arm.sputniknews.ru ՀՀ Շիրակի մարզի Արթիկ քաղաքում ծեծի են ենթարկել «Հայաստան» դաշինքի ներկայացուցիչ Հակոբ Հարությունյանին։
«Դեպքի վերաբերյալ ՆԳ ոստիկանությունը հաղորդում է ստացել, փոխանցել է ՀՀ քննչական կոմիտեին»,– այս մասին Sputnik Արմենիային հայտնել են ՆԳՆ ոստիկանությունից։
Դեպքի վերաբերյալ տեսանյութը և տեղեկությունը տարածվել է սոցցանցերում։ Օգտատերերը հայտնել են, որ դեպքը տեղի է ունեցել հունիսի 2-ին, ցերեկը։
Տեսանյութում երևում է, որ մի տղամարդ մեքենայում վարորդի հատվածում նստած է ու մի քանի անձ հարվածներ են հասցնում նրան։ Մի փոքր անց, երիտասարդներից մեկը նստում է այդ մեքենան` վարորդի կողքի նստատեղին, ու սկսում բռունցքներով հարվածել վարորդին։
Ըստ լրատվամիջոցների տեղեկությունների` ծեծի ենթարկողը «Քաղաքացիական պայմանագիր» կուսակցության ներկայացուցիչ է։
