ՀՀ ազգային ժողովում ավարտվեցին և ամփոփվեցին մշտական հանձնաժողովների նախագահների ընտրությունների արդյունքները:
Ըստ արդյուքնների՝ ԱԺ հանձնաժողովների նախագահների պաշտոններում «Ուժեղ Հայաստան»-ի առաջադրած թեկնածուներից ոչ մեկը չի ընտրվել:
Մասնավորապես՝ Տարածքային կառավարման և շրջակա միջավայրի պահպանության հարցերի մշտական հանձնաժողովի նախագահի պաշտոնում ընտրվելու համար Դավիթ Ղազինյանին և Եվրոպական ինտեգրման հարցերի մշտական հանձնաժողովի նախագահի պաշտոնում ընտրվելու համար Արեգա Հովսեփյանին կողմ է եղել 40, դեմ՝ 62 պատգամավոր, իսկ Ֆինանսավարկային և բյուջետային հարցերի մշտական հանձնաժողովի նախագահի պաշտոնում Հայկ Ֆարմանյանի ընտրվելուն՝ կողմ 40, դեմ 61:
ԱԺ հանձնաժողովների նախագահների պաշտոններում առաջադրված ընդդիմադիր թեկնածուներից ընտրվեց միայն «Հայաստան» դաշինքից Լիլիթ Գալստյանը՝ որպես Մարդու իրավունքների պաշտպանության և հանրային հարցերի մշտական հանձնաժողովի նախագահ:
Միաժամանակ «Քաղաքացիական պայմանագիր» խմբակցության առաջադրած բոլոր թեկնածուներն ընտրվեցին:
- Առողջապահության հարցերի մշտական հանձնաժողովի նախագահ – Լուսինե Բադալյան
- Արտաքին հարաբերությունների մշտական հանձնաժողովի նախագահ – Սարգիս Խանդանյան
Կրթության, գիտության, մշակույթի, սպորտի և սփյուռքի հարցերի մշտական հանձնաժողովի նախագահ – Սիսակ Գաբրիելյան - Տնտեսական հարցերի մշտական հանձնաժողովի նախագահ Բաբկեն Թունյան
- Պետական-իրավական հարցերի մշտական հանձնաժողովի նախագահ – Արուսյակ Ջուլհակյան
- Պաշտպանության և անվտանգության հարցերի մշտական հանձնաժողովի նախագահ – Վիլեն Գաբրիելյան
- Աշխատանքի և բարեկեցության հարցերի մշտական հանձնաժողովի նախագահ – Նազելի Բաղդասարյան
- Տարածաշրջանային և եվրասիական ինտեգրման հարցերի մշտական հանձնաժողովի նախագահ – Տրդատ Սարգսյան (ՔՊ)
