից մեկը։
Բաշար ալ ասադի վարչակազմի տապալումից հետո երկրում իշխանության եկած (ԱՄՆ-ի և ԵՄ-ի կողմից ահաբեկչական ճանաչված) «Հայաթ Թահրիր աշ-Շամ»-ը հայտարարել է, թե միջադեպը հրահրել են օտարերկրացի զինյալները`խոստանալով նրանց պատասխանատվության ենթարկել։
Ավելի վաղ զինված խմբավորումը խոստացել էր պաշտպանել Սիրայի բոլոր փոքրամասնությունների իրավունքները։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)