factor.am: Ադրբեջանի նախագահ Իլհամ Ալիևի օգնական, աշխատակազմի արտաքին քաղաքականության բաժնի ղեկավար Հիքմեթ Հաջիևը հանդիպել է Ադրբեջանում Իրանի դեսպան Սեիդ Աբբաս Մուսավիի հետ։ Այս մասին հայտնում են ադրբեջանական լրատվամիջոցները՝ վկայակոչելով Իրանի դեսպանատան հայտարարությանը։
Նշվում է, որ հանդիպման ընթացքում մտքերի փոխանակություն է տեղի ունեցել երկկողմ հարաբերությունների, Հարավային Կովկասի գործընթացների, Հայաստանի և Ադրբեջանի միջև խաղաղ բանակցությունների հեռանկարների, ինչպես նաև պաղեստինա-իսրայելական հակամարտության, իսլամական երկրների միջև փոխգործակցության անհրաժեշտության վերաբերյալ։
