arm.sputniknews.ru Ռոսսելխոզնադզորն Իրանին խնդրել է դադարեցնել Ռուսաստան արտահանվող ծաղիկների սերտիֆիկացումը: Այս մասին հայտնել են գերատեսչությունից։
Ռոսսելխոզնադզորում նշել են, որ 2026 թվականին Իրանից մատակարարված ծաղկային արտադրանքի ծավալը զգալիորեն գերազանցել է նախորդ տարվա նույն ժամանակահատվածի ցուցանիշները: Փաստաթղթերում ծագման երկիր է նշվել Իրանը, մինչդեռ արտադրանքն իր արտաքին բնութագրերով և փաթեթավորման առանձնահատկություններով նույնական է Հայաստանից մատակարարվողին։ Գերատեսչությունը հիշեցրել է, որ մայիսի 22-ից Հայաստանից Ռուսաստան ծաղիկների մատակարարումն արգելված է։
«Ռոսսելխոզնադզորն ավելի վաղ տեղեկացրել էր Իրանին ՀՀ ծաղկային արտադրանքի նկատմամբ գործող ժամանակավոր սահմանափակումների մասին», – ասված է հաղորդագրությունում:
Քանի որ իրանական կողմը դեռ չի արձագանքել, ծառայությունը Ռուսաստանի և ԵԱՏՄ անդամ պետությունների տարածքների բուսասանիտարական անվտանգությունն ապահովելու և Ռոսսելխոզնադզորի սահմանած արգելքներն ու սահմանափակումները պահպանելու նպատակով խնդրել է կասեցնել ծաղիկների սերտիֆիկացումը, մինչև երկկողմ բանակցություններ անցկացվեն և հարցը պարզաբանվի։
Շարունակությունը՝ սկզբնաղբյուր կայքում
