09:48 - 04 ապրիլի, 2025
«Երեք քայլ առաջ՝ կարևոր հարցերի շուրջ»․ Դմիտրիևն՝ ԱՄՆ-ի բանակցություններից |azatutyun.am|
azatutyun.am: Ռուսաստանի նախագահի ներկայացուցիչ, Ներդրումային ֆոնդի ղեկավար Կիրիլ Դմիտրիևը հինգշաբթի օրը Վաշինգտոնում հանդիպել է ԱՄՆ վարչակազմի ներկայացուցիչների հետ։
«Մենք քննարկել ենք նաև հնարավոր փոխգործակցությունն Արկտիկայում, հազվագյուտ հողային մետաղների, ինչպես նաև տարբեր այլ ոլորտներում, որտեղ կարող ենք ձևավորել աշխատանքային և դրական հարաբերություններ», - ըստ ՏԱՍՍ-ի՝ ասել է Դմիտրիևը։
Նա «ԱՄՆ գործընկերներին հրավիրել է Ռուսաստան»։
Ըստ BBC-ի՝ Դմիտրիևը թեև չի նշել, թե ում հետ է հանդիպել Վաշինգտոնում, սակայն բանակցությունների մթնոլորտի մասին դրական է խոսել։
Ավելի վաղ ամերիկյան լրատվամիջոցները հաղորդել էին, որ ռուս պաշտոնյային Սպիտակ տուն է հրավիրել նախագահ Թրամփի՝ Ռուսաստանի և Ուկրաինայի հարցերով բանագնաց Ստիվ Ուիթկոֆը։
«Ես կասեի, որ մենք երեք քայլ առաջ արեցինք մի շարքկարևոր հարցերի շուրջ», - ասել է Ռուսաստանի ներկայացուցիչը՝ շարունակելով․ - «Մենք բացարձակապես հստակ տեսնում ենք, որ նախագահ Թրամփի վարչակազմն, ի տարբերություն նախագահ Բայդենի, հակված է խնդիրների լուծմանը։ Նրանք չափազանց հարգալից են, հասկանում են Ռուսաստանի դիրքորոշումը, շատ հարցեր են տալիս և փոխզիջումներ են գտնում»։
Նա նաև նշել է Ռուսաստանի և ԱՄՆ-ի միջև ուղիղ չվերթների վերականգնման հնարավորության մասին։ Չվերթները դադարեցվել էին Covid-19-ի բռնկման ժամանակ ու չվերականգնվեցին Ուկրաինա Ռուսաստանի ներխուժման պատճառով։
«Հույս ունենք այս հարցում առաջընթաց գրանցել», - ասել է Դմիտրիևը։
Նա X-ի իր էջում նաև փոքր գրառում է կատարել, մասնավորապես, նշելով, որ ԱՄՆ-ՌԴ երկխոսությունը «բոլորի համար ավելի ապահով, ավելի բարեկեցիկ աշխարհ կառուցելու մասին է»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)