ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

Ըստ Ուկրաինայի՝ ՌԴ-ն հարվածել է Դնեպրին, այդ թվում՝ միջմայրցամաքային բալիստիկ հրթիռով |azatutyun.am|

azatutyun.am: Ռուսաստանը հարվածել է Դնեպրին տարբեր տիպի, այդ թվում՝ միջմայրցամաքային բալիստիկ հրթիռով, որն արձակվել է Աստրախանի շրջանից, հայտնում է Ուկրաինայի ռազմաօդային ուժերը։ Անկախ աղբյուրներից դեռ այս տեղեկատվության հաստատում չկա։ Ռուսաստանի պաշտպանության նախարարությունն, իր հերթին, հայտարարել է, որ իր ՀՕՊ համակարգերը խոցել են Մեծ Բրիտանիայի արտադրության Storm Shadow երկու թևավոր հրթիռներ: Կրեմլի խոսնակ Դմիտրի Պեսկովը հայտարարել է, որ սա նոր էսկալացիա է և որ սա շատ անպատասխանատու դիրքորոշում է հեռացող վարչակազմի կողմից։ Ավելի վաղ Bloomberg-ը, բրիտանական The Guardian-ը և BBC-ն գրել էին, որ ուկրաինական բանակն առաջին անգամ ենթադրաբար բրիտանական Storm Shadow հրթիռներ է կիրառել՝ Ռուսաստանին հարվածելու համար։ Լրատվամիջոցները ստույգ թիրախ չէին նշել, սակայն ենթադրել էին, որ թիրախներից մեկը եղել է Կուրսկի շրջանի Մարինոյում գտնվող Ռուսաստանի նախագահի աշխատակազմի առողջարանը։ Storm Shadow հրթիռներ արտադրող Մեծ Բրիտանիայի իշխանությունները պաշտոնապես չեն հաստատել կամ հերքել այս տեղեկությունը։

Այսօր 15:21

Ղրիմը կարելի է վերադարձնել, բայց մենք չենք կարող կորցնել տասնյակ հազարավոր մարդկանց․ Զելենսկի |news.am|

news.am: Ուկրաինան ոչ մի օկուպացված տարածք չի ճանաչում որպես ռուսական, մասնավորապես՝ 2014 թվականից ի վեր բռնագրավված տարածքները և պատրաստ չէ Ղրիմը զիջել խաղաղության համաձայնագրով։ Ղրիմը կարող է վերադարձվել դիվանագիտական ճանապարհով՝ առանց զգալի մարդկային կորուստների։ Այս մասին Foxnews-ին տված հարցազրույցում ասել է Ուկրաինայի նախագահ Վլադիմիր Զելենսկին: Լրագրողի այն հարցին, թե արդյոք Զելենսկին համաձա՞յն է, որ զինադադարի կամ խաղաղության ցանկացած համաձայնագրի համաձայն, Ուկրաինայի տարածքի մի մասը կարող է մնալ Ռուսաստանի ձեռքին, նա պատասխանել է. «Մենք չենք կարող օրինականորեն ճանաչել Ուկրաինայի որևէ օկուպացված տարածք որպես ռուսական: Խոսքն այն տարածքների մասին է, որոնք օկուպացված էին Պուտինի կողմից մինչև լայնամասշտաբ ներխուժումը, 2014 թվականից։ Իրավական առումով մենք սա չենք ճանաչում, չենք ընդունում»։ Լրագրողը նաև հարց է ուղղել Ղրիմի մասին, որը հնչել է այսպես. «Վլադիմիր Պուտինը շատ հստակ ասել է, որ Ղրիմը երբեք չի վերադառնա Ուկրաինայի կազմ։ Պատրա՞ստ եք հրաժարվել Ղրիմից խաղաղ համաձայնագրի համար, որը կավարտի այս պատերազմը և կդադարեցնի արյունահեղությունը Եվրոպայում»: Զելենսկին պատասխանել է. «Ես արդեն ասել եմ, որ մենք պատրաստ ենք դիվանագիտական ճանապարհով վերադարձնել Ղրիմը: Մենք չենք կարող վատնել մեր տասնյակ հազարավոր մարդկանց, որ նրանք զոհվեն Ղրիմը վերադարձնելու համար... Մենք հասկանում ենք, որ Ղրիմը կարելի է վերադարձվել»:

Այսօր 10:25

Պուտինը պատրաստ է Թրամփի հետ քննարկել Ուկրաինայում հրադադարի շուրջ համաձայնագիրը. Reuters |armenpress.am|

armenpress.am: ՌԴ նախագահ Վլադիմիր Պուտինը պատրաստ է ԱՄՆ ընտրված նախագահ Դոնալդ Թրամփի հետ Ուկրաինայում հրադադարի մասին համաձայնագրի քննարկմանը, սակայն բացառում է որևէ խոշոր տարածքային զիջում և պնդում է, որ Կիևը հրաժարվի ՆԱՏՕ-ին միանալու հավակնություններից։ Այս մասին Reuters-ին հայտնել է իրավիճակին ծանոթ հինգ աղբյուր: Նախկին և ներկա ռուսաստանցի պաշտոնյաները հայտնել են, որ Պուտինը կընդունի Թրամփի միջնորդած համաձայնագիրը և կհամաձայնի սառեցնել հակամարտությունը առաջնագծում։ Reuters-ը նշում է, որ Թրամփը, որը խոստացել է շուտափույթ դադարեցնել հակամարտությունը, Սպիտակ տուն է վերադառնում այն ժամանակ, երբ Ռուսաստանը գերակա դիրքեր է գրավում։ Ըստ հրապարակման՝ Մոսկվան առաջ է շարժվում 2022 թվականին ռազմական գործողությունների մեկնարկից ի վեր ամենաարագ տեմպերով։ Ըստ աղբյուրների՝ մասամբ Ռուսաստանի վերահսկողության տակ գտնվող Դոնեցկի, Լուգանսկի, Զապորոժիեի և Խերսոնի հատվածներում սահմանների հստակ գծման հարցում, հնարավոր է, բանակցությունների տեղ լինի։ Reuters-ի զրուցակիցները նաև հայտնել են, որ Ռուսաստանը, հնարավոր է, պատրաստ լինի դուրս գալ Խարկովում և Նիկոլաևում իր վերահսկողության տակ գտնվող փոքր հատվածներից։ Աղբյուրները նաև նշել են, որ եթե հրադադարի շուրջ համաձայնություն ձեռք չբերվի, ապա Ռուսաստանը կշարունակի կռվել։ Թեև Ռուսաստանը չի հանդուրժի Ուկրաինայի անդամակցությունը ՆԱՏՕ-ին կամ ՆԱՏՕ-ի զորքերի ներկայությունն ուկրաինական հողում, սակայն Մոսկվան պատրաստ է Կիևի անվտանգության երաշխիքների քննարկմանը, ըստ ներկա և նախկին հինգ պաշտոնյաների: Աղբյուրները նշել են, որ Կրեմլը կարող է առաջ քաշել նաև այնպիսի պահանջներ, ինչպիսիք են Կիևի համաձայնությունը՝ սահմանափակել իր զինված ուժերի չափը և պարտավորվել չսահմանափակել ռուսաց լեզվի օգտագործումը: Ուկրաինական կողմը դեռ չի արձագանքել Reuters-ի խնդրանքին՝ մեկնաբանել այս հրապարակումը։

14:30 - 20 նոյեմբերի, 2024

ԱՄՆ-ն ժամանակավոր փակել է Կիևում դեսպանատունը այսօր սպասվող ավիահարվածի սպառնալիքի պատճառով |tert.am|

tert.am: Միացյալ Նահանգները ժամանակավորապես փակել է Կիևում իր դեսպանատունը՝ Ուկրաինայի մայրաքաղաք Կիևի ուղղությամբ սպասվող ավիահարվածի սպառնալիքի պատճառով։ Այս մասին ասվում է դեսպանատան հաղորդագրության մեջ։ «Կիևում ԱՄՆ դեսպանատունը կոնկրետ տեղեկատվություն է ստացել նոյեմբերի 20-ին հնարավոր խոշոր ավիահարվածի մասին։ Որպես կանխարգելիչ միջոց՝ դեսպանատունը կփակվի, իսկ դեսպանատան աշխատակիցներին կտրվեն ցուցումներ տեղում ապաստանելու համար։ Դեսպանատունը խորհուրդ է տալիս ԱՄՆ քաղաքացիներին օդային հարձակման դեպքում պատրաստ լինել անհապաղ ապաստարան տեղափոխվելուն»,- ասվում է ԱՄՆ դեսպանատան հաղորդագրությունում։

12:02 - 20 նոյեմբերի, 2024

ԱՄՆ-ն մտադիր չէ փոխել իր միջուկային դոկտրինը․ Սպիտակ տուն |azatutyun.am|

azatutyun.am: ԱՄՆ-ը մտադիր չէ փոխել իր միջուկային դոկտրինն՝ ի պատասխան ռուսական թարմացման, ըստ Reuters-ի,երեքշաբթի օրը հայտարարել է ԱՄՆ նախագահին առընթեր Ազգային անվտանգության խորհուրդը՝ շեշտելով՝ զարմացած չէ Մոսկվայի՝ միջուկային դոկտրինը փոփոխելու որոշումից։ «Ինչպես ասել էինք այս ամսվա սկզբին՝ մեզ չզարմացրեց միջուկային դոկտրինը թարմացնելու Ռուսաստանի հայտարարությունը։ Ռուսաստանը մի քանի շաբաթ էր ազդարարում էր իր դոկտրինը փոփոխելու մտադրության մասին»,- ասվում է խորհրդի հայտարարությունում։ Ռուսաստանի նախագահ Վլադիմիր Պուտինը երեկ ստորագրել է Դաշնության միջուկային ոլորտի նորացված դոկտրինը, որն իրավունք է տալիս Մոսկվային միջուկային զենքով պատասխանել Ռուսաստանի ու Բելառուսի ինքնիշխանությունն ու տարածքային ամբողջականությունը վտանգող ցանկացած հարձակման, անգամ՝ զանգվածային հրթիռակոծության դեպքում։ Կրեմլի խոսնակ Դմիտրի Պեսկովը հայտարարել է, որ Ռուսաստանը միջուկային զենքը միշտ է դիտարկել որպես զսպման միջոց, և «հիմա պետք է սկզբունքները համապատասխանեցնել ներկա իրավիճակին»՝ չհերքելով, որ այս քայլն ուղղված է Վաշինգտոնին։ Պենտագոնի խոսնակ Սաբրինա Սինըլ Կրեմլի հայտարարություններն համարել է «անպատասխանատու հռետորաբանություն»՝ հավելելով, որ որևէ նշան չկա, որ Ռուսաստանը պատրաստվում է միջուկային զենք կիրառել Ուկրաինայում, և Վաշինգտոնը կարիք չունի փոխելու իր միջուկային դիրքորոշումը։

10:54 - 20 նոյեմբերի, 2024

Ուկրաինան հաստատում է՝ պատերազմի 1000-րդ օրը հարվածել է ՌԴ-ին ամերիկյան ATACMS հրթիռներով. Reuters

Ուկրաինան երեքշաբթի՝ պատերազմի 1000-րդ օրը ATACMS հրթիռներ է օգտագործել՝ Ռուսաստանի տարածքին հարվածելու համար: Այս մասին գրում է Reuters-ը՝ հղում անելով Ուկրաինայի կառավարության աղբյուրի և ԱՄՆ անանուն պաշտոնյայի: Հիշեցնենք, որ նոյեմբերի 18-ին ամերիկյան լրատվամիջոցները հայտնել էին, որ ԱՄՆ նախագահ Ջո Բայդենի վարչակազմը չեղարկել է սահմանափակումները, որոնք արգելում էին Ուկրաինային օգտագործել ամերիկյան զենքը ռուսական տարածքի խորքը հարվածելու համար: Պաշտոնական Վաշինգտոնը չի հաստատել այս տեղեկությունը, սակայն ԵՄ դիվանագիտության ղեկավար Ժոզեպ Բորելը, չբացահայտելով իր աղբյուրներին, երեկ՝ նոյեմբերի 19-ին, հայտարարել է, որ ԱՄՆ-ն Ուկրաինային թույլատրել է մինչև 300 կմ հեռահարությամբ հարվածներ հասցնել Ռուսաստանին: Խոսքը ATACMS հրթիռների մասին է: Սրանք Վաշինգտոնի կողմից ամենաերկար հեռահարության հրթիռներն են Ռուսաստանի ներսում նման հարձակումների համար: Ռուսական կողմը հայտարարել է, որ երկրի ԶՈՒ-ն խոցել է Բրյանսկի շրջանի ռազմական օբյեկտի վրա արձակված վեց հրթիռներից հինգը: Մեկի բեկորները հարվածել են օբյետին՝ հրդեհ առաջացնելով: Այն արագ մարվել է: Ավեչածություններ չեն եղել, զոհեր ևս չկան: Ուկրաինական կողմը հայտարարել է, որ հարվածել է ռուսական զենքի պահեստին մոտ 110 կմ Ռուսաստանի ներսում, հարձակում, որն առաջացրել է երկրորդական պայթյուններ: Ուկրաինայի զինված ուժերը հրապարակայնորեն չեն նշել, թե ինչ զենքեր են օգտագործվել, սակայն ուկրաինական կառավարության աղբյուրը և ամերիկացի պաշտոնյան հաստատել են, որ այն օգտագործել է ATACMS: Ըստ ամերիկացի պաշտոնյայի՝ Ռուսաստանը խոցել է արձակված ութ հրթիռներից երկուսը, և հարվածը եղել է զինամթերքի մատակարարման կետին:

10:50 - 20 նոյեմբերի, 2024

Զելենսկին ասել է, որ Ուկրաինան կպարտվի առանց ԱՄՆ ռազմական օգնության |shantnews.am|

shantnews.am: Ուկրաինայի նախագահ Վլադիմիր Զելենսկին վստահություն է հայտնել, որ Ուկրաինան կպարտվի հակամարտությունում, եթե դադարեցվի ռազմական օգնությունը ԱՄՆ-ից։ «Եթե օգնությունը կրճատվի, կարծում եմ՝ մենք կպարտվենք, իհարկե, մենք դեռ կպայքարենք, մենք ունենք մեր արտադրությունը, բայց դա բավարար չէ հաղթելու և գոյատևելու համար»,-ասել է նա նոյեմբերի 19-ին Fox News-ին տված հարցազրույցում։ Միևնույն ժամանակ, Զելենսկին ասել է, որ եթե ԱՄՆ նորընտիր նախագահ Դոնալդ Թրամփի վարչակազմը որոշի կրճատել ռազմական օգնությունը, դա կլինի «ամերիկյան ընտրությունը», և Կիևը «կորոշի, թե ինչ անել դրա հետ կապված»։ Ամերիկայի նախագահ Ջո Բայդենի վարչակազմը ակտիվորեն աջակցում էր Կիևին՝ տրամադրելով զգալի ֆինանսական և ռազմական ռեսուրսներ։

09:33 - 20 նոյեմբերի, 2024

Բորելը գնահատել է Ուկրաինայում ռուսական և ԵՄ զորքերի միջև բախման հավանականությունը |armenpress.am|

armenpress.am: ԵՄ դիվանագիտության ղեկավար Ժոզեպ Բորելը վստահություն է հայտնել, որ Ուկրաինայում Ռուսաստանի և եվրոպական զորքերի միջև բախում նախատեսված չէ։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։ «Մենք պատերազմող կողմ չենք, մենք պատերազմի մաս չենք, Ուկրաինայի տարածքում եվրոպական զորքեր չկան, ռազմի դաշտում բախում Ռուսաստանի և եվրոպական զորքերի միջև չի սպասվում», - ասել է Բորելը՝ Բրյուսելում Եվրամիության պաշտպանության նախարարների հանդիպմանը հաջորդած ասուլիսում։ Բորելը ևս մեկ անգամ ընդգծել է, որ ԵՄ-ն միայն ռազմական օգնություն է տրամադրում Կիևին։

22:29 - 19 նոյեմբերի, 2024

Մոսկվան պատշաճ արձագանք կտա Ռուսաստանի տարածքի թիրախավորմանը. Լավրով |1lurer.am|

1lurer.am: Ուկրաինայի կողմից գիշերը ATACMS հրթիռներով Բրյանսկի շրջանում գտնվող օբյեկտին հարվածելը ազդանշան է, որ Արևմուտքը էսկալացիա է ցանկանում՝ հայտարարել է Ռուսաստանի արտգործնախարարը G20-ի գագաթնաժողովի շրջանակում: «Նման հարվածն անհնարին կլիներ առանց ամերիկացիների մասնակցության: Պուտինը բազմիցս ասել է դա»,- հավելել է Սերգեյ Լավրովը: Նա հույս է հայտնել, որ Արևմուտքում ամբողջությամբ կկարդան Ռուսաստանի միջուկային դոկտրինը։ Դիվանագետը նախազգուշացրել է՝ Մոսկվան պատշաճ արձագանք կտա Ռուսաստանի տարածքի թիրախավորմանը: «ԱՄՆ ռազմական փորձագետների աջակցությամբ հեռահար արձակումները Ռուսաստանը կընկալի որպես պատերազմի որակապես նոր փուլ»,- հավելել է Լավրովը։

19:36 - 19 նոյեմբերի, 2024

Լավրովն ասել է, որ Ռուսաստանը հանդես է գալիս միջուկային պատերազմը կանխելու օգտին |armenpress.am|

armenpress.am: Մոսկվան հանդես է գալիս միջուկային պատերազմի կանխարգելման օգտին, դա ավանդական դիրքորոշում է եղել դեռևս Խորհրդային Միության ժամանակներից։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին ասել է Ռուսաստանի արտգործնախարար Սերգեյ Լավրովը։ «Մենք կողմ ենք, որ միջուկային պատերազմ չլինի: Դեռ խորհրդային տարիներին մենք առաջարկել էինք ԱՄՆ-ին։ Գորբաչովն ու Ռեյգանը միասին հայտարարեցին, որ միջուկային պատերազմում հաղթողներ չեն կարող լինել, և որ այն երբեք չպետք է սանձազերծվի»,- ասել է Լավրովը G20-ի գագաթնաժողովի արդյունքներն ամփոփող ասուլիսում։

19:10 - 19 նոյեմբերի, 2024

Ուկրաինական կողմը վեց ATACMS հրթիռով հարվածել է Բրյանսկի շրջանում գտնվող օբյեկտին. ՌԴ ՊՆ |1lurer.am|

1lurer.am: Ուկրաինական կողմը վեց ATACMS հրթիռով հարվածել է Բրյանսկի շրջանում գտնվող օբյեկտին՝ հայտարարել են Ռուսաստանի պաշտպանության նախարարությունից։ Գերատեսչության տվյալով՝ ռուսական С-400 զենիթային համակարգերի և «Պանցիր» զենիթային համալիրների հաշվարկները խոցել են վեց հրթիռից հինգը և վնասել մեկը: «Ուկրաինայի զինված ուժերի վնասված ATACMS հրթիռի բեկորներն ընկել են Բրյանսկի մարզում գտնվող ռազմական օբյեկտի տեխնիկական տարածքի վրա»,- նշել են ՌԴ ՊՆ-ում, հավելել, որ անկման հետևանքով հրդեհ է բռնկվել, սակայն զոհեր և ավերածություններ չկան:

17:48 - 19 նոյեմբերի, 2024

«ՌԴ դեմ ագրեսիայի համար տարածքի և ռեսուրսների տրամադրումը հիմք է տվյալ երկրի դեմ միջուկային զսպում իրականացնելու համար». Պուտինը հաստատել է երկրի միջուկային դոկտրինը

12:43 - 19 նոյեմբերի, 2024

Բորելը հաստատել է, որ ԱՄՆ-ն Ուկրաինային թույլատրել է մինչև 300 կմ հեռահարությամբ հարվածներ հասցնել Ռուսաստանին |armenpress.am|

armenpress.am: ԵՄ դիվանագիտության ղեկավար Ժոզեպ Բորելը հաստատել է, որ Սպիտակ տունը հանել է Ուկրաինայի կողմից ամերիկյան զենքերով Ռուսաստանի տարածքի խորքերը հարվածելու սահմանափակումները։ Այս մասին նա հայտնել է նոյեմբերի 18-ին ԵՄ արտաքին հարաբերությունների խորհրդի նիստից հետո կայացած մամուլի ասուլիսում։ «Նախագահ Բայդենի վարչակազմը թույլատրել է ամերիկյան զենքերի կիրառումը Ռուսաստանի տարածքում՝ մինչև 300 կմ հեռավորության վրա», - ասել է Բորելը։ Խոսքը ամերիկյան ATACMS հրթիռների մասին է, որոնց հեռահարությունը 306 կմ է։ «Դա շատ մեծ հեռավորություն չէ, դա չի գնում երկրի խորքերը, բայց սա Բայդենի վարչակազմի որոշումն է։ Ինչո՞ւ է այս որոշումն ընդունվել հիմա և ոչ թե ընտրություններից առաջ՝ չգիտեմ»,- հավելել է նա։ ԵՄ արտաքին գործերի և անվտանգության քաղաքականության հարցերով բարձր ներկայացուցիչը չի բացահայտել իր աղբյուրները. ԱՄՆ պաշտոնյաները դեռ չեն հաստատել, որ Ուկրաինային թույլատրվել է ամերիկյան հեռահար զենք օգտագործել Ռուսաստանի դեմ։ Ամերիկյան բազմաթիվ լրատվամիջոցներ, վկայակոչելով իրենց աղբյուրներին, հայտնել են, որ ԱՄՆ նախագահ Ջո Բայդենն արտոնել է ուկրաինացի զինվորականների կողմից ATACMS հրթիռների կիրառումը Ռուսաստանի տարածքին հարվածներ հասցնելու համար: ՌԴ նախագահի մամուլի քարտուղար Դմիտրի Պեսկովը հայտարարել է, որ ամերիկյան զենքով Ռուսաստանի խորքերը հարվածելու թույլտվությունը Կիևին, եթե նման բան իրոք եղել է, կնշանավորի լարվածության որակապես նոր շրջափուլ և Վաշինգտոնի ներգրավվածության նոր մակարդակ Ուկրաինայում ընթացող հակամարտության մեջ։

12:33 - 19 նոյեմբերի, 2024

Մակրոնը ողջունել է ԱՄՆ որոշումը՝ չեղարկելու Ուկրաինայի կողմից հեռահար հրթիռների օգտագործման սահմանափակումները

Նախագահ Ջո Բայդենը «լավ որոշում» է կայացրել՝ թույլ տալով Ուկրաինային հեռահար զենքերով հարվածելու Ռուսաստանին: Այս մասին հայտարարել է Ֆրանսիայի նախագահ Էմանուել Մակրոնը երկուշաբթի երեկոյան, հայտնում է Politico-ն։ Մակրոնի խոսքով Բայդենի նոր որոշումը պատասխան է Ռուսաստանի կողմից Ուկրաինայի հետ կոնֆլիկտը սրելուն՝ Հյուսիսային Կորեայից զինվորականների բերելով: «Ռուսաստանը միակ ուժն է, որ էսկալացիայի որոշում է կայացրել: Իրապես, սա այն շրջադարձային կետն է, որ ԱՄՆ-ին մղել է նման որոշման»,- ասել է Ֆրանսիայի նախագահը Ռիո դե Ժանեյրոյում G20 գագաթնաժողովի ժամանակ: Հիշեցնենք, որ ամերիկյան լրատվամիջոցները երեկ հայտնել են, որ ԱՄՆ նախագահ Ջո Բայդենի վարչակազմը չեղարկել է սահմանափակումները, որոնք արգելում էին Ուկրաինային օգտագործել ամերիկյան զենքը ռուսական տարածքի խորքը հարվածելու համար։ Սպիտակ տունը չի մեկնաբանել այս լուրերը։ Ֆրանսիական Le Figaro-ն էլ նախ գրել էր, որ Ֆրանսիան և Մեծ Բրիտանիան ևս թույլատրել են օգտագործել իրենց հրթիռները ՌԴ խորքերը հարվածելու համար, հետո սակայն, պարբերականը ջնջել էր այս հաղորդագրությունը: Ավելի ուշ Ֆրանսիայի ԱԳ նախարարը հայտնել է, որ Փարիզը չի փոխել իր դիրքորոշումը այս հարցում:

11:31 - 19 նոյեմբերի, 2024

Արևմտյան հեռահար հրթիռներով հարվածների դեպքում Մոսկվայի պատասխանը կլինի համարժեք և շոշափելի. Զախարովա |tert.am|

tert.am: ՌԴ տարածքի վրա արևմտյան հեռահար հրթիռներով հարվածների դեպքում Մոսկվայի պատասխանը կլինի համարժեք և շոշափելի: Կիևի կողմից նման զենքի կիրառումը արմատապես կփոխի հակամարտության էությունը: Այս մասին հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան: «Կիևի կողմից մեր տարածքի վրա հարձակվելու համար հեռահար հրթիռների օգտագործումը կնշանակի ԱՄՆ-ի և նրա արբանյակների անմիջական մասնակցությունը Ռուսաստանի դեմ ռազմական գործողություններին»,- նշել է դիվանագետը: Նրա խոսքով՝ առայժմ հայտնի չէ՝ արդյոք այդ արտահոսքերը հիմնվում են պաշտոնական աղբյուրների վրա: «Մի բան պարզ է, որ Կիևի ռեժիմի պարտությունների ֆոնին նրա արևմտյան հովանավորները խաղադրույք են կատարում Ռուսաստանի դեմ սանձազերծված հիբրիդային պատերազմի առավելագույն էսկալացիայի վրա ՝ փորձելով հասնել պատրանքային նպատակին ՝ «Մոսկվային ռազմավարական պարտություն հասցնել»,-հայտարարել է ԱԳՆ պաշտոնական ներկայացուցիչը:

22:32 - 18 նոյեմբերի, 2024

«Վերին Լարսի» անցակետում 300-400 հայկական բեռնատար կա, վրացական երթևեկության կազմակերպման կենտրոնը թերի է աշխատում․ Վահան Հակոբյան |factor.am|

factor.am: Ռուս-վրացական սահմանի «Վերին Լարս» անցակետը հատելու համար հերթում սպասում է 300-400 հայկական բեռնատար, այս մասին Factor.am-ին տեղեկացրեց ՌԴ-ում ՀՀ դեսպանատան մաքսային կցորդ Վահան Հակոբյանը։ Մինչ այս վրացական կողմը տեղեկություն էր տարածել, թե ընդհանուր առմամբ, տարբեր երկրներից 2290 բեռնատար տրանսպորտային միջոց է սպասում «Վերին Լարս» անցակետը հատելուն, որից 666-ը՝ հայկական։ ՌԴ-ում ՀՀ դեսպանատան մաքսային կցորդն ասաց, որ վրացական կողմի ներկայացրած՝ հայկական բեռնատարներին վերաբերող թիվն իրականաությանը չի համապատասխանում։ Վահան Հակոբյանը նշեց, որ «Վերին Լարսի» անցակետում իրավիճակն ավելի բարվոք է, քան ներկայացնում է Հյուսիսային Օսիայի ճանապարհային երթևեկության կազմակերպման կենտրոնը։ ՌԴ-ում ՀՀ դեսպանատան մաքսային կցորդի խոսքով՝ Հյուսիսային Օսիայի ճանապարհային երթևեկության կազմակերպման կենտրոնը թերի է աշխատում։ «Մեքենաների՝ հերթից դուրս գալու պահին համակարգը չի թարմանում, կամ թարմանում է մի քանի օրից հետո։ Այդ թիվը, որը ներկայացնում են, դա ինչ- որ պահի ֆիսքսված թիվ է, այսինքն՝ մեքենաները դուրս են գալիս, բայց այդ թիվը չի նվազում։ Իսկ ՌԴ-ից Հայաստան ուղևորվող բեռնատարները մի մասն արդեն հասել է, մյուսներն էլ սպասում են իրենց հեթին»,- ասաց նա։ Հիշեցնենք, որ բեռնատարների կուտակումները կապված են Մցխեթա-Ստեփանծմինդա-Լարս միջազգային նշանակության ավտոմոբիլային ճանապարհի Գուդաուրի-Կոբի հատվածում եղանակային պայմանների վատթարացման հետ։

13:35 - 18 նոյեմբերի, 2024