Երրորդ օրն է՝ Երևանում տրանսպորտի մեկանգամյա երթևեկության ուղետոմսի արժեքը 150 դրամ է:
Վաղ առավոտից տարբեր կանգառներում են ավագանու «Մայր Հայաստան» խմբակցության անդամները. նրանք հորդորում են չվճարել ընդհարապես, մինչև օրինական սակագին կսահմանվի:
Երևանի նախկին քաղաքապետ Հայկ Մարությանն էլ նախօրեին նշել է, որ հույս ունեն՝ բոյկոտը այսօրվանից մեծ թափ է առնելու, որովհետև միանալու են ուսանողներն ու աշխատող քաղաքացիները:
«Չենք վճարելու» ուսանողական նախաձեռնությունը ևս տարբեր երթուղայիններում հորդորում է քաղաքացիներին միանալ բոյկոտին ու չվճարել 150 դրամ:
Քաղաքացիներ կան նաև, որ վճարում են նոր սահմանված սակագնով:
Հիշեցնենք, որ հունվարի 31-ին Երևանի ավագանին 33 կողմ ձայնով ընդունել է որոշում, որով մեկ ուղևորության համար սահմանել է 150 դրամ արժեք: Մնացած բոլոր փաթեթները շարունակում են գործել նույն արժեքներով, միայն հունվար և փետրվար ամիսներին գնված անսահմանափակ փաթեթների դեպքում դրանք կգործեն հավելյալ 30 օր տևողությամբ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)