Անահիտ Ավանեսյան

ՀՀ առողջապահության նախարար։

Ծնվել է 1981 թվականի մարտի 21-ին Երևանում: 1997-2003 թվականներին սովորել է Երևանի պետական համալսարանում, ստացել քաղաքացիական իրավունքի մագիստրի կոչում: 2002-2004-ին շարունակել է կրթությունը Հայաստանի ամերիկյան համալսարանում, ստացել իրավունքի մագիստր կոչումը:

2002-2004 թվականներին սովորել է Առաջնորդների զարգացման կենտրոնում: 2003-ին մասնակցել է Անդրկովկասի և Հարավային Կովկասի երիտասարդ կանանց առաջնորդության ծրագրին, 2003-ին Եվրախորհրդում՝ Ստրասբուրգ, ծանոթացել է Եվրախորհրդի կառուցվածքին և գործառույթներին:

Աշխատանքային գործունեությունը սկսել է ՀՀ արտաքին գործերի նախարարության իրավաբանական վարչությունում (2000-2001թթ.):

2001-2002 թվականներին Պետական ռեզերվների գործակալությանը իրավախորհրդատվություն է մատուցել:

2005-2015 թվականներին եղել է «Դեմոկրատիան այսօր» ՀԿ-ի իրավախորհրդատուն:

2014-2015 թվականներին զբաղեցրել է «Արֆարմացիա» ՓԲԸ ադմինիստրատիվ գծով տնօրենի պաշտոնը: Այնուհետև` մինչև 2016 թվականը նշանակվել է կազմակերպության գլխավոր տնօրեն:

2017-ից մինչև 2018 թվականը եղել է «Աբովյան 39» ՍՊԸ տնօրենը, նույն ժամանակահատվածում եղել է նաև «Արֆարմացիա» ՓԲԸ խորհրդի անդամ:

2018 թվականի մայիսի 24-ից զբաղեցրել է առողջապահության նախարարի տեղակալի պաշտոնը, 2020 թվականի մայիսի 11-ից` առողջապահության նախարարի առաջին տեղակալի:

2021 թվականի հունվարի 18-ին Անահիտ Ավանեսյանը նշանակվել է առողջապահության նախարար:

Ամուսնացած է, ունի 3 զավակ: 

Հայ-ռուսական առողջապահական 7-րդ համաժողովի շրջանակներում համագործակցության հուշագրեր են ստորագրվել

Հայ-ռուսական առողջապահական 7-րդ համաժողովի շրջանակներում համագործակցության հուշագրեր են ստորագրվել

ՀՀ առողջապահության նախարար Անահիտ Ավանեսյանի ուղեկցությամբ` ՌԴ առողջապահության նախարար Միխայիլ Մուրաշկոյի գլխավորած պատվիրակության անդամներն այցելել են պետական և մասնավոր բժշկական կազմակերպություններ՝ ՀՀ ԱՆ «Վ.Ա.Ֆանարջյանի անվան ուռուցքաբանության ազգային կենտրոն», ՀՀ ԱՆ «Սուրբ Գրիգոր Լուսավորիչ» և «Էրեբունի» բժշկական կենտրոններ: Այս մասին հայտնում են ՀՀ Առողջապահության նախարարությունից։   «Շրջայցի ընթացքում հյուրերը ծանոթացել են կենտրոնների կարողություններին, հագեցվածությանն ու ծառայություններին: Ներկայացվել են վերջին տարիներին ինտենսիվ բարեփոխումների արդյունքում Հայաստանի բնակչության առողջության պահպանմանն ուղղված ծրագրերն ու առաջիկա անելիքները:   Հայաստանի և Ռուսաստանի առողջապահության նախարարները կարևորել են նմանատիպ հանդիպումները և ընդգծել ոլորտում գործակցությունն ամրապնդելու անհրաժեշտությունը:   Հայ-ռուսական առողջապահական 7-րդ համաժողովի շրջանակներում այս 3 կենտրոնում ստորագրվել են համագործակցության հուշագրեր` ամրագրելով ուռուցքաբանության, սրտաբանության, վիրաբուժության ոլորտներում ակտիվ գործակցելու պատրաստակամությունը։   Մասնավորապես՝ ՀՀ ԱՆ «Վ.Ա.Ֆանարջյանի անվան ուռուցքաբանության ազգային կենտրոնի» և ՌԴ «Ն.Ն.Պետրովի անվան ուռուցքաբանության ազգային գիտահետազոտական ինստիտուտի» միջև ստորագրված հուշագիրը նոր թափ կհաղորդի երկու երկրների առողջապահական կառույցների համագործակցությանը` հնարավորություն ընձեռելով վերապատրաստելու մասնագետներին, ձեռք բերելու նոր սարքավորումներ, ավելացնելու ծառայություններ, բուժման նոր՝ ժամանակակից մեթոդներ, համատեղ ջանքերով կատարելու բարդ և եզակի վիրահատություններ: Պետական բազմապրոֆիլ «Սուրբ Գրիգոր Լուսավորիչ» բժշկական կենտրոնն ու ՌԴ «Վ.Ա.Ալմազովի» անվան ազգային բժշկական հետազոտական կենտրոնը գործակցության հուշագիր են ստորագրել, որով նախատեսվում են մասնագետների շարունակական վերապատրաստումներ, փորձի փոխանակում ու հանդիպումներ: Գործընկերությունը հատկապես նշանավորվելու է նյարդավիրաբույժների պատրաստման ու գործնական աջակցության առումով:   «Էրեբունի» բժշկական կենտրոնի և ՌԴ «Ակադեմիկոս Ե.Ի.Չազովի անվան Սրտաբանության գիտահետազոտական բժշկական ազգային կենտրոնի» միջև ստորագրված համագործակցության հուշագիրը սրտաբանության ոլորտի զարգացմանն է նպաստելու, կողմերը գործակցելու են ընդհանուր և ինտերվենցիոն սրտաբանության, ինչպես նաև առիթմոլոգիայի ուղղություններով:   Համագործակցության մեկ այլ հուշագիր էլ ստորագրվել է «Էրեբունի» բժշկական կենտրոնի և ՌԴ «Վ.Ա.Վիշնևսկու անվան վիրաբուժության գիտահետազոտական ազգային բժշկական կենտրոնի» հետ: Հուշագրի համաձայն՝ կկազմակերպվեն այցեր վիրաբուժության ոլորտում փորձի փոխանակման և գիտագործնական գիտելիքների զարգացման նպատակով:   Անահիտ Ավանեսյանը և Միխայիլ Մուրաշկոն գոհունակություն են հայտնել Հայաստանի ու Ռուսաստանի առողջապահության ոլորտում շարունակական ու զարգացող հարաբերություններն ավելի քան տեսանելի դարձնելու փաստի առթիվ», - նշված է հաղորդագրության մեջ:
20:54 - 26 նոյեմբերի, 2022
Հայաստանի շտապ բուժօգնության պարկը համալրվել է 39 նոր ժամանակակից ավտոմեքենաներով

Հայաստանի շտապ բուժօգնության պարկը համալրվել է 39 նոր ժամանակակից ավտոմեքենաներով

Վարչապետ Նիկոլ Փաշինյանը ներկա է գտնվել Այրվածքաբանության ազգային կենտրոնի բակում Ճապոնիայի կառավարության կողմից Հայաստանին նվիրաբերված շտապբուժօգնության նոր մեքենաների հանձնման արարողությանը: Այս մասին հայտնում են ՀՀ վարչապետի աշխատակազմից։ «Միջոցառմանը ներկա են եղել Առողջապահության նախարար Անահիտ Ավանեսյանը, ԱԺ պատգամավոր Արսեն Թորոսյանը, Երևանի քաղաքապետի տեղակալ Տիգրան Ավինյանը, ՀՀ-ում Ճապոնիայի արտակարգ և լիազոր դեսպան Մասանորի Ֆուկուշիման և այլ պաշտոնատար անձինք: Շտապբուժօգնության մեքենաները մեր երկրին են նվիրաբերվել Հայաստանի Հանրապետության և Ճապոնիայի կառավարությունների միջև 2020 թվականի հունիսի 30-ին կնքված «Տնտեսական և սոցիալական զարգացում» դրամաշնորհի համաձայնագրի շրջանակում: Հայաստանին տրամադրված շտապօգնության նոր սերնդի՝ ընդհանուր թվով 39 ավտոմեքենայից 35-ը գծային շտապօգնության մեքենա է, 4-ը՝ ռեանիմոբիլ: Վարչապետը ծանոթացել է մեքենաների հնարավորություններին: Պատասխանատուներն ընդգծել են, որ վերջիններս հագեցած են ժամանակակից բժշկական սարքերով, օժանդակ պարագաներով: Ծրագրի արժեքը կազմել է 3,5 մլն դոլար»,- նշված է հաղորդագրության մեջ։
12:18 - 22 նոյեմբերի, 2022
Բժիշկ Կիմ Հեքիմյանը նշանակվել է Անահիտ Ավանեսյանի՝ առողջապահական քաղաքականության հարցերով խորհրդական

Բժիշկ Կիմ Հեքիմյանը նշանակվել է Անահիտ Ավանեսյանի՝ առողջապահական քաղաքականության հարցերով խորհրդական

Բժիշկ Կիմ Հեքիմյանը համալրել է Առողջապահության նախարարության թիմը: ՀՀ Առողջապահության նախարարության հաղորդմամբ՝ Կիմը Նյու Յորքի Կոլումբիայի համալսարանի դասախոս է, հանրային առողջապահության ոլորտում VP&S ծրագրի տնօրենի տեղակալ, Հայաստանում ամերիկյան համալսարանի դասախոս: Նա մասնագիտացած է մոր և մանկան ոլորտում: Բժիշկ Հեքիմյանը նշանակվել է առողջապահության նախարարի՝ առողջապահական քաղաքականության հարցերով խորհրդական։ «Սփյուռքի համագործակցության այս մոդելը նոր է: Կան հանրային առողջապահության փորձագետներ ամբողջ աշխարհից, որոնք համախմբվում են մեր երկրի համար հասանելի, անաչառ ու բարձրորակ ծառայությունների մատուցման նոր մտահղացումներ կենսագործելու համար», - Առողջապահության նախարարության հաղորդմամբ՝ ասում է Կիմը: Առողջապահության նախարարության հետ Կիմ Հեքիմյանի համագործակցությանը նպաստել են «ԱՊՐԻ Արմենիա» կիրառական քաղաքականության հետազոտական ինստիտուտը և «ՀԵՆԱՐ» հիմնադրամը:
11:35 - 09 նոյեմբերի, 2022
Կառավարությունն առաջիկա 5 տարում նախատեսում է առնվազն 50 բժշկական կենտրոնի կառուցում, վերակառուցում և վերազինում

 |armenpress.am|

Կառավարությունն առաջիկա 5 տարում նախատեսում է առնվազն 50 բժշկական կենտրոնի կառուցում, վերակառուցում և վերազինում |armenpress.am|

armenpress.am: Կառավարությունն առաջիկա 5 տարում նախատեսում է իրականացնել  առնվազն 50 բժշկական կենտրոնի կառուցում, վերակառուցում և ամբողջական վերազինում, 2023-ին հիմնականում նախատեսված են մարզային ամբուլատորիաների վերակառուցման, վերազինման աշխատանքներ: Այս մասին ասաց ՀՀ առողջապահության նախարար Անահիտ Ավանեսյանն ԱԺ մշտական հանձնաժողովների համատեղ նիստում 2023 թվականի պետբյուջեի նախագծի քննարկմանը: «Կառավարության ծրագրով մենք առաջիկա 5 տարիներին պետք է իրականացնենք առնվազն 50 բժշկական կենտրոնների կառուցում, վերակառուցում և ամբողջական վերազինում: Ընթացիկ ֆինանսական բարեհաջող ավելացումների պարագայում կարծում ենք, որ առաջիկա տարիներին պետք է ամբողջությամբ այս խոստումն իրագործենք»,-ասաց Ավանեսյանը:  2022 թվականին կապիտալ շինարարությունների ընդհանուր ցանկը ներառում է 13 բժշկական կենտրոն: 2023-ին ևս ավելանում են բժշկական կենտրոններ: 2023 թվականին հիմնական ուղղվածությունը լինելու են մարզային ամբուլատորիաների վերակառուցման, վերազինման նախագծերը: «Հաջորդ տարի մենք նախատեսել ենք թվով 20 ամբուլատորիաների նախագծանախհաշվային աշխատանքներ: Բանակցություններ ենք վարում քաղաքաշինության կոմիտեի հետ՝ դրանք անելու մոդուլային տարբերակներով, այսինքն՝ ունենալ մեկ նախագծված տիպային ամբուլատորիա, որը հետո տեղակապումով կարող ենք տարածել նաև բնակավայրերում: Բացի այդ, ներառված է նաև Շիրակում պոլիկլինիկայի վերակառուցում, Վանաձորի պոլիկլինիկայի վերակառուցում»,-ասաց նախարարը: Ավանեսյանը ընդգծեց՝ խոստացել են, որ առողջության առաջնային օղակի հզորացումը լինելու է իրենց առաջնահերթությունը, առաջիկա ծրագրերը հենց կոչված են ծառայելու այդ նպատակին: Նախագծման աշխատանքներն ավարտվել են և շինարարություն է լինելու Արմավիրի և Արարատի մարզերում ՀՎԿԱԿ-ի երկու մասնաշենքերում, վերակառուցվելու է նաև Վանաձորի ինֆեկցիոն հիվանդանոցի մասնաշենքը: Համաշխարհային բանկի ծրագրերով էլ 2023-ին կավարտվեն Մարտունու ԲԿ-ի և Եղեգնաձորի ԲԿ-ի շինարարական աշխատանքները: Մարտունու ԲԿ-ն ապրիլին կհանձնվի շահագործման, իսկ Եղեգնձորինը՝ աշնանը:
15:11 - 04 նոյեմբերի, 2022
Զոհված զինծառայողների հետ կապված կազմվում են եզրակացություններ, փոխանցվում՝ համապատասխան իրավապահ մարմիններին. Ավանեսյան |armtimes.com|

Զոհված զինծառայողների հետ կապված կազմվում են եզրակացություններ, փոխանցվում՝ համապատասխան իրավապահ մարմիններին. Ավանեսյան |armtimes.com|

armtimes.com: ՀՀ առողջապահական գերատեսչության ղեկավար Անահիտ Ավանեսյանի խոսքով՝ այս պահին դժվար է նշել սեպտեմբերյան մարտերի հետևանքով վիրավոր զինծառայողների ընդհանուր թիվը։ Հարցին վերջինս անդրադարձավ այսօր՝ ՀՀ կառավարության նիստից հետո ճեպազրույցների ժամանակ: «Վիրավորներից մի փոքր հատվածը ունի շարունակական բժշկական օգնության կարիք թե՛ կրկնակի փոքր վիրահատական միջոցառումների մասով, թե՛ վերականգնողական միջոցառումների։ Թիվ չեմ կարող ասել, որովհետև նրանք տարբեր ԲԿ-ներում են ստանում իրենց անհրաժեշտ բժշկական օգնությունը»,- նշեց նա։ Հարցին՝ վերջին պատերազմի հետևանքով քանի՞ խոշտանգված դի է եղել, Ավանեսյանն ասաց՝ բոլոր զոհված զինծառայողների դեպքերի հետ կապված կազմվում են մահվան եզրակացություններ, որոնք փոխանցվում են համապատասխան իրավապահ մարմիններին:    
13:34 - 03 նոյեմբերի, 2022
Փաշինյանի գլխավորությամբ կայացած խորհրդակցությանը քննարկվել են առողջության համապարփակ ապահովագրության համակարգի ներդրմանը վերաբերող հարցեր

Փաշինյանի գլխավորությամբ կայացած խորհրդակցությանը քննարկվել են առողջության համապարփակ ապահովագրության համակարգի ներդրմանը վերաբերող հարցեր

Վարչապետ Նիկոլ Փաշինյանի գլխավորությամբ այսօր կայացած խորհրդակցությանը քննարկվել են առողջության համապարփակ ապահովագրության համակարգի ներդրմանը վերաբերող հարցեր: Այս մասին հայտնում են ՀՀ կառավարությունից։ Առողջապահության նախարար Անահիտ Ավանեսյանը ներկայացրել է ոլորտի հնգամյա զարգացման ռազմավարությունը և այդ համատեքստում՝ համընդհանուր ապահովագրության համակարգի ներդրման հայեցակարգի նախագիծը: Նախարարը նշել է, որ ռազմավարության գլխավոր նպատակը բնակչության առողջության բարելավումն է՝ որակյալ ու հասանելի ծառայությունների մատուցման միջոցով: Հենց այդ նպատակին է միտված առողջության ապահովագրության համակարգը, որը նախատեսվում է գործարկել ՀՀ ողջ բնակչության համար: Մասնավորապես, առաջարկվում է այն ներդնել փուլային տարբերակով՝ մինչև 2027 թվականը, ներառել առողջապահական բոլոր ծառայությունները, բացի ատամնաբուժությունից և պլաստիկ վիրաբուժությունից, նախատեսել մասնակցության կամավոր ու պարտադիր բաղադրիչներ: Ակնկալվում է ստեղծել ապահովագրական այնպիսի ենթակառուցվածք, որը թույլ կտա նույն որակի ու հասանելիությամբ առողջապահական ծառայություններ մատուցել շահառուների բոլոր խմբերին՝ անկախ սոցիալական դրությունից: Թեմայի առնչությամբ ծավալվել է մտքերի փոխանակություն: Արծարծվել են ապահովագրության համակարգի առողջապահական ու ենթակառուցվածքային չափանիշներին, ֆինանսական գնահատականին, կառավարման մեխանիզմներին, պետության ներգրավվածության շրջանակին, ապահովագրավճարի չափին, ներդրման ռիսկերին առնչվող և այլ հարցեր, ներկայացվել են առաջարկներ:Վարչապետը, ամփոփելով խորհրդակցությունը, հանձնարարել է հետագա քննարկումները շարունակել աշխատանքային խմբի ձևաչափով՝ Կառավարության և Ազգային ժողովի ներկայացուցիչների մասնակցությամբ և լրամշակել նախագիծը:
21:50 - 15 հոկտեմբերի, 2022
Անահիտ Ավանեսյանը ԱՀԿ պատվիրակությանը ներկայացրել է առողջության առաջնային պահպանման օղակում տարվող բարելավման աշխատանքները

Անահիտ Ավանեսյանը ԱՀԿ պատվիրակությանը ներկայացրել է առողջության առաջնային պահպանման օղակում տարվող բարելավման աշխատանքները

Առողջապահության համաշխարհային կազմակերպության (ԱՀԿ) պատվիրակությանը, որը Հայաստանում է Հոգեկան առողջության համաշխարհային օրվան ընդառաջ, հյուրընկալել է առողջապահության նախարար Անահիտ Ավանեսյանը։ Այդ մասին հայտնում են ՀՀ ԱՆ-ից։   Նախարարն ԱՀԿ եվրոպական տարածաշրջանային գրասենյակի առողջապահական քաղաքականության և համակարգերի տնօրեն Նատաշա Մուսկատին է ներկայացրել առողջության համընդհանուր ծածկույթի ապահովման 3 բաղադրիչների՝ առողջության առաջնային պահպանման (ԱԱՊ) օղակ, առողջության համապարփակ ապահովագրության ներդրում, բժշկական ծառայությունների որակի բարելավում, ուղղությամբ տարվող աշխատանքները, քննարկել ԱՀԿ համագործակցությամբ իրականացվող նախագծերի ընթացքը:   Նաև ներկայացվել է Լոռու մարզում նախատեսվող փորձարարական ծրագիրը, որով նախատեսվում են մարզային ԱԱՊ օղակի ենթակառուցվածքների վերակառուցում և վերազինում, ընտանեկան բժիշկների վերապատրաստում, թվայնացման գործընթաց և այլն։   Հյուրը բարձր է գնահատել մեր երկրի առողջապահության ոլորտում իրականացվող ծրագրերը, նշել, որ COVID-19-ը համավարակը ցույց տվեց առաջնային օղակի կարևորությունը, և որ Հայաստանը բարեփոխման ճիշտ ուղղություններ է ընտրել:   Երկուստեք ընդգծվել է հոգեկան առողջության պահպանման ծառայությունների ինտեգրման անհրաժեշտությունը ԱԱՊ օղակ։
19:11 - 09 հոկտեմբերի, 2022
Պետք է հասնենք նրան, որ Հայաստանում քաղցկեղը դատավճիռ չլինի. ոչ մի ուռուցքով հիվանդ չմեկնի այլ երկիր՝ բուժման նպատակով. Անահիտ Ավանեսյան |armenpress.am|

Պետք է հասնենք նրան, որ Հայաստանում քաղցկեղը դատավճիռ չլինի. ոչ մի ուռուցքով հիվանդ չմեկնի այլ երկիր՝ բուժման նպատակով. Անահիտ Ավանեսյան |armenpress.am|

armenpress.am: Նորաբաց պալիատիվ ծառայության կլինիկան ունենալու է 26 հիվանդասենյակ՝ 30 մահճակալով, առանձին սոցիալ-հոգեբանական ծառայության թիմ, որն աշխատելու է ոչ միայն պացիենտների, այլև հարազատների հետ: Աշխատակազմը ներառում է 45 հաստիք:   Ընդհանուր կապիտալ ներդրումը կազմում է 306 մլն ՀՀ դրամ, որն իրականացվել է ՈւԱԿ-ի խնայողությունների հաշվին:  «Մենք նվիրումով և ջանասիրությամբ պետք է հասնենք նրան, որ Հայաստանում քաղցկեղը դատավճիռ չլինի, որ մեր քաղաքացին առերեսվելով ախտորոշման հետ՝ հնարավորություն ունենա արժանապատիվ պայմաններում ստանալ հասանելի, իր կարիքներին համապատասխան բարձրորակ բուժօգնություն»,- պալիատիվ ծառայության կլինիկայի բացման և ՈւԱԿ-ի հիմնադրման 75-ամյակին նվիրված միջոցառման ժամանակ նշեց առողջապահության նախարար Անահիտ Ավանեսյանը:  Ավանեսյանի խոսքով՝ 2019 թվականին Ուռուցքաբանության ազգային կենտրոնին հատկացված պետական պատվերը շեշտակի` 78%-ով աճել է 2018 թվականի համեմատ, վերջին 2 տարիներին ևս ավելացել են հատկացումները, 55%-ով էլ ավելացել են վճարովի ծառայությունները: Իսկ շահառուների թիվը 2021-ին՝ 2020 թվականի համեմատ, ավելացել է 27%-ով: Կրկնակի բարձրացրել են նաև աշխատավարձային ֆոնդը:  «Հիվանդանոցը վերազինվել է 150 անուն ժամանակակից սարք-սարքավորումներով, լուծվել է ենթակառուցվածքների խնդիրը` կառուցվել են նոր շինություններ, իրականացվել են վերանորոգման աշխատանքներ»,- նշեց նախարարը: Ավանեսյանը վստահեցրեց, որ առողջապահության նախարարությունը շարունակելու է նպաստել ուռուցքաբանության զարգացման բոլոր նախաձեռնություններին և ապահովել Հայաստանում հասանելի և որակյալ բժշկական ծառայություններ` ուշադրության կենտրոնում պահելով մարդուն։  Ուռուցքաբանության ազգային կենտրոնի տնօրեն Նարեկ Մանուկյանը ներկայացրեց պալիատիվ ծառայության էությունը և կարևորությունը երկրի  համար։  Նա շնորհավորելով կենտրոնի տարեդարձն՝  ընդգծեց, որ 75 տարիների ընթացքում  կենտրոնն իր կայուն տեղն ու դերն է ունեցել երկրի առողջապահական համակարգում։ Նա նշեց, որ ՀՀ-ում ուռուցք ունեցողների մոտ 70-80 տոկոսն իր բուժումը ստանում է իրենց կենտրոնում։  «Մենք նպատակադրվել ենք առաջիկա 2 տարիների ընթացքում դառնալ զարգացած երկրներում հայտնի ուռուցքաբանական կլինիկաներին հավասար մրցակից։ Իրականում, սրանք զուտ խոսքեր կամ տեսլական չեն. վերջին 3 տարում բուժհիմնարկում կատարվել են մեծածավալ աշխատանքներ թե՛ կենցաղի, թե՛ սարքավորումների և թե՛ նոր մասնագետների ու ծառայությունների ուղղությամբ։  ՈւԱԿ-ն իր խնայած միջոցների հաշվին նաև մեծածավալ ներդրումներ է կատարել. այն 1000 խոշոր հարկ վճարողների ցանկում 258-րդն է: Այս ամենի վերջնարդյունքը պետք է լինի այն, որ ոչ մի ուռուցքով հիվանդ Հայաստանից չմեկնի այլ երկիր՝ բուժման նպատակով»,- նշեց նա: Միջոցառումների շրջանակում բացվեց  նաև ՈւԱԿ-ի պրոֆեսոր Հայրապետ Գալստյանի անվան գիտաուսումնական կոնֆերանս դահլիճը։ Միջոցառմանը մասնակցել են ՀՀ վարչապետ Նիկոլ Փաշինյանը, Առողջապահության նախարար Անահիտ Ավանեսյանը, Երևանի փոխքաղաքապետեր Տիգրան Ավինյանը և Գևորգ Սիմոնյանը, Աժ պատգամավորներ Արսեն Թորոսյանը և Նարեկ Զեյնալյանը, ՀՀ բժշկական կենտրոնների տնօրեններ, Ռուսաստանի Դաշնությունից, Ֆրանսիայից, Վրաստանից ժամանած գործընկերներ, պաշտոնատար այլ անձինք։
16:25 - 08 հոկտեմբերի, 2022
Հաջորդ տարի նախատեսվում է մոտ 20 գյուղական ամբուլատորիաների ամբողջական վերանորոգում. Ավանեսյան

 |armenpress.am|

Հաջորդ տարի նախատեսվում է մոտ 20 գյուղական ամբուլատորիաների ամբողջական վերանորոգում. Ավանեսյան |armenpress.am|

armenpress.am: Հայաստանի 12 բժշկական կենտրոնում իրականացվում են նախագծման կամ շինարարական աշխատանքներ, իսկ հաջորդ տարվա համար նախատեսվում է մոտ 20 գյուղական ամբուլատորիաների ամբողջական վերանորոգում: Կառավարության նիստից հետո լրագրողների հետ ճեպազրույցում այս մասին հայտնեց Առողջապահության նախարար Անահիտ Ավանեսյանը: «Հաջորդ տարի էլ բյուջեով արդեն իսկ նախատեսվել են նոր ծրագրեր՝ կապված ամբուլատոր հատվածի բարեկարգման հետ: Կարծում եմ, որ սա շատ կարևոր ուղղություն է: Եթե Հայաստանում հիվանդանոցային օղակն իր ենթակառուցվածքների, սարքավորումների հագեցվածության առումով բավարար կետի է հասնում, նույնը չենք կարող արձանագրել առաջնային օղակի մասին: Եվ սա մեր կարևոր բարեփոխումներից է, որ կապիտալ ներդրումները հաջորդիվ պետք է ուղղվեն առաջնային օղակի բարեկարգումներին», -ասաց Ավանեսյանը: Առողջապահության նախարարը հավելեց, որ աբմուլատորիաների բարեկարգումը բավականին լավ ազդեցություն է ունենալու ընդհանուր առողջապահական համակարգի վրա:
13:18 - 06 հոկտեմբերի, 2022
Առաջիկայում կունենաք բոլոր պատասխանները, իրականացնում ենք նաև ԴՆԹ հետազոտություն․ Ավանեսյան
 |armtimes.com|

Առաջիկայում կունենաք բոլոր պատասխանները, իրականացնում ենք նաև ԴՆԹ հետազոտություն․ Ավանեսյան |armtimes.com|

armtimes.com: Ադրբեջանից հայրենադարձված 17 զինծառայողից 7-ը գտնվում են պաշտպանության նախարարության հոսպիտալներից մեկում և անհրաժեշտ բժշկական ընթացքը անցնելուց հետո դուրս կգրվեն։ Նշենք՝  հոկտեմբերի 4–ին ադրբեջանական կողմը ԱՄՆ միջնորդությամբ հայկական կողմին է վերադարձրել 17 հայ ռազմագերիների: Երեկ ՀՀ քննչական կոմիտեից փոխանցել էին՝ Ադրբեջանից հայրենադարձված 17 զինծառայողից 10-ն այս պահին որպես վկա հարցաքննվում է ԶՔԳՎ-ում (զինվորակ քննչական գլխավոր վարչություն): 7 զինծառայողն էլ ստացիոնար բուժում է ստանում։ Նրանցից ոչ մեկը ծանր վիրավորում չի ստացել, խոշտանգված չէ, միայն բեկորային վնասվածքներ են ստացել։  Այս մասին այսօր Կառավարության նիստից հետո լրագրողների հետ ճեպազրույցի ընթացքում ասաց առողջապահության նախարար Անահիտ Ավանեսյանը։ «Անպայման չէ, որ մարդու վիճակը վատ լինի, և ինքը գտնվի հիվանդանոցում ու ստացիոնար բուժում ստանա։ Այլ կան նաև հիվանդանոցային հետազոտությունների ծավալ, որը պետք է իրականացնել այդ պայմաններում և անհրաժեշտ ծավալը, երբ որ նրանք  ստանան, ապա  դուրս կգրվեն»,– ասաց նախարարը։ Ավանեսյանի խոսքով՝  այս պահին որևէ անհրաժեշտություն չկա նաև դիմելու արտասահմանյան բժշկական կամ հետազոտական կենտրոններին։ Հայաստանի մասնագետները և տեխնիկական հագեցվածությունը ամբողջությամբ բավարարում է։ Իսկ հարցին՝ քանի՞ դի կամ մասունք կա, որ դեռևս ինքնությունը պարզված չէ, Ավանեսյանը նշեց՝ այս պահին չի կարող պատասխանել։ «Առաջիկայում կունենաք բոլոր հետազոտությունների պատասխանները։ Հետազոտություններ կան, որ դեռ ընթացքի մեջ են, կան որ առաջիկայում կվերջացնենք։ Բոլոր դեպքերը մենք արխիվացնում ենք ու ամբողջակաան պատկերը ունենալու համար ԴՆԹ հետազոտություն ենք իրականացնում»,– նշեց նա։
12:25 - 06 հոկտեմբերի, 2022
Կառավարությունը կթույլատրի առանց դեղատոմս դուրս գրվող դեղերի արտաքին գովազդը

 |armenpress.am|

Կառավարությունը կթույլատրի առանց դեղատոմս դուրս գրվող դեղերի արտաքին գովազդը |armenpress.am|

armenpress.am: Կառավարությունը փոփոխություն կատարեց «Գովազդի մասին» և կից ներկայացված օրենքներում, որը վերաբերվում է դեղերի արտաքին գովազդին։ Կառավարության հերթական նիստի ժամանակ նախագիծը ներկայացրեց ՀՀ էկոնոմիկայի նախարար Վահան Քերոբյանը: Նա նշեց, որ այժմ գործող օրենսդրությամբ արգելվում է արտաքին գովազդային վահանակների միջոցով դեղերի գովազդը, ինչը որոշակի խոչընդոտներ է ստեղծում դեղերի վերաբերյալ տեղեկատվությունը բնակչությանը առավել հասանելի դարձնելու համար: «Հետազոտությունների արդյունքում գիտենք, որ հեռուստագովազդի միջոցով 27.8 տոկոսի չափով է սպառողներին տեղեկատվությունը հասնում, համացանցի միջոցով՝ 1.9 տոկոսով և արտաքին գովազդի միջոցով՝ 1.4 տոկոսով»,-ասաց Քերոբյանը: Ըստ նրա՝ ներկայացված նախագծով նպատակ կա ապրանքների գովազդի համար առավել հասանելի դաշտ ապահովել և հնարավորություն ստեղծել առավել լայն հարթակներում արտադրանքի վերաբերյալ տեղեկատվության տարածման համար։ ՀՀ առողջապահության նախարար Անահիտ Ավանեսյանը իր հերթին նշեց, որ դեղերի շուկան խստորեն կարգավորվում է։ « Գովազդի թույլտվությունը վերաբերվում է միայն առանց դեղատոմս դուրս գրվող դեղերին, որոնց շրջանակը շատ նեղ է, և գովազդի թույլտվության պայմանները բավական խիստ են. Մենք մեր գործընկերների հետ կաշխատենք նախագծի ուղղությամբ՝ մեր քաղաքացիներին հավելյալ ինքնաբուժման կամ բուժման ոչ պատշաճ սխեմաների խրախուսելուց ետ պահելու համար։ Սա ևս կարևոր է։ Մենք ամեն ինչ անելու ենք, որ այս որոշումը որևէ կերպ չվնասի մեր սպառողների իրավունքներին»,- ընդգծեց Ավանեսյանը:  
12:22 - 06 հոկտեմբերի, 2022
Անահիտ Ավանեսյանը կարևորում է տեղահանված և իրենց բնականոն կյանքից զրկված քաղաքացիներին բժշկական աջակցության տրամադրումը

 |armenpress.am|

Անահիտ Ավանեսյանը կարևորում է տեղահանված և իրենց բնականոն կյանքից զրկված քաղաքացիներին բժշկական աջակցության տրամադրումը |armenpress.am|

armenpress.am: Հայաստանի Հանրապետության առողջապահության նախարար Անահիտ Ավանեսյանը կարևորում է պատերազմական գործողությունների հետևանքով  տեղահանված և իրենց բնականոն կյանքից զրկված քաղաքացիներին բժշկական  աջակցության տրամադրումը:«Մենք պետք է կազմակերպենք նրանց ընթացիկ բժշկական օգնությունը, նրանց առաջնային օղակի ծառայությունները, պատվաստումները, ընթացիկ հսկողական այցերը: Մեր ամբողջական համակարգը պետք է հնարավորություն ունենա բոլոր կարիքները հոգալու»,- Արագ արձագանքման բժշկական թիմերի 5-րդ գլոբալ հանդիպման ընթացքում անցկացվող մամուլի ասուլիսի ժամանակ ասաց նախարարը: Նա նշեց, որ առողջապահական համակարգում անընդհատ ներդրում է կատարվում համակարգն ուժեղացնելու, կրթելու, բժշկական կենտրոնները վերազինելու ուղղությամբ, ինչպես նաև ստեղծելու մեխանիզմներ, որ բոլորը միասնական,  կոորդինացված, արագ աշխատեն իրար հետ: «Մենք անընդհատ աշխատանքներ ենք իրականացնում,  և շատ կարևոր է նշել, որ այդ աշխատանքներն առանց լրացուցիչ ֆինանսավորման և մեր հանրային միջոցների հնարավոր չէ: Մենք ամեն տարի տեսնում ենք, որ մեր բյուջեում առողջապահական ծախսերը աճ են գրանցում»,-հավելեց Ավանեսյանը:
12:20 - 05 հոկտեմբերի, 2022
Ինֆեկցիոն հիվանդությունների ազգային կենտրոնն այժմ գործում է նոր հասցեում

Ինֆեկցիոն հիվանդությունների ազգային կենտրոնն այժմ գործում է նոր հասցեում

ԱՆ ինֆեկցիոն հիվանդությունների ազգային կենտրոնը, վերակառուցման աշխատանքներով պայմանավորված, այժմ գործում է նոր հասցեում (Հարավարևմտյան Բ-4 թաղամաս, Բաբաջանյան 21): Այդ մասին հայտնում են ՀՀ ԱՆ-ից: Ազգային կենտրոնը նույն ծավալի բժշկական ծառայություններ է մատուցում «Սուրբ Աստվածածին ծննդատանը», որտեղ առանձնացված են մանկական և մեծահասակների ինֆեկցիոն ծառայություններ: Այստեղ ստեղծված են անհրաժեշտ և բավարար բոլոր պայմանները թե՛ պացիենտների սպասարկման և թե՛ բժիշկների աշխատանքի համար:   Առողջապահության նախարար Անահիտ Ավանեսյանն այսօր ծանոթացել է պացիենտների և բուժանձնակազմի համար ստեղծված պայմաններին, կարևորել անցումային փուլում հարմարավետության ապահովումը:   «Նորք» ինֆեկցիոն հիվանդությունների ազգային կենտրոնն ընդգրկված է առողջապահության նախարարության կապիտալ վերանորոգման և վերակառուցման աշխատանքների ծրագրում: Շինարարական աշխատանքներն արդեն սկսված են, առնվազն երկու տարի հետո կունենանք նոր ու վերազինված բժշկական կենտրոն:  
19:37 - 28 սեպտեմբերի, 2022