azatutyun.am Հորմուզի նեղուցի շուրջ Օմանի հետ բանակցություններում համաձայնության ձեռք բերումը հետաձգվում է ԱՄՆ միջամտության և ռազմական գործողությունների սպառնալիքների պատճառով, իրանական Sepah News-ին ասել է բանակցություններին ծանոթ իրանցի պաշտոնյան, ում անունը չի նշվում։
«Օմանի հետ Հորմուզի նեղուցի վերաբերյալ գործարքի հետաձգման հիմնական պատճառը ԱՄՆ միջամտությունն ու Թրամփի սպառնալիքներն են», – ասել է պաշտոնյան՝ հավելելով, թե համաձայնագրի ձեռք բերումը կհետաձգվի այնքան ժամանակ, «քանի դեռ գոյություն ունեն ԱՄՆ միջամտությունը և Իրանի դեմ ռազմական հարձակման սպառնալիքները»։ Իրանցի պաշտոնյան հավելել է, որ «Իրանը սպառնալիքների պայմաններում որևէ համաձայնագիր չի կնքի»։
Իրանի պետական Press TV հեռուստաալիքն իր հերթին հաղորդում է, որ Իրանի և Օմանի միջև բանակցությունները մտել են «նոր փուլ», և կողմերը մոտ են փոխըմբռնման։ Հղում անելով իրանցի բարձրաստիճան պաշտոնյայի՝ հեռուստաալիքը հայտնել է, որ բանակցությունների «նպատակն է Հորմուզի նեղուցով միջին միջանցք ստեղծել՝ անվտանգ նավարկություն ապահովելու և Իրանի՝ որպես ափամերձ պետության իրավունքները պաշտպանելու համար»։ Ըստ պաշտոնյայի՝ գործարկվելուց հետո նոր միջանցքը կփոխարինի ինչպես գոյություն ունեցող հյուսիսային, այնպես էլ հարավային երթուղիներին։
Շարունակությունը՝ սկզբնաղբյուր կայքում
