azatutyun.am Եվրամիության երկրները նախնական համաձայնություն են տվել՝ Ուկրաինային 90 միլիարդ եվրոյի վարկի արգելափակման վերացման համար, իսկ Հունգարիան 24 ժամ ունի վերջնական հաստատման համար:
Բուդապեշտը հայտարարել էր, որ սպասում է նավթի մատակարարմանը «Դրուժբա» խողովակաշարով։ Կիևն, իր հերթին, այսօր արդեն հայտնել է, որ ամիսներ տևած վեճից հետո վերականգնվել է խողովակաշարի աշխատանքը:
«Դրուժբայով» նավթի մատակարարումները դադարել էին հունվարին՝ խողովակաշարին հասցված հարվածից հետո։
Հունգարիայի և Սլովակիայի կառավարությունները մեղադրում էին Կիևին «Դրուժբայի» վերանորոգման աշխատանքներն արհեստականորեն ձգձգելու համար։
Կիպրոսը, որը նախագահում է ԵՄ-ում, հայտնել է, որ 27 անդամ պետությունների դեսպանները համաձայնել են սկսել «գրավոր ընթացակարգ» վերջնական հաստատման համար։
