Մայիսի 27-ից հունիսի 2-ը Հայաստանի շախմատի ակադեմիայում անցկացվում է Հայաստանի շախմատի ֆեդերացիայի կողմից կազմակերպված Եվրոպայի մինչև 20 տարեկան պատանիների առաջնության ընտրական մրցաշարը։ Այս մասին տեղեկացնում են ֆեդերացիայից։
Հինգ խաղափուլից հետո մրցաշարի առաջատարներն են միջազգային վարպետներ Արսեն Դավթյանը և Բենիկ Ագասարովը, վարպետության թեկնածու Նարեկ Ղիմոյանը և ՖԻԴԵ-ի վարպետներ Մանվել Առաքելյանը և Էդգար Հայրապետյանը:
Միջազգային վարպետներ Ռոբերտ Փիլիպոսյանը և Էրիկ Գասպարյանը ունեն 3 միավոր:
Մրցաշարն անցկացվում է շվեյցարական մրցակարգով՝ 7 խաղափուլով:
Մրցաշարում առաջին հորիզոնականը զբաղեցրած մասնակիցը իրավունք կստանա Հայաստանի շախմատի ֆեդերացիայի միջոցներով մասնակցելու Եվրոպայի մինչև 20 տարեկան պատանիների առաջնությանը, որը կանցկացվի օգոստոսի 5-16-ը Մոնտենեգրոյում:
