Թուրքիա

Թուրքիայի Հանրապետությունը պետություն է Եվրասիայի հարավարեւմտյան հատվածում։ Սահմանակցում է Հունաստանին, Բուլղարիային, Վրաստանին, Իրաքին, Սիրիային, Հայաստանին, Իրանի Իսլամական Հանրապետությանը եւ Ադրբեջանի էքսկլավ Նախիջեւանի Ինքնավար Հանրապետությանը։ Բնակչությունը 2015թ. մարդահամարի տվյալներով 82.003.882 մարդ։ Տարածքը 783.562 կմ²։ Երկիրը ղեկավարում է նախագահ Ռեջեբ Թայիփ Էրդողանը։

Մեր նավերը վճռականորեն շարունակում են գործողությունները Սև և Միջերկրական ծովերում․ Թուրքիայի ՊՆ |ermenihaber.am|

ermenihaber.am: Թուրքիայի պաշտպանության նախարարությունը Twitter-ում հայտարարություն է արել Սև ծովում և Միջերկրական ծովի արևելյան հատվածում հորատման և սեյսմիկ հետազոտություններ իրականացնող թուրքական նավերի գործողությունների վերաբերյալ։ Հայտարարությունում մասնավորապես նշվում է, որ Սև ծովում Ֆաթիհ նավը, իսկ Արևելյան Միջերկրականում՝ Յավուզ և Բարբարոս Հայրեդդին Փաշա նավերը «արդյունավետորեն ու վճռականորեն շարունակում են իրենց աշխատանքները լեգիտիմ իրավունքների շրջանակում»։

16:32 - 17 սեպտեմբերի, 2020

Սիրիայում ռազմական հանցագործություններն ուսումնասիրող հանձնաժողովը Թուրքիային և նրա հովանու տակ գտնվող ուժերին մեղադրել է ռազմական հանցագործությունների համար |tert.am|

tert.am: ՄԱԿ-ի մարդու իրավունքների խորհրդի կողմից ձևավորված «Սիրիայի Արաբական Հանրապետությունում ռազմական հանցագործությունների ուսումնասիրման հանձնաժողովը» ներկայացրել է իր զեկույցը, որում Թուրքիային, ինչպես նաև այդ երկրի հովանավորության տակ գտնվող «Սիրիայի ազգային բանակ» խմբավորմանը և Սիրիայում գտնվող այլ ռազմական խմբավորումներին մեղադրում է երկրի քրդաբնակ տարածքներում ռազմական հանցագործություններ կատարելու համար: Այս մասին տեղեկացնում է BBC-ի թուրքալեզու ծառայությունը:Զեկույցի համաձայն երկրում գտնվող գրեթե բոլոր ռազմական սուբյեկտները կատարել են այնպիսի ռազմական հանցագործություններ, ինչպիսիք են սպանությունները, տանջանքի ենթարկելը, բռնաբարությունները, բռնի տեղաշարժերն ու կողոպուտները:Հանձնաժողովը, որի կազմում ներառվել են Պաուլո Սերժիո Պինեյրոն, Կարեն Կոնինգ Աբուզայդը և Հաննի Մեգալին, այս անգամ պատրաստել է 25 էջանոց զեկույց, որը վերաբերում է 2020 թվականի մարտի 5-ի հրադադարից հետո Սիրիայում տեղի ունեցած իրադարձություններին:Զեկույցում տեղ են գտել ուսումնասիրություններ, որոնք արվել են այս տարվա հունվարի 11-ից մինչև հուլիսի 1-ը:

11:51 - 17 սեպտեմբերի, 2020

Թուրքիայում Covid-19-ի դեպքերի թիվը մոտենում է 300․000-ին |ermenihaber.am|

ermenihaber.am: Թուրքիայում սեպտեմբերի 16-ին նոր տիպի կորոնավիրուսից (Covid-19) մահացել է 63 մարդ։ Այդ մասին տեղեկությունը հրապարակվել է Թուրքիայի առողջապահության նախարարության կայքէջում։ Նշվում է, որ 1 օրում անցկացված 112.645 թեստի արդյունքում հաստատվել է կորոնավարակի 1․771 նոր դեպք։ Նույն ժամանակահատվածում գրանցվել է ապաքինման 1.342 դեպք: Ըստ պաշտոնական տվյալների` մինչև օրս համավարակից ապաքինվել է 262.602 մարդ, իսկ 1.351 հիվանդ էլ գտնվում է վերակենդանացման բաժանմունքում։ Մինչև այժմ Թուրքիայում ընդհանուր առմամբ արձանագրվել է վարակման 296.391 և մահվան 7․249 դեպք։ Թեստավորումների թիվը հասել է 8 մլն 855.180-ի։

11:35 - 17 սեպտեմբերի, 2020

Էրդողանն ու Մերկելը քննարկել են իրավիճակը Միջերկրական ծովի արևելքում |tert.am|

tert.am: Թուրքիայի նախագահ Ռեջեփ Թայիփ Էրդողանն ու Գերմանիայի կանցլեր Անգելա Մերկելը տեսակոնֆերանսի ձևաչափով վարել են բանակցություններ, որոնց ընթացքում քննարկել են երկկողմ հարաբերություններն ու իրավիճակը Միջերկրական ծովի արևելքում: Այս մասին տեղեկացնում է «Անադոլու» գործակալությունը` հղում տալով Թուրքիայի նախագահի աշխատակազմի հասարակության հետ կապերի վարչությանը:Թուրքիայի նախագահը հանդիպման ժամանակ հայտարարել է, որ Միջերկրական ծովի արևելքում առկա տարաձայնությունները հնարավոր է լուծել «բանակցությունների և փոխզիջումների միջոցով`ապահովելով խնդրին կառուցողական և արդարացի մոտեցում»:Նա ընդգծել է, որ «եվրոպական երկրները պետք է արդար և հետևողական լինեն Միջերկրական ծովի արևելքի հարցում» և որ Թուրքիան «շարունակելու է ակտիվ և վճռական քաղաքականություն վարել սեփական իրավունքների պաշտպանության նպատակով»:

10:42 - 17 սեպտեմբերի, 2020

Չավուշօղլուն մանրամասներ է հայտնել Անկարայում Լիբիայի հարցով Ռուսաստանի հետ բանակցությունների արդյունքներից |tert.am|

tert.am: Ռուսաստանի և Թուրքիայի պատվիրակությունները Անկարայում տեղի ունեցած բանակցությունների ժամանակ մոտեցել են Լիբիայում կրակի դադարեցման պարամետրերի վերաբերյալ համաձայնությանը: Այս մասին հայտնում է ТАСС-ը՝ հղում տալով Թուրքիայի ԱԳՆ ղեկավար Մևլյութ Չավուշօլուին: «Անկարայում երեկ անցկացվում էին Լիբիայի բարցով բանակցություններ, այսօր անցկացվում են Սիրիայի հարցով: Մենք կարող ենք ասել, որ մոտեցել ենք Լիբիայում կրակի դադարեցման պարամետրերի վերաբերյալ համաձայնությանը»,- ասել է նա:

09:28 - 17 սեպտեմբերի, 2020

Ականատես ենք Ադրբեջանում Թուրքիայի ռազմական ներկայության տարրերի․ մենք չենք կարող անտարբեր լինել ապակայունացման այս քաղաքականության նկատմամբ․ Զ․ Մնացականյան |tert.am|

tert.am: Հայ-ադրբեջանական սահմանին սանձազերծված ագրեսիան շատ լուրջ մարտահրավեր էր խաղաղ գործընթացին և տարածաշրջանում կայունությանը: Այս մասին եգիպտական Nile TV հեռուստաընկերությանը տված հարցազրույցին ասել է ԱԳ նախարար Զոհրաբ Մնացականյանը: «Հայ-ադրբեջանական սահմանին սանձազերծված ագրեսիան շատ լուրջ մարտահրավեր էր խաղաղ գործընթացին և տարածաշրջանում կայունությանը: Աշխարհի բոլոր երկրները շատ զգույշ են եղել՝ չխթանելու էսկալացիայի հետագա սրացում, և միայն Թուրքիան էր, որ ցուցաբերում էր շատ միակողմանի մոտեցում: Մենք ականատես ենք եղել Ադրբեջանում Թուրքիայի ռազմական ներկայության տարրերի, լուրեր ենք ստանում օտարերկրյա ահաբեկիչ զինյալների հավաքագրման և մեր տարածաշրջան փոխադրվելու մասին: Ուստի մենք չենք կարող անտարբեր լինել ապակայունացման և ագրեսիվ այս քաղաքականության նկատմամբ, որը ողջունելի չէ»,- ասել է նա: Ավելին՝ tert.am-ում

09:17 - 17 սեպտեմբերի, 2020

Ըստ ՄԱԿ-ի ներկայացուցիչի՝ Թուրքիան պատերազմական հանցագործություն է անում Սիրիայում |ermenihaber.am|

ermenihaber.am: Սիրիայի հարցով ՄԱԿ-ի հետազոտության հանձնաժողովի նախագահ Պաոլո Սերջիո Պինհերիոն հայտարարել է, որ Թուրքիան և վերջինիս հովանավորությունը վայելող «Սիրիայի ազգային բանակ» խմբավորումը Սիրիայի քրդաբնակ վայրերում պատերազմական ոճրագործություններ են անում։ Պինհերիոն հրավիրել է մամուլի ասուլիս և ներկայացրել 2020-ի առաջին կիսամյակում Սիրիայում արված հետազոտությունների 25 էջանոց զեկույցը, որտեղ կոշտ քննադատություն է հասցեագրված Թուրքիային։ Ըստ այդմ՝ Սիրիայի տարածք ներխուժած թուրքական զինուժը, քրդաբնակ շրջաններում կողոպտում ու ավերում է պատմամշակութային արժեք ներկայացնող կառույցները, որոնք ներառված ենք ՅՈՒՆԵՍԿՕ-ի համաշխարհային ժառանգության ցանկում։ Սիրիական ճգնաժամի և կորոնահամաճարակի հետևանքով շուրջ 9.3 մլն մարդ այդ երկրում զրկված է պարենային ապահովման երաշխիքներից և մատնված սովի։ Հանձնաժողովի կազմած զեկույցը ներկայացվելու է ՄԱԿ-ի մարդու իրավունքների խորհուրդ։

17:08 - 16 սեպտեմբերի, 2020

Թուրքիան և Ռուսաստանը հերթական բանակցությունները կանցկացնեն Իդլիբի հարցով |ermenihaber.am|

ermenihaber.am: Սեպտեմբերի 16-ին Ռուսաստանն ու Թուրքիան հերթական բանակցությունները կանցկացնեն Սիրիայի Իդլիբ նահանգի վերջին իրադարձությունների վերաբերյալ։ Այդ մասին հայտնել է Թուրքիայի պաշտպանության նախարարությունը։ Ըստ հաղորդագրության՝ հանդիպումը տեղի կունենա Անկարայում՝ Թուրքիայի պաշտպանության նախարարության շենքում։ Ավելի վաղ՝ սեպտեմբերի 15-ին, Ռուսաստանի զինված ուժերը Սիրիայի հյուսիսարևելքում խոշոր օպերացիա էին իրականացրել, որի ընթացքում հարվածներ էին հասցրել ահաբեկչական խմբավորումների հենակետերին։

13:31 - 16 սեպտեմբերի, 2020

Լարվածության թուլացումից հետո Հունաստանը պատրաստ է Թուրքիայի հետ ճշգրտել ծովային սահմանները |ermenihaber.am|

ermenihaber.am: Արևելյան Միջերկրածովում լարվածության թուլացումից հետո Հունաստանը պատրաստ է թուրքիայի հետ ծովային սահմանները ճշգրտելու նպատակով նստել բանակցությունների սեղանի շուրջ: Այս մասին ասել է Հունաստանի վարչապետ Կիրիակոս Միցոտակիցը Աթենքում Եվրոպական խորհրդի նախագահ Շառլ Միշելի հետ հանդիպմանը: Միցոտակիսը նշել է, որ եթե հնարավոր չլինի հասնել պայմանագրի կնքմանը, ապա խնդիրը պետք է տեղափոխել Հաագայի միջազգային դատարան: Նա ասել է նաև, որ Թուրքիայի հետ կնքվելիք պայմանագիրը պետք է լինի միջազգային իրավունքի սկզբունքների հիման վրա: Միցոտակիսը սխալ է համարել Հունաստանի ու Կիպրոսի, ինչպես նաև եվրոպական երկրների դեմ Թուրքիայի կիրառած կոշտ հռետորաբանությունը: «Թուրքիայի գործողություններն ու հռետորաբանությունը չի նպաստում Արևելյան Միջերկրականում բոլորի ձգտած երկխոսության համար հող ստեղծելուն»,- ասել է Հունաստանի վարչապետը:

12:11 - 16 սեպտեմբերի, 2020

Թուրքիայում 1 օրում կորոնավիրուսի 1.742 նոր դեպք է գրանցվել |ermenihaber.am|

ermenihaber.am: Թուրքիայում սեպտեմբերի 15-ին նոր տիպի կորոնավիրուսից (Covid-19) մահացել է 67 մարդ։ Այդ մասին տեղեկությունը հրապարակվել է Թուրքիայի առողջապահության նախարարության կայքէջում։ Նշվում է, որ 1 օրում անցկացված 110․412 թեստի արդյունքում հաստատվել է կորոնավարակի 1․742 նոր դեպք։ Նույն ժամանակահատվածում գրանցվել է ապաքինման 1.202 դեպք: Ըստ պաշտոնական տվյալների` մինչև օրս համավարակից ապաքինվել է 261.260 մարդ, իսկ 1.327 հիվանդ էլ գտնվում է վերակենդանացման բաժանմունքում։ Մինչև այժմ Թուրքիայում ընդհանուր առմամբ արձանագրվել է վարակման 294.620 և մահվան 7․186 դեպք։ Թեստավորումների թիվը հասել է 8 մլն 742.535-ի։

10:31 - 16 սեպտեմբերի, 2020

Թուրքիայում օրեցօր ավելանում են Covid-19-ից մահացության դեպքերը |ermenihaber.am|

ermenihaber.am: Թուրքիայում սեպտեմբերի 14-ին նոր տիպի կորոնավիրուսից (Covid-19) մահացել է 63 մարդ։ Այդ մասին տեղեկություն է հրապարակված Թուրքիայի առողջապահության նախարարության կայքէջում։ Նշվում է, որ 1 օրում անցկացված 112․563 թեստի արդյունքում հաստատվել է կորոնավարակի 1․716 նոր դեպք։ Նույն ժամանակահատվածում գրանցվել է ապաքինման 1.225 դեպք: Ըստ պաշտոնական տվյալների` մինչև օրս համավարակից ապաքինվել է 260.058 մարդ, իսկ 1.301 հիվանդ էլ գտնվում է վերակենդանացման բաժանմունքում։ Մինչև այժմ Թուրքիայում ընդհանուր առմամբ արձանագրվել է վարակման 292.878 և մահվան 7․119 դեպք։ Թեստավորումների թիվը հասել է 8 մլն 632.123-ի։

11:31 - 15 սեպտեմբերի, 2020

Թուրքիայում Covid-19-ից մահացածների թիվն անցել է 7․000-ը |ermenihaber.am|

ermenihaber.am: Թուրքիայում սեպտեմբերի 13-ին նոր տիպի կորոնավիրուսից (Covid-19) մահացել է 57 մարդ։ Այդ մասին տեղեկություն է հրապարակված Թուրքիայի առողջապահության նախարարության կայքէջում։ Նշվում է, որ 1 օրում անցկացված 96․097 թեստի արդյունքում հաստատվել է կորոնավարակի 1․527 նոր դեպք։ Նույն ժամանակահատվածում գրանցվել է ապաքինման 1.102 դեպք: Ըստ պաշտոնական տվյալների` մինչև օրս համավարակից ապաքինվել է 258.833 մարդ, իսկ 1.267 հիվանդ էլ գտնվում է վերակենդանացման բաժանմունքում։ Մինչև այժմ Թուրքիայում ընդհանուր առմամբ արձանագրվել է վարակման 291.162 և մահվան 7.056 դեպք։ Թեստավորումների թիվը հասել է 8 մլն 519.560-ի։

11:37 - 14 սեպտեմբերի, 2020

Oruç Reis հետախուզական նավը կշարունակի իր գործունեությունը Միջերկրական ծովում. Թուրքիա |tert.am|

tert.am: Թուրքիայի էներգետիկայի և բնական պաշարների նախարարությունը տեղեկացրել է, որ սեպտեմբերի 13-ին Միջերկրական ծովի վիճելի տարածքները լքած թուրքական Oruç Reis հետախուզական նավը տեխնիկական սպասարկում ստանալուց հետո շարունակելու է իր սեյսմիկ հետախուզական աշխատանքները ծովում: Այս մասին գրում է թուրքական NTV հեռուստաընկերության կայքը:Նախարարությունում հիշեցրել են, որ նավն իր աշխատանքները Միջերկրական ծովում սկսել է օգոստոսի 10-ին:Նախարարության հայտարարության մեջ նշվել է նաև, որ այս նավի շնորհիվ Թուրքիան բազմաթիվ սեյսմիկ տվյալներ է ստացել և որ այն վերադարձել է նավահանգիստ ամենամսյա տեխնիկական սպասարկում ստանալու համար:

10:40 - 14 սեպտեմբերի, 2020

Թուրքական Oruc Reis նավը դուրս է բերվել Միջերկրականի վիճահարույց գոտուց |azatutyun.am|

azatutyun.am: Թուրքիան Միջերկրական ծովի էներգակիրներով հարուստ արևելյան հատվածից դուրս է բերել սեյսմիկ հետախուզություն իրականացնող Oruc Reis նավը՝ վերադարձնելով այն Անթալիայի շրջանի ափամերձ գոտի, հաղորդում է Reuters գործակալությունը։ Միջերկրականի վիճահարույց գոտում իրականացվող երկրաբանական-հետախուզական աշխատանքների հետևանքով կտրուկ կերպով սրվել էին Թուրքիայի հարաբերությունները Հունաստանի հետ: Պաշտոնական Աթենքը պնդում է, որ թուրքական կողմը մուտք էր գործել իր բացառիկ տնտեսական գոտի։ Հունաստանի վարչապետ Կիրակոս Միցոտակիսը արդեն իսկ ողջունել է թուրքական նավի դուրսբերումը վիճահարույց գոտուց։ Սալոնիկ կատարած այցի ընթացքում հունական կառավարության ղեկավարը հայտարարել է. - «Oruc Reis նավի դուրսբերումը առաջին դրական քայլն էր։ Հուսով եմ, որ այն շարունակություն կունենա։ Մենք Թուրքիայի հետ ցանկանում ենք բանակցել սադրանքներից զերծ մթնոլորտում», - ասել է Հունաստանի վարչապետը։

16:36 - 13 սեպտեմբերի, 2020

Փոմփեո․ «Թուրքիայի գործողությունները լրջորեն մտահոգում են Վաշինգտոնին » |azatutyun.am|

azatutyun.am: Միջերկրական ծովի արևելյան հատվածում Թուրքիայի կողմից ձեռնարկվող գործողությունները լրջորեն մտահոգում են Միացյալ Նահանգներին, շաբաթ երեկոյան Նիկոսիայում Կիպրոսի նախագահի հետ համատեղ մամուլի ասուլիսի ժամանակ հայտարարել է ԱՄՆ պետքարտուղար Մայք Փոփմեոն։ «Տարածաշրջանի պետությունները իրենց տարաձայնությունները, այդ թվում` անվտանգությանը, էներգակիրների պաշարներին և նավագնացությանը վերաբերող հակասությունները պետք է հաղթահարեն խաղաղ, դիվանագիտական ճանապարհով», - հայտարարել է ամերիկյան դիվանագիտության ղեկավարը։ Փոմփեոյի խոսքով. - «Ռազմական լարվածության աճը ձեռնտու է միայն մեր հակառակորդներին, որոնց ցանկությունը տրանսատլանտյան միասնական համակարգում պառակտումներ տեսնելն է»։

15:20 - 13 սեպտեմբերի, 2020

ՀՀ աթլետիկայի պատվիրակությունը մեկնել է Թուրքիա՝ մինչև 20 տարեկանների առաջնությանը

ՀՀ աթլետիկայի պատվիրակությունը երեկ լուսադեմին Երևան - Մինսկ- Ստամբուլ երթուղով մեկնել է Թուրքիա։ Ստամբուլում սեպտեմբերի 12 – 13 –ին կանցկացվի Բալկանյան երկրների մինչև 20 տարեկանների առաջնությունը։ ՀԱՕԿ-ից հայտնում են, որ Հայաստանի թիմը բաղկացած է յոթ մարզիկից։ Նրանք ասպարեզ կելնեն մարզիչներ, երևանցի Էրիկ Նուրիջանյանի և կապանցի Արտյոմ Պողոսյանի ղեկավարությամբ։ Մեր աթլետները հանդես կգան հեռացատկ, եռացատկ, վազք և արգելավազք մրցաձևերում։ Սեպտեմբերի 19-20- ը Ռումինիայի Կլուժ-Նապոկա քաղաքում կանցկացվի Բալկանյան երկրների մեծահասակների առաջնությունը: Մեր երկրի 12 աթլետներին մրցավայր կուղեկցեն երեք մարզիչներ։

13:36 - 12 սեպտեմբերի, 2020