Պաղեստին

Դե յուրե ինքնիշխան պետություն Միջին Արեւելքում՝ Հորդանան գետի արեւմտյան ափին (սահմանակցում է Իսրայելին եւ Հորդանանին) եւ Գազայի հատվածին (սահմանակցում է Իսրայելին եւ Եգիպտոսին), որի մայրաքաղաքն է համարվում Արեւելյան Երուսաղեմը՝ չնայած վարչական կենտրոնը Ռամալլահում է: Պաղեստին պետության մեծ հատվածն, ըստ համացանցի աղբյուրների, օկուպացված է Իսրայելի կողմից՝ 1967 թվականի Վեցօրյա պատերազմից հետո: 

Երկրորդ համաշխարհային պատերազմից հետո, 1947 թվականին ՄԱԿ-ը հաստատեց Բաժանման նախագիծը Պաղեստինի համար, որը հորդորում էր ստեղծել անկախ արաբական եւ հրեական պետություններ` առանձնացնելով Երուսաղեմը, որը պետք է ղեկավարվեր ՄԱԿ-ի հատուկ միջազգային կառավարման ռեժիմով: Հրեական պետության հիմնադրումից հետո, որը 1948 թվականի մայիսի 14-ին ստացավ Իսրայել անվանում, ներքաշվեց պատերազմների մեջ արաբական բանակների հետ: Ավելի ուշ Արաբական լիգայի կողմից ստեղծվեց Համապաղեստինյան կառավարությունը, որը կառավարեց Եգիպտոսի կողմից վերահսկվող Գազայի հատվածը: Այն շուտով ճանաչվեց Արաբական լիգայի անդամ բոլոր պետությունների կողմից՝ բացառությամբ Հորդանանի: Չնայած Համապաղեստինյան կառավարությունը իրեն հռչակեց ոչ միայն Գազայի հատվածի, այլ ամբողջ նախկին Բրիտանական Պաղեստինի կառավարիչ, այն միայն սահմանափակվում էր Գազայի հատվածով: Իսրայելը ավելի ուշ նվաճեց Գազայի հատվածը եւ Սինայի թերակղզին Եգիպտոսից, Հորդանանի գետի արեւմտյան ափը Հորդանանից եւ Գոլանի բարձունքները՝ Սիրայից՝ Վեցօրյա պատերազմի ընթացքում:

ԵՄ-ն դատապարտել է իսրայելական բնակավայրերի ընդլայնումը Պաղեստինի տարածքում
 |1lurer.am|

ԵՄ-ն դատապարտել է իսրայելական բնակավայրերի ընդլայնումը Պաղեստինի տարածքում |1lurer.am|

1lurer.am: Եվրամիությունը դատապարտել է Իսրայելի ֆինանսների նախարար Բեզալել Սմոտրիչի հայտարարությունն այն մասին, որ իսրայելական հինգ ֆորպոստն օկուպացված Պաղեստինի տարածքում պետք է օրինականացվի: «Սա խաղաղության ջանքերը խաթարելու ևս մեկ միտումնավոր փորձ է: Այս շաբաթ Եվրոպական խորհրդի նիստում ԵՄ առաջնորդները դատապարտեցին Իսրայելի կառավարության որոշումները՝ օկուպացված Արևմտյան ափում ապօրինի բնակավայրերի հետագա ընդլայնման վերաբերյալ, և կոչ արեցին Իսրայելին չեղարկել դրանք»,- ասվում է Եվրոպական արտաքին քաղաքական ծառայության պաշտոնական ներկայացուցչի կոմյունիկեում: Փաստաթղթում հիշեցվում է, որ համաձայն ընդհանուր դիրքորոշման ու ՄԱԿ-ի Անվտանգության խորհրդի բանաձևերի՝ Եվրամիությունը չի ճանաչում 1967 թվականի սահմանների փոփոխությունն առանց կողմերի համաձայնության: Այն նաև նշում է, որ ԵՄ-ն վերահաստատում է իր անսասան հանձնառությունը ամուր և կայուն խաղաղությանը՝ համաձայն ՄԱԿ-ի Անվտանգության խորհրդի համապատասխան բանաձևերի, հիմնված երկու պետության լուծման վրա, որոնք պետք է ապրեն «կողք կողքի՝ խաղաղության, անվտանգության և փոխադարձ ճանաչման պայմաններում»:
19:32 - 29 հունիսի, 2024
Ադրբեջանը չպետք է սպառնալիքի լեզվով խոսի, եթե խոսքը խաղաղության երկխոսության մասին է. Իրանի դեսպան
 |news.am|

Ադրբեջանը չպետք է սպառնալիքի լեզվով խոսի, եթե խոսքը խաղաղության երկխոսության մասին է. Իրանի դեսպան |news.am|

news.am: Մենք ընդգծել ենք մեր դիրքորոշումը Պաղեստինի հարցի նկատմամբ, մեր սկզբունքային դիրքորոշումը հետեւյալն է, որ մենք չենք ճանաչում մանկասպան սիոնիստական ռեժիմը. մենք ողջունել ենք Հայաստանի որդեգրած դիրքորոշումը՝ Պաղեստինի պետությունը ճանաչելու վերաբերյալ: Այս մասին, այսօր՝ հունիսի 28-ին, Իրանի դեսպանատանը լրագրողների հետ զրույցում նշեց ԻԻՀ արտակարգ և լիազոր դեսպան Մեհդի Սոբհանին: «Այս քաջ եւ դրական քայլը, որ կատարվեց ՀՀ-ի կողմից, ցույց է տալիս, որ միջազգային հանրությունը կարեւորում է Պեղեստինի ժողովրդի իրավունքները եւ դեմ է իրավունքների խախտմանը, որ դրսեւորվում է սիոնիստական ռեժիմի կողմից Պաղեստինի ժողովրդի նկատմամբ: Այն երկրները, որոնք աջակցում են Պեղեստինի ժողովրդին եւ նրա իրավունքները, դրանք պատմության ճիշտ կողմում են գտնվում: Այն հանցագործությունները, որ իրականացվում են սիոնիստական ռեժիմի կողմից, հայտնի են աշխարհում: Ով լռում է դրանց մասին, նա մասնակից է սիոնիստական ռեժիմի կողմից կատարված հանցագործություններին»,-ասաց նա: Հարցին՝ ինչպիսին կլինի Իրանի արձագանքը՝ Ադրբեջանի կողմից Հայաստանի դեմ հնարավոր ագերսիայի դեպքում, Իրանն ինչպիսի գործողությունների կարող է դիմել, դեսպանը պատասխանեց. «Նրանք պետք է սպառնալիքի լեզվով չխոսեն, եթե խոսքը խաղաղության երկխոսության մասին է: Ինչ վերաբերում է Հայաստանի հետ մեր համագործակցության ձեւին, դա կախված է ՀՀ կառավարությունից: Մենք մեր պատրաստակամությունն ենք հայտնել փոխադարձ ընկալումների հիման վրա, այն ինչ կբխի մեր երկու երկրների շահերից, մենք բոլոր ոլորտներում պատրաստ ենք համագործակցել Հայաստանի հետ»:
11:30 - 28 հունիսի, 2024
Նեթանյահուն հայտնել է ՀԱՄԱՍ-ի հետ մարտերի ակտիվ փուլի ավարտի և Լիբանանի հետ սահմանի վրա կենտրոնանալու մասին
 |armenpress.am|

Նեթանյահուն հայտնել է ՀԱՄԱՍ-ի հետ մարտերի ակտիվ փուլի ավարտի և Լիբանանի հետ սահմանի վրա կենտրոնանալու մասին |armenpress.am|

armenpress.am:  Իսրայելի վարչապետ Բենիամին Նեթանյահուն հայտարարել է, որ պաղեստինյան ՀԱՄԱՍ արմատական շարժման դեմ պատերազմի «ինտենսիվ փուլը շուտով կավարտվի», և որ զինվորականների ուշադրությունը կկենտրոնանա Լիբանանի հետ Իսրայելի սահմանի վրա, որտեղ վերջին շաբաթներին «Հեզբոլլահ» շարժման դեմ մարտերն ակտիվացել են։ Այս մասին հաղորդում է CNN-ը։  Միևնույն ժամանակ Նեթանյահուն խոստացել է, որ Իսրայելը կշարունակի գործողությունները Գազայի հատվածում, մինչև ՀԱՄԱՍ-ը չոչնչացվի։ «Դա չի նշանակում, որ պատերազմն ավարտվելու է, բայց պատերազմն իր ներկա փուլում ավարտվելու է Ռաֆահում։ Սա ճիշտ է։ Մենք ավելի ուշ կշարունակենք խոտը հնձել», - ասել է Նեթանյահուն  Channel 14 հեռուստաընկերության հետ հարցազրույցի ժամանակ։ Իսրայելն, անտեսելով միջազգային հանրության կոչերը, ռազմական գործողություններ էր սկսել Գազայի հատվածի հարավում գտնվող Ռաֆահ քաղաքում, որտեղ ապաստան էր գտել ավելի քան 1 միլիոն մարդ։ Այդ ժամանակից ի վեր շուրջ 800 000 մարդ է տեղահանվել։  Մայիսի սկզբին Իսրայելը գրավել է Եգիպտոսի հետ սահմանին գտնվող Ռաֆահի անցակետը, որն այդ ժամանակից փակ է։ Հարցազրույցում Նեթանյահուն հայտնել է, որ պատրաստ է ՀԱՄԱՍ-ի հետ «մասնակի համաձայնության», որի ընթացքում կվերադարձվեն Գազայում գտնվող որոշ պատանդներ։ Միևնույն ժամանակ Նեթանյահուն կրկնել է, որ պատերազմը կշարունակվի հրադադարից հետո՝ «հասնելու ՀԱՄԱՍ-ին ոչնչացնելու նպատակին»։ Վերջերս ՄԱԿ-ի Անվտանգության խորհուրդն ընդունել էր ԱՄՆ-ի առաջարկած երեք փուլով հրադադարի պլանը․ այն ենթադրում է մարտական գործողությունների մշտական դադարեցում, որի դիմաց ազատ կարձակվեն Գազայում մնացած բոլոր պատանդները, ինչպես նաև Գազայի հատվածից իսրայելական զորքերի ամբողջական դուրսբերում։  ՀԱՄԱՍ-ը հայտարարել է, որ Նեթանյահուի դիրքորոշումը ցույց է տալիս ՄԱԿ-ի Անվտանգության խորհրդի բանաձևի և ԱՄՆ նախագահ Ջո Բանդենի առաջարկի մերժում։  Ինչ վերաբերում է Իսրայելի հյուսիսի վրա ուշադրությունը կենտրոնացնելուն, Նեթանյահուն հայտնել է, որ դա նախ կարվի պաշտպանական նպատակներով և երկրորդ, հնարավորություն կտա, որ Լիբանանի հետ սահմանամերձ շրջանների բնակիչները տուն վերադառնան։ «Եթե դա կարողանանք անել քաղաքական ճանապարհով, հրաշալի կլինի, իսկ եթե ոչ, ապա մենք այլ ձևով դա կանենք, բայց մենք տուն կվերադարձնենք բոլորին՝ թե՛ հյուսիսի, թե՛ հարավի բոլոր բնակիչներին», - ասել է նա։ Գազայի հատվածում պատերազմի ընթացքում «Հեզբոլլահ» շարժումը և Իսրայելն ինտենսիվ հարվածներ են փոխանակում։ Իսրայելի հյուսիսում և Լիբանանի հարավում գտնվող գյուղերի բնակիչները տեղահանվել են։  Գազայի հատվածում պատերազմը սկսվել է հոկտեմբերի 7-ին ՀԱՄԱՍ-ի զինյալների հարձակումից հետո, երբ Իսրայելում շուրջ 1200 մարդ սպանվեց, 250 մարդ՝ գերեվարվեց։ Իսրայելի պատասխան ռազմական գործողությունների հետևանքով Գազայի հատվածում, ըստ տեղի իշխանությունների, զոհերի թիվը հասել է 37 600-ի։ 
12:27 - 24 հունիսի, 2024
Պաղեստինի վարչակազմը ճանաչման համար շնորհակալություն է հայտնում Հայաստանին |azatutyun.am|

Պաղեստինի վարչակազմը ճանաչման համար շնորհակալություն է հայտնում Հայաստանին |azatutyun.am|

azatutyun.am: Պաղեստինի ազգային վարչակազմի նախագահ Մահմուդ Աբասի գրասենյակը շնորհակալություն է հայտնել Հայաստանին՝ Պաղեստինի պետությունը ճանաչելու համար: Այդ մասին այսօր հայտնել է WAFA գործակալությունը։ «Հայաստանի իմաստուն քայլը համահունչ է խաղաղություն նախատեսող ծրագրին, որը ենթադրում է երկու [իսրայելական և պաղեստինյան] պետությունների համակեցությունը: Սա ռազմավարական ընտրություն է, որը պաշտպանում է միջազգային կամքը և լեգիտիմությունը», - ասվում է հայտարարությունում: Պաղեստինի վարչակազմը շնորհակալություն է հայտնում Հայաստանին «այս խիզախ և կարևոր որոշման համար, որն ամրապնդում է երկկողմ կապերը և նպաստում խաղաղությանն ու կայունությունը տարածաշրջանում»։ Ավելի վաղ այսօր Հայաստանի արտաքին գործերի նախարարությունը հայտարարել է, որ Երևանը ճանաչել է Պաղեստինի պետականությունը։ Այս տարեսկզբին Պաղեստինը ճանաչել են Սլովենիան, Իռլանդիան, Իսպանիան և Նորվեգիան։  
16:39 - 21 հունիսի, 2024
Հայաստանի Հանրապետությունը ճանաչում է Պաղեստինի պետությունը․ ԱԳՆ

Հայաստանի Հանրապետությունը ճանաչում է Պաղեստինի պետությունը․ ԱԳՆ

ՀՀ ԱԳՆ հայտարարությունը Պաղեստինի պետության ճանաչման վերաբերյալ, որը ներկայացնում ենք ստորև․ «Գազայում տիրող աղետալի հումանիտար իրավիճակը և շարունակվող ռազմական հակամարտությունն այսօր միջազգային քաղաքական օրակարգի՝ կարգավորում պահանջող առաջնային խնդիրներից մեկն է: Հայաստանի Հանրապետությունը կտրականապես մերժում է զինված հակամարտության ընթացքում քաղաքացիական ենթակառուցվածքների թիրախավորումը, քաղաքացիական բնակչության դեմ բռնությունները և քաղաքացիական անձանց պատանդառումն ու գերեվարումը և միանում է առանց նախապայմանների նրանց ազատ արձակման միջազգային հանրության պահանջներին:Հայաստանի Հանրապետությունը միացել է ՄԱԿ-ի ԳԱ-ի բանաձևերին, որոնք կոչ են անում անհապաղ հրադադար հաստատել Գազայում: Ավելին, Հայաստանի Հանրապետությունն անկեղծորեն շահագրգռված է Մերձավոր Արևելքում խաղաղության և կայունության հաստատմամբ, հրեա և պաղեստինցի ժողովուրդների միջև տևական հաշտության կայացմամբ: Միջազգային տարբեր հարթակներում մենք մշտապես հանդես ենք եկել պաղեստինյան հարցի խաղաղ և համապարփակ կարգավորման օգտին և պաշտպանում ենք իսրայելա-պաղեստինյան հակամարտության լուծման՝ «երկու պետություն» սկզբունքը: Համոզված ենք, որ դա միակ ճանապարհն է երաշխավորելու, որ պաղեստինցիներն ու իսրայելցիները կարող են իրականացնել իրենց օրինական ձգտումները:Ելնելով վերոնշյալից և վերահաստատելով իր հավատարմությունը միջազգային իրավունքին և ժողովուրդների հավասարության, ինքնիշխանության ու խաղաղ համակեցության սկզբունքներին՝ Հայաստանի Հանրապետությունը ճանաչում է Պաղեստինի պետությունը»,- ասված է հաղորդագրության մեջ։ 
11:29 - 21 հունիսի, 2024
ՄԱԿ-ի Անվտանգության խորհուրդն ընդունել է Գազայում հրադադարի հաստատման եռափուլ բանաձև
 |tert.am|

ՄԱԿ-ի Անվտանգության խորհուրդն ընդունել է Գազայում հրադադարի հաստատման եռափուլ բանաձև |tert.am|

tert.am: ՄԱԿ-ի Անվտանգության խորհուրդն ընդունել է ԱՄՆ-ի՝ Գազայի հատվածում հրադադարի փուլային հաստատման ծրագրի բանաձևը։ Այս ծրագիրը ավելի վաղ ներկայացարել էր Միացյալ Նահանգների նախագահ Ջո Բայդենը։ Բանաձևին կողմ է քվեարկել 15 երկրից 14-ը։ Ռուսաստանը ձեռնպահ է մնացել քվեարկությունից, հայտնում է ria.ru-ն։ Իսրայելի և պաղեստինյան արմատական ՀԱՄԱՍ շարժման միջև հրադաարի ծրագիրը ներառում է երեք փուլ. առաջինը ենթադրում է երկու կողմից անհապաղ կրակի դադարեցում, անկլավի բնակեցված շրջաններից իսրայելական զորքերի դուրսբերում, ՀԱՄԱՍ-ի զինյալների կողմից պատանդների ազատ արձակում և Իսրայելում ձերբակալված պաղեստինցիների փոխանակում: Երկրորդ փուլը ներառում է մնացած պատանդների ազատ արձակումը և իսրայելական զորքերի ամբողջական դուրսբերումը Գազայից։ Եթե երկու կողմն էլ համաձայնի, հրադադարը կդառնա մշտական։ Երրորդ փուլում, ըստ բանաձևի, կսկսվի անկլավի վերականգնումը։ Բանաձևը նաև մերժում է Գազայի հատվածի տարածքային կամ ժողովրդագրական ցանկացած փոփոխություն:
10:01 - 11 հունիսի, 2024
Իսրայելը 4 պատանդի ազատման գործողության ընթացքում առնվազն 210 պաղեստինցի է սպանել. Գազայի իշխանություններ
 |tert.am|

Իսրայելը 4 պատանդի ազատման գործողության ընթացքում առնվազն 210 պաղեստինցի է սպանել. Գազայի իշխանություններ |tert.am|

tert.am: Գազայի հատվածի կենտրոնում գտնվող «Նուսեյրաթ» պաղեստինցի փախստականների ճամբարից իսրայելցի 4 պատանդի ազատման նպատակով Իսրայելի պաշտպանության բանակի ռազմական գործողության ընթացքում սպանվել է առնվազն 210 պաղեստինցի։ Այսպիսի հայտարարություն է արել Գազայում ԶԼՄ-ների հետ կապի հարցերով վարչությունը:««Նուսեյրաթ» ճամբարում իսրայելական ագրեսիայի հետևանքով զոհվել է 210 մարդ, վիրավորվել՝ ավելի քան 400-ը»,- ասվում է գերատեսչության պաշտոնական թելեգրամյան ալիքում հրապարակված հաղորդագրության մեջ։Գերատեսչությունն ընդգծել է, որ այս պահին խոսքը միայն «Նուսեյրաթ»-ում և Դեյր էլ Բալահի (անկլավի կենտրոնական հատված) հիվանդանոցներ տեղափոխվածների մասին է։Գազայի առողջապահության նախարարությունը դեռ չի մեկնաբանել այս տեղեկությունը։Ավելի վաղ իսրայելական բանակի մամուլի ծառայությունը հայտարարել էր Գազայի հատվածի կենտրոնական հատվածում գտնվող «Նուսեյրաթ» պաղեստինյան փախստականների ճամբարի տարածքում հատուկ գործողության մասին, որի արդյունքում 2023 թվականի հոկտեմբերի 7-ին առևանգված չորս իսրայելցի ազատ է արձակվել։ Խոսքը վերաբերում է Նոա Ագրամանին (25 տարեկան), Ալմոգ Մեիրին (21 տարեկան), Շլոմի Զիվին (40 տարեկան) և Անդրեյ Կոզլովին (27 տարեկան):
15:09 - 09 հունիսի, 2024