15։42- Թուրքիայի մեջլիսի նախագահը հայտնել է, որ այս պահին կորոնավիրուսից բուժվում են 9 պատգամավոր։ Նրա խոսքով՝ ներկայում վարակից բուժում են ստանում նաև խորհրդարանի աշխատակազմի 35 աշխատակից։ |ermenihaber.am|
14։32- Օգոստոսի 5-ին Ղրիմում գրանցվել է կորոնավիրուսով վարակման 39 դեպք: Դրանցից 16-ը հայտնաբերվել են բժշկական օգնության համար դիմելու ժամանակ, 17-ը՝ ավելի վաղ գրանցված հիվանդների հետ շփվածների թվում, վեցը՝ առողջ մարդկանց հետազոտման ժամանակ։ |armenpress.am|
12։02- Օգոստոսի 6-ի դրությամբ Վրաստանում կորոնավիրուսի 9 նոր դեպք է գրանցվել, ընդհանուր դեպքերի քանակը երկրում 1,206 է: Բուժվել է ևս 13 պացիենտ, և ընդհանուր հաշվով՝ վարակը հաղթահարել է 987 մարդ: Վարակից երկրում մահացել է 17 մարդ: |aliq.ge|
10։43- Հույները պետք է առավել խիստ, քան երբևէ հետևեն հակահամաճարակային կանոններին, որպեսզի կանխեն վարակի տարածումը։ Այս մասին ասել է երկրի վարչապետը՝ զգուշացնելով, որ հակառակ դեպքում ստիպված կլինեն վերադառնալ սահմանափակումների մի մասին։ Երեկ Հունաստանում գրանցվել է վարակի 124 նոր դեպք, որոնց մեծ մասն ունի տեղական ծագում։ |reuters.com|
10։40- Թուրքիայում օգոստոսի 5-ին կորոնավիրուսից մահացել է 19 մարդ, հաստատվել է 1,178 նոր դեպք, առողջացել՝ 1,015 մարդ։ Երկրում մինչև այժմ ընդհանուր առմամբ արձանագրվել է վարակման 236,112 և մահվան 5,784 դեպք։ |ermenihaber.am|
09։26- Կորոնավիրուսի համավարակի սկզբից ի վեր վարակվել է մոլորակի ավելի քան 18.7 միլիոն բնակիչ, մահացել՝ 706 հազարը: Իրավիճակն առավել լարված է շարունակում մնալ ԱՄՆ-ում, Բրազիլիայում և Հնդկաստանում։ Ղրղզստանը բժշկական անձնակազմի շրջանում վարակվածների թվով աշխարհում ամենաբարձր ցուցանիշներից մեկն ունի։ Մոսկվայի քաղաքապետը հայտարարել է, որ քաղաքում դիմակներ կրելը պարտադիր կմնա ևս մի քանի ամիս: |azatutyun.am|
Նորություններ կորոնավիրուսի մասին, աշխարհ, 07․08․20
