Համայնքների միավորման գործընթացն իր դրական արդյունքները սկսում է տալ. Գնել Սանոսյան
 |1lurer.am|
12:40 - 15 հունիսի, 2022

Համայնքների միավորման գործընթացն իր դրական արդյունքները սկսում է տալ. Գնել Սանոսյան |1lurer.am|

1lurer.am: ՏԿԵ նախարարությունը 2021 թվականին իրականացրել է 22 ծրագիր և 160 միջոցառում, որոնց համար ծախսել է 243․8 միլիարդ դրամ։ Կատարողականը կազմել է 94․5 տոկոս։ Այս մասին այսօր ԱԺ նիստում հայտնեց նախարար Գնել Սանոսյանը։

«Ծախսային մասը կազմել է 201․4 միլիարդ դրամ։ Այս թիվը 23 միլիարդ 100 միլիոն դրամով ավելի է, քան 2020 թվականին էր»,- ասաց Սանոսյանը։

Խոսելով համայնքների միավորման բարեփոխումների մասին՝ Սանոսյանը նշեց, որ 2021 թվականին 441 բնակավայր միավորվեց 38 համայնքային փնջերում։

«Վերլուծությունները ցույց են տալիս, որ միավորման, խոշորացման գործընթացն իր դրական էֆեկտները սկսում է տալ, և դրանք շատ տեսանելի են»,- ասաց Սանոսյանը՝ թվարկելով ծախսերի կրճատման, ծրագրերի իրականացման արդյունավետության հետ կապված հարցերը։

Սանոսյանն անդրադարձավ նաև սուբվենցիոն ծրագրերին։ Նա նշեց, որ դրանք ակտիվ կերպով ընթանում են։

«2021 թվականին իրականացվել, ավարտվել է 605 սուբվենցիոն ծրագիր, ընդհանուր գումարը՝ 24․3 միլիարդ դրամ։ Կառավարության մասնակցությունը 13․6 միլիարդ դրամ է»,- ասաց նա։

 

Հետևե՛ք մեզ նաև Telegram -ում


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել