azatutyun.am Ռուսաստանցի իրավապահներն այսօր Սանկտ-Պետերբուրգում օտարերկրացու են ձերբակալել,- «ծայրահեղականության ֆինանսավորման» մեղադրանքով։
«Ազատության» ռուսական ծառայության տեղեկություններով ձերբակալվածը Գերմանիայի քաղաքացի Իգոր Լեոնովիչն է։ Նրան մեղադրում են 2024-ին բանտում մահացած Ալեքսեյ Նավալնու հիմնադրած Կոռուպցիայի դեմ պայքարի հիմնադրամին 900 ռուսական ռուբլի (10 ԱՄՆ դոլար) փոխանցելու համար։
Ռուսական ընդդիմադիր մամուլի տեղեկություններով՝ Լեոնովիչը մասնագիտությամբ ֆիթնես-մարզիչ է, Պետերբուրգում գործող մի շարք մարզասրահների սեփականատեր։ Նա Սանկտ-Պետերբուրգում է բնակվում արդեն ավելի քան 10 տարի։
