Վահագն Հարությունյան

Մարտի 1-ի գործով նախկին քննչական խմբի նախկին ղեկավարը։ 2018 թվականի հոկտեմբերին Մարտի 1-ի գործով որպես մեղադրյալ է ներգրավվել՝ ապացույցները կեղծելու համար։ 2008-ի մարտյան արյունալի իրադարձությունների գործը քննած նախկին քննչական խմբի ղեկավարը մեղադրվում է նաև անզգուշությամբ ծանր հետևանքներ առաջացրած պաշտոնեական լիազորությունների չարաշահման և բռնությամբ զուգորդված պաշտոնեական լիազորություններն անցնելու մեջ։ Նրա նկատմամբ հայտարարված է հետախուզում։

Ծնվել է 1972 թվականի օգոստոսի 7-ին՝ Երեւանում, 1991-1996 թթ. սովորել և ավարտել է Երևանի ժողովրդական տնտեսության ինստիտուտը՝ «աշխատանքի էկոնոմիկա և սոցիոլոգիա» մասնագիտությամբ՝ տնտեսագետի որակավորմամբ։

1989-1990 թթ. աշխատել է Երևանի էլեկտրաապարատների գործարանում՝ որպես հերթափոխի պետ։ 1998-2012 թթ. աշխատել է ՀՀ Նախագահի աշխատակազմում որպես գործերի կառավարչության առաջին կարգի֊ մասնագետ, առաջատար մասնագետ, այնուհետև՝ շահագործման և ծառայությունների բաժնի ավագ կազմակերպիչ։

2012 թ. ապրիլի 11-ին ՀՀ վարչապետի որոշմամբ նշանակվել է ՀՀ կառավարությանն առընթեր պետական գույքի կառավարման վարչության աշխատակազմի ղեկավարի պաշտոնակատար։

2012 թ. հուլիսի 3-ին ՀՀ վարչապետի որոշմամբ նշանակվել է Հայաստանի Հանրապետության կառավարությանն առընթեր պետական գույքի կառավարման վարչության աշխատակազմի ղեկավար։