ՀՀ վարչապետ Նիկոլ Փաշինյանը ճեպազրույցի ժամանակ հստակեցրեց, որ «Խաղաղության խորհրդին» մասնակցության մասով ֆինանսական պարտավորություն չկա, կա կամավորություն։
Հիշեցնենք, որ այսօր Կառավարությունը վավերացրել է ԱՄՆ նախագահ Դոնալդ Թրամփի «Խաղաղության խորհրդի» կանոնադրությունը և այն ուղարկել ՍԴ։
ՀՀ ֆինանսների նախարարությունը հայտնել է, որ Խաղաղության խորհրդի կանոնադրությունով առկա են ՀՀ համար ֆինանսական պարտավորություններ նախատեսող դրույթներ՝ ՀՀ պետական բյուջեի ծախսերի ավելացման գծով։
Փաշինյանը, մեկնաբանելով սա, կարծիք հայտնեց, որ ՀՀ-ն պետք է դուրս գա «աղքատ ազգականի» կարգավիճակից, որ բոլոր տեղերը գնում է և «վիզը ծուռ՝ անկյունում կանգնածի» կարգավիճակում է։
«Մենք պետք է մեր չափով ներդրում ունենանք, ես կարծում եմ՝ պետք է մասնակցություն ունենանք, և մենք կունենանք մասնակցություն»,- ասաց նա։
