armenpress.am Սաուդյան Արաբիայի մայրաքաղաք Էր Ռիադում սեպտեմբերի 19-ի վաղ առավոտյան պայթյուններ են լսվել այն բանից հետո, երբ երկրի քաղաքացիական պաշտպանության ծառայությունը նախազգուշացրել է «թշնամական օդային սպառնալիքի» մասին։ Ինչպես հաղորդում է Associated Press գործակալությունը, արտակարգ իրավիճակի մասին նախազգուշացումներ են տարածվել նաև Սաուդյան Արաբիայի մի շարք այլ շրջաններում։ Էր Ռիադում ահազանգը հնչել է երկու անգամ, որից հետո իշխանությունները հայտարարել են վտանգի վերացման մասին։
Սաուդյան Արաբիայի քաղաքացիական պաշտպանության ծառայությունը բնակիչներին հորդորել է շարունակել հետևել անվտանգության ցուցումներին, չհավաքվել հնարավոր միջադեպի վայրում և ձեռք չտալ ընկած առարկաներին։ Ծառայության համապատասխան հաղորդագրությունը հրապարակվել է նաև նրա պաշտոնական էջում։
Շարունակությունը՝ սկզբնաղբյուր կայքում
