Սերժ Սարգսյան

Հայաստանի Հանրապետության երրորդ նախագահ, ՀՀԿ նախագահ։ Ծնվել է 1954 թվականի հունիսի 30-ին: Ավարտել է տեղի միջնակարգ դպրոցը: 1971 թվականին ընդունվել է Երևանի պետական համալսարան: 1972-1974 թվականներինծառայել է ԽՍՀՄ զինված ուժերում: 1979 թվականին ավարտել է ԵՊՀ բանասիրական ֆակուլտետը: Աշխատանքային գործունեությունը սկսել է 1975 թվականին Երևանի էլեկտրատեխնիկական գործարանում` որպես խառատ, աշխատել է մինչև 1979 թվականը:

1979-1988 թվականներին եղել է ԼԿԵՄ Ստեփանակերտի քաղկոմի բաժնի վարիչ, ապա` երկրորդ քարտուղար, առաջին քարտուղար, կոմկուսի Ստեփանակերտի քաղկոմի պրոպագանդայի և ագիտացիայի բաժնի վարիչ, ԼՂ մարզկոմիկուս կազմակերպությունների բաժնի հրահանգիչ, ԼՂ մարզկոմի առաջին քարտուղար Հենրիկ Պողոսյանի օգնական: 1989 թվականից ղեկավարել է ԼՂ ինքնապաշտպանության ուժերի կոմիտեն, իսկ 1992 թվականից` դրա հիման վրա ձևավորված և ԼՂՀ պաշտպանության բանակի հիմքըդ արձած ԼՂՀ պաշտպանության ուժերի կոմիտեն: 1990 թվականին ընտրվել է Հայաստանի Գերագույն խորհրդի պատգամավոր: 1993-1995 թվականներին եղել է ՀՀ պաշտպանության նախարար: 1995-1996 թվականներին` ՀՀ պետական անվտանգության վարչության պետ, ապա` ազգային անվտանգության նախարար: 1996-1999 թվականներին` ՀՀ ներքի նգործերի և ազգայի նանվտանգության նախարար: 1999 թվականին` ՀՀ ազգայի նանվտանգության նախարար: 1999-2000 թվականներին` ՀՀ նախագահի աշխատակազմի ղեկավար: 1999-2007 թվականներին` ՀՀ նախագահին առընթեր ազգային անվտանգության խորհրդի քարտուղար: 2000-2007 թվականներին` ՀՀ պաշտպանության նախարար:

2007 թվականի ապրիլի 4-ին նշանակվել է Հայաստանի Հանրապետության վարչապետ: 2007 թվականի հունիսի 7-ին կրկին նշանակվել է ՀՀ վարչապետ` գլխավորելով ՀՀ Ազգային ժողովի ընտրություններից հետո ձևավորված կառավարությունը: 2008 թվականի փետրվարի 19-ին կայացած նախագահական ընտրություններում ընտրվել է Հայաստանի Հանրապետության Նախագահ: 2008 ապրիլի 9-ին ստանձնել է ՀՀ Նախագահի պաշտոնը: 2013 թվականի փետրվարի 18-ին կայացած նախագահական ընտրություններում վերընտրվել է Հայաստանի Հանրապետության Նախագահ: 2013 թվականի ապրիլի 9-ին ստանձնել է ՀՀ Նախագահի պաշտոնը: 2018 թվականից ապրիլի 17-ին ԱԺ-ի կողմից ընտրվել է վարչապետի պաշտոնում և Հանրապետության նախագահի հրամանագրով նշանակվել վարչապետ: 2018 թվականի ապրիլի 23-ին ներկայացրել է իր հրաժարականը հանրապետության ամբողջ տարածքում ծավալվող քաղաքացիական անհնազանդությունների ճնշման ներքո։

Պատմությունը վկա՝ հաղթանակը տրվում է արժանիներին․ Սերժ Սարգսյան

Պատմությունը վկա՝ հաղթանակը տրվում է արժանիներին․ Սերժ Սարգսյան

ՀՀ երրորդ նախագահ Սերժ Սարգսյանի անունից Հանրապետության տոնի առթիվ այսօր առավոտյան ծաղկեպսակ է դրվել Սարդարապատի ճակատամարտի հերոսների հիշատակը հավերժացնող հուշակոթողին: Ավելի վաղ Սերժ Սարգսյանը տոնի առթիվ ուղերձ էր հղել․ «Ինչպես 106 տարի առաջ, այնպես էլ այսօր ազգային գիտակցության, պատմական պատասխանատվության և անձնազոհ խիզախության ժամանակն է: Հայ ժողովրդի նվիրյալ զավակները 1918 թվականի մայիսյան հերոսամարտերը մղեցին, որ հետագա բոլոր սերունդներն ապրեն աստվածապարգև իրենց Հայրենիքում, ապրեն  արժանապատիվ՝ ազատ ու անկախ, խոսեն հայերեն, հաճախեն հայոց եկեղեցի, սովորեն հայոց պատմություն: Պատմությունը վկա՝ հաղթանակը տրվում է արժանիներին, և այսօր՝ մայիսյան հերոսամարտերից ավելի քան մեկ դար անց, յուրաքանչյուրիս ընտրությունն է՝ լինել արժանի՞, թե՞  արժանանալ նզովքի: Վստահ եմ՝ պետությունը և եկեղեցին դարձյալ մնալու են իրենց առաքելությանը հավատարիմ, և ճակատագրական այս օրերին Սարդարապատի խորհրդանշական զանգերը ղողանջելու են ի նշան ճշմարտության և արժանապատվության հաղթանակի»:
12:28 - 28 մայիսի, 2024
Բագրատ սրբազանը չի հերքում, որ կարող է հանդիպել ՀՀ նախկին երեք նախագահներին
 |azatutyun.am|

Բագրատ սրբազանը չի հերքում, որ կարող է հանդիպել ՀՀ նախկին երեք նախագահներին |azatutyun.am|

azatutyun.am: Վարչապետի հրաժարականը պահանջող Բագրատ արքեպիսկոպոսն այսօր լրագրողների հետ զրույցում ըստ էության չհերքեց՝ առաջիկայում կհանդիպի Հայաստանի նախկին երեք նախագահների հետ: Շարժման ձևավորումից հետո, ինչպես սրբազանն է պնդում, ինքը ոչ Ռոբերտ Քոչարյանի, ոչ Սերժ Սարգսյանի, ոչ էլ Լևոն Տեր-Պետրոսյանի հետ չի հանդիպել: «Ժամանակով բոլորի հետ էլ կլինի, ինչո՞ւ չպիտի լինի», - նշեց Տավուշի թեմի առաջնորդը: «Տավուշը հանուն հայրենքի» շարժման առաջնորդը, որ Երևան հասնելուց հետո խոստանում էր անհնազանդության խաղաղ ակիցաների միջոցով մի քանի օրում հասնել Նիկոլ Փաշինյանի ու Կառավարության հեռացմանը, մոտ մի շաբաթ է՝ հարցի քննարկումը տեղափոխել է դահլիճային ձևաչափ, հանդիպումներ է անցկացրել քաղաքական կուսակցությունների, մասնագիտական շրջանակների հետ, այսօր էլ հերթը տնտեսագետներինը և կրթության ոլորտի ներկայացուցիչներինն է: «Պիտի ներկայացնեմ իմ պատկերացումները՝ իր հոգևոր բովանդակությամբ, ժամանակին մենք հայեցակարգերով ենք զբաղվել, և թե ինչ է նշանակում մեզ համար տնտեսությունը, և ապա լսել իրենց՝ իրենց կարծիքները, վերլուծություններ եթե կունենան անելու: Հստակ կերպով, ճիշտ, անաչառ գնահատականով՝ մեր այսիրվա իրավիճակի վերլուծությունն ու գնահատականը», - ասաց Բագրատ արքեպիսկոպոս Գալստանյանը: Մինչ Բագրատ սրբազանը դահլիճային հանդիպումներում իշխանությանը հեռացնելու ուղիներ է փնտրում, խորհրդարանում իշխանական պատգամավորն առանց որևէ կոնկրետ փաստ ներկայացնելու կրկին պնդեց՝ ոչ միայն ընդդիմադիրները, նաև Հայաստանի շատ քաղաքացիներ այլ երկրների շահեր են սպասարկում: Եթե այդպես շարունակվի, Խաչատուր Սուքիասյանը զգուշացրեց. - «Եվ եթե մենք գնանք տարիներ հետ և տեսնենք, թե Հայաստանի Հանրապետությունը ովքեր են ղեկավարել, ինչ ձևով են կառավարել, և տեսնենք, թե նրանք ինչ ձևով էին վերաբերվում այն մարդկանց, ովքեր որ մի օտար երկրի անուն էին տալիս. շատ վատ էին վարվում՝ կա՛մ էդ մարդիկ բանտում էին հայտնվում, կա՛մ էդ մարդիկ մահանում էին, կա՛մ էդ մարդիկ ունեզրկվում էին: Հիմա ձեզ ասում եմ՝ եթե դուք ձեր չափը չճանաչեք և դուք խանգարեք Հայաստանի Հանրապետության զարգացմանը, ձեզ հետ նույն գործիքներով կխոսեն»: Այն, որ Հայաստանի ինքնիշխանությանը սպառնացող գործակալներ կան, նաև երկրի վարչապետն է հայտարարում, մինչ այժմ, սակայն, իրավապահները դրան հրապարակային չեն արձագանքել։ Ավելին՝ գլխավոր դատախազը վերջերս պնդել էր՝ դրանք քաղաքական հայտարարություններ են, և իրավական ընթացք տալու հիմքեր չկան: Այդուհանդերձ, Բագրատ արքեպիսկոպոսն այսօր իրավապահ համակարգին կրկին կոչ արեց արձագանքել ոչ միայն իշխանական պատգամավոր Խաչատուր Սուքիասյանի սպառնալիքներին, այլև առհասարակ իշխանության մեղադրանքներին, որ սրբազանն ու նրա առաջնորդած շարժումն այլ երկրի շահեր են սպասարկում: «Շատ պարզ պատկեր է, ավելի բան ես կարող ե՞մ ասել: Վարքագիծը, որը դրսևորվում է, որը միգուցե թաքնված էր, բայց հիմա դրսևորվում է, իրավապահ համակարգը թող արձագանքի՝ օտարերկրյա շահեր, իրենք սպառնում են ունեզրկելու և սպանելու, բանտերով, թող արձագանքեն», - հայտարարեց Բագրատ սրբազանը:
16:43 - 22 մայիսի, 2024
Վերստին կհաղթենք, եթե ամենից առաջ սիրենք մեր հայրենիքը, հավատանք մեր ուժերին, հուսանք, որ չարի դեմ մեր արդար պայքարում Աստված մեզ հետ է, մեզ՝ ապավեն. Սերժ Սարգսյան

Վերստին կհաղթենք, եթե ամենից առաջ սիրենք մեր հայրենիքը, հավատանք մեր ուժերին, հուսանք, որ չարի դեմ մեր արդար պայքարում Աստված մեզ հետ է, մեզ՝ ապավեն. Սերժ Սարգսյան

ՀՀ երրորդ նախագահ Սերժ Սարգսյանի ուղերձը Հաղթանակի և խաղաղության տոնի առթիվ. «Մեր եռատոնը վերստին եռագույնով կտոնենք, ազգովին կվերադարձնենք մեր հաղթանակները, կվերականգնենք հայոց բանակի փառավոր անցյալն ու ազգադավների կողմից մսխված համազգային պայքարի մեր ձեռքբերումները, եթե այսօր մեզնից յուրաքանչյուրն առաջին հերթին հաղթի իր ներսի անտարբերությանը, կործանարար հուսահատությանն ու համազգային ներուժի նկատմամբ թերահավատությանը: Վերստին կհաղթենք, եթե ամենից առաջ սիրենք մեր հայրենիքը, հավատանք մեր ուժերին, հուսանք, որ չարի դեմ մեր արդար պայքարում Աստված մեզ հետ է, մեզ՝ ապավեն: Մեր հայրերն ու պապերը գրեթե ութ տասնամյակ առաջ հաղթանակ տարան համամարդկային չարիքի՝ ֆաշիզմի, բռնատիրության, այլատյացության դեմ պայքարում, իմ սերունդը ավելի քան երեք տասնամյակ առաջ Արցախում հաղթանակ կռեց Ադրբեջանի հայատյացության, բարբարոսության, զավթողականության դեմ պայքարում: Մենք պաշտպանում էինք մեր Հող հայրենին, մեր օջախները, մեր արժանապատվությունը, ազատ ու անկախ ապրելու աստվածապարգև մեր իրավունքը, և մենք հաղթեցինք: Հայրենական մեծ պատերազմի և Արցախյան ազատագրական պայքարի մարտիկների սխրանքները երբեք չեն մոռացվի: Խոնարհվում եմ կյանքը Հայրենիքի ազատության զոհասեղանին դրած բոլոր հերոսների հիշատակի առջև: Հավերժ փա՛ռք նրանց»:
09:41 - 09 մայիսի, 2024
Արդյոք սա սահմանազատո՞ւմ է, թե՞ ճնշման տակ ինչ-որ բան է. այս պրոցեսը Հայաստանին չի տանում խաղաղության. Սերժ Սարգսյան |news.am|

Արդյոք սա սահմանազատո՞ւմ է, թե՞ ճնշման տակ ինչ-որ բան է. այս պրոցեսը Հայաստանին չի տանում խաղաղության. Սերժ Սարգսյան |news.am|

news.am: Սահմանազատումը պետք է տեղի ունենա այնպես, ինչպես տեղի է ունենում քաղաքակիրթ երկրների միջև: Այս մասին, այսօր՝ ապրիլի 24-ին, Ծիծեռնակաբերդի հուշահամալիրում լրագրողներ հետ զրույցում ասաց ՀՀ երրորդ նախագահ Սերժ Սարգսյանը: «Սահմանազատմանը պետք է նախորդի ինչ-որ մի համաձայնագիր: Մենք չգիտենք, թե հիմա ինչ սկզբունքներով է դա արվում ու արդյոք դա սահմանազատո՞ւմ է, թե՞ հենց այնպես ուղղակի ճնշման տակ ինչ-որ բան է»,- ասաց նա:   Սերժ Սարգսանի խոսքով`  այս պրոցեսը Հայաստանին չի տանում խաղաղության. «Ընդհակառակը, ես տեսնում եմ, որ այդ պրոցեսը տանում է հետագա բարդությունների: Խաղաղությունը, երևի, փաստաթղթով է ամրապնդվում, այնուհետեւ գործողություններով իրականացվում է: Չգիտես ինչու, մեզ մոտ հակառակ ծայրից են գալիս, ինչպես շատ-շատ գործերում»,- նշեց Սարգսյանը: Նա ասաց, թե լուծումը մեկն է` «այս մարդկանց հեռացնելը»: «Իրենք չունեն որևէ ունակություն, որևէ գիտելիք կառավարման ասպարեզում»,- հավելեց նա:
17:36 - 24 ապրիլի, 2024
Հայաստանի կառավարիչներն այժմ էլ փորձում են մոռացության մատնել Հայոց ցեղասպանությունը. Սերժ Սարգսյան

Հայաստանի կառավարիչներն այժմ էլ փորձում են մոռացության մատնել Հայոց ցեղասպանությունը. Սերժ Սարգսյան

ՀՀ երրորդ նախագահ Սերժ Սարգսյանն ուղերձ է հղել Հայոց ցեղասպանության զոհերի հիշատակի օրվա կապակցությամբ․ «20-րդ դարասկզբին Օսմանյան կայսրության իրագործած Հայոց ցեղասպանությունը տեղի ունեցավ առաջադեմ մարդկության աչքի առջև, քաղաքակիրթ պետությունների անտարբերության, լռության և անգործության պայմաններում: Բռնի տեղահանվեց, հայրենազրկման, զանգվածային կոտորածների ենթարկվեց մեկուկես միլիոն հայ, ոչնչացվեց հազարամյակներով ստեղծված հայկական ժառանգության զգալի մասը: Թուրքիան, չնայած ակնհայտ բազմաթիվ փաստերին, ականատեսների վկայություններին, մինչ այժմ ժխտում է ավելի քան մեկ դար առաջ տեղի ունեցած այդ ծանրագույն հանցագործությունը: Անցյալ դարասկզբի առաջին և անպատիժ ցեղասպանությունն այդպիսով ծնեց մարդկության դեմ ուղղված հետագա նոր հանցագործություններ. աշխարհի այլ ժողովուրդների նկատմամբ էթնիկ զտումների, այլատյացության ու ցեղասպանության դեպքերը, ցավոք, այլևս իրողություն են: Ընդամենը ամիսներ առաջ՝ 2023 թվականի սեպտեմբերին, Ադրբեջանի և նրան անթաքույց, ամեն կերպ սատարող Թուրքիայի ջանքերով հազարամյակների իր բնօրրանից բռնի տեղահանվեց 140 հազարից ավելի հայ, նրանցից ոմանք ճանապարհին անմարդկային պայմաններում մահացան քաղցած, հիվանդ, ուժասպառ ու հուսահատ: Բռնագաղթից առաջ արցախահայությունը շուրջ մեկ տարի պատերազմի ամենօրյա սպառնալիքի պայմաններում դիմակայեց համատարած շրջափակման, հումանիտար ճգնաժամի դաժան պայմաններին: Օսմանյան կայսրության օրինակով Ադրբեջանն այսօր Արցախում անպատիժ ոչնչացնում է հայկական հետքը՝ հազարամյակների պատմամշակութային ժառանգությունը: Այլատյացությունը պետական քաղաքականություն դարձրած Ադրբեջանը և Թուրքիան, որ իրենց կոչում են մեկ ազգ՝ երկու պետություն, այժմ էլ խաղաղասիրական կեղծ թեզերով փորձում են բթացնել միջազգային հանրության զգոնությունը և ավարտին հասցնել անցյալ դարասկզբին սկսած հանցագործությունը՝ հանուն պանթյուրքիզմի իրենց վաղեմի ծրագրի: Խաղաղություն չի´ կարող լինել պարտադրված նվաստացուցիչ պայմաններով: Դա ավելի շուտ հպատակեցման, ոչ թե խաղաղության ճանապարհ է: Պատերազմի սպառնալիքով ու զանազան ճնշումներով Հայաստանի ներկայիս կառավարիչներին դարձնելով իրենց կամակատարը՝ Թուրքիան և Ադրբեջանը փորձում են օր առաջ ստանալ իրենց երազածը՝ ի հաշիվ հայ ժողովրդի և Հայաստանի: Արցախն ապօրինաբար ճանաչելով Ադրբեջանի մաս՝ Հայաստանի կառավարիչներն այժմ էլ փորձում են մոռացության մատնել Հայոց ցեղասպանությունը, հայ ժողովրդի պայքարը պատմական արդարության, սեփական իրավունքների վերականգնման համար որակում որպես սպառնալիք պետությանը: Դա կարող է սպառնալիք լինել միայն իրենց աթոռի կորստյան, բայց ոչ երբեք պետության համար: Մենք այսօր ոգեկոչում ենք Հայոց ցեղասպանության մեկուկես միլիոն սրբադասված նահատակների հիշատակը և պահանջում Հայաստանի Հանրապետության կառավարիչներից՝ պետության օրակարգում պահել հայ ժողովրդի միասնական կամքն արտահայտող՝ Հայոց ցեղասպանության 100-րդ տարելիցի համահայկական հռչակագիրը: Հայոց ցեղասպանության հարցը սակարկման ենթակա չէ, ո՛չ միջազգային հարթակներում, ո՛չ էլ առավել ևս Հայաստանի ներսում: Միայն օր առաջ համազգային ընդվզումով կապիտուլյանտ իշխանազավթներին հեռացնելը կարող է կանխել պետականության կործանումը»:
09:41 - 24 ապրիլի, 2024
Իրատեսական է, ամենահասանելի ճանապարհն անվստահություն հայտնելն է․ Սերժ Սարգսյանը՝ իշխանափոխության մասին

Իրատեսական է, ամենահասանելի ճանապարհն անվստահություն հայտնելն է․ Սերժ Սարգսյանը՝ իշխանափոխության մասին

Նիկոլ Փաշինյանին իշխանության հեռացնելն իրատեսական է՝ դրա ամենաճիշտ և ամենահասանելի ճանապարհը նրան անվստահություն  հայտնելն է։ Այս մասին լրագրողների հետ զրույցում հայտարարեց Սերժ Սարգսյանը, որը մասնակցում է ջահերով երթին։ «Անվստահություն հայտնելու ժամանակն էլ է գալու։ Ձեզ թվում է՝ «Պատիվ ունեմ»-ը կամ երկու խմբակցությունները կարո՞ղ են դա անել»,- ասաց Սարգսյանը։ Լրագրողի դիտարկմանը, որ, գուցե, դրա համար նաև հանրային ճնշում է անհրաժեշտ, Սարգսյանն արձագանքեց․ «Ապահովեք էդ հասարակական ճնշումը, էդպիսի սուր հարցերն իրենց տվեք, տեսեք՝ ինչ են ասում։ Երբ որ տեսնեմ՝ շատ ակնկալողներ կան, լուծումներն ասելու եմ»,- նշեց Սարգսյանը։ Անդրադառնալով Տավուշում կատարվող զարգացումներին և իշխանությունների հավաստիացումներին, որ դա անվտանգություն է ապահովելու Հայաստանին, Սարգսյանն ասել է, որ այդ պնդումներում «տրամաբանության նշույլ անգամ չի տեսնում»։ Սարգսյանը նշեց, որ նախկինում շատ է խոսել այս մասին և ՀՀԿ ԳՄ-ն հանդես է եկել հայտարարություններով։ «Ինչ ուզում են, կարան ասեն, իրանց ի՞նչ կա, էսօր մի բան կասեն, վաղը բոլորովին այլ բան,- նշեց նա։ Հարցին՝ արդյո՞ք Տավուշում այժմ տեղի ունեցող ակցիաները կարող են հանգեցնել իշխանափոխության, կամ փոխել  այս պրոցեսի ընթացքը Սերժ Սարգսյանն ասաց, որ դժվարանում է կանխատեսում անել։
19:50 - 23 ապրիլի, 2024
Կասկած չկա, որ Հայաստանն ու Չինաստանն ավելի սինխրոն կշարժվեն դեպի «մարդկության համար ընդհանուր ճակատագիր ունեցող համայնքներ» ձևավորելու նվիրական նպատակը․ Սերժ Սարգսյանի հոդվածը

Կասկած չկա, որ Հայաստանն ու Չինաստանն ավելի սինխրոն կշարժվեն դեպի «մարդկության համար ընդհանուր ճակատագիր ունեցող համայնքներ» ձևավորելու նվիրական նպատակը․ Սերժ Սարգսյանի հոդվածը

Չինական հեղինակավոր «Ժենբին Ժիբաո» («Ժողովրդավարական օրաթերթ») թերթը երեկ հրապարակել է ՀՀ 3-րդ նախագահ, ՀՀԿ նախագահ Սերժ Սարգսյանի հոդվածը` նվիրված հայ-չինական դիվանագիտական հարաբերությունների հաստաման 32-ամյակին․ «Հայտնի փաստ է, որ վերջին տասնամյակներում ժողովրդի քրտնաջան աշխատանքի և իր ղեկավարների կողմից իրականացված՝ իրենց պետության կայուն զարգացման ռազմավարությունների շնորհիվ, Չինաստանը հասել է նախանձելի ռեկորդի և զգալի առաջընթացի՝ երկրի բարգավաճման և հզոր առաջընթացի ուղղությամբ։ Ժամանակակից Չինաստանը եզակի գերտերություն է, որը ոչ միայն առաջ է քաշում քաղաքական, տնտեսական և մշակութային հարաբերությունների բարեփոխման ներքին ծրագրեր, այլև ձգտում է այդ ոլորտներում իր ձեռքբերումները տարածել արտաքին աշխարհի հետ հարաբերությունների վրա։ Չինաստանի կարգավիճակը՝ որպես պատասխանատու գերտերություն, որը հավատարիմ է համամարդկային արժեքներին, վերջին տասնամյակում ավելի ընդգծված է դարձել, Սի Ցզինպինի կառավարման օրոք, որն առաջ է քաշել մի շարք գլոբալ նախաձեռնություններ, որոնք իրենց բնույթով և ռազմավարական տեսլականով միտված են նոր տիպի միջազգային հարաբերություններ ստեղծելուն՝ դրանք դարձնելով ավելի արդար և ներառական։ Չինաստանի այս քաղաքականությունը լավագույնս արտացոլված է «Մարդկության ընդհանուր ճակատագրի համայնք» կառուցելու հայեցակարգում։ Չինաստանի առաջնորդն առաջին անգամ հնչեցրել է «Մարդկության համար ընդհանուր ճակատագրի համայնք» ստեղծելու գաղափարը դեռևս 2013 թվականին՝ ելույթ ունենալով Մոսկվայի միջազգային հարաբերությունների պետական ինստիտուտում։ Հետագա տարիներին այս գաղափարը ձեռք բերեց հայեցակարգային բաղադրիչ՝ դառնալով Չինաստանի կառավարության քաղաքականության անբաժանելի մասը։ Եվ պատահական չէ, որ այն ժամանակ արդեն նշվել են մարդկության առջեւ ծառացած մարտահրավերները։ Այս ամենը Սառը պատերազմից հետո ի հայտ եկած աշխարհաքաղաքական, անվտանգության և տնտեսական համակարգերի դեգրադացիայի և փլուզման արդյունք էր։ Ցավոք, հայ ժողովուրդը չկարողացավ խուսափել գոյություն ունեցող աշխարհակարգի փլուզման արդյունքում աշխարհում և տարածաշրջանում ուժերի փոփոխվող հավասարակշռության կործանարար հետևանքներից։ Ուստի տրամաբանական է, որ հայ ժողովուրդը համակիր է Չինաստանի նախաձեռնությանը՝ ձևավորելու ավելի արդար, ժողովրդավարական և համամարդկային արժեքների վրա հիմնված գլոբալ կառավարման համակարգ։ ՄԱԿ-ում իր ելույթներից մեկում պարոն Սին ասաց. «Պատմությունը հայելի է։ Աշխարհը կարող է խուսափել անցյալի ողբերգությունները կրկնելուց միայն պատմության դասեր քաղելով։ Մենք պետք է դրան հարգանքով և պատասխանատվությամբ վերաբերվենք։ Անցյալը հնարավոր չէ փոխել, բայց մենք ինքներս կարող ենք ստեղծել մեր ապագան»։ Միայն այն գիտակցումը, որ մարդկությունն ամբողջ աշխարհում կիսում է ընդհանուր ճակատագիրը, և մի ժողովրդի բարեկեցությունը չի կարող ապահովվել մեկ այլ ժողովրդի տառապանքի հաշվին, թույլ կտա մեզ ազատվել փլուզվող միաբևեռ աշխարհակարգի չարորակ մետաստազներից»։ Չինաստանի կողմից քարոզվող խաղաղ գոյակցության գաղափարը սկզբունքորեն հակասում է ուժի միջոցով ցանկացած նպատակին հասնելու փորձերին։ Չինաստանի «Մեկ գոտի, մեկ ճանապարհ» նախաձեռնությունը հիմնված է համընդհանուր մարդկային արժեքների և ընդհանուր բարեկեցության ձգտման վրա։ Ինչպես նախագահ Սին ասաց ՄԱԿ-ի Գլխավոր ասամբլեայի 70-րդ նստաշրջանում իր ելույթի ժամանակ, «ոչ մի երկիր չի կարող հասնել բացարձակ անվտանգության միայն իր ջանքերով, և ոչ մի երկիր չի կարող կայունության հասնել այլ երկրների անկայունության միջոցով։ Ջունգլիների օրենքը թույլերին թողնում է ուժեղների ողորմածությանը: Սա չի կարող երկրների միջև հարաբերությունները բարելավելու միջոց լինել։ Նրանք, ովքեր լկտիաբար ուժ են կիրառում՝ քար բարձրացնելով թույլերի վրա, ի վերջո կտեսնեն, որ այն ընկնում է իրենց ոտքերի վրա»։ Կասկածից վեր է, որ Չինաստանը շատ լավ հասկանում է Հարավային Կովկասի աշխարհաքաղաքական իրողությունները, և պարզ է, որ Պեկինը շահագրգռված է մեր տարածաշրջանում խաղաղությանն ու զարգացմանը միտված միջազգային նախագծեր իրականացնելով, որոնք ուղղված չեն Հայաստանի մեկուսացմանը։ Այս առումով չափազանց կարևոր է Հյուսիս-Հարավ ծրագրի շրջանակներում Հայաստանի և Չինաստանի միջև համագործակցության հարուստ փորձը, որը պետք է խթան դառնա մեր տարածաշրջանում տրանսպորտային կապերի ամրապնդման` Չինաստանի ջանքերին նոր թափ հաղորդելու համար։ Հայաստանի Հանրապետական կուսակցությունն իր կառավարման օրոք առաջնորդվել է փոխլրացման բազմավեկտոր արտաքին քաղաքականության գաղափարներով, որը լավագույնս կարող էր դրսևորվել ավելի արդար և բազմաբևեռ աշխարհակարգի ձևավորման պայմաններում։ Հայաստանը միջազգային հարաբերություններում միշտ հանդես է եկել որպես պատասխանատու, հավասարակշռված, կանխատեսելի և վստահելի երկիր։ Գլոբալիզացիայի ներկա պայմաններում, իսկապես, բոլոր երկրները փոխկապակցված են և ունեն ընդհանուր ճակատագիր։ Ե՛վ Հայաստանի, և՛ շատ այլ երկրների համար աշխարհաքաղաքական խոշոր կենտրոնների շահերի խաչմերուկում գտնվելը միաժամանակ և՛ մարտահրավեր է, և՛ հնարավորություն։ Երբ այդ կենտրոնները հակասության մեջ են, երբեմն անտեսվում են փոքր պետությունների շահերը: Ուստի մեր խնդիրը միշտ եղել է համագործակցության և շահերի համադրման միջոցով այդ մարտահրավերները հնարավորությունների վերածելը։ Գտնվելով քաղաքակրթությունների բախման խաչմերուկում՝ մեր երկիրը միշտ ձգտել է կապել Հյուսիսն ու Հարավը, կամուրջներ կառուցել Արևելքի և Արևմուտքի միջև։ Հայաստանի լեռներում կղզի դառնալը երբեք մեր ցանկությունն ու նպատակը չի եղել։ Որպես ՀԱՊԿ և ԵԱՏՄ անդամ՝ մենք միաժամանակ կարողացանք շահագրգիռ մասնակցություն ապահովել չինական «Գոտի և ճանապարհ» նախաձեռնությանը, մյուս կողմից՝ առողջ հարաբերություններ կառուցել Արևմուտքի հետ՝ երբեք չհակադրելով դրանք այլ գերտերությունների շահերին։ Պատահական չէ, որ Հայաստանի Հանրապետական կուսակցության կառավարման շրջանը նշանավորվեց հայ-չինական հարաբերություններում մի շարք նշանակալից իրադարձություններով։ Ի թիվս այլ բաների, պետք է նշել հայ-չինական բարեկամության դպրոցի հիմնադրումը, Կոնֆուցիուսի ինստիտուտի բացումը, Չինաստանի նոր դեսպանատան շենքի հիմքը դնելը, հումանիտար ոլորտում երկկողմ շփումների ակտիվացումը։ Հայ-չինական տնտեսական հարաբերություններում ՀՀԿ-ի կառավարման օրոք ցանված սերմերը այժմ տալիս են իրենց առաջին պտուղները։ Ուրախ ենք նշել, որ այսօր երկու երկրների միջև փոխադարձ առևտրի տարեկան շրջանառությունը գերազանցել է 2 միլիարդ դոլարը, ինչը կարող է լուրջ խթան դառնալ Չինաստանի հետ «Գոտի և ճանապարհ» նախաձեռնության շրջանակներում համագործակցության զարգացման համար։ Հասունացել է Հայաստանի և Չինաստանի միջև համագործակցությունը նոր, ռազմավարական մակարդակի բարձրացնելու պահը։ Մեր երկրները նման շահեր ունեն մի շարք միջազգային հարցերում։ Մենք կիսում ենք Չինաստանի ղեկավարի կարծիքը, որ «փոքր երկրների հետ հարաբերություններում մեծ երկրները պետք է արդարությունը վեր դասեն շահերից», հետևաբար համոզված ենք, որ մարդկության համար ընդհանուր ճակատագիր ունեցող համայնքի ստեղծումը և հավասար ու կանոնավոր բազմաբևեռ աշխարհի ձևավորումը բխում է առաջին հերթին փոքր ազգերի շահերից և միտված է վերականգնելու նրանց օրինական իրավունքները։ Հայաստանի և Չինաստանի միջև դիվանագիտական հարաբերությունների հաստատումից 32 տարի անց հայ և չին ժողովուրդը համանման մոտեցումներ ու տեսակետներ ունի մարդկային զարգացման և միջազգային հարաբերությունների նոր համակարգի ձևավորման հարցերում, ուստի կասկած չկա, որ առաջիկա տասնամյակներում մեր երկրներն ավելի սինխրոն կշարժվեն դեպի «մարդկության համար ընդհանուր ճակատագիր ունեցող համայնքներ» ձևավորելու նվիրական նպատակը»:
16:57 - 05 ապրիլի, 2024
Արեւմուտք-ՌԴ առճակատման պայմաններում Բրյուսելի հանդիպումը բերելու է այդ առճակատման սրմանը մեր տարածաշրջանում․ Սարգսյան
 |news.am|

Արեւմուտք-ՌԴ առճակատման պայմաններում Բրյուսելի հանդիպումը բերելու է այդ առճակատման սրմանը մեր տարածաշրջանում․ Սարգսյան |news.am|

news.am: Արեւմուտք-ՌԴ առճակատման պայմաններում Բրյուսելի հանդիպումը բերելու է այդ առճակատման սրմանը մեր տարածաշրջանում։ Այս մասին այսօր՝ ապրիլի 4-ին, լրագրողների հետ զրույցում ասաց ՀՀ երրորդ նախագահ Սերժ Սարգսյանը՝ անդրադառնալով ապրիլի 5-ի Բրյուսելում սպասվող վարչապետ Նիկոլ Փաշինյանի, Եվրոպական հանձնաժողովի նախագահ Ուրսուլա Ֆոն դեր Լայենի եւ ԱՄՆ պետքարտուղար Էնթոնի Բլինքենի հանդիպմանը։ «Այս աշխարհաքաղաքական իրավիճակի պայմաններում այդպիսի հանդիպումը կարող էր օգտակար լինել Հայաստանին, բայց հիմա երբ այդպիսի առճակատում կա՝ Արեւմուտք-Ռուսաստան, ապա այդպիսի հանդիպումը վստահաբար բերելու է հենց այդ առճակատման ուժեղացմանը մեր տարածաշրջանում։ Լուրեր են պտտվում, որի հավաստիությունը չեմ կարող հաստատել, որ իբր մեզ փող են խոստանալու, բայց իմ կարծիքով Հայաստանի ակնկալիքը այդ հանդիպումից պիտի լինել՝ խնդրել ԵՄ-ին եւ ԱՄՆ-ին՝ ռեալ օգնեն վերականգնել Հայաստանի սուվերեն տարածքը, ազատ արձակվեն մեր գերիներն ու պատանդները, որ վերականգնվի արցախահայության իրավունքները։ ԵՄ-ն եւ ԱՄՆ-ն պետք է պահանջեն Հայաստանի կառավարիչից, որպեսզի Հայաստանում հաստատվի իրական ժողովրդավարություն, որպեսզի Հայաստանում քաղբանտարկյալներ չլինեն, իրական պայքար լինի կոռուպցիայի դեմ, այլ ոչ թե ընտրողական եւ ոչ իրավաչափ միջոցներով հաշվերհարդար տեսնելը»,- նշեց Սերժ Սարգսյանը։
18:40 - 04 ապրիլի, 2024
«Նա տիեզերական մասշտաբի ստախոս է»․ Սերժ Սարգսյանը ներկայացրեց՝ քանի անգամ է Փաշինյանը զգուշացվել պատերազմի վտանգի մասին |news.am|

«Նա տիեզերական մասշտաբի ստախոս է»․ Սերժ Սարգսյանը ներկայացրեց՝ քանի անգամ է Փաշինյանը զգուշացվել պատերազմի վտանգի մասին |news.am|

news.am: Արհավիրքն իր իշխանության գալն էր, արհավիրքը գլխավոր բանակցողի փոփոխությունն էր, իսկ մնացած ողբերգությունները՝ Արցախի հայաթափում, կապիտուլյացիա, Հայաստանի ստորացուցիչ վիճակ, դրանք ընդամենը այդ արհավիրքի հետևանքներն են։ Այս մասին այսօր՝ ապրիլի 4-ին, լրագրողների հետ զրույցում ասաց ՀՀ երրորդ նախագահ Սերժ Սարգսյանը։ «Հայաստանի կառավարիչը տիեզերական մասշտաբի ստախոս է։ Նա զրպարտել է ինձ այն առումով, թե ես իրեն ինչ-որ կենցաղային հարցերով նամակներ եմ հղել, բայց իմ աշխատակազմի ղեկավարը միանգամից հերքել և պահանջել է, որ հրապարակեն այդ նամակները, պարզ է, որ ոչինչ տեղի չունեցավ, որովհետև այդպիսի բան տեղի չէր ունեցել»,- նշեց երրորդ նախագահը։ Անդրադառնալով Նիկոլ Փաշինյանի կողմից արված վերջին այն հայտարարությանը, թե Սերժ Սարգսյանն իրեն չի զգուշացրել հնարավոր ռազմական գործողությունների վտանգի մասին, երրորդ նախագահը թվարկեց, թե քանի անգամ են ներկայիս իշխանությունները զգուշացվել այդ մասին․ «Առաջին անգամ ապրիլի 17-ին և՛ ինքը, և՛ մեր ժողովուրդը զգուշացվել են, երբ ես ընտրվում էի վարչապետ, երբ ես ասացի, որ բանակցային գործընթացը կանգ է առել։ Ակնհայտ է, որ դրանից հետո բացատրեցի, թե ինչումն է խնդիրը։ Իրենց սկզբից ոնց որ չնկատեցին, հետո սկսեցին այդ բառերը կտրելով կոնտեքստից, այդ բառերը որպես ապացույց բերել՝ բանակցությունների ձախողման։ Հետո 44-օրյա պատերազմից հետո սկսեցին կուրծք ծեծել, թե բա տեսեք, ասել էր, որ ռազմական գործողություններ են լինելու, որ վատ է լինելու և այլն․ 2 տարի խոսում էին այդ մասին, իսկ հիմա ասում են, որ չենք զգուշացրել։ Երկրորդ անգամ ես անձամբ իրեն եմ զգուշացրել վերջին 30 տարիների ընթացքում տեղի ունեցած մեր միակ հանդիպման ժամանակ, երբ ապրիլի 22-ին «Մարիոթում» ես նրան ասացի, որ ինքը մարտի 1-ի իրադարձություններից դասեր չի քաղել, իսկ բնականաբար, ինքն իր բնույթով շուռ տվեց իմ ասածն ու տարավ այնտեղ, թե ես իբր սպառնում եմ մեր ժողովրդին։ Այն ժամանակ արդեն ինձ համար ակնհայտ էր, որ Հայաստանում ներքաղաքական իրավիճակը շատ բարդ էր, իսկ ունենալով այդպիսի ներքաղաքական իրավիճակ, Հայաստանը չէր կարող ունենալ որևէ հաջողություն որևէ ռազմական գործողությունների ժամանակ։ Հաջորդ զգուշացումն ուղիղ խոսքերով արվել էր մայիսի 1-ին, երբ ինքն առաջադրվել էր վարչապետ և մեր խմբակցության պատգամավորներն ասում էին, որ ինքը չի կարող կառավարել, չի կարող լինել Գերագույն գլխավոր հրամանատար, որ դա ունենալու է ողբերգական հետևանքներ, դա էլի ինքը չընկալեց։ Հաջորդ հիշեցումն ուղիղ տեքստով եղել է 2020-ի մարտին, երբ նա Վայոց Ձորում Քովիդը խեղդում էր օղիով բառացի ասաց, որ Սերժ Սարգսյանը և ՀՀԿ-ն մեզ վախեցնում են պատերազմով, եթե մենք չենք ասել, բա այդ բառերը որտեղի՞ց էր։  Ինչ վերաբերում այն ասածին, որ կար մարդ որ և՛ ինձ հետ էր շփվում և իր հետ էր շփվում․ այո, կար այդպիսի մարդ, բայց, ցավոք, այդ մարդը հիմա չի կարող վկայություն տալ։ Ուղղակի թող նա հիշի այդ մարդուն և նրա քաղաքական թիմին ի՞նչ էր ասում 2019-վերջին 2020-ի սկզբից, ասում էր՝ ամեն ինչ լավ է, մենք ձեր թիկունքին կանգնած ենք, ամեն ինչ նորմալ է լինելու, բանից պարզվեց, որ այդ մարդկանց կանգնել էր, որ թիկունքից հարվածի, և հարվածեց։ Ես անձամբ երբ 2020-ի ամռանը մամլո ասուլիս անցկացրի, ես ասացի, որ արդեն ռազմական գործողություններն ընդհուպ մոտենում են․ էլ զգուշացնելը պոզով-պոչո՞վ է լինում»։
18:07 - 04 ապրիլի, 2024
Թող հրապարակի Սերժ Սարգսյանի գեթ մեկ այդպիսի նամակ, եթե կարող է․ ՀՀ 3-րդ նախագահի գրասենյակ  |168.am|

Թող հրապարակի Սերժ Սարգսյանի գեթ մեկ այդպիսի նամակ, եթե կարող է․ ՀՀ 3-րդ նախագահի գրասենյակ |168.am|

168.am: Երեկ ԱԺ-կառավարություն հարցուպատասխանի ժամանակ Նիկոլ Փաշինյանը խորհրդարանի ամբիոնից հայտարարել էր. «Սերժ Սարգսյանը պաշտոնանկությունից հետո կարար, և իրա թիմը կարար իրա կենցաղային հարցերով անընդհատ կառավարությանը նամակը նամակի հետևից գրեր, բայց չէր կարող գրեր՝ «կառավարությո՛ւն, վերահաս արհավիրքի առաջ եք…»: 168.am-ը ՀՀ երրորդ նախագահի գրասենյակից հետաքրքրվեց, թե այդ ի՞նչ նամակներ է գրել Սերժ Սարգսյանը, ի՞նչ կենցաղային հարցերի մասին էր ԱԺ ամբիոնից հայտարարում Նիկոլ Փաշինյանը: Սերժ Սարգսյանի գրասենյակից  պատասխանեցին. «ՀՀ վարչապետի աթոռը զբաղեցնող անձը և նրա քաղաքական սպասարկուները փետրվարի 28-ի ԱԺ-կառավարություն բեմադրած հարցուպատասխանի ժամանակ կրկին դիմել են իրենց մշտական հնարքներին՝ ստախոսությանը, մանիպուլյացիային, իրողությունների խեղաթյուրմանը: Սերժ Սարգսյանը երբե՛ք որևէ նամակ, այն էլ իր կենցաղային հարցերով, պաշտոնաթողությունից հետո չի գրել կառավարությանը: Թո՛ղ հրապարակի Սերժ Սարգսյանի գեթ մեկ այդպիսի նամակ, եթե կարող է: Իսկ թիմին վերագրվող նամակը, եթե վերաբերում է ՀՀ երրորդ նախագահի գրասենյակի կողմից ընդամենը այդ ստախոսի աշխատակազմի ներկայացուցչի հետ (ի դեպ, հենց վերջինիս առաջարկով) գրագրությանը՝ գրասենյակի գործառույթների շրջանակում կազմակերպչական որոշ հարցերի կարգավորման հետ կապված, ապա դա բացարձակապես այլ համատեքստում շահարկելը անամոթություն է»: Հարցին,թե ի՞նչ «արհավիրքի» մասին է ասել  Սերժ Սարգսյանը վարչապետի պաշտոնում երկրորդ անգամ իր առաջադրման ժամանակ, և ինչո՞ւ 2018-ից հետո Հայաստանի Հանրապետության ժողովրդին և կառավարությանը չի տեղեկացրել «արհավիրքի» մասին, ինչպես խորհրդարանական ամբիոնից հայտարարում էր Նիկոլ Փաշինյանը, ՀՀ երրորդ նախագահի գրասենյակից պատասխանեցին. «Դուք և Ձեր գործընկերները պարբերաբար հնարավորություն եք ունենում հարցեր ուղղելու Նախագահ Սերժ Սարգսյանին: Առաջարկում ենք առաջին իսկ այդպիսի հնարավորության ժամանակ օգտվել ձեր իրավունքից և հարցնել Նախագահ Սարգսյանին այդ մասին: Նա սիրով կպատասխանի ձեր բոլոր հարցերին»:
20:22 - 29 փետրվարի, 2024
Սերժ Սարգսյանը պաշտոնանկությունից հետո չէ՞ր կարող գրել՝ Կառավարություն, վերահաս արհավիրքի առաջ եք. Փաշինյան
 |1lurer.am|

Սերժ Սարգսյանը պաշտոնանկությունից հետո չէ՞ր կարող գրել՝ Կառավարություն, վերահաս արհավիրքի առաջ եք. Փաշինյան |1lurer.am|

1lurer.am: ԱԺ-Կառավարություն հարցուպատասխանի ժամանակ ԱԺ ՔՊ խմբակցության պատգամավոր Վահագն Ալեքսանյանն ասաց. «Օրերս դիզվառելիքի գործով անցնող ՀՀ նախկին նախագահ Սերժ Սարգսյանը լրագրողներին ճեպազրույց էր տալիս դատարանի շենքի մոտ ու որոշակի ձևակերպումներ է արել. մասնավորապես լրագրողների դիտարկմանը, որ հենց վարչապետի պաշտոնում իր առաջադրվելու պատճառով է, որ մեծ բողոքի ալիքներ առաջացան Հայաստանում, Սերժ Սարգսյանը պատասխանել է. «Դրանից չի առաջացել. ես հանգիստ կարող էի գնալ մեր տուն, և իմ այդ որոշումը ոչ թե հօգուտ իմ անձի է եղել, ես դրանով փորձել եմ այդ արհավիրքը հեռացնել Հայաստանից, հայ ժողովրդից, բոլոր այն մարդիկ, որոնք պահանջել են իմ հրաժարականը, թող ասեն, թե ինչի են հասել»: Պատգամավորը հարցրեց, թե արդյոք վարչապետ Նիկոլ Փաշինյանը տեղյակ է՝ ինչ արհավիրքի մասին է խոսում Սերժ Սարգսյանը: Նիկոլ Փաշինյանը նշեց հետևյալը. «Պետք է միանգամից ասեմ՝ իրականության բացահայտման ճանապարհին այդ հայտարարությունը համարում եմ օգտակար: Այդտեղ կոնտեքստից և հարցուպատասխանից զգացվում է, որ խոսքը ԼՂ խնդրի շուրջ առաջացող բարդությունների մասին է, և շատ կարևոր է, որ հիմա հետահայաց Սերժ Սարգսյանն այդ մասին հայտարարում է, որովհետև այն ժամանակ, երբ որ ինքը կայացրել է որոշում վերստին առաջադրվել վարչապետի թեկնածու, ինքն ասում է, որ այդ պահին ինքն իմացել է վերահաս արհավիրքի մասին, և, հետևաբար, սա մի հայտարարություն է, որը վերահաստատում է՝ 2018 թվականի դրությամբ ԼՂ-ի հարցի բանակցային գործընթացի վերաբերյալ մեր գնահատականները, այլև նոր նյուանս է ավելացնում և վերահաստատում, ավելի ուժեղացնում է այդ գնահատականը, որովհետև եթե վարչապետի թեկնածու առաջադրվելու պահին Սերժ Սարգսյանը գիտեր մոտեցող արհավիրքի մասին, առնվազն դա զրոյացնում է այս ընթացքում նրանց այն հայտարարությունները, թե իրենք դիվանագիտական հաղթանակների իրավիճակում են եղել 2018, 2017 թվականներին, որովհետև դիվանագիտական հաղթանակների վիճակում գտնվելը չի նշանակում երկիրը հասցրած լինել վերահաս արհավիրքի իրավիճակի, որովհետև բա այդ արհավիրքը, որ 2018 թվականի հունվարի դրությամբ արդեն վերահաս էր, էդ ում գործողությունների և ում վարած բանակցությունների արդյունքում էր եկել կանգնել Հայաստանի դռան դեմ: Այստեղ շատ կարևոր ուրիշ նյուանս կա, որ այդ դեպքում ինչո՞ւ այդ վերահաս արհավիրքի մասին չի հաղորդակցվել ՀՀ ժողովուրդը, չի տեղեկացել: Ես ուրիշ բան ձեզ ասեմ՝ պաշտոնավարման շրջանում և նույնիսկ նախագահի պաշտոնից հեռանալու պահին համարենք, որ նա պաշտոնական պարտականություններով կաշկանդված է եղել, հեղափոխություն եղել է 2018 թվականի մայիսին, ժամանակ է անցել, եղել են արտահերթ խորհրդարանական ընտրություններ, լավ, իրադրությունը երկրում քաղաքական առումով էականորեն փոխվել է, ինչո՞ւ հանրությունը կամ Կառավարությունը չի հաղորդակցվել: Եկեք տեսնենք՝ մինչև 2018 թվականը վարված բանակցությունների ինչ պետական ինստիտուցիոնալ տեղեկատվություն կա ՀՀ-ում. 4 էջ. լավ, 4, չէ, մի հատ բարակ թղթապանակ: Այսօր ես պատասխանատու ասում եմ՝ հետագայում, երբ որ հարց ծագի՝ բա էս մեր շրջանում ի՞նչ է եղել, հանդիպումներ, խոսակցություններ, քննարկումներ, մտքեր, առաջարկներ, ՀՀ երբևէ որևէ իշխանություն խնդիր չի ունենալու իմանալու, թե ով որտեղ ինչ է խոսել և ինչի համար: Բա եթե այդ արհավիրքը վերահաս էր, լավ, հրապարակային չէին կարող, աշխատանքային կարգով գրեին կամ առանց թղթի, ստորագրության գրեին, տեղեկատվություն տային, ոչ թե անընդհատ փորձեին կառավարությանը մոլորության մեջ գցեին: Ես մեկ-երկու փորձ արել եմ նախկին իշխանության ներկայացուցիչների հետ հասկանալ՝ ինչ է տեղի ունենում: Բայց ես երբ որ որպես վարչապետ շփվել եմ, հասկացել եմ, որ երբ ԱԺ պատգամավոր էի ընդդիմադիր, նույն ձևի էին այդ մարդիկ պատասխանում՝ փորձելով վիրտուալ իրականություն ստեղծել: Այդ ո՞նց է Սերժ Սարգսյանը և իր թիմը պաշտոնանկությունից հետո կարող էր իր կենցաղային հարցերով անընդհատ Կառավարությանը նամակ նամակի հետևից գրել, չէր կարող գրել՝ Կառավարություն, վերահաս արհավիրքի առաջ եք: Շատ կարևոր և շատ օգտակար հայտարարություն է արել, և ես ուզում եմ ըստ արժանվույն գնահատենք այն: Եկեք ֆիքսենք, որ 2017 թվականի նոյեմբեր-դեկտեմբերին, 2018 թվականի հունվար- փետրվարին, մարտին, ապրիլին ՀՀ-ը և ԼՂ-ն եղել են վերահաս արհավիրքին հանդիման վիճակում»: Փաշինյանն ընդգծեց, որ քննարկումը ժանրի մասին չէ, թե նախկիններն ինչ արեցին, ներկաները՝ ինչ. «Այս քննարկումը կարևոր է իրադրությունը իր բոլոր նրբություններով հասկանալու համար»,- ասաց վարչապետը:
18:30 - 28 փետրվարի, 2024
Իմ ժամկետը լրացել էր և ես հանգիստ կարող էի գնալ մեր տուն. ես դարձա վարչապետ, որպեսզի այս արհավիրքը հեռացնեմ. Սարգսյան
 |news.am|

Իմ ժամկետը լրացել էր և ես հանգիստ կարող էի գնալ մեր տուն. ես դարձա վարչապետ, որպեսզի այս արհավիրքը հեռացնեմ. Սարգսյան |news.am|

news.am: Բա եթե այդպիսի բան կար, ես ինչի՞ էի էլի վարչապետ առաջադրվում, իմ ժամկետն ավարտվել էր, կգնայի մեր տուն: Այս մասին այսօր՝ փետրվարի 16-ին, դատարանի դիմաց լրագրողների հետ զրույցում նշեց ՀՀ երրորդ նախագահ Սերժ Սարգսյանը՝ անդրադառնալով տեսակետին, որ ինքը տեղյակ է եղել, որ պետք է Արցախի 7 շրջանները հանձնվեն, դրա համար հեշտությամբ զիջել է իշխանությունը: Դիտարկմանը, որ հենց վարչապետի պաշտոնում իր առաջադրվելու պատճառով մեծ բողոքի ալիք առաջացավ, Սերժ Սարգսյանն ասաց. «Դրանից չի առաջացել: Ես հանգիստ կարող էի գնալ մեր տուն եւ իմ այդ որոշումը ոչ թե հօգուտ ինձ անձի է եղել, ես դրանով փորձել եմ այդ արհավաիրքը հեռացնել  Հայաստանից, հայ ժողովրդից:  բոլոր այն մարդիկ, որոնք պահանջել են իմ հրաժարականը, թող իրենք ասեն՝ դրանով ինչի՞ են հասել»: Լրագրողների հիշեցմանը, որ ինքը նախապես հայտարարել էր, որ չի հավակնում վարչապետի պաշտոնին, սակայն վերջում առաջադրվեց այդ պաշտոնում 2018-ին, Սերժ Սարգսյանը պատասխանեց. «Ես չեմ ձգտել, ես դարձա վարչապետ, որպեսզի այս արհավիրքը Հայաստանից հեռացնեմ: Արցախյան հարցը ինձ դրդեց, որ ես վարչապետ դառնամ, ես տեսնում էի, որ արհավիրքը մոտ է»։ Ինչ վերաբերում է պնդմանը, որ եթե ինքը չառաջադրվեր վարչապետի պաշտոնում, հեղափոխություն չէր լինի, նա ասաց. «Որտեղի՞ց գիտես, բաժա՞կ ես նայել»:
16:24 - 16 փետրվարի, 2024
«Սերժ Սարգսյանի դեմ դիմում ներկայացրած անձը 10 մլն դոլարանոց ցուցմունք է տվել»․ Մակինյան
 |factor.am|

«Սերժ Սարգսյանի դեմ դիմում ներկայացրած անձը 10 մլն դոլարանոց ցուցմունք է տվել»․ Մակինյան |factor.am|

factor.am: Շարունակում է Սերժ Սարգսյանի գործով դատական նիստը, որի ընթացքում նրա պաշտպան Ամրամ Մակինյանն ուշագրավ հայտարարություն արեց։ «Սերժ Սարգսյանի դեմ դիմում ներկայացրած անձը 10 մլն դոլարանոց ցուցմունք է տվել»,- ասաց նա։ Ըստ պաշտպանի՝ Սարգսյանի դեմ դիմում ներկայացրած Սևան Քոչարյանը պետք է Հարկադիր կատարման ծառայության կողմից վտարվեր իր բնակարանից, սակայն դիմումը ներկայացնելուց հետո չի վտարվել: Մակինյանն ասաց, որ այն ժամանակ, երբ Սևան Քոչարյանը դատարանում ցուցմունք է տվել, ինքը հարցրել է, թե որտեղ է բնակվում, ինչին ի պատասխան Քոչարյանը նշել է այն հասցեն որտեղից պետք է վտարված լիներ: Ըստ փաստաբանի, Քոչարյանին չեն վտարել, որպեսզի նա դատարանում ևս պնդի իր ցուցմունքները: Պաշտպանը հարց բարձրացրեց, թե ինչո՞ւ չի կատարվում վտարման վերաբերյալ դատական ակտը` ըստ էության ակնարկելով, որ դա Սերժ Սարգսյանի դեմ Սևան Քոչարյանի ցուցմունքի գինն է: Սարգսյանի և մյուսների վերաբերյալ գործը գրեթե ավարտական` դատական վիճաբանությունների փուլում է: Այսօր պաշտպանական ճառով են հանդես գալիս Սարգսյանի պաշտպանները:
16:10 - 24 հունվարի, 2024