armenpress.am: Ստամբուլում հունիսի 2-ին փլուզված բնակելի շենքի փլատակներից փրկարարներին հաջողվել է դուրս բերել 7 մարդու:
«Արմենպրես»- ի հաղորդմամբ՝ ինչպես տեղեկացնում է AHaber հեռուստաալիքը, այս մասին հայտնել է Ստամբուլի նահանգապետ Դավութ Գյուլը՝ հավելելով, որ ևս երկու մարդ գտնվում են փլատակներում, որոնց դուրսբերման համար փրկարարական աշխատանքներ են իրականացվում:
«Փրկարարները փլատակների տակից դուրս են բերել յոթ մարդու, նրանցից երկուսի վիճակը ծանր է», – ասել է Գյուլը լրագրողներին՝ նշելով, որ շենքը կառուցվել է 1988 թվականին:
Պատասխանելով փլուզման հնարավոր պատճառների մասին հարցին, նա բացառել է պայթյունի վարկածը՝ հավաստիացնելով, որ դրա մասին վկայող հետքեր չեն գտնվել:
