14:00- Սեպտեմբերի 25-ի դրությամբ՝ Վրաստանում կորոնավիրուսով վարակի 265 նոր դեպք է գրանցվել. ընդհանուր դեպքերի քանակը երկրում 4664 է: Վրաստանում այսօր կորոնավիրուսից բուժվել է ևս 54 պացիենտ և ընդհանուր հաշվով՝ վարակը հաղթահարել է 1759 մարդ: Վարակից երկրում մահացել է 27 մարդ: |aliq.ge|
13:10- Կորոնավիրուսային համավարակով պայմանավորված՝ կտրուկ աճել է բազմաչափ աղքատության մեջ ապրող երեխաների թիվը՝ հասնելով գրեթե 1,2 միլիարդի։ Սրա մասին է խոսվում ՅՈՒՆԻՍԵՖ-ի և Սեյվ դը Չիլդրենի նոր վերլուծության մեջ։ Վերլուծության մեջ ներառված երկրներում մինչև կորոնավիրուսային համավարակը երեխաների 45%-ը ծայրահեղ խոցելի են եղել առնվազն մեկ չափելի դրսևորման ուղղությամբ։ Կորոնավիրուսի տարածումը կանխարգելելու համար ներդրված արգելափակումները միլիոնավոր երեխաների ավելի խորը աղքատության մեջ են գցել։ |forrights.am|
13:00- Թուրքիայում սեպտեմբերի 24-ին կորոնավիրուսից մահացել է 74 մարդ։ 1 օրում հաստատվել է կորոնավարակի 1․721 նոր դեպք, գրանցվել է ապաքինման 1.241 դեպք: Մինչև օրս համավարակից ապաքինվել է 271.964 մարդ, արձանագրվել է վարակման 309.790 և մահվան 7․785 դեպք։ |ermenihaber.am|
12:10- ՄԱԿ-ի գլխավոր քարտուղար Անտոնիո Գուտերեշը կորոնավիրուսն անվանել է «թիվ մեկ սպառնալիքն» աշխարհում: Ողջ աշխարհում նոր դեպքերի թիվը շարունակում է աճել և անցել է 32 միլիոնից, համաճարակի զոհերի թիվը մոտենում է 982 հազարին: Նոր դեպքերի ռեկորդային աճ է գրանցվել Ֆրանսիայում և Մեծ Բրիտանիայում: Կանադայի վարչապետը հայտարարել է համաճարակի երկրորդ ալիքի մասին, որը կարող է շատ ավելի մեծ լինել, քան գարնանը: |azatutyun.am|
10:05- Բրազիլիայում կորոնավիրուսի համավարակի պատճառով չեղարկվել է ամենամյա կառնավալը։ Բրազիլիան աշխարհում կորոնավիրուսից ամենաշատ տուժած երկրներից է․ վերջին տվյալներով երկրում հաստատվել է կորոնավիրուսի 4 659 909 դեպք, որոնցից 139 883-ը՝ մահվան ելքով։ |tert.am|
10:03- Իտալական «Միլանի» շվեդ հարձակվող Զլատան Իբրահիմովիչը վարակվել է կորոնավիրուսով: Ավելի վաղ կորոնավիրուսով էր վարակվել նաև «Միլանի» մեկ այլ ֆուտբոլիստ՝ պաշտպան Լեոնարդո Դուարտեն: Երկու ֆուտբոլիստներն էլ բաց կթողնեն իրենց թիմի առաջիկա հանդիպումները: |armtimes.com|
10:00- Մոսկվայում վարակված անձանց հոսպիտալացման կտրուկ աճ է գրանցվում։ Սա այն մասին է խոսում, որ իրավիճակն, իրոք, բարդանում է: Եվ, իհարկե, մեզ անհրաժեշտ է առաջին հերթին զգույշ լինել, երկրորդը՝ խստորեն հետևել բժշկական ցուցումներին։ [Մոսկվայի քաղաքապետ Սերգեյ Սոբյանին] |tert.am|
Նորություններ կորոնավիրուսի մասին, աշխարհ, 26․09․20
