ՀՀ արտակարգ դրության իրավական ռեժիմի պարետի որոշմամբ՝ Վանաձորի «Գլորիա» ֆաբրիկան կփակվի 72 ժամով: Այս մասին «Ֆեյսբուք»-ի իր էջում գրել է ՀՀ վարչապետ Նիկոլ Փաշինյանը:
«Վանաձորի «Գլորիա» ֆաբրիկան պարետի որոշմամբ վաղը առավոտվանից կփակվի 72 ժամով»,- գրել է վարչապետը:
Փաշինյանն ավելի վաղ լուսանկար էր հրապարակել Վանաձորի «Գլորիա» ֆաբրիկայի աշխատակիցների տուն գնալու ընթացքից, որին կից գրել էր. «Վանաձորի «Գլորիա» ֆաբրիկայի աշխատողները տուն գնալիս։ Ահա թե ովքեր և ինչպես են ապահովում ռեկորդային թվեր Հայաստանի համար»:
