Հայարփին այսօր Լճկաձորում էր. վերադարձավ` գյուղատնտեսությամբ զբաղվող Դերենիկի այգուց խիստ տպավորված, ասում է` այնտեղ ծառեր կան, որ Կարմիր գրքում են գրանցված: Բացի դրանից, նա հյուրընկալվել է գրող, աշխարհագրագետ Ռուսլան Մալինյանին, որը հավաքագրել ու բառարանագիտական մշակման է ենթարկել Տավուշի տեղանունների վերաբերյալ նյութերը։

Արծվիկն էլ Բերդավանում էր. զրուցում էր մանկավարժ Սամսոն Խոջոյանի հետ ու, պահը բաց չթողնելով, օգտվում պատմության ուսուցչի այգու բերք ու բարիքից:

Լյուսին Կողբ է այցելել. նա ճշտել է, թե ինչ է սպասվում գյուղի հյուրերին Վարդավառի տոնին նվիրված միջոցառումների շրջանակում: Մեկ այլ տոնական իրադարձության` Ջանգյուլում փառատոնի մասին Լիլիթը զրուցել է Բերդավան հիմնադրամի ներկայացուցիչների հետ:

Մեկ էլ, մեր թիմը կրկին ընդլայնվել է. մեզ միացել է Մերին, որ բոլորիս իր հետ տանի Նոյեմբերյանի գողտրիկ գյուղերով: