ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Թրամփը սպառնացել է կրկին հարվածել Իրանին՝ ուրանի հարստացման ծրագրի վերականգնման դեպքում |armenpress.am|

Թրամփը սպառնացել է կրկին հարվածել Իրանին՝ ուրանի հարստացման ծրագրի վերականգնման դեպքում |armenpress.am|

armenpress.am: ԱՄՆ նախագահ Դոնալդ Թրամփը հայտարարել է, որ ԱՄՆ-ի հարվածներն Իրանին «վերջ են դրել» Իսրայելի և Իրանի միջև պատերազմին, իսկ Թեհրանի միջուկային ծրագիրը մի քանի տասնամյակով «հետ է ընկել»։ Այս մասին Թրամփն ասել է Հաագայում ՆԱՏՕ-ի գլխավոր քարտուղար Մարկ Ռյուտեի հետ հանդիպման ժամանակ։ Ըստ Reuters գործակալության՝ Թրամփին նաև հարց են ուղղել արտահոսած հետախուզական տվյալների մասին, համաձայն որոնց ամերիկյան հարվածները չեն ոչնչացրել Իրանի միջուկային ծրագիրը և ընդամենը մի քանի ամսով են դանդաղեցրել այդ գործընթացը։ Թրամփը նշել է, որ հարվածներն, իր կարծիքով, հանգեցրել են «լիակատար ոչնչացման»։ Միևնույն ժամանակ նա նշել է, որ հետախուզական տվյալները վերջնական չեն, սակայն հարվածը կարող էր շատ ուժեղ լիներ։ Թրամփին նաև հարց են ուղղել՝ արդյոք ԱՄՆ-ն կրկին հարված կհասցնի Իրանին, եթե Թեհրանը վերականգնի ուրանի հարստացման իր ծրագիրը։ «Իհարկե», - պատասխանել է Թրամփը։ ԱՄՆ նախագահը նաև հայտարարել է, որ Իսրայելի և Իրանի միջև հրադադարը լավ է ընթանում՝ հավելելով, որ 12-օրյա հակամարտության ավարտը «մեծ հաղթանակ էր բոլորի համար»։ «Վերջին բանը, որը նրանք (Իրանը) ցանկանում են անել, որևէ բան հարստացնելն է, նրանք ցանկանում են վերականգնվել։ Եվ մենք թույլ չենք տա, որ դա տեղի ունենա.... Ռազմական ճանապարհով մենք թույլ չենք տա դա», - հայտարարել է Թրամփը։ Հրադադարի մասին նա ասել է, որ դրան կողմ են եղել թե՛ Իսրայելը, թե՛ Իրանը։ «Նրանք երկուսն էլ ասացին՝ բավական է», - հավելել է նա։

14:27 - 25 հունիսի, 2025

Իրանի միջուկային օբյեկտներն ամբողջությամբ ոչնչացնել չի հաջողվել՝ ըստ նախնական հետախուզության զեկույցի. Reuters |azatutyun.am|

Իրանի միջուկային օբյեկտներն ամբողջությամբ ոչնչացնել չի հաջողվել՝ ըստ նախնական հետախուզության զեկույցի. Reuters |azatutyun.am|

azatutyun.am: ԱՄՆ հետախուզության նախնական զեկույցը, ըստ ԶԼՄ-ների աղբյուրների, պնդում է, որ ամերիկյան ավիահարվածները չեն ոչնչացրել Իրանի միջուկային կարողությունները՝ դրանց հասցնելով ընդամենը մի քանի ամսվա հետընթաց։ Այս մասին գրում են մի քանի լրատվամիջոցները, այդ թվում՝ Reuters-ը՝ հղում անելով մի քանի աղբյուրի: Թրամփը հայտարարել էր, թե ռումբերի կիրառման արդյունքում ԱՄՆ-ն «ջախջախել է» Իրանի միջուկային ծրագիրը։ Սակայն, ըստ այդ նախնական զեկույցի՝ Իրանի հարստացված ուրանի պաշարները չեն վերացվել, և նրա միջուկային ծրագիրը, որի մեծ մասը գտնվում է խոր ստորգետնյա տեղանքում, հետ է մղվել ընդամենը մեկ կամ երկու ամսով։ Թեհրանը պնդում է, որ իր միջուկային աշխատանքները կրում են միայն քաղաքացիական բնույթ։ Սպիտակ տունը քննադատել է այդ զեկույցը՝ այն անվանելով «ամբողջովին սխալ»։ Ըստ Պաշտպանության հետախուզական գործակալության (DIA) կազմած զեկույցի՝ հարվածները փակել են երկու օբյեկտների մուտքերը, բայց չեն փլուզել ստորգետնյա կառույցները։ Ըստ Washington Post-ի՝ որոշ ցենտրիֆուգներ մնում են անխափան։ Իսրայելի վարչապետ Բենյամին Նեթանյահուն հայտարարել է, որ հարվածը վերացրել է «միջուկային բնաջնջման սպառնալիքը» և վճռական է կանխել Թեհրանի կողմից զենքի ծրագրի վերակենդանացումը։ Իրանի նախագահ Մասուդ Փեզեշքիանն իրանական լրատվամիջոցներին ասել է, որ Իրանը «հաջողությամբ ավարտել է պատերազմը»՝ անվանելով այն «մեծ հաղթանակ»։

11:31 - 25 հունիսի, 2025

Թուրքիա-ԱՄՆ պաշտպանական համագործակցությունը կօգնի հասնել առևտրային նպատակներին. Էրդողանը՝ Թրամփին |azatutyun.am|

Թուրքիա-ԱՄՆ պաշտպանական համագործակցությունը կօգնի հասնել առևտրային նպատակներին. Էրդողանը՝ Թրամփին |azatutyun.am|

azatutyun.am: Թուրքիայի նախագահ Ռեջեփ Էրդողանը ԱՄՆ առաջնորդ Դոնալդ Թրամփի հետ ՆԱՏՕ-ի գագաթնաժողովի շրջանակներում հանդիպման ժամանակ ասել է, որ պաշտպանության արդյունաբերության ոլորտում համագործակցության խորացումը կօգնի հասնել թուրք-ամերիկյան 100 միլիարդ դոլար փոխադարձ առևտրի նպատակին: Այս մասին հաղորդել է Թուրքիայի նախագահական գրասենյակը չորեքշաբթի վաղ առավոտյան։ Հաղորդագրության համաձայն՝ Էրդողանը նաև նշել է, որ Թուրքիան և ԱՄՆ-ն մեծ ներուժ ունեն տարբեր ոլորտներում, ներառյալ՝ էներգետիկա և ներդրումներ։ Էրդողանը նաև ողջունել է Իրանի և Իսրայելի միջև ԱՄՆ-ի ջանքերով ձեռք բերված հրադադարը և շեշտել երկխոսության կարևորությունը Գազայի մարդասիրական աղետին վերջ դնելու գործում։ Սպիտակ տունը դեռ չի հայտնել հանդիպման մասին:

09:21 - 25 հունիսի, 2025

ԱՄՆ-ի Վեսթ Փոյնթ զինվորական ակադեմիայում առաջին անգամ հայ կին կուսանի

ԱՄՆ-ի Վեսթ Փոյնթ զինվորական ակադեմիայում առաջին անգամ հայ կին կուսանի

Առաջին անգամ Միացյալ Նահանգների Վեսթ Փոյնթ զինվորական ակադեմիա է ընդունվել հայ կին: Այս մասին նշված է Հայաստանում ԱՄՆ դեսպանության «Ֆեյսբուք»-ի էջում կատարված գրառման մեջ: «Շնորհավորում ենք Յանա Սիմոնյանին Միացյալ Նահանգների Վեսթ Փոյնթ զինվորական ակադեմիա ընդունվելու կապակցությամբ։ Յանան առաջին հայ կին կադետն է, որն ուսանելու է Վեսթ Փոյնթում և ուսումնառությունն այնտեղ կավարտի 2029 թվականին։ Այս հեղինակավոր հաստատություն ընդունվելը խոսում է նրա բացառիկ ունակությունների և Միացյալ Նահանգների ու Հայաստանի միջև աճող փոխգործակցության մասին։ Ամենայն բարիք և հաջողություն ենք մաղթում Յանային»,- ասված է գրառման մեջ:

17:57 - 24 հունիսի, 2025

Իսրայելը չի պատրաստվում հարձակվել Իրանի վրա․Դոնալդ Թրամփ

Իսրայելը չի պատրաստվում հարձակվել Իրանի վրա․Դոնալդ Թրամփ

Իսրայելը չի պատրաստվում հարձակվել Իրանի վրա։ Այս մասին հայտարարել է ԱՄՆ նախագահ Դոնալդ Թրամփը։ «Բոլոր ինքնաթիռները կշրջվեն և կուղևորվեն տուն՝ միաժամանակ Իրանին բարեկամական «ինքնաթիռային ալիք» ուղղելով։ Ոչ ոք չի տուժի, հրադադարն ուժի մեջ է», - գրել է Թրամփը րոպեներ առաջ։ Ավելի վաղ ԱՄՆ նախագահը հորդորել էր Իսրայելին «չնետել ռումբերը», ապա հայտարարել, որ երկու կողմերից էլ դժգոհ է հրադադարի պահպանման հարցում, մասնավորապես՝ Իսրայելից․ «Իրանն ու Իսրայելը այնքան երկար և այնքան կոշտ են կռվում, որ չգիտեն՝ ինչ են անում», - ասել էր Թրամփը։ Մեկ այլ գրառմամբ Թրամփը նշել է․ «Իրանը երբեք չի վերակառուցի իր միջուկային օբյեկտները»։

16:15 - 24 հունիսի, 2025

Թրամփը հայտնել է, որ հրադադարը արդեն ուժի մեջ է ու խնդրել է Իրանին ու Իսրայելին չխախտել այն |azatutyun.am|

Թրամփը հայտնել է, որ հրադադարը արդեն ուժի մեջ է ու խնդրել է Իրանին ու Իսրայելին չխախտել այն |azatutyun.am|

azatutyun.am: Քիչ առաջ ԱՄՆ նախագահ Դոնալդ Թրամփը իր էջում գրել է, որ հրադադարը արդեն ուժի մեջ է ու խնդրել է երկու կողմերին չխախտել այն: ԱՄՆ նախագահը հայտարարել է, որ Իրանն ու Իսրայելը համաձայնության են եկել հրադադարի շուրջ։ Նա ասել է, որ վեց ժամից ռազմական գործողությունները կդադարեցվեն 12 ժամով, որից հետո «պատերազմը կհամարվի ավարտված»։ Նա նշել է, որ «24 ժամից աշխարհը կողջունի 12-օրյա պատերազմի պաշտոնական ավարտը»։ Թրամփը հավելել է, որ համաձայնագիրը ուժի մեջ կմտնի երկու կողմերի ռազմական գործողություններն ավարտելուց հետո։ «Այս պատերազմը կարող էր տարիներ տևել և ոչնչացնել ամբողջ Մերձավոր Արևելքը, բայց դա տեղի չունեցավ և երբեք տեղի չի ունենա», - գրել է Թրամփը իր Truth Social սոցիալական ցանցում։ ԱՄՆ նախագահն ընդգծել է, որ Իսրայելն ու Իրանը «գրեթե միաժամանակ» դիմել են իրեն և խաղաղություն խնդրել։

09:23 - 24 հունիսի, 2025

Իրանը հրթիռակոծել է Կատարում, Բահրեյնում և Իրաքում գտնվող ամերիկյան ռազմաբազաները |tert.am|

Իրանը հրթիռակոծել է Կատարում, Բահրեյնում և Իրաքում գտնվող ամերիկյան ռազմաբազաները |tert.am|

tert.am: Իրանը առնվազն 6 բալիստիկ հրթիռ է արձակել Կատարում գտնվող ամերիկյան բազայի ուղղությամբ, ինչի հետևանքով պայթյուններ են լսվել Կատարի մայրաքաղաք Դոհայում: Այս մասին հայտնում է Reuters լրատվական գործակալությունը։ Թեհրանը սկսել է «Բաշարաթ ալ-Ֆաթահ» գործողությունը, հայտնում է իրանական պետական հեռուստատեսությունը։ Գործողությունն ուղղված է Կատարում, Բահրեյնում և Իրաքում գտնվող ամերիկյան բազաներին, հայտնում է Tasnim գործակալությունը։ Բահրեյնում Իրանի հարվածները եղել են այն շրջանում, որտեղ տեղակայված է ԱՄՆ հինգերորդ նավատորմի շտաբը։ Իրաքում գտնվող ամերիկյան ավիաբազան բերվել է բարձր պատրաստվածության, անձնակազմին հրահանգվել է պատսպարվել բունկերում։ Քաթարից հետո իր օդային տարածքը փակել է նաև ԱՄԷ-ն։ Axios-ը գրում է, որ իրանական հնարավոր հարվածի հետևանքները, հատկապես եթե ամերիկացիների շրջանում զոհեր լինեն, կարող են բեկումնային լինել այս հակամարտության մեջ։ ԱՄՆ նախագահ Դոնալդ Թրամփը շտապ կերպով իր ազգային անվտանգության թիմի նիստ է հրավիրել: Fox News-ի փոխանցմամբ՝ Սպիտակ տունը դիտարկում է տարածաշրջանում ամերիկյան ռազմական օբյեկտների վրա ուղղակի հարձակման հնարավորությունը։ Reuters-ի փոխանցմամբ՝ Իրանում քաղաքական աղբյուրը հայտնել է, որ ԱՄՆ բազաների վրա հարձակումը կարող է տեղի ունենալ առաջիկա ժամերին։ Առանձնահատուկ ուշադրություն է դարձվում Քաթարի Ալ Ուդեյդ ավիաբազային՝ Մերձավոր Արևելքում ԱՄՆ-ի ամենամեծ ռազմական կայանին: Ալ Ուդեյդ բազան առանցքային դեր է խաղում ԱՄՆ-ի կենտրոնական հրամանատարության (CENTCOM) գործողություններում և օգտագործվում է ԱՄՆ-ի, Մեծ Բրիտանիայի և Կատարի օդային ուժերի կողմից:

21:27 - 23 հունիսի, 2025

Ալի Խամենեին ԱՄՆ հարվածներից հետո առաջին մեկնաբանությունն է արել

|factor.am|

Ալի Խամենեին ԱՄՆ հարվածներից հետո առաջին մեկնաբանությունն է արել |factor.am|

factor.am: Մինչ աշխարհը սպասում է Թեհրանի խոստացված հակահարվածին իր միջուկային օբյեկտներին ամերիկյան հարվածների համար, Իրանի գերագույն հոգևոր առաջնորդ Ալի Խամենեին խոստացել է շարունակել Իսրայելի նկատմամբ «պատիժը»։ Սա նրա առաջին մեկնաբանությունն է իրանական միջուկային օբյեկտներին ԱՄՆ-ի հարվածներից հետո։ «Հենց հիմա պատիժը շարունակվում է։ Սիոնիստական թշնամին մեծ սխալ է թույլ տվել, մեծ հանցագործություն է կատարել, նա պետք է պատժվի, և նա պատժվում է. նա պատժվում է հենց հիմա»,- ասված է Խամենեիի՝ X-ի միկրոբլոգում գրառման մեջ։ Նա որևէ հիշատակում չի արել ամերիկյան թիրախների վրա հարձակման մասին։ Հիշեցնենք, որ լույսի հունիսի 22-ի գիշերը ԱՄՆ զինված ուժերը հարվածներ էին հասցրել Իրանի միջուկային երեք օբյեկտի՝ Ֆորդոյի, Սպահանի, Նաթանզի: B-2 ռմբակոծիչները հարձակվել են Ֆորդոյի գործարանի վրա՝ օգտագործելով 13.6 տոննա կշռող բունկերային ռումբեր։

12:40 - 23 հունիսի, 2025

Վարչապետն Ամերիկյան առևտրի պալատի անդամների հետ քննարկել է տնտեսական քաղաքականությանն ու ներդրումների խթանմանը վերաբերող հարցեր

Վարչապետն Ամերիկյան առևտրի պալատի անդամների հետ քննարկել է տնտեսական քաղաքականությանն ու ներդրումների խթանմանը վերաբերող հարցեր

Վարչապետ Նիկոլ Փաշինյանը աշխատանքային նախաճաշ է ունեցել Հայաստանում Ամերիկայի առևտրի պալատի անդամների հետ, որոնք ներկայացնում են տնտեսության տարբեր ոլորտների ընկերություններ: Այս մասին հայտնում են ՀՀ վարչապետի աշխատակազմից։Վարչապետը կարևորել է նման հանդիպումները և նշել, որ լավ հնարավորություն է քննարկելու երկկողմ հետաքրքրություն ներկայացնող բոլոր հարցերը: Նիկոլ Փաշինյանի խոսքով՝ այսպիսով ձևավորվում է նաև որոշակի օրակարգ՝ ՀՀ Կառավարության և Ամերիկայի առևտրի պալատի անդամների միջև հետագա համագործակցության համար: ԱՄՆ-ի հետ տնտեսական հարաբերություններն ունեն ռազմավարական նշանակություն մեզ համար, և պալատը կարող է կաևոր դերակատարություն ունենալ այս հարցում։ՀԱԱՊ նախագահ Էլինա Մարգարյանը շնորհակալություն է հայտնել ՀՀ Կառավարությանը մասնավոր հատվածի հետ ինստիտուցիոնալ երկխոսությանն աջակցելու համար և ընդգծել հետագա համագործակցությունն ամրապնդելու կարևորությունը: Այնուհետև ներկայացվել են ՀԱԱՊ-ի հիմնական ուղղությունները՝ ընդգծելով նրա հանձնառությունը՝ ծառայելու որպես կամուրջ Կառավարության և բիզնես համայնքի միջև:Հանդիպմանը քննարկվել է տնտեսական քաղաքականությանը վերաբերող հարցեր, որոնք վերաբերել են ներդրումների խթանմանը, բիզնես միջավայրի բարելավմանը, հարկային կարգավորումներին և իրականացվող բարեփոխումներին:Կողմերը կարևորել են շարունակական երկխոսությունը և վերահաստատել պատրաստակամությունը՝ շարունակելու սերտորեն համագործակցել Հայաստանի տնտեսական դիմադրողականությունը և միջազգային մրցունակությունը խթանելու ուղղությամբ:

12:17 - 23 հունիսի, 2025

Ռուսաստանը մեղադրել է ԱՄՆ-ին «ամբողջ մարդկության անվտանգության և բարեկեցության վրա խաղադրույք կատարելու» մեջ |armenpress.am|

Ռուսաստանը մեղադրել է ԱՄՆ-ին «ամբողջ մարդկության անվտանգության և բարեկեցության վրա խաղադրույք կատարելու» մեջ |armenpress.am|

armenpress.am: ՄԱԿ-ում Ռուսաստանի դեսպան Վասիլի Նեբենզյան ՄԱԿ-ի Անվտանգության խորհրդի արտակարգ նիստում հայտարարել է, որ «ԱՄՆ-ն բացել է Պանդորայի արկղը», և «ոչ ոք չգիտի, թե դա ինչ նոր աղետներ և տառապանքներ կբերի»։ Այս մասին հաղորդում է The Associated Press գործակալությունը։ Նա ասել է, որ Ռուսաստանն ԱՄՆ-ին առաջարկել է իր միջնորդությունը՝ Իրանի միջուկային ծրագրի խաղաղ և փոխադարձաբար ընդունելի լուծում գտնելու համար, սակայն Միացյալ Նահանգները, հատկապես նրա առաջնորդները, «ակնհայտորեն, այսօր հետաքրքրված չեն դիվանագիտությամբ»։ Նեբենզյայի խոսքով՝ ԱՄՆ-ն խաղադրույք է կատարել ամբողջ մարդկության անվտանգության և բարեկեցության վրա։ «Եթե մենք չդադարեցնենք սրացումը, Մերձավոր Արևելքը կհայտնվի լայնածավալ հակամարտության եզրին՝ անկանխատեսելի հետևանքներով ամբողջ միջազգային անվտանգության համակարգի համար, բացի այդ, ամբողջ աշխարհը կարող է հայտնվել միջուկային աղետի եզրին», - նախազգուշացրել է Նեբենզյան։ ՄԱԿ-ի Անվտանգության խորհրդի նիստը հրավիրվել էր Իրանի խնդրանքով այն բանից հետո, երբ ԱՄՆ-ն հարվածներ էր հասցրել իր երեք միջուկային օբյեկտներին։

11:13 - 23 հունիսի, 2025

Պետաքարտուղարությունն արտերկրում գտնվող ԱՄՆ քաղաքացիներին զգուշավորության կոչ է արել |armenpress.am|

Պետաքարտուղարությունն արտերկրում գտնվող ԱՄՆ քաղաքացիներին զգուշավորության կոչ է արել |armenpress.am|

armenpress.am: v class="w-full prose dark:prose-invert prose-base prose-slate prose-a:text-blue-600 prose-blockquote:relative prose-blockquote:my-14 prose-blockquote:border-0 prose-blockquote:pl-6 prose-blockquote:font-heading prose-blockquote:text-lg prose-blockquote:italic prose-figcaption:text-sm prose-figcaption:text-slate-400 prose-strong:leading-[unset] mt-7"> ԱՄՆ պետքարտուղարությունը նախազգուշացում է անում ամբողջ աշխարհում գտնվող ԱՄՆ քաղաքացիներին և խորհուրդ տալիս ցուցաբերել առավելագույն զգուշավորություն։ Այս մասին նշված է Պետքարտուղարության կայքում տարածված հաղորդագրության մեջ։ «Իսրայելի և Իրանի միջև հակամարտությունը հանգեցրել է Մերձավոր Արևելքում տեղաշարժի խափանումների և օդային տարածքի պարբերաբար փակման։ Առկա է ԱՄՆ քաղաքացիների և արտասահմանում (խմբ.՝ ամերիկյան) շահերի դեմ ցույցերի հավանականություն։ Պետքարտուղարությունը խորհուրդ է տալիս ամբողջ աշխարհի ԱՄՆ քաղաքացիներին ցուցաբերել ավելի մեծ զգուշավորություն», - նշված է հաղորդագրության մեջ։ Պետքարտուղարությունը ԱՄՆ քաղաքացիներին հորդորել է ուղևորություններ պլանավորելիս ուշադիր հետևել ճանապարհորդությունների մասին հրահանգներին, առաձին երկրների մասին տեղեկատվությանը։ ԱՄՆ-ն որոշում էր կայացրել ներգրավվել Իսրայելի և Իրանի միջև մեկ շաբաթից ավելի շարունակվող հակամարտության մեջ՝ հունիսի 22-ին հարվածներ հասցնելով Իրանի միջուկային օբյեկտներին։ Իրանը հայտարարել է, որ իրավունք ունի պատասխան տալ։

11:12 - 23 հունիսի, 2025

Թրամփն ակնարկել է, որ կարող է ողջունել Իրանի կառավարությունը փոխելու հնարավորությունը
|azatutyun.am|

Թրամփն ակնարկել է, որ կարող է ողջունել Իրանի կառավարությունը փոխելու հնարավորությունը |azatutyun.am|

azatutyun.am: ԱՄՆ նախագահ Դոնալդ Թրամփը ակնարկել է, որ կարող է ողջունել Թեհրանի կառավարությունը տապալելու հնարավորությունը: Եթե Իրանի գործող ռեժիմը անկարող է կրկին Իրանը մեծ դարձնել, ապա «ինչո՞ւ չպետք է լինի ռեժիմի փոփոխություն», գրել է Թրամփը Truth Social հարթակում։ Թրամփի հայտարարությունն արվել է այն բանից հետո, երբ ԱՄՆ փոխնախագահ Ջեյ Դի Վենսը, պետքարտուղար Մարկո Ռուբիոն և պաշտպանության նախարար Փիթ Հեգսեթը շեշտել էին, որ հունիսի 21-ի՝ Իրանի միջուկային օբյեկտների դեմ հարվածների նպատակը բանակցված լուծման հասնելն էր, ոչ թե իսլամական ռեժիմի տապալումը։ Հունիսի 22-ին ԱՄՆ իշխանությունները զգուշացրել են Թեհրանին, որ չփորձի պատասխանել այդ ավիահարվածներին, որոնք Թրամփն անվանել է «անհավանական ռազմական հաջողություն», նշելով, որ դրանցով «ոչնչացվել են Իրանի միջուկային ծրագրի առանցքային օբյեկտները»։ Washington-ում տեղակայված Human Rights Activists կազմակերպությունը հայտնել է, որ հունիսի 13-ից ի վեր Իրանում օդային հարվածների հետևանքով զոհվել է առնվազն 950 մարդ, որոնցից 380-ը՝ քաղաքացիական անձինք։ Իսկ իսրայելական կողմի տվյալներով՝ իրանական հարվածներից զոհվել է 24 մարդ։

09:48 - 23 հունիսի, 2025

ԱՄՆ-ն ավերել է Իրանի միջուկային ծրագիրը. Պենտագոնի ղեկավար |armenpress.am|

ԱՄՆ-ն ավերել է Իրանի միջուկային ծրագիրը. Պենտագոնի ղեկավար |armenpress.am|

armenpress.am: Պենտագոնի ղեկավար Փիթ Հեգսեթը հայտարարել է, թե ԱՄՆ-ն ավերել է Իրանի միջուկային ծրագիրը՝ գիշերային հարվածներ հասցնելով երեք օբյեկտների: Ինչպես փոխանցում է BBC-ն, Հեգսեթը հավելել է, որ ԱՄՆ նախագահ Դոնալդ Թրամփը տարիներ շարունակ հետևողական հայտարարել է, որ Իրանը չպետք է միջուկային զենք ստանա, ինչով էլ պայմանավորված են եղել հարվածները Ամերիկացի գեներալ Դեն Քեյնն էլ հայտնել է, որ ԱՄՆ-ն օգտագործել է 75 միավոր բարձր ճշգրտության կառավարվող զենք, այդ թվում ՝ 14 հզոր ներթափանցող սարքեր, որոնք հայտնի են նաև որպես «բունկեր ոչնչացնողներ»: Ավելի վաղ Իրանը հայտնել էր, որ ԱՄՆ-ի կողմից հարվածներն անսպասելի չեն եղել, և միջուկային օբյեկտները նախօրոք տարհանվել են:

19:16 - 22 հունիսի, 2025

«ԱՄՆ-ը չի պատերազմում Իրանի հետ, այլ նրա միջուկային ծրագրի»․ ԱՄՆ փոխնախագահ

«ԱՄՆ-ը չի պատերազմում Իրանի հետ, այլ նրա միջուկային ծրագրի»․ ԱՄՆ փոխնախագահ

ԱՄՆ փոխնախագահ ՋեյԴի Վենսը կարճ հարցազրույց է տվել NBC News-ին՝ ընդգծելով, որ Միացյալ Նահանգները չի պատերազմում Իրանի հետ։ «Մենք պատերազմում ենք նրա միջուկային ձգտումների դեմ», - նշել է Վենսը՝ հավելելով, որ ԱՄՆ-ն վստահ է, թե «կործանել է Իրանի միջուկային ծրագիրը»։ Փոխնախագահը նաև արձագանքել է Դոնալդ Թրամփի հասցեին հնչած քննադատությանը՝ նշելով, որ «ճշմարտությանը չի համապատասխանում» այն պնդումը, թե ռազմական գործողություն սկսելը ԱՄՆ նախագահի լիազորությունների սահմաններում չէ։ Այդ հարցը ավելի վաղ բարձրացրել էր Ներկայացուցիչների պալատի դեմոկրատ առաջնորդ Հաքիմ Ջեֆրիսը։ Վենսն ընդգծել է, որ ԱՄՆ-ն և իր դաշնակիցները հիմա աշխատում են «Իրանի միջուկային ծրագիրը մշտապես ապամոնտաժելու ուղղությամբ»։

19:12 - 22 հունիսի, 2025

Չինաստանը խստորեն դատապարտել է Իրանի վրա ԱՄՆ-ի հարձակումները |armenpress.am|

Չինաստանը խստորեն դատապարտել է Իրանի վրա ԱՄՆ-ի հարձակումները |armenpress.am|

armenpress.am: Չինաստանը խստորեն դատապարտում է Իրանի վրա ԱՄՆ-ի հարձակումները և Ատոմային Էներգիայի միջազգային գործակալության երաշխիքների ներքո գտնվող միջուկային օբյեկտների ռմբակոծությունները: Ինչպես փոխանցում է Xinhua լրատվական գործակալությունը, այս մասին հայտարարել է Չինաստանի արտաքին գործերի նախարարության ներկայացուցիչը՝ մեկնաբանելով ԱՄՆ-ի հարվածները Իրանի երեք միջուկային օբյեկտներին: Չինաստանի ԱԳՆ մամուլի քարտուղարի խոսքով ՝ Միացյալ Նահանգների գործողությունները լրջորեն խախտում են ՄԱԿ-ի կանոնադրության և միջազգային իրավունքի նպատակներն ու սկզբունքները և խորացնում լարվածությունը Մերձավոր Արևելքում: «Չինաստանը կոչ է անում հակամարտության կողմերին, մասնավորապես, Իսրայելին, որքան հնարավոր է շուտ հասնել հրադադարի, ապահովել քաղաքացիական բնակչության անվտանգությունը և երկխոսություն ու բանակցություններ սկսել»,- հայտարարել է նա՝ հավելելով, որ Չինաստանը պատրաստ է համագործակցել միջազգային հանրության հետ ՝ միավորելու ջանքերը և պաշտպանելու արդարությունը, ինչպես նաև աշխատելու Մերձավոր Արևելքում խաղաղության ու կայունության վերականգնման ուղղությամբ:

18:08 - 22 հունիսի, 2025

ՌԴ-ն խստորեն դատապարտել է ԱՄՆ-ի կողմից Իրանի վրա հարձակումը

ՌԴ-ն խստորեն դատապարտել է ԱՄՆ-ի կողմից Իրանի վրա հարձակումը

ՌԴ ԱԳ նախարարությունը խստորեն դատապարտել է ԱՄՆ-ի կողմից Իրանի մի շարք միջուկային օբյեկտների դեմ իրականացված հարվածները։ Այս մասին հայտարարություն է տարածել ՌԴ արտգործնախարությունը։ «Անկախ որևէ հիմնավորումից՝ սուվերեն պետության տարածքի վրա հրթիռային և ռմբակոծիչ հարվածների իրականացումը հանդիսանում է միջազգային իրավունքի, ՄԱԿ-ի կանոնադրության և ՄԱԿ-ի Անվտանգության խորհրդի՝ նման գործողությունները անթույլատրելի ճանաչած բանաձևերի կոպիտ խախտում։ Հատկապես մտահոգիչ է, որ այդ հարվածները իրականացրել է մի երկիր, որն ունի ՄԱԿ-ի ԱԽ մշտական անդամի կարգավիճակ», - նշված է հայտարարության մեջ։ ՌԴ ԱԳՆ-ը ընդգծել է, որ հարձակման հետևանքները, այդ թվում՝ ռադիոլոգիական ռիսկերն ու աղտոտման վտանգը, դեռևս պետք է գնահատվեն, սակայն արդեն այժմ ակնհայտ է՝ մեկնարկել է սրացման նոր վտանգավոր փուլ, որն սպառնում է ինչպես տարածաշրջանային, այնպես էլ գլոբալ անվտանգությանն ու կայունությանը։ «Մերձավոր Արևելքում հակամարտության ընդլայնման ռիսկը՝ տարածաշրջանում առկա բազմաթիվ ճգնաժամերի ֆոնին, զգալիորեն մեծացել է։ Մենք հատկապես մտահոգված ենք այն վնասով, որ հասցվել է միջուկային զենքի չտարածման գլոբալ ռեժիմին, որը հիմնված է Միջուկային զենքի չտարածման մասին պայմանագիր (NPT) վրա», - նշել է ՌԴ ԱԳՆ-ը։ Ռուսական կողմը նաև արձանագրել է, որ Իրանի միջուկային օբյեկտների թիրախավորումը լուրջ հարված է ՄԱԳԱՏԷ-ի՝ միջազգային ստուգման և մոնիթորինգի համակարգի հեղինակությանը։ «Մենք ակնկալում ենք, որ ՄԱԳԱՏԷ-ի ղեկավարությունը անհապաղ, մասնագիտական և անկաշկանդ արձագանք կտա՝ առանց ընդհանուր և դիվանագիտական ձևակերպումների։ Անհրաժեշտ է ՄԱԳԱՏԷ-ի գլխավոր տնօրենի կողմից օբյեկտիվ զեկույց, որը պետք է քննարկվի գործակալության հատուկ նիստում՝ հնարավորինս սեղմ ժամկետներում», - նշված է հայտարարությունում։ Ռուսաստանը նաև ընդգծել է, որ պարտադիր է ՄԱԿ-ի Անվտանգության խորհրդի արձագանքը՝ նշելով. «Անհրաժեշտ է հավաքական ուժերով մերժել ԱՄՆ-ի և Իսրայելի այս հակամարտային գործողությունները»։ Հայտարարության ավարտին ՌԴ ԱԳՆ-ը կոչ է արել անհապաղ դադարեցնել ագրեսիան և ուժեղացնել ջանքերը՝ իրավիճակը քաղաքական և դիվանագիտական հուն վերադարձնելու ուղղությամբ։

14:54 - 22 հունիսի, 2025