Ճանապարհի մաքրման աշխատանքներից հետո երթևեկությունը դեպի ռուս-վրացական սահման վերականգնվել է, այս մասին հայտնեց ՌԴ-ում ՀՀ դեսպանատան մաքսային կցորդ Վահան Հակոբյանը: |arm.sputniknews.ru|
Սոցիալական ցանցի օգտատերերից մեկի՝ կեղծիք և ապատեղեկատվություն հանդիսացող գրառումը հայտնվել է մամուլում, ինչի կապակցությամբ ՀՀ ՊՆ-ն հայտնում է, որ Երասխի հատվածում դիրքային որևէ փոփոխություն տեղի չի ունեցել: ԶԼՄ գործընկերներին հորդորում ենք հետևել պաշտոնական տեղեկատվությանը, չճշտված, սուտ և կեղծ լուրեր չշրջանառել, նմանօրինակ դեպքերում ճշտումներ կատարել պաշտպանական գերատեսչության համապատասխան ստորաբաժանման հետ: [ՀՀ ՊՆ]
Փոքր Վեդու մանկապարտեզում առերևույթ երեխայի նկատմամբ բռնություն կիրառելու դեպքի առթիվ քրեական վարույթ է նախաձեռնվել` ՀՀ քրեական օրենսգրքի 196-րդ հոդվածի 2-րդ մասի 3-րդ կետի հատկանիշներով (անչափահասի նկատմամբ Ֆիզիկական ուժեղ ցավ կամ հոգեկան ուժեղ տառապանք պատճառելը): Վարույթն իրականացնող մարմնի կողմից կայացվել է որոշում՝ վերոնշյալ հանցանքն առերևույթ կատարելու մեջ անմիջականորեն ծագած հիմնավոր կասկածի հիմքով մանկապարտեզի նշված դաստիարակին մինչև 72 ժամով ձերբակալելու վերաբերյալ։ Նախաքննությունը շարունակվում է։ [Քննչական կոմիտե]
Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ Այս մասին հայտնում է ՆԳՆ փրկարար ծառայությունը։
Ոստիկանները ձերբակալել են մանկապարտեզի 45-ամյա աշխատակցին։ ՆԳՆ ոստիկանությունում կատարված ուսումնասիրությամբ պարզվել է, որ դեպքը տեղի է ունեցել Փոքր Վեդի գյուղի մանկապարտեզում այս տարվա մայիսին։ ՆԳՆ ոստիկանության Արարատի բաժին է հրավիրվել մանկապարտեզի տնօրենը, որից ընդունվել է հաղորդում։ [ՆԳՆ մամուլի քարտուղար Նարեկ Սարգսյան]
Գյումրու նախկին քաղաքապետներ Վարդան Ղուկասյանի և Սամվել Բալասանյանի որոշումներով օտարված 24 անուն գույքը հետ պահանջելու վերաբերյալ հայց կներկայացվի դատարան։ Դրանց թվում են «Հոկտեմբեր» կինոթատրոնը, որը Վարդան Ղուկասյանի ղեկավարման տարիներին օտարվել է 25 մլն դրամով, և Սամվել Բալասանյանի պաշտոնավարման ժամանակ օտարված Սև բերդ ամրոցի հարևանությամբ գտնվող հողատարածքները։ ՔՊ խմբակցության ղեկավար Քնարիկ Հարությունյանը մանրամասնել է, որ դեռ 1,5 ամիս առաջ ավագանին դատախազությունից ստացել էր առաջարկներ, որոնք վերաբերում են Գյումրու քաղաքապետների 24 որոշում անվավեր ճանաչելու հարցին: Ըստ դատախազության հիմնավորման՝ այդ որոշումներով խախտվել են համայնքի շահերը: Որոշումն ընդունվել է 19 կողմ ձայնով: ՀՀԿ և «Զարթոնք» խմբակցությունները չեն մասնակցել նիստին, «Ապրելու երկիրը»՝ քվեարկությանը: |1lurer.am|
Երեխայի լավագույն շահից ելնելով՝ ՄԻՊ-ը հորդորում է չտարածել սոցիալական ցանցերում հայտնված տեսանյութը, որտեղ մանկապարտեզի աշխատակիցը ֆիզիկական բռնություն գործադրում երեխայի նկատմամբ, ինչպես նաև զերծ մնալ երեխաներին նույնականացնող անձնական տվյալները հրապարակելուց։ Նշվում է, որ անմիջապես սկսվել է ուսումնասիրություն: ՄԻՊ աշխատակազմն անմիջապես կապ է հաստատել իրավասու մարմինների ներկայացուցիչների հետ՝ միջադեպի առնչությամբ անհրաժեշտ քայլեր ձեռնարկելու նպատակով:
Ռոբերտ Քոչարյանը, ըստ ամենայնի, կրկին կկանգնի դատարանի առջև։ Այս հնարավորությունը դատարաններին տվել է Սահմանադարական դատարանը։ Հիշեցնենք, որ Քոչարյանի արդարացման պատճառը ՍԴ որոշումն էր, որով հակասահանադրական ճանաչվեց նրան վերագրվող՝ սահմանադրական կարգը տապալելու հոդվածը։ Սակայն եթե նույնիսկ Քոչարյանը մեղավոր ճանաչվի, նա չի ազատազրկվի՝ ենթադրյալ հանցանքի վաղեմության ժամկետն անցնելու պատճառով։ Վճռից հետո Վճռաբեկ դատարանը ՍԴ-ին խնդրել էր ստուգել՝ օրինակա՞ն է արդյոք 10 մարդու կյանք խլած իրադարձությունների գործով Քոչարյանի և նախկին ենթակաների արդարացման վճիռը, և իրավունք ունի՞ արդյոք վերաորակել մեղադրանքը։ ՍԴ-ն որոշել էր, որ օրենքը, մի կողմից, Սահմանադրությանը չի հակասում, բայց, մյուս կողմից, նաև հնարավորություն տալիս է վերաորակել մեղադրանքը։ Եթե անգամ ՍԴ-ն վիճարկվող հոդվածը ճանաչեր հակասահմանադրական, Քոչարյանի փաստաբան Հայկ Ալումյանի խոսքով, դա կնշանակեր, որ այսուհետ նման իրավիճակներում Դատախազությունը հնարավորություն կստանար վերաորակելու ամբաստանյալների մեղադրանքները, բայց բարձր դատարանի այդ որոշումը հետադարձ ուժ չէր կարող ունենալ, հետևաբար՝ չէր էլ տարածվի նախկին նախագահի վրա․ «Եվ որպեսզի Ռոբերտ Քոչարյանին դարձյալ մեղադրյալի կարգավիճակ տան, ՍԴ-ն գնաց այլ ուղղությամբ»-, ասում է փաստաբանը: |azatutyun.am|
ԵՄ խորհուրդը Հարավային Կովկասի և Վրաստանի ճգնաժամի հարցերով նոր հատուկ ներկայացուցիչ է նշանակել Մագդալենա Գրոնոյին։ Նա կփոխարինի Տովյո Կլաարին, որի 6-ամյա պաշտոնավարման ժամկետը լրանում է օգոստոսի 31-ին: Գրոնոն, որը նշանակվել է նախնական 12-ամսյա ժամկետով, իր պարտականությունները կստանձնի սեպտեմբերի 1-ից։|tert.am|
Համացանցում տեսանյութ էր տարածվել, ըստ որի՝ Վեդու մանկապարտեզներից մեկում աշխատակիցներից մեկը բռնության է ենթարկում քնելու պառկած մանկահասակ երեխային։ «Ինֆոքոմ»-ի հարցին ի պատասխան՝ ՀՀ ՆԳՆ-ից տեղեկացրին, որ դեպքի վերաբերյալ հաղորդում չի ներկայացվել, սակայն իրենք տեսանյութն այս պահին ուսումնասիրում են։ Դեպքը նոր է թե ոչ, իսկապես Վեդիում է թե ոչ՝ դեռեւս պարզ չէ, հավելյալ տեղեկության դեպքում կհայտնեն։
Վլադիկավկազ – Վերին Լարս հատվածը բացվել է թեթև մարդատար մեքենաների և ավտոբուսների համար |arm.sputniknews.ru|
22:55 - 26 հուլիսի, 2024Նվիրատվություններ ՔՊ-ին՝ չհայտարարագրված եկամուտներից
22:54 - 26 հուլիսի, 2024Փարիզում մեկնարկել է Օլիմպիական խաղերի բացման արարողությունը
22:05 - 26 հուլիսի, 2024Երասխի հատվածում դիրքային որևէ փոփոխություն տեղի չի ունեցել․ ՊՆ
21:52 - 26 հուլիսի, 2024Էլեկտրաէներգիայի շուկայի ազատականացումը նոր ներդրումներ է բերել․ Նիկոլ Փաշինյան
21:51 - 26 հուլիսի, 2024Փոքր Վեդու մանկապարտեզում առերևույթ երեխայի նկատմամբ բռնություն կիրառելու դեպքի առթիվ քրեական վարույթ է նախաձեռնվել
21:27 - 26 հուլիսի, 2024ՔԿ կոլեգիայի արտագնա ընդլայնված նիստ՝ Գավառում․ ամփոփվել են 10-ամյա գործունեության ընթացիկ արդյունքները
20:40 - 26 հուլիսի, 2024Բելգիան ողջունում է Խաղաղության եվրոպական հիմնադրամից Հայաստանին օգնություն հատկացնելու որոշումը |tert.am|
19:29 - 26 հուլիսի, 2024Արարատ Միրզոյանն աշխատանքային այցով կգտնվի Կիպրոսում․ ԱԳՆ
19:22 - 26 հուլիսի, 2024Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար․ ՆԳՆ ՓԾ
19:16 - 26 հուլիսի, 2024Վլադիկավկազ – Վերին Լարս հատվածը բացվել է թեթև մարդատար մեքենաների և ավտոբուսների համար |arm.sputniknews.ru|
22:55 - 26 հուլիսի, 2024Նվիրատվություններ ՔՊ-ին՝ չհայտարարագրված եկամուտներից
22:54 - 26 հուլիսի, 2024Փարիզում մեկնարկել է Օլիմպիական խաղերի բացման արարողությունը
22:05 - 26 հուլիսի, 2024Երասխի հատվածում դիրքային որևէ փոփոխություն տեղի չի ունեցել․ ՊՆ
21:52 - 26 հուլիսի, 2024Էլեկտրաէներգիայի շուկայի ազատականացումը նոր ներդրումներ է բերել․ Նիկոլ Փաշինյան
21:51 - 26 հուլիսի, 2024Փոքր Վեդու մանկապարտեզում առերևույթ երեխայի նկատմամբ բռնություն կիրառելու դեպքի առթիվ քրեական վարույթ է նախաձեռնվել
21:27 - 26 հուլիսի, 2024ՔԿ կոլեգիայի արտագնա ընդլայնված նիստ՝ Գավառում․ ամփոփվել են 10-ամյա գործունեության ընթացիկ արդյունքները
20:40 - 26 հուլիսի, 2024Բելգիան ողջունում է Խաղաղության եվրոպական հիմնադրամից Հայաստանին օգնություն հատկացնելու որոշումը |tert.am|
19:29 - 26 հուլիսի, 2024Արարատ Միրզոյանն աշխատանքային այցով կգտնվի Կիպրոսում․ ԱԳՆ
19:22 - 26 հուլիսի, 2024Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար․ ՆԳՆ ՓԾ
19:16 - 26 հուլիսի, 2024