ՆԳՆ փրկարար ծառայություն

Փրկարար ծառայությունը Հայաստանի Հանրապետության ներքին գործերի նախարարության ենթակա մարմին է։

Իրականացնում է արտակարգ իրավիճակների կանխման, դրանց հնարավոր հետևանքների նվազեցման և վերացման, արտակարգ իրավիճակներում բնակչության պաշտպանության ու քաղաքացիական պաշտպանության միջոցառումների իրականացման ծրագրերի մշակում, քաղաքացիական պաշտպանության պահուստների ստեղծմանը և նպատակային օգտագործմանը մասնակցություն. հակահրդեհային պահպանության և հրշեջ-փրկարարական ծառայությունների մատուցում և այլ գործառույթներ:

Ծառայության գործող պետը Կամո Ցուցուլյանն է։

2023թ․ հունիսի 30-ից դադարեցվել է ՀՀ արտակարագ իրավիճակների նախարարության գործունեությունը՝ համաձայն 2022թ. դեկտեմբերի 16-ին ընդունված ՀՀ օրենքի, որով ստեղծվել է Ներքին գործերի նախարարությունը։

Մայիսի 3-4-ը ջերմաստիճանը կբարձրանա 7-9 աստիճանով, 5-6-ը՝ նույնքան կնվազի

Մայիսի 3-4-ը ջերմաստիճանը կբարձրանա 7-9 աստիճանով, 5-6-ը՝ նույնքան կնվազի

Հանրապետության տարածքում` Մայիսի 02-ի ցերեկը շրջանների զգալի մասում, 03-04-ն առանձին շրջաններում հատկապես կեսօրից հետո սպասվում է կարճատև անձրև և ամպրոպ: Մայիսի 05-06-ը ժամանակ առ ժամանակ, 07-ին կեսօրից հետո բոլոր շրջաններում սպասվում է անձրև և ամպրոպ՝ տեղ-տեղ ինտենսիվ: Առանձին հատվածներում հնարավոր է կարկուտ։ Մայիսի 03-04-ի, 07-ի գիշերը սպասվում է առանց տեղումների եղանակ: Քամին՝ հարավ-արևմտյան՝ 5-10 մ/վ, ամպրոպի ժամանակ առանձին շրջաններում սպասվում է քամու ուժգնացում 15-20 մ/վ, մայիսի 05-06-ին՝ 20-25 մ/վ: Օդի ջերմաստիճանը մայիսի 02-04-ը ցերեկը աստիճանաբար կբարձրանա 7-9 աստիճանով, 05-06-ը կնվազի նույնքան: Երևան քաղաքում՝ Մայիսի 02-03-ի օրվա երկրորդ կեսին քաղաքի առանձին հատվածներում սպասվում է կարճատև անձրև և ամպրոպ, 05-06-ը՝ ժամանակ առ ժամանակ, 07-ին կեսօրից հետո սպասվում է անձրև և ամպրոպ, ամպրոպի ժամանակ հնարավոր է քամու ուժգնացում մինչև 15-20 մ/վ: Մայիսի 04-ին, 07-ի գիշերը սպասվում է առանց տեղումների եղանակ:

14:35 - 02 մայիսի, 2021

Լարսը բաց է, ռուսական կողմում կա կուտակված մոտ 100 բեռնատար

Լարսը բաց է, ռուսական կողմում կա կուտակված մոտ 100 բեռնատար

Արտակարգ իրավիճակների նախարարությունը տեղեկացնում է, որ ՀՀ տարածքում կան դժվարանցանելի ավտոճանապարհներ։ Դժվարանցանելի են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է։ Ռուսական կողմում կա մոտ 100 կուտակված բեռնատար։

10:20 - 02 մայիսի, 2021

Հանրապետության տարածքում մայիսի 1-ի ցերեկը, 2-ին, 5-6-ը ժամանակ առ ժամանակ բոլոր շրջաններում սպասվում է անձրև և ամպրոպ

Հանրապետության տարածքում մայիսի 1-ի ցերեկը, 2-ին, 5-6-ը ժամանակ առ ժամանակ բոլոր շրջաններում սպասվում է անձրև և ամպրոպ

Հանրապետության տարածքում մայիսի 1-ի ցերեկը, 2-ին, 5-6-ը ժամանակ առ ժամանակ բոլոր շրջաններում սպասվում է անձրև և ամպրոպ, առանձին հատվածներում հնարավոր է կարկուտ։ ՀՀ ԱԻՆ-ը տեղեկացնում է, որ մայիսի 2-4-ն առանձին շրջաններում հատկապես կեսօրից հետո և գիշերը սպասվում է կարճատև անձրև և ամպրոպ: Քամին՝ հարավ-արևմտյան՝ 5-10 մ/վ, ամպրոպի ժամանակ առանձին շրջաններում սպասվում է քամու ուժգնացում՝ 15-20 մ/վ։ Օդի ջերմաստիճանը մայիսի 1-ի ցերեկը կնվազի 7-8 աստիճանով, 2-4-ի ցերեկն աստիճանաբար նույնքան կբարձրանա: Երևան քաղաքում մայիսի 1-ի ցերեկը, 2-ին, 5-6-ը ժամանակ առ ժամանակ սպասվում է անձրև և ամպրոպ, ամպրոպի ժամանակ հնարավոր է քամու ուժգնացում՝ 15-20 մ/վ: Մայիսի 3-4-ի գիշերը և կեսօրից հետո քաղաքի առանձին հատվածներում սպասվում է կարճատև անձրև և ամպրոպ:

14:33 - 01 մայիսի, 2021

Մարտունի քաղաքից 18 կմ հարավ-արևելք 2.3 մագնիտուդով երկրաշարժ է գրանցվել․ ԱԻՆ

Մարտունի քաղաքից 18 կմ հարավ-արևելք 2.3 մագնիտուդով երկրաշարժ է գրանցվել․ ԱԻՆ

Մայիսի 1-ին, տեղական ժամանակով ժամը 08:18-ին (Գրինվիչի ժամանակով ժամը 04:18-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.01⁰ և արևելյան երկայնության 45.44⁰ աշխարհագրական կոորդինատներով Հայաստան` Մարտունի քաղաքից 18 կմ հարավ-արևելք, օջախի 10 կմ խորությամբ, 2.3 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 3 բալ: Երկրաշարժը զգացվել է Վայոց ձորի մարզի Աղնջաձոր, Արտաբույնք, Թառաթումբ, Հորս, Սալի և Քարագլուխ գյուղերում՝ 2-3 բալ ուժգնությամբ:

10:12 - 01 մայիսի, 2021

Մանկական երկաթուղու թունելում ծխահեռացման աշխատանքների ժամանակ երկու հրշեջ ծխահարվել է |armenpress.am|

Մանկական երկաթուղու թունելում ծխահեռացման աշխատանքների ժամանակ երկու հրշեջ ծխահարվել է |armenpress.am|

armenpress.am: Երևանի մանկական երկաթուղի տանող թունելում ծխահեռացման աշխատանքները շարունակվում են, երկու հրշեջ ծխահարվել է: Այս մասին ասաց ՀՀ արտակարգ իրավիճակների նախարարի մամուլի խոսնակ Աննա Բաղդասարյանը: «Հրդեհաշիջման աշխատանքները դեռ շարունակվում են: Ծուխը թունելում է, փակ տարածքում: Խնդիրը կայանում է նրանում, որ ծուխը դանդաղ է ցրվելու: Այժմ այնտեղ աշխատում է 6 մարտական հաշվարկ»,- նշեց Բաղդասարյանը և հավելեց, որ նրանց արդեն իսկ ցուցաբերվել է համապատասխան բուժօգնություն, վիճակը գնահատվում է նորմալ:

15:20 - 30 ապրիլի, 2021

Այրվել են Փոքր Կենտրոն թաղամասը սնուցող հոսանքալարերը. ԱԻՆ-ը՝ մանկական երկաթուղու թունելի հրդեհի մասին

Այրվել են Փոքր Կենտրոն թաղամասը սնուցող հոսանքալարերը. ԱԻՆ-ը՝ մանկական երկաթուղու թունելի հրդեհի մասին

ՀՀ ԱԻՆ-ը մանրամասներ է ներկայացրել մանկական երկաթուղու թունելում այսօրվա հրդեհից. ըստ ԱԻՆ-ի՝ պարզվել է, որ հորանում այրվում են Փոքր Կենտրոն թաղամասը սնուցող հոսանքալարերը։ «Ապրիլի 30-ին՝ ժամը 07:17-ին, Ճգնաժամային կառավարման ազգային կենտրոն ահազանգ է ստացվել, որ Երևանի Արամի փողոցի թիվ 80 հասցեի մոտակայքում գտնվող թունելից ծուխ է նկատվում: Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից հինգ մարտական հաշվարկ և հրդեհաշիջման և փրկարարական աշխատանքների կազմակերպման բաժնի հերթապահ խումբը։ Պարզվել է, որ Արամի փողոցի թիվ 80 հասցեի մոտակայքում գտնվող հորանում այրվում են Փոքր Կենտրոն թաղամասը սնուցող հոսանքալարերը»,- հայտնում են ԱԻՆ-ից։

12:38 - 30 ապրիլի, 2021

Մանկական երկաթուղու թունելում ծուխ է առաջացել. փրկարարները ծխահեռացման աշխատանքներ են իրականացնում |armenpress.am|

Մանկական երկաթուղու թունելում ծուխ է առաջացել. փրկարարները ծխահեռացման աշխատանքներ են իրականացնում |armenpress.am|

armenpress.am: Երևանի մանկական երկաթուղի տանող թունելը լցվել է ծխով, դեպքի վայր են ժամանել հրշեջ-փրկարարները: Այս մասին ասաց ՀՀ արտակարգ իրավիճակների նախարարի մամուլի խոսնակ Աննա Բաղդասարյանը: «Այս պահին թունելը ծխով լցված է, 4 մարտական հաշվարկ դեպքի վայրում աշխատում է: Ծխահեռացում է իրականացվում, կրակ չկա»,- նշեց Բաղդասարյանը: Նրա խոսքով՝ ծխահեռացումից հետո միայն հնարավոր կլինի պարզել պատճառը:

10:35 - 30 ապրիլի, 2021

Հրդեհների դեպքերն աճել են. ԱԻՆ-ը հորդորում է պահպանել անվտանգության կանոնները

Հրդեհների դեպքերն աճել են. ԱԻՆ-ը հորդորում է պահպանել անվտանգության կանոնները

Այս տարվա ապրիլին նախորդ տարվա նույն ժամանակահատվածի համեմատ Արտակարգ իրավիճակների նախարարության Ճգնաժամային կառավարման ազգային կենտրոնի «911» ծառայությունը ստացել է հրդեհների վերաբերյալ 413 զանգ: Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, ԱԻՆ փրկարար ծառայության փրկարարական ուժերի վարչության պետ Արմեն Գևորգյանն ընդգծել է, որ բուսական տարածքներում հրդեհների դեպքերը նախորդ տարվա ապրիլի համեմատ 3 անգամ են աճել: Ջերմաստիճանի բարձրացմանը զուգահեռ ավելանում է նաև հրդեհների թիվը. փ/ծ գնդապետը ազգաբնակչությանը հորդորում է զգոն լինել: Ըստ աղբյուրի՝ ստացված ահազանգերի մեջ զգալի քանակ են կազմում կեղծ ահազանգերը: ԱԻՆ ՃԿԱԿ-ում 2020 թվականին գրանցվել է ընդհանուր առմամբ, 1163 կեղծ ահազանգ, որից 1050-ը՝ հրդեհի վերաբերյալ: Ընթացիկ տարվա չորս ամիսների ընթացքում (ապրիլի 27-ի դրությամբ) այդ ցուցանիշը կազմել է 323, հրդեհի վերաբերյալ` 275 կեղծ ահազանգ:

22:22 - 29 ապրիլի, 2021

Հրդեհ՝ Իսահակյան փողոցում. այրվել է 14 տաղավար

Հրդեհ՝ Իսահակյան փողոցում. այրվել է 14 տաղավար

Ապրիլի 28-ին, ժամը 22:50-ին Ճգնաժամային կառավարման ազգային կենտրոն ահազանգ է ստացվել, որ Երևանի «Կամերային երաժշտության ազգային կենտրոն» ՊՈԱԿ-ի հետնամասում այրվում են ծառեր։ Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և Հրդեհաշիջման և փրկարարական աշխատանքների կազմակերպման բաժինը։ Պարզվել է, որ հրդեհը բռնկվել է Իսահակյան փողոցի մոտակայքում գտնվող տաղավարներում։ Հրդեհը մեկուսացվել է ժամը 23։08-ին, մարվել՝ 23։21-ին։ Այրվել են 14 տաղավար (70 քմ), որից 7-ը` մասամբ և 3 ծառ՝ ևս մասամբ։

09:35 - 29 ապրիլի, 2021

ՀՀ տարածքում կան փակ ավտոճանապարհներ, Լարսը բաց է

ՀՀ տարածքում կան փակ ավտոճանապարհներ, Լարսը բաց է

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է։

09:19 - 29 ապրիլի, 2021

Հրդեհ՝ Արին գյուղի միջնակարգ դպրոցում

Հրդեհ՝ Արին գյուղի միջնակարգ դպրոցում

Ապրիլի 28-ին, ժամը 16:16-ին Վայոց ձորի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Արին գյուղի դպրոցի տանիքում։ Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատներից երեք մարտական հաշվարկ։ Պարզվել է, որ հրդեհը բռնկվել է գյուղի 6-րդ փողոցում գտնվող միջնակարգ դպրոցում: Հրդեհը մեկուսացվել է ժամը 17։42-ին, մարվել՝ 18։50-ին։ Մասամբ այրվել են տանիքի փայտե կառուցատարրերը (մոտ 120 քմ) և ջերմահարվել թիթեղյա ծածկը։

22:15 - 28 ապրիլի, 2021

Ստեփանծմինդա-Լարս ավտոճանապարհը բաց է

Ստեփանծմինդա-Լարս ավտոճանապարհը բաց է

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է։

20:30 - 28 ապրիլի, 2021

ԱԻՆ-ն առաջիկայում ԱԹՍ կստանա. Արմեն Գասպարյանն ընդունել է «ՋԱՅԿԱ»-ի հայաստանյան պատասխանատուին

ԱԻՆ-ն առաջիկայում ԱԹՍ կստանա. Արմեն Գասպարյանն ընդունել է «ՋԱՅԿԱ»-ի հայաստանյան պատասխանատուին

Ապրիլի 28-ին ՀՀ արտակարգ իրավիճակների նախարարության փրկարար ծառայության տնօրեն, փ/ծ գնդապետ Արմեն Գասպարյանն ընդունել է Ճապոնիայի Միջազգային Համագործակցության Գործակալության (ՋԱՅԿԱ/JICA) հայաստանյան ծրագրերի համակարգող Ռուզան Խոջիկյանին: Այս մասին տեղեկացնում է ՀՀ ԱԻ նախարարությունը: Արմեն Գասպարյանը՝ ողջունելով հյուրին, նշել է, որ «ՋԱՅԿԱ»-ի և ՀՀ ԱԻՆ-ի համագործակցությունը երկար տարիների փորձ ունի, կատարվել են բավականին մեծ ծավալի աշխատանքներ: Փրկարար ծառայության տնօրենը շնորհակալություն է հայտնել «ՋԱՅԿԱ»-ի տարբեր ծրագրերով նախարարությանը ցուցաբերված աջակցության համար: Նա գոհունակությամբ արձանագրել է, որ դրանք կարևոր նշանակություն են ունեցել, հատկապես բնական աղետներից պաշտպանվելու ունակությունների բարձրացման, հրշեջ ծառայության տեխնիկական հնարավորությունների ընդլայնման, ծառայությունների արդիականացման գործում: «Այս համագործակցության արդյունքում շահում է մեր ողջ ազգաբնակչությունը»,-ասել է Ա. Գասպարյանը՝ վստահեցնելով, որ համագործակցությունը կշարունակվի նույն պատասխանատվությամբ: Ռուզան Խոջիկյանն իր հերթին շնորհավորել է Արմեն Գասպարյանին՝ տնօրենի պաշտոնում նշանակվելու կապակցությամբ: Անդրադառնալով ընթացիկ «Աղետների ռիսկի նվազեցման նպատակով ճգնաժամային հաղորդակցության և հանրային իրազեկման բարելավում» ծրագրին՝ նա տեղեկացրել է, որ թեև համավարակի և պատերազմի պատճառով ծրագրի ժամկետները խախտվել են, սակայն դա չի կարող ազդել արդյունքների վրա: Նախարարությանն արդեն փոխանցվել են տեղեկատվության ապահովման նորագույն սարքավորումներ, առաջիկայում կտրամադրվի անօդաչու թռչող սարք: Ընթանում է նաև մասնագիտական հեռավար վերապատրաստում: Հանդիպման ընթացքում քննարկվել են ընթացիկ և հեռանկարային ծրագրերին վերաբերող մի շարք այլ հարցեր:

19:15 - 28 ապրիլի, 2021

Փրկարար ծառայության տնօրենն ընդունել է ՋԱՅԿԱ-ի հայաստանյան ծրագրերի համակարգողին

Փրկարար ծառայության տնօրենն ընդունել է ՋԱՅԿԱ-ի հայաստանյան ծրագրերի համակարգողին

Ապրիլի 28-ին ՀՀ արտակարգ իրավիճակների նախարարության փրկարար ծառայության տնօրեն, փ/ծ գնդապետ Արմեն Գասպարյանն ընդունել է Ճապոնիայի Միջազգային համագործակցության գործակալության (ՋԱՅԿԱ/JICA) հայաստանյան ծրագրերի համակարգող Ռուզան Խոջիկյանին: Արմեն Գասպարյանը՝ ողջունելով հյուրին, նշել է, որ ՋԱՅԿԱ-ի և ՀՀ ԱԻՆ-ի համագործակցությունը երկար տարիների փորձ ունի, կատարվել են բավականին մեծ ծավալի աշխատանքներ: Փրկարար ծառայության տնօրենը շնորհակալություն է հայտնել ՋԱՅԿԱ-ի տարբեր ծրագրերով նախարարությանը ցուցաբերված աջակցության համար: Նա գոհունակությամբ արձանագրել է, որ դրանք կարևոր նշանակություն են ունեցել, հատկապես բնական աղետներից պաշտպանվելու ունակությունների բարձրացման, հրշեջ ծառայության տեխնիկական հնարավորությունների ընդլայնման, ծառայությունների արդիականացման գործում: «Այս համագործակցության արդյունքում շահում է մեր ողջ ազգաբնակչությունը»,- ասել է Ա. Գասպարյանը՝ վստահեցնելով, որ համագործակցությունը կշարունակվի նույն պատասխանատվությամբ:

17:33 - 28 ապրիլի, 2021

Հրդեհ Օշական գյուղում. հայտնաբերվել է այրված դի

Հրդեհ Օշական գյուղում. հայտնաբերվել է այրված դի

Ապրիլի 28-ին, ժամը 07:47-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Օշական գյուղում այրվում է տուն։ Այս մասին հայտնում են ՀՀ ԱԻՆ-ից։ «Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 08։32-ին։ Հրշեջ-փրկարարները տանը հայտնաբերել են քաղաքացու այրված դի»,- նշված է ԱԻՆ-ի հայտարարության մեջ։

09:35 - 28 ապրիլի, 2021

ՀՀ տարածքում կան փակ ավտոճանապարհներ, Լարսը բաց է

ՀՀ տարածքում կան փակ ավտոճանապարհներ, Լարսը բաց է

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է։

09:52 - 27 ապրիլի, 2021