22:15- Չեռնոգորիան դարձել է եվրոպական առաջին երկիրը, որն իրեն հռչակել է «կորոնավիրուսից ազատ» երկիր, հաղորդում է AP-ը: Երկիրը թույլատրել է 131 պետություններից օտարերկրացիների մուտքը առանց որեւէ սահմանափակումների: |news.am|
19:15- Վրաստանը չի կարող բացել սահմանը այն երկրների՝ այդ թվում Հայաստանի զբոսաշրջիկների համար, որտեղ կորոնավիրուսի բարձր տարածվածություն կա: [Հիվանդությունների վերահսկման ազգային կենտրոնի ղեկավար Ամիրան Գամկրելիձե] |azatutyun.am|
17։33- Իրանում կորոնավիրուսի հունիսի 1-ի վիճակագրական տվյալները.
Վարակակիրների թիվն ավելացել է 2.979-ով
Ընդհանուր՝ 154.445
Մահացածների թիվն ավելացել է 81-ով
Ընդհանուր՝ 7.878
Ապաքինվածների թիվն ավելացել է 2.156-ով
Ընդհանուր՝ 121.004
[Իրանում ՀՀ դեսպանություն]
14։18- Ադրբեջանում կորոնավիրուսով վարակվածների ընդհանուր թիվը հասել է 5 հազար 494-ի: Երեկ հրապարակված տվյալներով՝ նոր վարակակիրների թիվը 248 էր, զոհերի թիվը հասել է 63-ի: Երկրում մարտի 29-ին սահմանված կարանտինային ռեժիմը երկարաձգվել է մինչև հունիսի 15-ը, սակայն ապրիլի 27-ին վերաբացվել են խանութները և մի շարք ձեռնարկություններ, մայիսից էլ վերսկսվել է երկաթգծի աշխատանքը: |azatutyun.am|
12։59- Այսօրվանից Վրաստանում աշխատանքը վերսկսել կկարողանան բոլոր տեսակի խանութները, խոշոր առևտրի կենտրոնները, բաց և փակ շուկաները, ինչպես նաև բացօթյա ռեստորաններն ու սրճարանները: Պարտադիր է դիմակ կրելը: Ռեստորաններում ու սրճարաններում սեղանների միջև հեռավորությունը պետք է լինի նվազագույնը 2 մետր: Նույն սեղանի շուրջ չի թույլատրվում 6-ից ավել մարդու նստելը: Հունիսի 8-ից երկրում աշխատանքը կկարողանան սկսել նաև փակ տեսակի ռեստորանները, և կվերականգնվի միջքաղաքային երթևեկությունը: |aliq.ge|
10։44- Կորոնավիրուսով վարակվածների թվով առաջին տեղում գտնվող ԱՄՆ-ում 1 միլիոն 837 հազար 170 հաստատված դեպք կա: Այստեղ մահացածների թիվը 106 հազար 195 է: Ընդհանուր ցուցանիշով երկրորդ տեղում հայտնված Բրազիլիայում հաստատված դեպքերի թիվը հասել է 514 հազար 992-ի, մահերինը՝ 29 հազար 341-ի: Հաջորդ տեղում Ռուսաստանն է, որտեղ ընդհանուր առմամբ կորոնավիրուսով վարակվել է 405 հազար 843 մարդ: Երկրում վարակի հետևանքով մահացել է նրանցից 4 հազար 693-ը: |armenpress.am|
10։30- Թուրքիայում մայիսի 31-ին կորոնավիրուսից մահացել է 25 մարդ։ 1 օրվա ընթացքում հաստատվել է կորոնավարակի 839 նոր դեպք, գրանցվել է ապաքինման 989 դեպք: Թուրքիայում մինչև օրս համավարակից ապաքինվել է 127.973 մարդ, արձանագրվել է վարակման 163․942, իսկ մահվան 4․540 դեպք։ |ermenihaber.am|
10։12- Վրաստանում կորոնավիրուսի վարակի հաստատված դեպքերն՝ ըստ վերջին տվյալների․
Հաստատված դեպքեր – 794 (+11)
Առողջացածներ- 624
Մահեր- 12 |stopcov.ge|
09։47- Աշխարհում կորոնավիրուսային վարակի դեպքերի թիվը գերազանցում է 6 միլիոն 170 հազարը, հիվանդությունից մահացել է ավելի քան 372 հազար մարդ, բուժվել՝ 2 միլիոն 642 հազարը: Բրազիլիայում վարակի նոր դեպքերի և մահածների թվերը շարունակում են աճել: Մահացության ցուցանիշով Բրազիլիան չորրորդ տեղում է՝ Միացյալ Նահանգներից, Մեծ Բրիտանիայից և Իտալիայից հետո: |azatutyun.am|
Նորություններ կորոնավիրուսի մասին, աշխարհ, 02․06․20
