04:21 - 13 սեպտեմբերի, 2022
Իրադրությունը հայ-ադրբեջանական սահմանին շարունակում է ծայրահեղ ծանր մնալ․ ՊՆ
Իրադրությունը հայ-ադրբեջանական սահմանին շարունակում է ծայրահեղ ծանր մնալ։ Քիչ առաջ այս մասին հայտնեց ՊՆ խոսնակ Արամ Թորոսյանը։
«Ադրբեջանական կողմի լայնածավալ սադրանքի արդյունքում սկսած փոխհրաձգությունը շարունակվում է չթուլացող ինտենսիվությամբ։ Հակակարոդը շարունակում է կիրառել հրետանային միջոցներ, ականանետեր, ԱԹՍ-ներ, խոշոր տրամաչափի հրաձագային զինատեսակներ։ Հարվածներ են հասցվում ինչպես ռազմական, այնպես էլ քաղաքացիական ենթակառուցվածքներին։ Որոշ ուղղություններով ադրբեջանական կողմը ձեռնարկել է դիրքային առաջախաղացման գործողություններ։ Դիրքային մարտերը շարունակվում են։ ՀՀ զինված ուժերը համարժեք պատասխան են հասցնում հակառակորդին և ամբողջ ծավալով կատարում են իրենց առջև դրված խնդիրները։ Հայկական կողմի կորուստների վերաբերյալ տեղեկությունները ճշտվում են»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)