Սեպտեմբերի 1-ին՝ ժամը 02:55-ի սահմաններում, ԱՆ «Արմավիր» քրեակատարողական հիմնարկի դիտաշտարակներից մեկում ծառայություն իրականացնող պահպանության ապահովման բաժնի ծառայողը տեղեկացրել է, որ նկատել է անօդաչու թռչող սարք (դրոն): Այս մասին հայտնում են Քրեակատարողական ծառայությունից։
«Իրականացված զննության արդյունքում հիմնարկի երկու տեղամասերի միջնամասից հայտնաբերվել է մեկ պոլիէթիլենային փաթեթ, որում առկա են եղել 2 բջջային հեռախոս, 1 ականջակալ, 1 wi-fi սարք և 1 USB լար:
Դեպքի առթիվ նախապատրաստվում են նյութեր»,- ասված է հաղորդագրությունում։
