tert.am։ «Զվարթնոց» միջազգային օդանավակայանի ուղևորների թիվն առաջին անգամ գերազանցեց 3 միլիոնը: Այս մասին լրագրողների հետ զրույցում ասաց «Արմենիա» միջազգային օդանավակայանների հանրային կապերի պատասխանատու Սաթենիկ Հովհաննիսյանը։

Այդ առիթով Մոսկվա-Երևան չվերթի ուղևորներին անակնկալ մատուցվեց՝ խորհրդանշական խմիչք, քաղցրավենիք և երաժշտություն:

«Վերջին 4 տարիների կտրվածքով՝ 50-ից ավելի տոկոս գերազանցում է ուղևորահոսքը», - նշեց Սաթենիկ Հովհաննիսյանը։

Հովհաննիսյանն ասաց նաև, որ Հայաստանի ճանաչվածության համար աշխատանքներ են տարվում, որոնք ավելի մեծ թափով իրականացնելու դեպքում ավելի շատ ուղևորներ կլինեն։