Արենի համայնքի ավագանին հուլիսի 10-ի նիստում քննարկել է «Արենի համայնքը էկո-տնտեսական տարածք դարձնելու և համայնքում մետաղական հանքարդյունաբերությունը արգելելու մասին» թիվ 51 որոշումը անվավեր ճանաչելու հարցը։ Ավագանին դեմ է քվեարկել, և որոշումը շարունակում է մնալ ուժի մեջ։
Հիշեցնենք, որ ՀՀ տարածքային կառավարման և զարգացման նախարարությունը առաջարկել էր քննության առնել և վերացնել կամ փոփոխել այդ որոշումը։
Նման որոշումներ կայացվել են ՀՀ 5 համայնքներում։ Որոշումն անվավեր ճանաչելու կամ փոփոխելու առաջարկ ներկայացվել է բոլոր համայնքներին։ Որոշման անվավեր ճանաչումը մերժվել է նաև Ջերմուկ և Նոյեմբերյան համայնքների կողմից։