ՌԴ - infocom.am

ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

ADM Diamonds-ը իր հումքը ՌԴ-ից չի ձեռք բերում. ընկերությունը հերքում է իր առնչությունը ՌԴ-ում ադամանդների հափշտակության դեպքով քրեական գործինվ

ADM Diamonds LLC ընկերությունը հերքում է իր առնչությունը Մոսկվայում բարձրորակ ադամանդների հափշտակության դեպքով հարուցված քրեական գործին, ինչպես նաև Հայաստանի Ազգային ժողովի պատգամավոր Խաչատուր Սուքիասյանին։ Ընկերությունը հայտարարություն է տարածել՝ հերքելով Ռուսաստանի քննչական կոմիտեի և Անվտանգության դաշնային ծառայության տարածած տեղեկատվությունը, թե «Ալռոսա» ընկերությունից պարբերաբար հափշտակված բարձրորակ ադամանդները մաքսանենգ ճանապարհով Հայաստան են փոխանցվել ADM Diamonds LLC ընկերության միջոցով։ Ստորև ներկայացնում ենք ընկերության տարածած հայտարարությունն ամբողջությամբ. Ի պատասխան զանգվածային լրատվամիջոցներում տարածված նյութերի, որ, իբրև թե «Ռուսաստանից գողացված ադամանդներ են հասցվել ADM Diamonds LLC-ին, որի շահառուն հայ գործարար և ՀՀ Ազգային ժողովի պատգամավոր Խաչատուր Սուքիասյանն է», պաշտոնապես հայտարարում ենք. Տվյալ լուրն ամբողջությամբ կեղծիք է, չհիմնավորված ու չփաստարկված։ · Նախևառաջ՝ ADM Diamonds-ի միակ և պաշտոնական հիմնադիրն ու սեփականատերը հայ գործարար Արտակ Բաղիկյանն է։ · Ընկերությունը երբևիցե կապ չի ունեցել և չունի Ազգային ժողովի պատգամավոր Խաչատուր Սուքիասյանի հետ. վերջինս չի հանդիսանում և չի հանդիսացել ո՛չ ընկերության շահառու, ո՛չ ընկերության բաժնետեր, ոչ էլ առավել ևս՝ սեփականատեր: · Ավելին՝ նյութերում նշվում է, թե ADM Diamonds-ը պատկանում է Բաղիկյան եղբայրներին։ Հայտնում ենք, որ 2022 թվականից ընկերության 100% բաժնետերն ու սեփականատերը միայն ու միայն Արտակ Բաղիկյանն է։ · ADM Diamonds-ին չի հասցվել և ոչ մի գողացված հումք, ավելին՝ մենք մեր վերամշակման հումքը չենք ստանում ՌԴ-ից։ ADM Diamonds ընկերության ադամանդի վերամշակման բարձրորակ հումքը ձեռք է բերվում ԱՄԷ-ից և Հոնկ Կոնգից՝ բացառապես օրինական ճանապարհով, համապատասխան բոլոր իրավական գործընթացներին ու փաստաթղթերին։ Այս մասին առկա են բոլոր վկայություններն ու ապացույցները։ · Մեր ընկերությունը երբևէ չի համագործակցել անօրինական և հանցավոր խմբերի հետ։ Մեզ համար արդար ու ազնիվ աշխատանքը հիմնարար արժեք և սկզբունք է գործունեության առաջին իսկ օրվանից. այդպես եղել է, կա ու կմնա»։ Ընկերությունը ներկայացրել է նաև ADM Diamonds-ի հիմնադիր տնօրեն Արտակ Բաղիկյանի ուղերձը. «Դեռ վաղուց՝ ADM Diamonds-ի բացման օրից, մեզ փորձում են կապել քաղաքական խմբերի ու անհատների հետ։ Եվս մեկ անգամ պաշտոնապես հայտարարում եմ՝ մենք որևէ առնչություն չունենք քաղաքական և ո՛չ մի ուժի, ո՛չ մի անհատի, ո՛չ մի կուսակցության կամ խմբավորման հետ։ Մենք չենք ստանում ոչ մի քաղաքական աջակցություն, չենք պատկանում որևէ քաղաքական կուսակցության։ Մենք բիզնես ենք՝ մեր բիզնես արժեքներով ու սկզբունքներով։ Այս բոլոր տեսակի ստահոդ լուրերը խաթարում են մեր բնականոն գործունեությանը, դառնում անհարկի շահարկումների առիթ։ Ուստի առաջին հերթին մենք ինքներս ենք շահագրգռված այս գործի բացահայտմամբ, և հենց ինքներս ենք հետամուտ լինելու, որպեսզի դա տեղի ունենա օր առաջ։ Մենք մեր համբավն ու հեղինակությունը վաստակել ենք մեր քրտնաջան ու ազնիվ աշխատանքով։ Այսօր մենք Հայաստանում միակ խոշոր ադամանդագործական ընկերությունն ենք, որը հայկական ադամանդագործության ավանդույթների պահպանման, մեր երկրում այս կարևոր տնտեսական ուղղության զարգացման ջատագովն է։ Մենք, անկախ բոլոր տեսակի դժվարություններից ու ճգնաժամերից, փորձում ենք պահպանել արտադրությունը, քանի որ քաջ գիտակցում ենք դրա կարևորությունը Հայաստանի նման փոքր երկրների համար։ Մենք արդար ու ազնիվ սկզբունքներով գործող բիզնես ենք, միշտ եղել ենք ու կմնանք քաղաքականությունից դուրս։ Նման լարված օրերին քաղաքական շահարկումներն ուղղակիորեն հարվածի տակ են դնում մեր՝ տարիներով վաստակած հեղինակությունն ու բարի համբավը։ Հորդորում ենք զերծ մնալ կեղծ ու չհիմնավորված տեղեկատվությունների տարածումից, մեր անվան անհարկի շահարկումներից և մեր հեղինակությունը վնասող արատավոր փորձերից։ Այսուհետ, նմանատիպ կեղծ ու չհիմնավորված լուրերի տարածման դեպքում ինքներս ենք հետամուտ լինելու բացառապես իրավական ձևով, արդարադատության բոլոր օրենքներին ու նորմերին համապատասխան ձևով խնդիրը լուծելուն և ճշմարտությունը հանրությանը ներկայացնելուն»։ Նշենք, որ պատգամավոր Սուքիասյանի խոսնակ Աննա Մկրտչյանը ևս հերքել է Ռուսաստանի անվտանգության դաշնային ծառայության հաղորդագրությունը՝ նշելով, որ Խաչատուր Սուքիասյանը որևէ կապ չունի չունի և չի ունեցել ադամանդների բիզնեսով զբաղվող այդ կազմակերպության հետ։ Հիշեցնենք, որ ՌԴ ԱԴԾ-ն այսօր հայտարարել է, թե բացահայտվել է ադամանդների մաքսանենգության դեպք, որը կազմակերպել են Հայաստանի քաղաքացիներ Բաղիկյան եղբայրները: Ըստ ԱԴԾ-ի՝ ռուսական "АЛРОСА" ընկերությունից գողացված ադամանդները տեղափոխվել են Հայաստան: «Գողացված ադամանդները ուղարկվել են Հայաստան՝ «ԷՅ ԴԻ ԷՄ ԴԱՅՄՈՆԴՍ» ՍՊԸ, որի շահառուն հայազգի գործարար և պատգամավոր Սուքիասյան Խ. -ն է», - պնդում է ռուսաստանյան գերատեսչությունը:

16:06 - 23 հունիսի, 2025