azatutyun.am ԱՄՆ Ներկայացուցիչների պալատը ձայների 262/159 հարաբերակցությամբ ընդունել է Իրանի և Ռուսաստանի վրա տնտեսական ճնշումը մեծացնելու նպատակով լայնածավալ պատժամիջոցներ և մաքսատուրքեր սահմանելու մասին օրինագիծը, որը կոչվել է հանգուցյալ սենատոր Լինդսի Գրեհեմի անունով, հաղորդում է Reuters-ը։
Գրեհեմի ներկայացրած «Ռուսաստանի և Իրանի նկատմամբ պատժամիջոցներ սահմանելու մասին Լինդսի Օ. Գրեհեմի 2026 թվականի օրենքը» Սենատում հաստատվել է անցյալ ամիս ձայների 86/11 հարաբերակցությամբ։
Չնայած օրենսդրությունը հիմնականում վերաբերում է Ռուսաստանին, այն երկարաձգում է նախկին նախագահ Բիլ Քլինթոնի կողմից 1996-ին ստորագրված Իրանի դեմ պատժամիջոցների մասին օրենքը։ 1996-ի օրենքի ժամկետը լրանում է 2026-ին, բայց այն երկարաձգվել է ևս հինգ տարով։
Տասնյակ դեմոկրատ ներկայացուցիչներ են միացել հանրապետականների մեծամասնությանը, որոնք կողմ են քվեարկել օրինագծին և այն ուղարկել նախագահ Դոնալդ Թրամփի ստորագրմանը, որպեսզի այն օրենքի ուժ ստանա։
Այս օրինագիծը թույլ է տալիս Ռուսաստանի էներգետիկ և պաշտպանական ոլորտների դեմ համապարփակ միջոցառումներ սահմանել, այդ թվում՝ մինչև 100% մաքսատուրքեր այն երկրների համար, որոնք շարունակում են ռուսական նավթ և գազ գնել:
