azatutyun.am Անցած գիշեր ռուսական զորքերը Ուկրաինայի ուղղությամբ արձակել են 131 անօդաչու թռչող սարք, որոնցից 107-ը խոցվել է, հայտնել են Ուկրաինայի զինված ուժերի Օդային ուժերը։
Դնեպրոպետրովսկի մարզային ռազմական վարչակազմի ղեկավար Ալեքսանդր Գանժան հայտնել է, որ ռուսական հարվածների հետևանքով Նիկոպոլի շրջանում մեկ մարդ է տուժել։ Նրա խոսքով՝ վնասվել են գյուղատնտեսական ձեռնարկություն, բենզալցակայան, խանութ, իսկ Կամենսկի շրջանում՝ ենթակառուցվածքներ։
Ռուս զինվորականները անօդաչու սարքով հարվածել են Խերսոնի Դնեպրովսկի շրջանում երթուղային միկրոավտոբուսի։ Վիրավորվել է 62-ամյա կին։
Խերսոնի մարզային ռազմական վարչակազմի ղեկավար Ալեքսանդր Պրոկուդինը հայտնել է, որ անցած մեկ օրվա ընթացքում Ռուսաստանը հարձակվել է մարզի բնակավայրերի կենսական և սոցիալական ենթակառուցվածքների, ինչպես նաև բնակելի թաղամասերի վրա։ Վնասվել է երեք բազմահարկ և ութ առանձնատուն։ Երեք մարդ զոհվել է, ևս 10-ը՝ վիրավորվել։
Շարունակությունը՝ սկզբնաղբյուր կայքում
