14:08 - 25 դեկտեմբերի, 2020
Վաղարշակ Հակոբյանը դիտորդական առաքելություն կիրականացնի Ղազախստանի խորհրդարանական ընտրություններում
Ազգային ժողովի պատգամավոր Վաղարշակ Հակոբյանը դիտորդական առաքելություն կիրականացնի Ղազախստանում տեղի ունենալիք Խորհրդարանի Մաջլիսի պատգամավորների ընտրություններում:
Այս մասին կարգադրություն է ստորագրել Ազգային ժողովի նախագահ Արարատ Միրզոյանը:
«Ղազախստանի Հանրապետությունում տեղի ունենալիք Խորհրդարանի Մաջլիսի պատգամավորների ընտրություններին մասնակցելու համար, ԱՊՀ միջխորհրդարանական վեհաժողովի միջազգային դիտորդական առաքելության շրջանակներում 2021 թվականի հունվարի 7-13-ը Նուր-Սուլթան (Ղազախստանի Հանրապետություն) գործուղել Ազգային ժողովի պատգամավոր Վաղարշակ Հակոբյանին»,- ասված է ԱԺ նախագահի կարգադրության մեջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)