Սերգեյ Լավրով

ՌԴ արտաքին գործերի գործող նախագահն է։ Ծնվել է 1950թ. մարտի 21-ին։ 1972-1976 թվականներին եղել է ստաժյոր՝ Շրի Լանկայում ԽՍՀՄ դեսպանի կցորդը: 1976-1981 թվականներին զբաղեցրել է ԽՍՀՄ ԱԳՆ միջազգային տնտեսական կազմարկերպության երրորդ բաժնի, երկրորդ քարտուղարի պաշտոնը։ 1981-1988 թվականներին առաջին քոարտուղար, խորհրդատու, ավագ խորհրդատու ՄԱԿում Ռուսաստանի եւ ԽՍՀՄ մշտական ներկայացուցիչը Նյու Յորքում։ 1988-ից մինչեւ 1992 թվականը եղել է միջազգային կառավարման տնտեսական կազմակերպության նախագահի տեղակալը եւ նույն կազմակերպության ղեկավարը Սովետական Միության արտաքին գործերի նախարարությունում: Մինչեւ 1991 թվականը եղել է Կոմունիստական կուսակցության անդամ։

1991-ից մինչեւ 1992 թվականը եղել է Ռուսաստանի արտաքին գործերի նախարարությունում միջազգային տնտեսական կազմակերպության ղեկավար։ 1992 թվականին նշանակվել է արտաքին գործերի նախարարությունում միջազգային խնդիրների եւ միջազգային կազմակերպությունների դեպարտամենտի տնօրեն։ 1992 թվականի ապրիլի 3-ին նշանակվել է Ռուսաստանի արտաքին գործերի նախարարի տեղակալ (փոխնախարար)։ Ղեկավարել է Ռուսաստանի ԱԳՆի մարդու իրավունքների պաշտպանության եւ միջազգային մշակութային համագործակցության բաժինը, Ռուսաստանի արտաքին գործերի նախարարությունում ԱՊՀ եկրների գործերով դեպարտամենտի ղեկավար, այս պաշտոնում է եղել մինչեւ 1994 թվականի հունվարը։

1993 թվականի մարտից եղել է Ռուսաստանի մասնակցությունը միջազգային կազմակերպությունների համակարգի, ՄԱԿի միջգերատեսչական հանձնաժողովի փոխնախագահ։ 1993-ի նոյեմբերից եղել է Ռուսաստանի կողմից միջգերատեսչական հանձնաժողովում ընտրված համնախագահ եւ ապահովել Ռուսաստանի մասնակցությունը խաղաղապահական գործունեությունում։ 1994ից մինչեւ 2004 թվականը եղել է Միացյալ Ազգերի Կազմակերպությունում Ռուսաստանի մշտական ներկայացուցիչը։ 2004 թվականի մարտի 9-ին Ռուսաստանի նախագահի հրամանով նշանակվել է Ռուսաստանի արտաքին գործերի նախարար:

«Պատժամիջոցներին մենք սովորել ենք». Լավրովը նշել է ԵՄ-ի` որպես գործընկեր անհուսալիության մասին |tert.am|

tert.am: Ռուսաստանի արտգործնախարար Սերգեյ Լավրովը հայտարարել է, որ Մոսկվան արդեն սովոր է տարբեր տեսակի պատժամիջոցների Արևմուտքի կողմից, և դրանց շնորհիվ համոզվել է գործընկերների, այդ թվում ՝ ԵՄ երկրների անվստահելիության մեջ, այնինչ այդ երկրների հետ շատ համատեղ ծրագրեր կային: Այս մասին գրում է radiosputnik.ria.ru կայքը` հղում տալով «Россия 1» հեռուստաալիքին: «Պատժամիջոցներին մենք սովորել ենք: Հիմնական աշխարհաքաղաքական արձագանքն այն է, որ մենք տարիների ընթացքում համոզվել ենք մեր արևմտյան գործընկերների, այդ թվում, ցավոք, Եվրամիության անդամների անվստահելիության մեջ: Մենք շատ ծրագրեր ունեինք, հեռուն գնացող ծրագրեր: Մենք ունենք համապատասխան փաստաթղթեր այն մասին, թե ինչպես կարող ենք զարգացնել հարաբերությունները Եվրամիության հետ էներգետիկ ոլորտում, բարձր տեխնոլոգիաների ոլորտում և, ընդհանուր առմամբ, տնտեսական համագործակցության ոլորտում»,-հայտարարել է Լավրովը: Միևնույն ժամանակ, ՌԴ արտգործնախարարը ընդգծել է, որ պետք չէ անտեսել Մոսկվայի դեմ արևմտյան հնարավոր նոր պատժամիջոցները: «Սա չի կարելի առանց արձագանքի թողնել: Դա, առաջին հերթին, սխալ է դիվանագիտության օրենքների տեսանկյունից: Երկրորդ, մենք պարզապես ուզում ենք սահմանափակել տարբեր արևմտյան կառույցների և պետությունների և բազմաթիվ այսպես կոչված հասարակական կազմակերպությունների բացասական ազդեցությունը մեր երկրում գոյություն ունեցող ծրագրերի վրա, որոնք գոյություն ունեն նաև մեր դաշնակիցների մոտ»,-նշել է Լավրովը:

17:50 - 13 սեպտեմբերի, 2020

Հնդկաստանի ԱԳ նախարարը Լավրովի հետ բանակցությունները որակել է հիանալի |armenpress.am|

armenpress.am: Հնդկաստանի ԱԳ նախարար Սուբրամանիամ Ջայշանքարը հիանալի Է որակել Ռուսաստանի ԱԳ նախարար Սերգեյ Լավրովի հետ բանակցությունները, որոնք տեղի են ունեցել Շանհայի համագործակցության կազմակերպության (ՇՀԿ) ԱԳ նախարարությունների ղեկավարների հանդիպման շրջանակներում: ՇՀԿ-ի արտգործնախարարների խորհրդակցությունը տեղի Է ունենում Մոսկվայում սեպտեմբերի 9-10-ին: «Շատ հաճելի Է հանդիպել արտաքին գործերի նախարար Սերգեյ Լավրովի հետ: Հիանալի բանակցություններ, որոնք արտացոլում են մեր առանձնահատուկ եւ արտոնյալ ռազմավարական գործընկերությունը: Գնահատեք միջազգային իրադրության շուրջ մեր կարծիքների փոխանակությունը»,- Ջայշանքարը գրել Է Twitter-ում: Սպասվում Է, որ սեպտեմբերի 10-ին եռակողմ հանդիպում կանցկացվի Ռուսաստանի, Հնդկաստանի եւ Չինաստանի ԱԳ նախարարների մասնակցությամբ, որը կկայանա Հնդկաստանի եւ Չինաստանի միջեւ սահմանային Լադակհի տարածաշրջանում պահպանվող լարվածության ֆոնին: Նման հանդիպման հնարավորության մասին նախօրյակին հաղորդել Էր ՉԺՀ-ի ԱԳ նախարարությունը: Լադակհում իրադրության սրումն սկսվել Էր դեռ մայիսի սկզբին, երբ երկու երկրների զինվորականների միջեւ մի շարք հակամարտություններ տեղի ունեցան բարձրլեռնային Պանգոնգ Ցո լճի շրջանում: Դրանից հետո երկու երկրներն ուժեղացրեցին ռազմական ներկայությունը փաստական վերահսկողության գծի մոտ, որը Լադակհում փոխարինում Է սահմանին: Լարվածության նոր ալիքներ են սկսվել հունիսի 15-ի երեկոյան, որի հետեւանքով հնդկական կողմից 20 զինվոր Է զոհվել, չինական կողմից զոհվածների եւ տուժածների մասին տեղեկատվություն չի հրապարակվել: Իրադրության եւս մեկ սրում Է տեղի ունեցել օգոստոսի 29-30-ին, ինչպես նաեւ օգոստոսի 31-ին: Վերջին միջադեպը տեղի Է ունեցել այս շաբաթվա սկզբին, երբ Հնդկաստանի պաշտպանության նախարարությունը հայտարարեց, որ Չինաստանի ժողովրդա-ազատագրական բանակի զինվորները մի քանի անգամ օդ են կրակել՝ սեպտեմբերի 7-ին փորձ անելով հնդկական բանակի առաջնադիրքերից մեկին մոտենալ Հնդկաստանի եւ Չինաստանի միջեւ Լադակհի սահմանային տարածաշրջանում: Դրա հետ մեկտեղ Չինաստանի պաշտպանության նախարարությունը եւ ԱԳ նախարարությունը հայտարարել են, որ դա հենց հնդիկ զինվորներն են նախազգուշական կրակոցներ արձակել, իսկ չինացի զինվորականները հարկադրված են եղել անհրաժեշտ միջոցներ ձեռնարկել իրադրությունը կայունացնելու համար, հաղորդել Է ՌԻԱ Նովոստին:

12:13 - 10 սեպտեմբերի, 2020

Լավրովը կարծում է, որ բանակցությունների վերսկսումը կնպաստի Կիպրոսի հարցի լուծմանը |tert.am|

tert.am: ՌԴ արտգործնախարար Սերգեյ Լավրովը հայտարարել է, որ բանակցությունների վերսկսումը թույլ կտա լուծել կիպրական հարցը, գրում է «ՌԻԱ Նովոստի» գործակալությունը:Լավրովի խոսքով` Ռուսաստանը, իր հերթին, վերահաստատում է հանձնառւթյունը Կիպրոսի խնդրի համապարփակ, կայուն, արդար և կենսունակ լուծմանը`հիմնվելով ՄԱԿ-ի Անվտանգության խորհրդի գործող բանաձևերի վրա:«Մենք կարծում ենք, որ անկախության, ինքնիշխանության, անվտանգության և տարածքային ամբողջականության երաշխիքների ամենաարդյունավետ ապահովումը կարող են լինել ՄԱԿ-ի Անվտանգության խորհրդի երաշխիքները: Այս պահի դրությամբ մենք կղզում տեղակայված ՄԱԿ-ի խաղաղապահների մանդատը ճշգրտելու անհրաժեշտություն չենք տեսնում,», - ասել է Լավրովը Կիպրոսի արտգործնախարար Նիկոս Քրիստոդուլիդիսի հետ մամուլի ասուլիսում:«Մենք կարծում ենք, որ Կիպրոսի խնդրի վերջնական լուծման շուրջ բանակցությունների շուտափույթ վերսկսումը կստեղծի կառուցողական մթնոլորտ, որն անհրաժեշտ է փոխզիջումներ գտնելու համար»,-ավելացրել է ՌԴ արտգործնախարարը:Թուրք-կիպրական առանց այն էլ լարված հարաբերությունները սրվել են Թուրքիայի կողմից կղզու ջրային տարածքներում հորատման աշխատանքներ սկսելուց հետո:

16:38 - 08 սեպտեմբերի, 2020

Լավրովը սիրիական հակամարտության մեկնարկից ի վեր առաջին անգամ ժամանել է Դամասկոս |azatutyun.am|

azatutyun.am: Ռուսաստանի արտգործնախարար Սերգեյ Լավրովը երկուշաբթի օրը ժամանել է Դամասկոս, որտեղ հանդիպում է ունեցել Սիրիայի նախագահ Բաշար Ասադի հետ, նախատեսված է նաև հանդիպում երկրի դիվանագիտական գերատեսչության ղեկավար Վալիդ Մուալլեմի հետ: Սա Լավրովի առաջին այցն է դաշնակից Սիրիա՝ 2012 թվականից ի վեր։ Այսօր ավելի վաղ Բաշար Ասադը հանդիպել էր Ռուսաստանի փոխվարչապետ Յուրի Բորիսովի հետ, նրանք քննարկել են երկկողմ համագործակցությունը քաղաքական և տնտեսական ոլորտներում: Ռուսաստանը Սիրիայում ռազմական գործողություններ է իրականացնում 2015 թվականից: 9-րդ տարին շարունակվող սիրիական հակամարտությունում Մոսկվան ռազմական աջակցություն է ցուցաբերում իր դաշնակից Բաշար Ասադի զորքին:

17:15 - 07 սեպտեմբերի, 2020

Թուրքիայի հետ համագործակցությունը չի ազդում և չի ազդի Կիպրոսի հետ երկխոսության վրա. Լավրով |tert.am|

tert.am: Ռուս-թուրքական համագործակցության խորացումը չի ազդում և չի ազդի Մոսկվայի և Նիկոսիայի միջև երկխոսության վրա: Այս մասին հայտարարել է ՌԴ արտգործնախարար Սերգեյ Լավրովը, գրում է «ՌԻԱ Նովոստի» գործակալությունը:«Թուրքիայի հետ մեր հարաբերությունների առնչությամբ կցանկանայի ևս մեկ անգամ վստահեցնել կիպրոսցի բարեկամներին, որ ռուս-թուրքական համագործակցության խորացումը, տարածաշրջանային հարցերով Անկարայի հետ համագործակցության անհրաժեշտությունը ոչ մի կերպ չեն ազդում և չեն ազդի Մոսկվայի և Նիկոսիայի միջև երկխոսության վրա»,-ասել է Լավրովը հույն-կիպրական «Ֆիլելեֆտերոս» պարբերականին տված հարցազրույցում:Ըստ ռուսական կողմի ՝ «տարածաշրջանում իրավիճակի հետագա ապակայունացումը կանխելու քաղաքական կամք կա ինչպես Նիկոսիայում, այնպես էլ Անկարայում»:Թուրքիայի և Կիպրոսի առանց այն էլ լարված հարաբերությունները սրվել են Անկարայի կողմից Կիպրոսի ծովային տարածքում հորատման աշխատանքներ սկսելուց հետո:

10:39 - 07 սեպտեմբերի, 2020

Մոսկվայում մեկնարկել են Ռուսաստանի և Բելառուսի ԱԳ նախարարների բանակցությունները |azatutyun.am|

azatutyun.am: Այսօր կեսօրին Մոսկվայում մեկնարկել են Ռուսաստանի և Բելառուսի արտաքին գործերի նախարարներ Սերգեյ Լավրովի և Վլադիմիր Մակեյի բանակցությունները։ Բելառուսի դիվանագիտական գերատեսչության ղեկավարը Ռուսաստանի մայրաքաղաք է ժամանել մեկօրյա աշխատանքային այցով։

13:24 - 02 սեպտեմբերի, 2020

«Դա ոչ միայն դիվանագիտական, այլև մարդկային տեսանկյունից դեմ է էթիկայի նորմերին»․ Լավրովն Արևմուտքին կոչ է արել չմիջամտել Բելառուսի գործերին |tert.am|

tert.am: Բելառուսում իրադրության վերաբերյալ արևմտյան առաջնորդների հայտարարությունները դեմ են էթիկայի նորմերին, դրանք ցույց են տալիս դիվանագիտական հմտությունների բացակայությունը, հայտարարել է Ռուսաստանի ԱԳ նախարար Սերգեյ Լավրովը, գրում է ria.ru-ն։ «Տեսեք, թե Բելառուսում իրավիճակի մասին ինչ հայտարարություններ են անում ՆԱՏՕ-ի գլխավոր քարտուղարը, Եվրամիության ներկայացուցիչները, արևմտյան առաջնորդները, որոնք հայտնվել են Եվրոպայում անվտանգության և համագործակցության կազմակերպության ղեկավարի պաշտոնում։ Բարոյախոսություններ են հնչում այնպիսի տոնով, որ նույնիսկ կասկածներ չեն առաջացնում առ այն, որ դրանք բոլորի կողմից պետք է ընկալվեն որպես գործողության ուղեցույց»,- ասել է ԱԳ նախարարը Մոսկվայի Միջազգային հարաբերությունների պետական ինստիտուտի առաջին կուրսեցիների և պրոֆեսորադասախոսական կազմի առջև ելույթում։ Լավրովի խոսքով՝ դա վկայում է տարրական դիվանագիտական հմտությունների բացակայության մասին։ «Դա արդեն ոչ միայն դիվանագիտական, այլև մարդկային տեսանկյունից դեմ է էթիկայի նորմերին», - նշել է Լավրովը։ Ռուսաստանը կարծում է, որ Բելառուսում ներկա իրավիճակը հաղթահարելու համար այլ երկրների միջնորդությունը հարկավոր չէ, հայտարարել է Ռուսաստանի արտգործնախարար Սերգեյ Լավրովը:

13:46 - 01 սեպտեմբերի, 2020

Հայաստանն ու Ադրբեջանը շահագրգռված են, որ ԼՂ հակամարտության հետ կապված իրավիճակը կարգավորվի․ Լավրով |factor.am|

factor.am: Հայաստանն ու Ադրբեջանը շահագրգռված են, որ արցախյան հակամարտության հետ կապված իրավիճակը կարգավորվի։ Միջազգային հարաբերությունների մոսկովյան պետական ինստիտուտում ուսանողների հետ հանդիպման ժամանակ այս մասին հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։ Նա նշել է, որ նախօրեին զրուցել է Հայաստանի և Ադրբեջանի ԱԳ նախարարներ Զոհրաբ Մնացականյանի և Ջեյհուն Բայրամովի հետ։ «Մենք զգացողություն ունենք, որ երկու կողմերն էլ շահագրգռված են, որպեսզի իրավիճակը հանդարտվի, հանդիպումները, որոնք տարածաշրջանում կազմակերպում են ԵԱՀԿ ՄԽ համանախագահների ներկայացուցիչները, վերականգնվեն»,- նշել է նա։

13:16 - 01 սեպտեմբերի, 2020

Մոսկվայում կայացել է Լավրով-Բայրամով հանդիպումը |hetq.am|

hetq.am: Ռուսաստանի արտաքին գործերի նախարար Սերգեյ Լավրովը օգոստոսի 26-ին Մոսկվայում հանդիպել է Ադրբեջանի արտաքին գործերի նախարար Ջեյհուն Բայրամովի հետ։ Սա Բայրամովի՝ Ադրբեջանի արտաքին գործերի նախարարի պաշտոնում նշանակվելուց հետո, երկու երկրների արտաքին գերատեսչությունների ղեկավարների առաջին հանդիպումն է։ Հանդիպումից հետո Լավրովը նշել է, որ Բայրամովի հետ բավականաչափ մանրամասն քննարկել են արցախյան հակամարտությունը։ «Մենք բոլորս միտված ենք հակամարտության կարգավորման գործընթացի շարունակականության ապահովմանը։ Այս իմաստով անհրաժեշտ է ստեղծել մթնոլորտ՝ բանակցությունների կայուն գործընթացը ապահովելու համար»,- հայտարարել է Ռուսաստանի ԱԳՆ ղեկավարը։ Նա նշել է, որ Ռուսաստանը, որպես ԵԱՀԿ Մինսկի խմբի համանախագահող երկիր, ամեն կերպ կօգնի ստեղծել այդպիսի պայմաններ։ Իր հերթին Բայրամովը հայտարարել է, որ Բաքուն հույս ունի տեսնել Ռուսաստանի ակտիվությունը հիմնախնդրի կարգավորման գործընթացում՝ մատնանշելով, որ Ադրբեջանը ցանկանում է խաղաղ ճանապարհով լուծել այն։ Պատասխանելով լրագրողներից մեկի հարցին՝ Լավրովը նշել է, որ առկա է բավականին լուրջ բազա, որը հնարավորություն կարող է տալ լուծելու հիմնախնդիրը։ «Ցավալի կլիներ այն կորցնել։ Այդպիսի փորձերը, ցավոք, մենք տեսել ենք, ներառյալ բանակցողների կազմի փոփոխության ջանքեր, ինչն անընդունելի է համանախագահների համար։ Մենք այդ մասին հայտարարել ենք։ Սակայն, բնականաբար, չէին խանգարի առավել ինտենսիվ բանակցությունները»,- հայտարարել է Լավրովը։ Արցախյան հակամարտությունից զատ կողմերը քննարկել են նաև կորոնավիրուսի համավարակի դեմ պայքարում փոխադարձ գործակցությունը։ Բայրամովը նշել է, որ Ադրբեջանը հետաքրքրված է ռուսական պատվաստանյութով։ Ըստ նրա սա այն ոլորտներից մեկն է, որտեղ Բաքուն ու Մոսկվան կարող են համագործակցել։ Լավրովն էլ հավելել է, որ ռուսական պատվաստանյութն առաջին հերթին կմատակարարվի հարևան երկրներ։ Լավրովը նաև նշել է, որ որ երկու երկրները կխորացնեն համագործակցությունն էներգետիկ ոլորտում՝ հավելելով, որ բանակցություններ են վարվում Ռուսաստանի, Ադրբեջանի և Իրանի էներգետիկ համակարգերի ինտեգրման հարցի ուղղությամբ։

10:18 - 27 օգոստոսի, 2020

Զախարովան արձագանքել է Նավալնիի հետ կապված իրավիճակի շուրջ Արևմուտքի հայտարարություններին |tert.am|

tert.am: ՌԴ ԱԳՆ պաշտոնական ներկայացուցիչ Մարիա Զախարովան Россия 1 հեռուստաալիքի եթերում ելույթ ունենալով` անպարկեշտ է անվանել Ալեքսեյ Նավալնիի հոսպիտալացման վերաբերյալ արևմտյան երկրների դիրքորոշումը։ Ինչպես փոխանցում է РИА Новости-ն, նախօրեին ՌԴ ԱԳ նախարար Սերգեյ Լավրովի հետ հանդիպմանը ԱՄՆ պետքարտուղարի տեղակալ Սթիվեն Բիգենը հայտնել էր, որ բլոգերի դեմ մահափորձի վարկածի հաստատման դեպքում ամերիկյան կողմը միջոցներ կձեռնարկի: Զախարովան ընդգծել է, որ Մոսկվայում նման հայտարարություններին առանց զարմանքի են վերաբերվում: «Իմ կարծիքով շատ տարօրինակ է, և նույնիսկ անպարկեշտ է հայտարարել պատժամիջոցների ու միջոցառումների մասին, երբ սեղանին փաստեր չկան»,- ասել է Զախարովան:

09:40 - 27 օգոստոսի, 2020

«Մենք մեծ հույսեր ենք կապում ԼՂ հակամարտության կարգավորման հարցում Ռուսաստանի ակտիվ դերակատարման հետ»․ Ջեյհուն Բայրամովը՝ Լավրովի հետ ասուլիսի ժամանակ |tert.am|

tert.am: Լեռնային Ղարաբաղի հակամարտության կարգավորման հարցում առաջընթաց առայժմ չի նկատվում, Բաքվում հույս ունեն, որ ՌԴ-ն իր ակտիվ դերակատարումը կունենա հակամարտության կարգավորման հարցում։ Այս մասին հայտարարել է Ադրբեջանի նորանշանակ արտգործնախարար Ջեյհուն Բայրամովը՝ ՌԴ ԱԳ նախարար Սերգեյ Լավրովի հետ բանակցություններից հետո համատեղ մամուլի ասուլիսի ժամանակ, գրում է tass.ru-ն։ «Մենք մեծ հույսեր ենք կապում Լեռնային Ղարաբաղի հակամարտության կարգավորման հարցում Ռուսաստանի ակտիվ դերակատարման հետ։ Ցավով ստիպված եմ արձանագրել, որ հակամարտության կարգավորման հարցում առաջընթաց չի նկատվում»,- ասել է նա՝ հավելելով, որ «Հայաստանը շարունակում է օկուպացիայի տակ պահել մեր երկրի միջազգայնորեն ճանաչված տարածքների 20 տոկոսը»: Այսօր տեղի է ունեցել Ռուսաստանի և Ադրբեջանի արտգործնախարարներ Սերգեյ Լավրովի և Ջեյհուն Բայրամովի հանդիպումը, որից հետո հրավիրվել է մամուլի ասուլիս:

16:41 - 26 օգոստոսի, 2020