factor.am: Թուրքիայի ԱԳ նախարար Մևլութ Չավուշօղլուն հայտարարել է, որ ՄԱԿ-ի, ՌԴ-ի, Ուկրաինայի և Թուրքիայի ներկայացուցիչների հանդիպումը կարող է տեղի ունենալ առաջիկա օրերին՝ հումանիտար հարցերով կոնտակտային խմբի շրջանակում, գրում է ՏԱՍՍ-ը։
«Մենք նախատեսում ենք առաջիկա օրերին հանդիպում տեխնիկական մակարդակով»,- ասել է Չավուշօղլուն։
Հանդիպման անցկացման վայրը չի հստակեցվում։
Չավուշօղլուն նաև հիշեցրել է, որ նման խումբ առաջարկել է ստեղծել ՄԱԿ-ի գլխավոր քարտուղար Անտոնիո Գուտերեշը։
