Արցախի Հանրապետության դեմ 2020 թվականի սեպտեմբերի 27-ին սանձազերծված պատերազմական գործողությունների հետևանքով վիրավորված և ամբուլատոր պայմաններում բուժում ստացած անձինք ՀՀ կառավարության կողմից սահմանված 500.000 ՀՀ դրամի չափով աջակցության ծրագրից օգտվելու համար անհրաժեշտ է՝ դիմումները հանձնեն հանձնաժողովին՝ մինչև սույն թվականի սեպտեմբերի 30-ը:
Այս մասին տեղեկացնում են Արցախի Հանրապետության առողջապահության նախարարությունից:
«Դրամական օգնություն ստանալու համար շահառուները կարող են դիմել ԱՀ առողջապահության նախարարի հրամանով ստեղծված մասնագիտացված հանձնաժողովին կամ զանգահարել գերատեսչության թեժ գիծ՝ 30-03 կարճ համարին»,- նշում են գերատեսչությունից:
Ծրագրի մեկնարկը տրվել է սույն թվականի հուլիսի 5-ին:
comment.count (0)