«Հարավկովկասյան երկաթուղիներ» ընկերության մամուլի քարտուղար Ռուբեն Գրդզելյանը ֆեյսբուքյան իր էջում անդրադարձել է «Բարգավաճ Հայաստան» խմբակցության անդամների կողմից հնչած որոշ քննադատությունների:
««Բարգավաճ Հայաստան»-ի մեր գործընկեր պատգամավորներին, որ երեկ տարակուսում էին ՀԿԵ բյուջետային սուբսիդավորման համար 351 միլիոն դրամի չափով, տեղեկացնեմ, որ էլ միամիտ հարցեր չտան.
Սուբսիդավորումը վերաբերվում է ուղևորափոխադրումներին: Դրանք բոլոր երկրներում վնասաբեր են և կամ իրականացվում են պետության կողմից, կամ մինչև 100 տոկոս սուբսիդավորվում է պետական բյուջեից:
ՀՀ-ում պետբյուջեից սուբսիդավորվում է այդ վնասի միայն 12 տոկոսը, 88 տոկոսը՝ մասնավոր կազմակերպությունը՝ ՀԿԵ-ն:
Այսինքն, մասնավոր կազմակերպությունը, այն էլ արտասահմանյան բաժնետեր ունեցող, սոցիալական գործառույթ է իրականացնում տարեկան մի քանի միլիարդ դրամի չափով»,- մասնավորապես գրել է նա:
comment.count (0)