news.am: Ինձ տեղեկացրել են Մինեսոտայում տեղի ունեցած սարսափելի կրակոցների մասին, որը, կարծես, նպատակային հարձակում է եղել նահանգային օրենսդիրների վրա: Truth Social սոցիալական ցանցում գրել է ԱՄՆ նախագահ Դոնալդ Թրամփը։

«Մեր գլխավոր դատախազ Փեմ Բոնդին և ՀԴԲ-ն հետաքննություն են անցկացնում և օրենքի ողջ խստությամբ կհետապնդեն բոլոր ներգրավվածներին։ Ամերիկայի Միացյալ Նահանգները նման սարսափելի բռնություն չի հանդուրժի։ Աստված օրհնի Մինեսոտայի հզոր ժողովրդին, որը իսկապես հրաշալի վայր է»,- ասել է նա։

Ավելի վաղ Մինեսոտայի նահանգապետ Թիմ Ուոլզը հայտարարել էր, որ Ներկայացուցիչների պալատի նախկին խոսնակ Մելիսա Հորթմանը և նրա ամուսինը սպանվել են քաղաքական դրդապատճառներով մահափորձի ժամանակ։

Երկրորդ օրենսդիրը և նրա կինը հրազենային վնասվածքներ են ստացել։

Վիրավոր օրենսդիրը նույնականացվել է որպես նահանգային սենատոր Ջոն Հոֆման, դեմոկրատ, որն առաջին անգամ ընտրվել է 2012 թվականին։ Նա ղեկավարում է Hoffman Strategic Advisors խորհրդատվական ընկերությունը։

Պաշտոնյաները հայտնել են, որ կասկածյալը իրավապահ մարմինների աշխատակցի հագուստով է եղել։