ՈՒԵՖԱ

Հայաստանի ֆուտբոլի ընտրանին հաղթեց Ազգերի լիգայի ենթախմբի վերջին խաղում

Ֆուտբոլի Ազգերի լիգայի C4 ենթախմբի որակավորման վերջին տուրում Հայաստանի հավաքականն արտագնա խաղում մրցեց Լատվիայի ընտրանու հետ: Հայաստանի ֆուտբոլի հավաքականը հաղթեց Լատվիային 2։1 հաշվով։ Հայաստանի հավաքականը մրցաշարային աղյուսակում գրավեց 2-րդ հորիզոնականը: Այս խմբում 16 միավորով առաջին տեղում Հյուսիսային Մակեդոնիան է: Ֆարերյանը կղզիները 3-րդն է, իսկ Լատվիան վերջին տեղում է:

20:01 - 17 նոյեմբերի, 2024

Կոնֆերենցիաների լիգա․ վիճակահանության արդյունքները |sport.news.am|

sport.news.am: Տեղի ունեցավ ֆուտբոլի Կոնֆերենցիաների լիգայի հիմնական փուլի վիճակահանությունը։ 36 թիմ կպայքարի փլեյ-օֆֆի ուղեգրերի համար։ 1-8-րդ տեղերը զբաղեցրած թիմերը կնվաճեն 1/8-րդ եզրափակիչի ուղեգրեր։ 9-24-րդ տեղերը թիմերը անցումային հանդիպումներում կվիճարկեն մնացած 8 ուղեգրերը։ Հայաստանի փոխչեմպիոն «Նոայի» մրցակիցներն են Լոնդոնի «Չելսին» (արտագնա խաղ), Կիպրոսի ԱՊՕԵԼ-ը (տնային խաղ), Ավստրիայի «Ռապիդը» (արտագնա խաղ), չեխական «Մլադա Բոլեսլավը» (տնային խաղ), սերբական «Բաչկա Տոպոլան» (արտագնա խաղ), իսլանդական «Վիկինգուր Ռեյկյավիկը» (տնային խաղ)։

18:24 - 30 օգոստոսի, 2024

«Նոա»-ն ֆուտբոլային ակումբը հանդես կգա Կոնֆերենցիաների լիգայի խմբային փուլում

«Նոա»-ն ֆուտբոլային ակումբը հանդես կգա Կոնֆերենցիաների լիգայի խմբային փուլում։ ՈՒԵՖԱ-ի Կոնֆերենցիաների լիգայի փլեյ-օֆֆ փուլի պատասխան խաղում Երևանի «Նոա»-ն ֆուտբոլային ակումբը մրցակցի հարկի տակ 1։3 հաշվով պարտվել է Սլովակիան ներկայացնող «Ռուժոմբերոկին» ֆուտբոլային ակումբին, բայց ընդհանուր դիմակայությամբ 4։3 հաշվով հաղթանակով դուրս է եկել Կոնֆերենցիաների լիգայի խմբային փուլ։

22:52 - 29 օգոստոսի, 2024

Հայտնի է ԵՎՐՈ-2024-ի խորհրդանշական հավաքականը |sport.mediamax.am|

sport.mediamax.am: ՈւԵՖԱ-ն ներկայացրել է Եվրոպայի առաջնության խորհրդանշական հավաքականը։ Դարպասապահը Մայք Մենյանն է (Ֆրանսիա): Պաշտպաններ՝ Մարկ Կուկուրելա (Իսպանիա), Ուիլյամ Սալիբա (Ֆրանսիա), Մանուել Ականջի (Շվեյցարիա) եւ Քայլ Ուոքեր (Անգլիա): Կիսապաշտպաններ՝ Ֆաբիան Ռուիզ, Դանի Օլմո, Ռոդրի (բոլորն էլ Իսպանիա): Հարձակվողներ՝ Նիկո Ուիլիամս (Իսպանիա), Ջամալ Մուսիալա (Գերմանիա), Լամին Յամակ (Իսպանիա)։ Մի քանի օր առաջ ավարտված առաջնությունում 4-րդ անգամ Եվրոպայի չեմպիոնի կոչումը նվաճել էր Իսպանիայի ընտրանին, որը եզրափակչում 2։1 հաշվով ուժեղ էր Անգլիայից։

13:02 - 17 հուլիսի, 2024

Նիկոլ Փաշինյանը հանդիպում է ունեցել ՈՒԵՖԱ-ի նախագահ Ալեքսանդր Չեֆերինի հետ․ ՀՀ կառավարություն

Աշխատանքային այցով Բեռլինում գտնվող վարչապետ Նիկոլ Փաշինյանը հանդիպում է ունեցել ՈՒԵՖԱ-ի նախագահ Ալեքսանդր Չեֆերինի հետ: Այս մասին հայտնում են ՀՀ կառավարության մամուլի ծառայությունից․«Զրուցակիցները քննարկել են Հայաստանում ֆուտբոլի զարգացմանը վերաբերող հարցեր: Նշելով, որ ՀՀ կառավարությունը կարեւորում է մեր երկրում ֆուտբոլի եւ ընդհանրապես առողջ ապրելակերպի զարգացումը՝ Նիկոլ Փաշինյանը նշել է, որ պետությունն այդ նպատակով Հայաստանի ֆուտբոլի ֆեդերացիայի հետ համագործակցությամբ աշխատանքներ է տանում ենթակառուցվածքների բարելավման ուղղությամբ: Վարչապետը հիշեցրել է, որ Հայաստանի ու Վրաստանի ֆեդերացիաները որոշել են դիմել ՖԻՖԱ՝ 2029 թվականին անցկացվելիք Աշխարհի երիտասարդական առաջնությունը համատեղ ուժերով անցկացնելու նպատակով: Վարչապետը հույս է հայտնել, որ համատեղ հայտը կբավարարվի եւ հավելել, որ ակնկալվում է նաեւ ՈւԵՖԱ-ի աջակցությունն այդ հարցում: Ալեքսանդր Չեֆերինը նշել է, որ ՈՒԵՖԱ-ն սերտորեն համագործակցում է ՀՖՖ-ի հետ՝ ի նպաստ մեր երկրում ֆուտբոլի զարգացման ու առաջընթացի: Նա համոզմունք է հայտնել, որ ՀՀ կառավարության ենթակառուցվածքների բարելավման քայլերը եւս նոր ազդակ կհաղորդեն երկրում այս մարզաձեւի առաջընթացին: Ալեքսանդր Չեֆերինը հավելել է, որ ՈՒԵՖԱ-ն պաշտոնապես աջակցում է Հայաստանի եւ Վրաստանի՝ Աշխարհի երիտասարդական առաջնությյունն անցկացնելու համատեղ հայտին: Մտքեր են փոխանակվել նաեւ Գերմանիայում անցկացվող ֆուտբոլի Եվրոպայի առաջնության շուրջ», - նշված է հայտարարությունում։

16:09 - 14 հուլիսի, 2024

ՈՒԵՖԱ-ն երկու խաղով որակազրկել է Թուրքիայի հավաքականի ֆուտբոլիստ Մերիհ Դեմիրալին

ՈՒԵՖԱ-ն այսօր՝ Թուրքիայի՝ Նիդեռլանդների դեմ քառորդ եզրափակչի խաղից մեկ օր առաջ, հայտարարել է Թուրքիայի հավաքականի ֆուտբոլիստ Մերիհ Դեմիրալին երկու խաղով որակազրկելու մասին։ Այս մասին հայտնում է CNN-ը։ Թուրքիայի ֆուտբոլի ֆեդերացիայից նշել են, որ իրենց իրավաբանական բաժինն աշխատում է այս որոշման բողոքարկման ուղղությամբ։ Հիշեցնենք, որ ֆուտբոլի Թուրքիայի ազգային հավաքականի պաշտպան Մերիհ Դեմիրալը Եվրոպայի առաջնության շրջանակներում Ավստրիայի հետ հանդիպմանը «Գորշ գայլերի» ժեստն էր ցույց տվել։ Այս դեպքի առնչությամբ Թուրքիայի դեսպանը կանչվել էր Գերմանիայի ԱԳՆ։

17:33 - 05 հուլիսի, 2024

«Բարսելոնան» և «Սպորտինգը» մայիսի 3-ին կխաղան Երևանում Ֆուտզալի ՉԼ-ի եզրափակչում

Կարեն Դեմիրճյանի անվան մարզահամերգային համալիրում կայացել է ՈՒԵՖԱ-ի ֆուտզալի Չեմպիոնների լիգայի կիսաեզրափակիչների վիճակահանությունը: Հայտնի են ՈՒԵՖԱ-ի Ֆուտզալի Չեմպիոնների լիգայի կիսաեզրափակչի զույգերը: «Մայիսի 3-ին Երևանում կխաղան իսպանական «Բարսելոնան» և պորտուգալական «Սպորտինգը», մյուսում՝ պորտուգալական «Բենֆիկան» և իսպանական «Մայորկան»: Եզրափակիչն ու երրորդ տեղի խաղը կկայանա մայիսի 5-ին»,- Ֆեյսբուքում գրել է վարչապետի աշխատակազմի ղեկավար Արայիկ Հարությունյանը:

18:24 - 14 մարտի, 2024

Քննարկվել է Երևանում ՈՒԵՖԱ-ի Ֆուտզալի Չեմպիոնների լիգայի 2024 թ. եզրափակչի նախապատրաստական աշխատանքների ընթացքը

Վարչապետի աշխատակազմի ղեկավար Արայիկ Հարությունյանի մոտ տեղի է ունեցել քննարկում՝ նվիրված Հայաստանում ՈՒԵՖԱ-ի Ֆուտզալի Չեմպիոնների լիգայի 2024 թվականի եզրափակիչն անցկացնելու նախապատրաստական աշխատանքներին: Քննարկմանը մասնակցել են ԿԳՄՍ նախարարի տեղակալ Կարեն Գիլոյանը, Հայաստանի ֆուտբոլի ֆեդերացիայի նախագահ Արմեն Մելիքբեկյանը, Կարեն Դեմիրճյանի անվան մարզահամերգային համալիրի տնօրեն Կարեն Ղազարյանը և այլք: Ինչպես նշել է ՀՖՖ նախագահ Արմեն Մելիքբեկյանը, կիսաեզրափակիչները կկայանան մայիսի 3-ին, երրորդ տեղի հանդիպումը և եզրափակիչը՝ մայիսի 5-ին: Բոլոր հանդիպումները կանցկացվեն Երևանի Կարեն Դեմիրճյանի անվան մարզահամերգային համալիրում: Եզրափակիչը հեռարձակվելու է ավելի քան 70 երկրում: Ֆուտզալի Չեմպիոնների Լիգայի «4-ի եզրափակչին» կմասնակցեն իսպանական «Բարսելոնան» և «Պալմա Ֆուտզալը», ինչպես նաև պորտուգալական «Սպորտինգը» և «Բենֆիկան»: Նշվել է, որ մեծ թվով երկրպագուներ կայցելեն Հայաստան: Առաջիկայում սպասվում է նաև ՈՒԵՖԱ-ի ներկայացուցիչների այցը՝ նախապատրաստական աշխատանքները քննարկելու նպատակով: Արայիկ Հարությունյանն ընդգծել է եզրափակիչը Հայաստանում բարձր մակարդակով կազմակերպելու անհրաժեշտությունն ու կարևորությունը և հայտնել ՀՀ կառավարության պատրաստակամությունն օժանդակելու այդ աշխատանքներում:

18:48 - 16 հունվարի, 2024

Սուպերլիգան ՈՒԵՖԱ-ին մեղադրել է Եվրոպական դատարանի վրա ճնշում գործադրելու մեջ |armsport.am|

armsport.am: Եվրոպական Սուպերլիգան արձագանքել է ՈՒԵՖԱ-ի դիմումին Եվրոպական Արդարադատության դատարանին` խնդրելով փոխել Սուպերլիգայի գործով մամուլի հաղորդագրությունը: «ՈւԵՖԱ-ն չի hետևուն արդարադատությունը. նա չի հասկանում, որ իր մենաշնորհն ավարտվել է, և որ իր արտոնությունները տեղ չունեն Եվրոպայում։ «Արդարությունը» ասել է դա շատ հստակ և առանց կասկածի, իսկ այժմ ՈւԵՖԱ-ն շարունակում է ճնշում գործադրել ակումբների և, որքան էլ զարմանալի է, հենց Եվրոպական դատարանի վրա»,- Սուպերլիգայի հայտարարությունն է մեջբերում Sport.es-ը։ Հիշեցնենք, որ դեկտեմբերի 21-ին Եվրոպական դատարանը անօրինական ճանաչեց ՖԻՖԱ-ի և ՈւԵՖԱ-ի գործողությունները՝ արգելելու Սուպերլիգայի ստեղծումը 2021 թվականին։

10:11 - 28 դեկտեմբերի, 2023

ՈՒԵՖԱ ֆուտզալի Չեմպիոնների լիգայի եզրափակիչը՝ Երևանում

ՈՒԵՖԱ-ի գործադիր կոմիտեի որոշմամբ՝ Հայաստանի ֆուտբոլի ֆեդերացիան կհյուրընկալի ՈՒԵՖԱ ֆուտզալի Չեմպիոնների լիգայի 2024 թվականի եզրափակիչը: Այս մասին տեղեկացրին ՀՖՖ-ից:Հայաստանի ֆուտբոլի ֆեդերացիայի հայտը հաղթող է ճանաչվել Հունաստանի, Լիտվայի, Լեհաստանի, Իսպանիայի և Շվեյցարիայի ֆուտբոլի ֆեդերացիաների հետ մրցակցությունում:Այսպիսով, առաջին անգամ որևէ խաղային մարզաձևի եվրագավաթային եզրափակիչը կանցկացվի Հայաստանում:Ֆուտզալի Չեմպիոնների լիգայի 4-ի եզրափակչին կմասնակցեն իսպանական «Բարսելոնան» և «Պալմա ֆուտզալը», ինչպես նաև պորտուգալական «Սպորտինգը» և «Բենֆիկան»: Հիշեցնենք, որ ՈՒԵՖԱ ֆուտզալի Չեմպիոնների լիգայի գործող չեմպիոն «Պալմա Ֆուտզալի» կազմում հանդես է գալիս ֆուտզալի Հայաստանի ազգային հավաքականի դարպասապահ Լուանը, որը ճանաչվել էր ՈՒԵՖԱ ֆուտզալի Չեմպիոնների լիգայի 2023 թ. եզրափակիչ մրցաշարի լավագույն ֆուտզալիստ:Կիսաեզրափակիչները կկայանան մայիսի 3-ին, երրորդ տեղի հանդիպումը և եզրափակիչը՝ մայիսի 5-ին:Բոլոր հանդիպումները տեղի կունենան Երևանի Կարեն Դեմիրճյանի անվան մարզահամերգային համալիրում:

18:45 - 18 դեկտեմբերի, 2023

Ալեքսանդր Պետրակովը հրապարակել է Հայաստանի ազգային հավաքական հրավիրված ֆուտբոլիստների ցանկը

ՈՒԵՖԱ Եվրոպայի 2024 թվականի առաջնության որակավորման փուլի Լատվիա-Հայաստան և ընկերական Հյուսիսային Մակեդոնիա-Հայաստան հանդիպումներին ընդառաջ՝ Հայաստանի ազգային հավաքականի գլխավոր մարզիչ Ալեքսանդր Պետրակովը հրապարակել է հավաքական հրավիրված ֆուտբոլիստների ցուցակը․ Դարպասապահներ Օգնյեն Չանչարևիչ - «Ալաշկերտ»Արսեն Բեգլարյան - «Արարատ-Արմենիա»Ստանիսլավ Բուչնև - «Փյունիկ» Պաշտպաններ Վարազդատ Հարոյան - «Աստանա» (Ղազախստան)Կամո Հովհաննիսյան - «Աստանա» (Ղազախստան)Գեորգի Հարությունյան - «Կրասնոդար» (Ռուսաստան)Նաիր Թիկնիզյան - «Լոկոմոտիվ» (Մոսկվա, Ռուսաստան)Անդրե Չալըշըր - «Բրոմապոյկարնա» (Շվեդիա)Ստյոպա Մկրտչյան - «Օսիեկ» (Խորվաթիա)Տարոն Ոսկանյան - «Ալաշկերտ»Ժիրայր Մարգարյան - «Ուրարտու»Էրիկ Փիլոյան - «Ուրարտու» Կիսապաշտպաններ/Հարձակվողներ Էդուարդ Սպերցյան - «Կրասնոդար» (Ռուսաստան)Տիգրան Բարսեղյան - «Սլովան» (Սլովակիա)Վահան Բիչախչյան - «Պոգոն» (Լեհաստան)Լուկաս Սելարայան - «Ալ-Ֆաթեհ» (Սաուդյան Արաբիա)Ուգոչուկվու Իվու - «Ռուբին» (Կազան, Ռուսաստան)Էդգար Սևիկյան - «Պարի» (Նիժնի Նովգորոդ, Ռուսաստան)Արթուր Սերոբյան - «Կասա Պիա» (Պորտուգալիա)Արտակ Դաշյան - «Փյունիկ»Հովհաննես Հարությունյան - «Փյունիկ» Վբեյմար Անգուլո - «Ալաշկերտ»Հրանտ-Լեոն Ռանոս - «Բորուսիա» (Մյոնխենգլադբախ, Գերմանիա)Նորբերտո Բալեկյան - «Բոկա Խունիորս» (Արգենտինա) Հայաստանի ազգային հավաքականը հոկտեմբերի 8-ից մարզական հավաք կանցկացնի ՀՖՖ Տեխնիկական կենտրոն/Ֆուտբոլի ակադեմիայում: Հոկտեմբերի 10-ին թիմը կմեկնի Ռիգա, որտեղ հոկտեմբերի 12-ին ուժերը կչափի Լատվիայի ընտրանու հետ: Հոկտեմբերի 14-ին մեր թիմը կմեկնի Հյուսիսային Մակեդոնիա: Հոկտեմբերի 17-ին մակեդոնական Ստրումիցա քաղաքի «Բլագոյ Իստատով» մարզադաշտում երկու թիմերն ընկերական հադիպում կանցկացնեն:

17:41 - 03 հոկտեմբերի, 2023

ՈՒԵՖԱ-ն կարգապահական գործ է բացել ՀՖՖ-ի դեմ |tert.am|

tert.am: Ֆուտբոլի եվրոպական ասոցիացիան` ՈՒԵՖԱ-ն, մի շարք կետերով կարգապահական գործ է բացել Եվրո-2024-ի որակավորման փուլի Հայաստան-Խորվաթիա խաղի վերաբերյալ: ՈՒԵՖԱ-ի պաշտոնական կայքում ներկայացվել են խախտված կետեր, որոնցում մեղադրվում է Հայաստանի ֆուտբոլի ֆեդերացիան: Դրանք են` ընդհանուր օգտագործման անցուղիների արգելափակում, քաղաքական բնույթի սադրիչ հաղորդագրություն, հրավառություն (ճայթուկներ), հանդիպման մեկնարկի ուշացում, խաղի մեկնարկի ուշացում Հայաստանի ֆուտբոլի հավաքականի գլխավոր մարզիչ Ալեքսանդր Պետրակովի պատճառով: Ֆուտբոլի Եվրոպայի առաջնության ընտրական փուլի Հայաստան-Խորվաթիա խաղը կայացել է սեպտեմբերի 11-ին, Երևանի Վազգեն Սարգսյանի անվան Հանրապետական մարզադաշտում: Խաղն ավարտվել է 0:1 հաշվով հօգուտ խորվաթների: Հանդիպման ընթացքում դրոնի միջոցով մարզադաշտում ծածանվել է Արցախի դրոշը:

11:54 - 15 սեպտեմբերի, 2023

Ադրբեջանը կդիմի ՈՒԵՖԱ՝ Հայաստան-Խորվաթիա խաղին Արցախի դրոշը բարձրացնելու կապակցությամբ

Ադրբեջանի ֆուտբոլի ֆեդերացիան կդիմի ՈՒԵՖԱ՝ Եվրո-2024-ի ընտրական փուլի Հայստան-Խորվաթիա խաղի ժամանակ Արցախի դրոշը բարձրացնելու կապակցությամբ։ Այս մասին ադրբեջանական լրատվամիջոցներին ասել է Ֆուտբոլի ֆեդերացիայի մամուլի ծառայության պետ Էլնուր Մամմադլին՝ դեպքն անվանելով «հայկական սադրանք»։ Հիշեցնենք, որ երեկ Երևանում կայացած խաղի ընթացքում Վազգեն Սարգսյանի անվան մարզադաշտի վրա դրոնով բարձրացվել էր Արցախի դրոշը։ Խաղը շատ կարճ ընդհատվել էր։

12:14 - 12 սեպտեմբերի, 2023

Հենրիխ Մխիթարյանը հավակնում է Չեմպիոնների լիգայի կիսաեզրափակիչ փուլի լավագույն ֆուտբոլիստի կոչմանը |armenpress.am|

armenpress.am: Հայաստանի ֆուտբոլի ազգային թիմի նախկին ավագ, «Ինտեր»-ի կիսապաշտպան Հենրիխ Մխիթարյանը հավակնում է Չեմպիոնների լիգայի կիսաեզրափակիչի լավագույն ֆուտբոլիստի կոչմանը: ՈՒԵՖԱ-ն ներկայացրել է Չեմպիոնների լիգայի կիսաեզրափակիչի լավագույն ֆուտբոլիստի կոչմանը հավակնող 4 ֆուտբոլիստների անունները, որոնց թվում է նաև Հենրիխ Մխիթարյանը: Բացի հայ կիսապաշտպանից՝ Չեմպիոնների լիգայի կիսաեզրափակիչ փուլի լավագույն ֆուտբոլիստ ճանաչվելու հավակնորդներն են նաև «Ռեալ»-ի հարձակվող Վինիսիուս Ժունիորը, «Մանչեսթեր Սիթի»-ի կիսապաշտպան Քևին դե Բրույնեն և «Ինտեր»-ի կիսապաշտպան Նիկոլո Բարելան։ Քվեարկությունն ընթանում է ՈՒԵՖԱ-ի կայքում: Հենրիխ Մխիթարյանը ճանաչվել է Չեմպիոնների լիգայի կիսաեզրափակիչի «Միլան»-«Ինտեր» առաջին հանդիպման լավագույն ֆուտբոլիստ։ Հայ կիսապաշտպանը խաղի 11-րդ րոպեին դարձավ գոլի հեղինակ՝ կրկնապատկելով իր թիմի առավելությունը։ Մխիթարյանը խաղի 62-րդ րոպեին փոխարինվել էր՝ տեղը զիջելով Մարսելով Բրոզովիչին։ Մխիթարյանը, գրավելով «Միլան»-ի դարպասը, դարձավ առաջին հայ ֆուտբոլիստը, որը գոլ է հեղինակել Չեմպիոնների լիգայի կիսաեզրափակիչ փուլում։ «Միլան»-«Ինտեր» հանդիպումն ավարտվեց 0-2 հաշվով։

12:16 - 11 մայիսի, 2023

Ալեքսանդր Չեֆերինը վերընտրվել է ՈՒԵՖԱ-ի նախագահի պաշտոնում |armenpress.am|

armenpress.am: Ֆուտբոլի եվրոպական ասոցիացիայի` ՈՒԵՖԱ-ի նախագահ է վերընտրվել Ալեքսանդր Չեֆերինը: Այս մասին գրում է ՈՒԵՖԱ-ի կայքը: Սլովենացի Ալեքսանդր Չեֆերինը ՈՒԵՖԱ-ի նախագահի պաշտոնի միակ թեկնածու էր: Նա արդեն երրորդն անգամն է վերընտրվում այդ պաշտոնում: Չեֆերինը կպաշտոնավարի ևս 4 տարի: Չեֆերինը 55 տարեկան է: ՈՒԵՖԱ-ի նախագահի պաշտոնը նա զբաղեցնում է 2016 թվականից:

16:49 - 05 ապրիլի, 2023

Հայաստանի հավաքականը Երևանում պարտվեց Ուկրաինային |armsport.am|

armsport.am: Ազգերի լիգայի խաղարկության խմբային փուլի 5-րդ տուրում Հայաստանի ազգային հավաքականն ընդունել էր Ուկրաինայի ընտրանուն: Մեր թիմը պարտվեց 0-5 հաշվով։ Առաջին կեսը երկու թիմերն էլ ակտիվ էին սկսել, բայց խաղասկզբում ռեալ գոլային պահեր ստեղծեց մեր ընտրանին: Հանդիպման արդեն 5-րդ րոպեին Լուկաս Սելարայանը մեն-մենակ դուրս եկավ դարպասապահի դեմ, սակայն ոչ այնքան ուժեղ հարվածից հետո Դունինը հետ մղեց գնդակը: Րոպեներ անց Բիչախչյանը հնարավորություն ստացավ հաշիվը բացելու, բայց մոտտարածությունից կատարած հարվածը շեղ ստացվեց: Չնայած ակտիվությանը, 21-րդ րոպեին մեր թիմը գոլ բաց թողեց․ ձախ եզրից կատարած փոխանցումից հետո գնդակը հասավ Յուրչենկոյի դարպասի մոտ կանգնած Զուբկովին, ով էլ իր հերթին այն փոխանցեց Տիմչուկին, ով գրավեց դատարկ դարպասը: Գոլից հետո մեր թիմը պարբերաբար գրոհներ էր ձեռնարկում, բայց խաղի տեմպն ընդհանուր առմամբ ընկավ. թիմերն ընդմիջման գնացին 0-1 հաշվով: Երկրորդ կեսի սկզբնամասում՝ 57-րդ րոպեին մեր ընտրանին երկրորդ գոլը բաց թողեց:Հիշեցնենք՝ հյուրերը հանդիպման հաշիվը բացել էին 21-րդ րոպեին: 65-րդ րոպեին Ժիրայր Շաղոյանը տուգանայինի մատույցներից սպառնաց մրցակցի դարպասին, բայց գնդակը վերև ընթացավ:Խաղի 67-րդ րոպեին հյուրերը 3-րդ գնդակն ուղարկեցին Դավիդ Յուրչենկոյի դարպասը: Աչքի ընկավ Դովբիկը։ Իսկ 81-րդ և 84-րդ րոպեին հյուրերն էլ ավելի մեծացրեցին իրենց առավելությունը․ աչքի ընկան Դանիլո Իգնատենկոն և Արտյոմ Դովբիկը, ով դարձավ դուբլի հեղինակ։

18:56 - 24 սեպտեմբերի, 2022