ՍԱՏՄ

Սննդամթերքի անվտանգության տեսչական մարմինն իրականացնում է սննդամթերքի անվտանգության եւ համապատասխանության գնահատման, անասնաբուժության եւ բուսասանիտարիայի բնագավառների պետական կարգավորումը, օրենքով, իսկ առանձին դեպքերում դեպքերում իրականացնում է նաեւ վերահսկողական գործառույթներ եւ կիրառում պատասխանատվության միջոցներ այդ բնագավառում` հանդես գալով Հայաստանի Հանրապետության անունից։ Այս կառույցը հիմնադրվել է 2018թ.-ին ՀՀ ԳՆ ՍԱՊԾ հիմքի վրա։ Տեսչական Մարմնի ղեկավարը Գեորգի Ավետիսյանն է։

ԳՈՒՄ-ի շուկայում հայտնաբերվել են մի շարք էական խախտումներ. առգրավվել և ոչնչացվել է մոտ մեկ տոննա միս. ՍԱՏՄ

ԳՈՒՄ-ի շուկայում հայտնաբերվել են մի շարք էական խախտումներ. առգրավվել և ոչնչացվել է մոտ մեկ տոննա միս. ՍԱՏՄ

ՀՀ սննդամթերքի անվտանգության տեսչական մարմնի կողմից իրականացվող պարբերական վերահսկողական գործողությունների շրջանակում՝ Խորենացու փողոցում գործող մսի իրացման շուկայում այսօր անցկացվել են հերթական մշտադիտարկումները։ «Դրա արդյունքում հայտնաբերվել են մի շարք էական խախտումներ։ Մսի իրացման կետերը դադարեցրել են աշխատանքը և փակվել են, իսկ մատակարարները չեն կարողացել փաստել իրենց մսի սպանդանոցային ծագումը: Օրենսդրությամբ սահմանված է, որ ոչ սպանդանոցային ծագման միսը ենթակա է առգրավման և ոչնչացման։ Այսօր առգրավվել և ոչնչացվել է մոտ մեկ տոննա միս: Կարևորում ենք նշել, որ տեսչական մարմնի կողմից ոչ սպանդանոցային ծագման մսի առգրավման և ոչնչացման մասին բոլոր հնարավոր հարթակներով պարբերաբար իրականացվել են իրազեկման աշխատանքներ, մսի իրացման կետերը, այդ թվում՝ Խորենացու փողոցի, նախազգուշացվել են այն մասին, որ միջոցառումները կրելու են մշտական բնույթ՝ հորդորելով աշխատել օրենքով սահմանված ընթացակարգերով։ Ավելին՝ նմանօրինակ վերահսկողական միջոցառում Խորենացու փողոցում գործող մսի իրացման կետերում անցկացվել է բոլորովին վերջերս՝ սեպտեմբեր-հոկտեմբեր ամիսներին, որի ընթացքում նույնպես առգրավվել է ոչ սպանդանոցային ծագման միս՝ կրկին իրազեկելով տնտեսվարողներին գործող կարգավորումների մասին։ Տեսչական մարմնի գործողությունները, բնականաբար, միտված են բացառապես բնակչության առողջության պահպանմանը՝ թույլ չտալու, որ մարդկանց սեղաններին հայտնվի չստուգված, անհայտ ծագման, վտանգավոր սննդամթերք։ Եվս մեկ անգամ մսի իրացմամբ զբաղվող տնտեսվարողներին հորդորում ենք իրացնել բացառապես սպանդանոցային ծագման միս»,- ասված է հաղորդագրությունում։

19:15 - 13 դեկտեմբերի, 2024

«Գումի» շուկայից 1 տոննա միս է առգրավվել

«Գումի» շուկայից 1 տոննա միս է առգրավվել

Սննդամթերքի անվտանգության տեսչական մարմնի աշխատակիցները ոստիկանների հետ միասին այսօր՝ դեկտեմբերի 13-ին, առգրավել են «Գումի» շուկայում վաճառվող ոչ սպանդանոցային միսը։ Առգրավան ընթացքում քաշքշուկ է սկսվել, ինչից հետո միջադեպի մասնակից 7 անձ ձերբակալվել է՝ խուլիգանության և դիտավորությամբ գույքը վնասելու անմիջական կասկածանքով, հայտնում են ոստիկանությունից։ Մսավաճառները համամիտ չեն այս որոշման հետ, բողոքում են, որ սպանդանոցների քանակի խնդիր կա, նախևառաջ պետք է այդ հարցը լուծել։ 2023-ի դեկտեմբերի 6-ից ուժի մեջ մտավ սպանդանոցային մսի վաճառքի նոր կարգավորումը, որով արգելվում է ոչ սպանդանոցային մորթի արդյունքում ստացված կենդանական ծագման հումքի և մթերքի իրացումը։ ՍԱՏՄ-ից հայտնում են, որ այսօր շուկայից մեկ տոննա միս է առգրավվել, որը ենթակա է ոչնչացման։

13:29 - 13 դեկտեմբերի, 2024

Նախանշվում է Հայաստան-Արգենտինա շփումների ակտիվացում սննդամթերքի անվտանգության ոլորտում

Նախանշվում է Հայաստան-Արգենտինա շփումների ակտիվացում սննդամթերքի անվտանգության ոլորտում

ՍԱՏՄ ղեկավար Արմեն Դանիելյանն ընդունել է Հայաստանում Արգենտինայի Հանրապետության դեսպանության հյուպատոս և կոմերցիոն բաժնի ղեկավար Նիկոլաս Պասամանին։ Ինչպես հայտնում են ՍԱՏՄ-ից, հանդիպումը կազմակերպվել էր արգենտինական կողմի նախաձեռնությամբ և կրում էր ճանաչողական բնույթ: Քննարկվել են Արգենտինայից Հայաստան մսամթերքի, կաթնամթերքի և կենդանական ծագման այլ մթերքների, ինչպես նաև Հայաստանից Արգենտինա որոշակի ապրանքատեսակների արտահանման-ներմուծման վերաբերյալ համագործակցության հնարավորությունները՝ հաշվի առնելով նաև Արգենտինայում հայկական մեծաքանակ համայնքի առկայությունը: Տեսչական մարմնի ղեկավարը հյուրերին ներկայացրել է Հայաստանի՝ որպես ԵԱՏՄ անդամ երկրի, անասնաբուժական ենթահսկման բեռների ներմուծման պահանջները, կարգը, սահմանափակումները, երրորդ երկրների ռեեստրներում կազմակերպությունների գրանցման ընթացակարգերը: Պայմանավորվածություն է ձեռք բերվել իրար փոխանցել վերոնշյալ գործընթացները կարգավորող իրավական ակտերը։ Արգենտինայի դեսպանության հյուպատոսը հույս է հայտնել, որ առաջիկայում երկու երկրների համագործակցությունը սննդամթերքի անվտանգության ոլորտում առավել կակտիվանա:

19:57 - 28 նոյեմբերի, 2024

Կոտայքի մարզում կասեցվել է հանրային սննդի օբյեկտի արտադրական գործունեությունը

Կոտայքի մարզում կասեցվել է հանրային սննդի օբյեկտի արտադրական գործունեությունը

Անհատ ձեռնարկատեր Արշակ Գրիգորյանին պատկանող հանրային սննդի օբյեկտում (Կոտայքի մարզ, ք․ Նոր Հաճն) իրականցված ստուգման ընթացքում Սննդամթերքի անվտանգության տեսրական մարմնի Կոտայքի մարզային կենտրոնի տեսուչներն արձանագրել են սանիտարահիգիենիկ նորմերի խախտումներ։ «Մասնավորապես՝ - արտադրական շինությունները սարքավորված չեն եղել սանհանգույցներով և ձեռքերը լվանալու համար նախատեսված լվացարաններով, - շինության պատերը պատված չեն եղել անջրանցիկ, լվացվող, ախտահանվող նյութերով, -բացվող ներքին պատուհանները չեն ունեցել հանվող և մաքրվող միջատապաշտպան ցանցեր, - սննդամթերքի արտադրության գործընթացի հետ միաժամանակ իրականացվել են վերանորոգման աշխատանքներ, - սննդի կառույցն ապահոված չի եղել անձնակազմի համար հանդերաձարանով։ Սահմանվել է վերջնաժամկետ խախտումների վերացման համար»,- նշված է ՍԱՏՄ հաղորդագրությունում։

15:50 - 26 նոյեմբերի, 2024

Հացաբուլկեղենի արտադրամասի արտադրական գործունեության կասեցումը վերացվել է. ՍԱՏՄ

Հացաբուլկեղենի արտադրամասի արտադրական գործունեության կասեցումը վերացվել է. ՍԱՏՄ

ՀՀ սննդամթերքի անվտանգության տեսչական մարմնի ղեկավարի հրամանով՝ վերացվել է անհատ ձեռնարկատեր Ռոմեո Պողոսյանին պատկանող հացաբուլկեղենի արտադրամասի արտադրական գործունեության կասեցումը (Կոտայքի մարզ, ք. Աբովյան)։ Տեսչական մարմնի Կոտայքի մարզային կենտրոնի տեսուչները վերստուգման ընթացքում պարզել են, որ նախորդիվ արձանագրված սանիտարահիգիենիկ նորմերի խախտումներն ամբողջովին վերացվել են:

19:41 - 20 նոյեմբերի, 2024

Սոնա Ծառուկյանն ազատվել է ՍԱՏՄ ղեկավարի տեղակալի պաշտոնից

Սոնա Ծառուկյանն ազատվել է ՍԱՏՄ ղեկավարի տեղակալի պաշտոնից

Հայաստանի Հանրապետության վարչապետի որոշմամբ` Սոնա Ծառուկյանն ազատվել է ՀՀ սննդամթերքի անվտանգության տեսչական մարմնի ղեկավարի տեղակալի պաշտոնից։ «Ղեկավարվելով «Հանրային ծառայության մասին» օրենքի 9-րդ հոդվածի 4-րդ մասով և «Տեսչական մարմինների մասին» օրենքի 8-րդ հոդվածի 4-րդ մասով՝ Սննդամթերքի անվտանգության տեսչական մարմնի ղեկավարի տեղակալի ժամանակավոր պաշտոնակատար Սոնա Ծառուկյանին ազատել զբաղեցրած պաշտոնից»,- ասված է որոշման մեջ:

20:38 - 15 նոյեմբերի, 2024

Հրազդանում կասեցվել է «Փարթի քեյքս» ապրանքանիշի կրեմային հրուշակեղենի արտադրությունը

Հրազդանում կասեցվել է «Փարթի քեյքս» ապրանքանիշի կրեմային հրուշակեղենի արտադրությունը

Անհատ ձեռնարկատեր Արմիկ Կարապետյանին պատկանող «Փարթի քեյքս» ապրանքանիշի կրեմային հրուշակեղենի արտադրամասի (ք. Հրազդան, Միկրոշրջան, 4-րդ փողոց) արտադրական գործունեությունը կասեցվել է: Այս մասին հայտնում են ՀՀ սննդամթերքի անվտանգության տեսչական մարմնից: ՀՀ սննդամթերքի անվտանգության տեսչական մարմնի ղեկավարի այդ որոշումը կայացվել է ՍԱՏՄ Կոտայքի մարզային կենտրոնի տեսուչների ստուգման արձանագրության հիման վրա, համաձայն որի հրուշակեղենի այս արտադրամասն աշխատել է սահմանված սանիտարահիգիենկի նորմերի կոպիտ խախտումներով: Այսպես՝ արտադրական շինության պատերը չեն ունեցել հարթ մակերես, նորոգ չեն եղել, պատված չեն եղել հեշտությամբ լվացվող, անջրանցիկ, չներծծող, ախտահանվող նյութերով, սահմանված չի եղել սննդամթերքի արտադրության գործընթացում օգտագործվող արտադրական շինությունների, տեխնոլոգիական սարքավորումների, գույքի մաքրման, լվացման, ախտահանման, միջատազերծման և կրծողների ոչնչացման գործընթացների պարբերականությունը, դրանք չեն իրականացվել, արտադրական շինությունների նախագծումը, դրանց կառուցվածքը և դասավորվածությունը չեն բացառել պարենային հումքի, սննդամթերքի, աղտոտված և մաքուր գույքի խաչաձևվող հոսքերը: Սահմանվել է խախտումները վերացնելու ժամկետ:

12:52 - 14 նոյեմբերի, 2024

Արարատում կասեցվել է մսային կիսապատրաստվածքի արտադրամասի արտադրական գործունեությունը

Արարատում կասեցվել է մսային կիսապատրաստվածքի արտադրամասի արտադրական գործունեությունը

Սննդամթերքի անվտանգության տեսչական մարմինը հայտնում է, որ Արարատի մարզային կենտրոնի տեսուչներն անհատ ձեռնարկատեր Գրիգոր Բաղդասարյանին պատկանող մսային կիսապատրաստվածքի արտադրամասում (Արարատի մարզ, ք․ Վեդի) անցկացված ստուգման ընթացքում պարզել են, որ այն աշխատել է սննդամթերքի հիգիենային ներկայացվող պահանջների խախտմամբ։ Մասնավորապես՝ արտադրական շինությունների նախագծումը, դրանց կառուցվածքը, դասավորվածությունը չեն ապահովել պարենային հումքի, փաթեթավորման նյութերի և սննդամթերքի պահպանման սահմանված պայմանները, սննդամթերքի հետ շփման մեջ գտնվող գույքը պատրաստված չի եղել ներկայացվող պահանջներին համապատասխանող նյութերից, սահմանված չի եղել արտադրական շինությունների, տեխնոլոգիական սարքավորումների և գույքի մաքրման, լվացման, ախտահանման, միջատազերծման և կրծողների ոչնչացման գործընթացների պարբերականությունը, բոլոր սարքավորումները, գործիքները, պարագաները և բեռնարկղերը, պատշաճ չեն մաքրվել ու ախտահանվել, արտադրամասն ապահովված չի եղել սանհանգույցով, սննդի շղթայում ներգրավված աշխատակիցները չեն ենթարկվել պարտադիր նախնական և պարբերական բժշկական զննությունների և չեն ունեցել սանիտարական գրքույկներ։ Մսային կիսապատրաստվածքի արտադրամասի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար։

12:17 - 14 նոյեմբերի, 2024

Կասեցվել է «Ռագմակ» ընկերության տոմատի մածուկի արտադրական գործունեությունը

Կասեցվել է «Ռագմակ» ընկերության տոմատի մածուկի արտադրական գործունեությունը

ՀՀ սննդամթերքի անվտանգության տեսչական մարմնի Երևանի կենտրոնի տեսուչները ստուգում են իրականացրել «Ռագմակ» ՍՊԸ-ին պատկանող պահածոների գործարանում (ք․Երևան, Արին Բերդ փ․), որի ընթացքում կատարել են ապրանքատեսակի նմուշառում և հանձնել լաբորատոր հետազոտության: Ըստ փորձաքննության արդյունքների՝ տոմատի մածուկի նմուշը B.cereus, B.polymyxa և B.subtilis խմբի սպոր առաջացնող մեզոֆիլային աերոբ և ֆակուլտատիվ անաերոբ միկրոօրգանիզմներ, մեզոֆիլային կլոստրիդիաներ (բացառությամբ C. Botulinum-ի և (կամ) C. Perfringenes-ի) և սպոր չառաջացնող միկրոօրգանիզմներ, այդ թվում՝ կաթնաթթվային և (կամ) բորբոսասնկեր և (կամ) խմորասնկեր ցուցանիշներով չի համապատասխանել սահմանված պահանջներին։ Այդ արտադրատեսակի արտադրական գործունեությունը կասեցվել է, սահմանվել է ժամկետ խախտումները վերացնելու համար։

11:19 - 13 նոյեմբերի, 2024

Կասեցվել է Արամի փողոցում գտնվող «Պեստո» սրճարանի գործունեությունը

Կասեցվել է Արամի փողոցում գտնվող «Պեստո» սրճարանի գործունեությունը

ՀՀ սննդամթերքի անվտանգության տեսչական մարմնի արագ արձագանքման բաժնի տեսուչները «Պեստո» ՍՊԸ-ին պատկանող հանրային սննդի օբյեկտում (ք․ Երևան, Արամի փ․) անցկացրած ստուգման ընթացքում պարզել են, որ արտադրական գործընթացներն այստեղ իրականացվում են սննդամթերքի հիգիենային ներկայացվող սահմանված պահանջների խախտմամբ։ Այս մասին հայտնում են ՀՀ ՍԱՏՄ-ից։ Մասնավորապես՝ հանրային սննդի օբյեկտի հատակը, պատերը և առաստաղը գտնվել են ոչ նորոգ վիճակում, հեշտորեն չեն լվացվել և չեն ախտահանվել։ Հանրային սննդի օբյեկտի արտադրական գործունեությունը կասեցվել է, սահմանվել է ժամկետ։

15:15 - 07 նոյեմբերի, 2024

ՍԱՏՄ ղեկավարը հրաժարականի դիմում է ներկայացրել |news.am|

ՍԱՏՄ ղեկավարը հրաժարականի դիմում է ներկայացրել |news.am|

news.am: Սննդամթերքի անվտանգության տեսչական մարմնի ղեկավար Արմեն Հայրապետյանը հրաժարականի դիմում է ներկայացրել: Այս մասին NEWS.am-ին հաստատեցին ՍԱՏՄ-ից։ Հրաժարականի պատճառները հայտնի չեն:

14:42 - 06 նոյեմբերի, 2024

Սևանում կասեցվել է կաթնամթերքի արտադրամասի արտադրական գործունեությունը

Սևանում կասեցվել է կաթնամթերքի արտադրամասի արտադրական գործունեությունը

Սննդամթերքի անվտանգության տեսչական մարմնի Գեղարքունիքի մարզային կենտրոնի տեսուչները վերահսկողական միջոցառումներ են իրականացրել անհատ ձեռնարկատեր Բոգդան Նիկողոսյանին պատկանող կաթնամթերքի արտադրամասում և պարզել, որ այն գործում է սանիտարահիգիենիկ պայմանների խախտումներով։ Այս մասին հաղորդում են ՍԱՏՄ լրատվական ծառայությունից։ «Մասնավորապես՝ - արտադրամասն ապահովված չի եղել սանհանգույցներով, - արտադրամասի հատակների, պատերի և դռների մակերևույթները պատրաստված չեն եղել անջրանցիկ, լվացվող, ախտահանվող նյութերից, - առաստաղները ապահով չեն կանխարգելել կեղտի կուտակումը, բորբոսի առաջացումը և մասնիկների թափվելու հնարավորությունը, - բացվող ներքին պատուհանները չեն ունեցել հեշտությամբ հանվող և մաքրվող միջատապաշտպան ցանցեր, - չի եղել անձնակազմի համար նախատեսված հանդերձարան: Տեսչական մարմնի ղեկավարի որոշմամբ՝ կաթնամթերքի արտադրամասի արտադրական գործունեությունը կասեցվել է, սահմանվել է խատումներն ու անհամապատասխանությունները վերացնելու ժամկետ»,- ասված է հաղորդագրությունում։

13:22 - 04 նոյեմբերի, 2024

Առգրավվել և ոչնչացվել է ոչ սպանդանոցային ծագման ավելի քան 70 կգ միս-մսեղիք

Առգրավվել և ոչնչացվել է ոչ սպանդանոցային ծագման ավելի քան 70 կգ միս-մսեղիք

ՀՀ սննդամթերքի տեսչական մարմնի ղեկավարի հրամանի համաձայն՝ հոկտեմբեր ամսին անասնահամաճարակային մշտադիտարկումներ են իրականացվել Կոտայքի և Վայոց ձորի մարզերում մսի իրացմամբ ու մատակարարմամբ զբաղվող տնտեսվարող սուբյեկտների մոտ, ինչպես նաև անասնահամաճարակային նշանակության տարածքներում: ՍԱՏՄ-ից տեղեկացնում են, որ մշտադիտարկումներն անցկացվել են 59 տնտեսվարողների մոտ (Կոտայք՝ 45, Վայոց ձոր՝ 14), միայն 6-ի դեպքում են արձանագրվել խախտումներ, և առգրավվել է ոչ սպանդանոցային ծագման ավելի քան 70 կգ միս-մսեղիք: Արձանագրվել են խոչընդոտման դեպքեր։ Առգրավված խմբաքանակները ոչնչացվել են այրման միջոցով: Հիշեցնենք՝ «Սննդամթերքի անվտանգության պետական վերահսկողության մասին» օրենքում նախորդ տարվա վերջին կատարված փոփոխությամբ ամրագրվել է, որ լիազոր մարմնի կողմից իրականացվող վերահսկողության ընթացքում ոչ սպանդանոցային մորթի արդյունքում ստացված կենդանական ծագման հումք և մթերք հայտնաբերելու դեպքում, կասեցվում է ամբողջ խմբաքանակի իրացումը, և կայացվում է խմբաքանակի առգրավման և ոչնչացման որոշում: Ոչ սպանդանոցային մորթի արդյունքում ստացված կենդանական ծագման հումքի և մթերքի ոչնչացման հետ կապված ծախսերը կատարվում են տնտեսվարողի միջոցների հաշվին, իսկ եթե վերջինիս հրաժարվում է ծախսերը կատարելուց, լիազոր մարմնի կողմից կատարված ծախսերը հետագայում տնտեսվարողից կգանձվեն դատական կարգով:

12:16 - 25 հոկտեմբերի, 2024

Երևանում հացի արտադրամասի գործունեություն է կասեցվել

Երևանում հացի արտադրամասի գործունեություն է կասեցվել

ՀՀ սննդամթերքի անվտանգության տեսչական մարմնի Երևանի Կենտրոնի տեսուչներն անհատ ձեռնարկատեր Արամ Եղիազարյանին պատկանող հացի արտադրամասում անցկացվող ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով (ք․ Երևան, Շիրակի փ․)։ Մասնավորապես՝ - սանհանգույցի դուռը բացվում էր դեպի արտադրական շինություն, որտեղ իրականացվել է սննդամթերքի արտադրություն, - արտադրական շինությունում պահվել է անձնակազմի անձնական և արտադրական հագուստ, - շինության հատակների մակերևույթների մի հատվածը պատրաստված չի եղել անջրանցիկ, լվացվող նյութերից, հեշտորեն չի լվացվել, անհրաժեշտության դեպքում՝ չի ախտահանվել, ինչպես նաև պատշաճ ձևով չի ցամաքեցվել, - պատերի մակերևույթների որոշ հատվածներ պատրաստված չեն եղել անջրանցիկ, լվացվող նյութերից, որոնք կարելի էր լվանալ և անհրաժեշտության դեպքում, ախտահանել, - առաստաղի մակերևույթի մի հատվածը ապահով չի եղել, ինչը նպաստել է առաստաղից մասնիկների թափվելու հնարավորությանը ու խոնավության խտացմանը, - սննդի կառույցն ապահովված չի եղել անձնակազմի համար հանդերձարանով, - սննդամթերքի արտադրության գործընթացում օգտագործվող սննդամթերքի հետ շփման մեջ գտնվող տեխնոլոգիական սարքավորումները և գույքը գտնվել են ոչ բարվոք վիճակում, - սարքավորումները, գործիքները, պարագաները և բեռնարկղերը, որոնք անմիջական շփման մեջ են գտնվել սննդամթերքի հետ, կառուցված չեն եղել հիգիենայի պահանջները բավարարող նյութերից։ Հացի արտադրամասի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար։

11:58 - 04 հոկտեմբերի, 2024

Վտանգավոր ճանաչված և առգրավված միս-մսեղիքն այսօր առաջին անգամ ոչնչացվել է այրման միջոցով․ ՍԱՏՄ

Վտանգավոր ճանաչված և առգրավված միս-մսեղիքն այսօր առաջին անգամ ոչնչացվել է այրման միջոցով․ ՍԱՏՄ

«Սննդամթերքի անվտանգության պետական վերահսկողության մասին» օրենքում նախորդ տարվա վերջին կատարված փոփոխությամբ ամրագրվել է, որ լիազոր մարմնի կողմից իրականացվող վերահսկողության ընթացքում ոչ սպանդանոցային մորթի արդյունքում ստացված կենդանական ծագման հումք և մթերք հայտնաբերելու դեպքում, կասեցվում է ամբողջ խմբաքանակի իրացումը և կայացվում է խմբաքանակի առգրավման և ոչնչացման որոշում: ՀՀ սննդամթերքի անվտանգության տեսչական մարմնի կողմից սույն տարվա սեպտեմբերի 16-20-ն ընկած ժամանակահատվածում Երևանում, Լոռու, Արարատի, Արմավիրի և Արագածոտնի մարզերում մսի իրացմամբ զբաղվող 178 տնտեսավարողների մոտ իրականացվել են անասնահամաճարակային մշտադիտարկումներ, դրանցից 27-ում արձանագրվել են խախտումներ և առգրավվել է ոչ սպանդանոցային ծագման շուրջ 589 կգ միս-մսեղիք: Երևան - 41 մշտադիտարկում, (10-ում արձանագրվել են խախտումներ, առգրավվել է 362,4 կգ միս (որից՝ գառ-129,9կգ, խոզ-90 կգ, խեկ-142,5 կգ)), Արագածոտնի մարզ - 22 մշտադիտարկում, (4-ում արձանագրվել են խախտումներ, առգրավվել է 56,9 կգ միս (որից՝ խեկ-33,3 կգ+ խոզ-23,6 կգ)), Արարատի մարզ - 35 մշտադիտարկում, (6-ում արձանագրվել են խախտումներ, առգրավվել է 83,85կգ միս (որից՝ խոզ-58,8կգ, խեկ-23,45 կգ, նապաստակ-1,6 կգ)), Արմավիրի մարզ - 35 մշտադիտարկում, (5-ում արձանագրվել են խախտումներ, առգրավվել է 54,28 կգ միս (որից՝ գառ-30,8 կգ, խոզ-12,3 կգ, խեկ-11,18 կգ)), Լոռու մարզ - 45 մշտադիտարկում (2-ում արձանագրվել են խախտումներ, առգրավվել է 31,4 կգ միս (որից՝ խեկ-20,4 կգ+ խոզ-11 կգ))։ Առգրավված միս-մսեղիքն այսօր առաջին անգամ կոչնչացվի այրման միջոցով։ Ոչ սպանդանոցային մորթի արդյունքում ստացված կենդանական ծագման հումքի և մթերքի ոչնչացման հետ կապված ծախսերը կատարվում են տնտեսավարողի միջոցների հաշվին, իսկ վերջինիս հրաժարվում է ծախսերը կատարելուց, լիազոր մարմնի կողմից կատարված ծախսերը հետագայում տնտեսավարողից կգանձվեն դատական կարգով: Հիշեցնում ենք, որ, համաձայն գործող օրենսդրության, վաճառվող թարմ միս-մսեղիքը պետք է ուղեկցվի դրա սպանդանոցային ծագումը հավաստող անասնաբուժական Ձև 5 վկայականով, միսը պետք է նույնականացվի՝ (պետք է համընկնեն մսի վրայի դրոշմակնիքի և Ձև 5 վկայականի հերթական համարը), կտրատված և սառնարան-ցուցափեղկում դրված միսը պետք է ներկայացված լինի տեղեկատվական թերթիկով (այն պետք է նույնական լինի Ձև ,5 վկայականի և մսի դրոշմակնիքի հետ)։

15:35 - 24 սեպտեմբերի, 2024

Արտադրվել է վտանգավոր սննդամթերք. հանրային սննդի կետի գործունեությունը կասեցվել է

Արտադրվել է վտանգավոր սննդամթերք. հանրային սննդի կետի գործունեությունը կասեցվել է

ՀՀ ՍԱՏՄ-ից տեղեկացնում են, որ ՀՀ սննդամթերքի անվտանգության տեսչական մարմնի ղեկավարի որոշմամբ՝ կասեցվել է «Ավետյան գրուպ» ՍՊԸ-ին պատկանող հանրային սննդի օբյեկտի արտադրական գործունեությունը (Երևան, Մաշտոցի 5): Որոշման համար հիմք են ծառայել քաղաքացու ահազանգի հիման վրա տեսչական մարմնի արագ արձագանքման բաժնի տեսուչների կողմից կազմակերպությունում իրականացված ստուգման ընթացքում պատրաստի արտադրանքից վերցված նմուշների լաբորատոր փորձաքննության արդյունքները: Մասնավորապես՝ «Հավի շաուրմա», «Թանձրուկ Վայպս» և «Թանձրուկ բարբիքյու» արտադրատեսակների նմուշները՝ ՄԱՖԱնՄՔ, իսկ «Խոզի շաուրմայի» նմուշը՝ ՄԱՖԱնՄՔ և ԱՑԽՄ ցուցանիշներով չեն համապատասխանել Մաքսային Միության տեխնիկական կանոնակարգերով սահմանված նորմերին. «Ավետյան գրուպ» ՍՊԸ տնօրենին հանձնարարվել է ձեռնարկել անհրաժեշտ միջոցներ հանրային սննդի օբյեկտում արտադրվող նշված արտադրատեսակները օրենսդրության պահանջներին համապատասխանեցնելու համար: Սահմանվել է խախտումների վերացնելու ժամկետ:

18:11 - 23 սեպտեմբերի, 2024