Կապան

Կապան՝ քաղաք Հայաստանում, Սյունիքի մարզի մարզկենտրոնը։ 2017թ․ նոյեմբերից, իր մեջ միավորելով տարածաշրջանի գյուղական համայնքները, դարձել է Կապան խոշորացված համայնք: Գտնվում է երկրի հարավ-արեւելքում, Երեւանից 320 կմ հարավ-արեւելք, Ողջի գետի ափին, Խուստուփ լեռան հյուսիսային ստորոտին, 910 մ բարձրության վրա, մշտական բնակչությունը 2011 թվականանի մարդահամարի արդյունքներով կազմել է 43190 մարդ, 2015 թվականի դրությամբ՝ 42 700։ Քաղաքի անունը ծագում է «կապան» հասարակ անունից, որ նշանակում է «կիրճ, նեղ անցք երկու լեռների միջեւ», նաեւ՝ «կիրճի նեղ մասում եղած ամուր դուռ»:

Մեր նպատակը կանոնավոր չվերթեր կազմակերպելն է. Սանոսյանը օդանավակայանում դիմավորել է Երևան-Կապան-Երևան թռիչք իրականացրած օդանավը

Մեր նպատակը կանոնավոր չվերթեր կազմակերպելն է. Սանոսյանը օդանավակայանում դիմավորել է Երևան-Կապան-Երևան թռիչք իրականացրած օդանավը

ՀՀ տարածքային կառավարման և ենթակառուցվածքների նախարար Գնել Սանոսյանն այսօր «Զվարթնոց» օդանավակայանում դիմավորել է Երևան-Կապան-Երևան փորձնական թռիչք իրականացրած L410 օդանավը։      Նախարարը կարևորել է իրականացված թռիչքը․ «Այս թռիչքը բավական շատ կարևորում ենք։ Այն տեխնիկական, փորձնական թռիչք էր։ Մի քանի մոտեցումներով, մի քանի վայրէջքներով և վերելքներով մեր օդաչուները փորձարկեցին այն, ինչը թղթային սխեմաներով կար: Եվ հուրախություն բոլորիս, կարծես ամեն ինչ հաջող ընթացավ, և այն պատկերացումները, որոնք թղթի վրա կային, դրանք փորձնական դաշտում կիրառվեցին և հաջողությամբ ընթացան: Սա թիմային աշխատանքի արդյունք էր, կարևոր էր շատ, և սրան կհաջորդեն արդեն քննարկումներ, թե ինչ արդյունքներ ունենք, ինչ դիտարկումներ կան, ինչ վերլուծություններ է պետք անել մասնագիտական դաշտում, իսկ հեռանկարում, իհարկե, մեր նպատակը կանոնավոր չվերթեր կազմակերպելն է այս ամենը վերլուծելուց հետո»,- ասել է նախարարը՝ հավելելով, որ հեռանկարում պլաններ կան նաև Կապանը որոշ այլ օդանավակայանների հետ կապել, ոչ միայն «Զվարթնոցի»:     Ինչպես արդեն հայտնել ենք, այսօր՝ ապրիլի 26-ին, Կապանի օդանավակայանում վայրէջք է կատարել փորձնական թռիչք իրականացնող օդանավը L-410–UVP E20 չեխական արտադրության մարդատար օդանավը նախատեսված է 19 ուղևորի համար:   
17:39 - 26 ապրիլի, 2023
Կապանի «Սյունիք» օդանավակայանում վայրէջք է կատարել 19 ուղևորի համար նախատեսված մարդատար օդանավը

Կապանի «Սյունիք» օդանավակայանում վայրէջք է կատարել 19 ուղևորի համար նախատեսված մարդատար օդանավը

Այսօր՝ ապրիլի 26-ին, Կապանի «Սյունիք» օդանավակայանում Երևանի ժամանակով 10:58 բարեհաջող վայրէջք է կատարել L-410–UVP E20 չեխական արտադրության մարդատար օդանավը, որը նախատեսված է 19 ուղևորի համար: Այս մասին հաղորդում է Քաղաքացիական ավիացիայի կոմիտեն։ Այն գրանցված է Հայաստանի Հանրապետությունում: Թռիչքը կրում էր փորձնական բնույթ: Օդանավը «Զվարթնոց» միջազգային օդանավակայանից օդ է բարձրացել ժամը 10:10: «Կապանի օդանավակայանը վերանորոգվել է միջազգային չափանիշների համաձայն և Քաղաքացիական ավիացիայի կոմիտեի կողմից սերտիֆիկացվել է 2020 թվականին: Այս թռիչքը հիրավի պատմական էր, քանի որ 90-ականներից Կապանի օդանավակայանում թռիչքներ չեն իրականացվել՝ բացառությամբ 2017 թվականին մեկ մասնավոր թռիչքի»,- ասվում է կոմիտեի հաղորդագրությունում:
12:08 - 26 ապրիլի, 2023
Կապանում հայտնաբերված ադրբեջանցուն ոստիկանությունը  փոխանցել է ԱԱԾ-ին 

 |azatutyun.am|

Կապանում հայտնաբերված ադրբեջանցուն ոստիկանությունը փոխանցել է ԱԱԾ-ին |azatutyun.am|

azatutyun.am: Կապանում երեկ բնակիչների կողմից ձերբակալված երկրորդ ադրբեջանցին արդեն ոստիկանությունում չէ, նրան փոխանցել են Ազգային անվտանգության ծառայությանը (ԱԱԾ), «Ազատությանը» փոխանցեցին Ներքին գործերի նախարարության լրատվական վարչությունից։ Ապրիլի 10-ին Սիսիանում ձերբակալված մյուս ադրբեջանցին նույնպես ԱԱԾ-ում է։ Շուրջ 5 օր է՝ ԱԱԾ-ն Հայաստան ներթափանցած ադրբեջանցիների վերաբերյալ որևէ տեղեկություն չի հրապարակում։ Պարզ չէ նաև արդյոք Հայաստանի սահմանն ապօրինի հատելու դեպքով քրեական վարույթ նախաձեռնվել է, թե ոչ։ Իրավապահներն առայժմ պաշտոնապես չեն հաստատել նաև արդյոք նախօրեին Կապանում Զանգեզուրի պղնձամոլիբդենային կոմբինատի 56-ամյա պահակի սպանությունը կապ ունի Հայաստան ներթափանցած ադրբեջանցիների հետ։ Տղամարդու սպանության վարույթը թեև իրականացնում է Քննչական կոմիտեն, սակայն, կոմիտեի խոսնակ Գոռ Աբրահամյանն «Ազատությանը» փոխանցեց, որ երեկ ձերբակալված ադրբեջանցին, սպանության վարույթի շրջանակներում, Քննչական կոմիտեին չի փոխանցվել, նրա հետ քննչական գործողություններ չեն իրականացվել, հետևաբար, մամուլում առկա հրապարակումների առնչությամբ հաստատող կամ հերքող տվյալներ չեն կարող հայտնել։ Մամուլում երեկվանից ակտիվորեն լուրեր են շրջանառվող, որ սպանված կապանցի տղամարդու հեռախոսը հայտնաբերվել է Աճանան գյուղի մոտակայքում բռնված ադրբեջանցու մոտ։ Ընդ որում, երեկ համացանցում տեսանյութ էր տարածվել, որտեղ ենթադրաբար երեկ ձերբակալված ադրբեջանցին ուղիղ եթեր է մտել, խոսել հայերի սպանությունների մասին ու պնդել, թե ինքը դավաճան չէ, այլ մեկը, որը պատրաստ է զոհվել հանուն հայրենիքի: Տեսանյութը հետո ջնջվել էր։
12:59 - 14 ապրիլի, 2023
«Բռնեցի, ձեռքերը կապեցինք, տիկնոջս ասացի՝ զանգի միլիցիա». ադրբեջանցուն գտած բնակիչ |azatutyun.am|

«Բռնեցի, ձեռքերը կապեցինք, տիկնոջս ասացի՝ զանգի միլիցիա». ադրբեջանցուն գտած բնակիչ |azatutyun.am|

azatutyun.am: Սյունիքի Աղվանի գյուղի բնակիչ, անտառապահ Արա Սուքիասյանն է այսօր տեսել ու մյուսների հետ բռնել Հայաստան ներթափանցած ու մի քանի օր փնտրվող ադրբեջանցուն։ Նրան նկատել է Կապանի մոտակայքում։ «Ես անցա, ադրբեջանցուն տեսա, տիկինս էլ էր, հետո հետ դարձա, մտածեցի՝ կարող է ինքը լինի։ Մեկ էլ տեսանք, տղերքն էլ, որ էնդեղ էր, ասում եմ՝ տղե՛րք, սրա հետևից եմ ես եկել, սա աչքիս ինքն է։ Ինքն ասում էր՝ պարսիկ եմ ես։ Ադրբեջանի զինծառայղի շորերով էր, փնթի, ցեխոտ», - «Ազատությանը» պատմեց Արա Սուքիասյանը։ Ասաց՝ ադրբեջանցուց նկար է ունեցել, համեմատել է, տեսել, որ նկարում պատկերված նույն անձն է։ «Ուզում էր փախներ, բռնեցի, կապոտի վրա սեղմեցինք, մեր ընկերների հետ, էդ տղերքը որ կան, մեկը գնաց, թելը բերեց, ձեռքերը կապեցինք, տիկնոջս ասացի՝ զանգի միլիցիա, թող գան, տանեն, զբաղվեն էս տղայի հետ։ Իր մոտ գտել ենք փամփուշտ, ատվյոռկա՝ ձեռքին, բլոկնոտ, զենք չի եղել, փամփուշտ է եղել։ Հեռախոսը ես չեմ տեսել», - հավելեց նա։ Ավելի վաղ հայտնել էինք, որ ՀՀ ՊՆ-ն ապրիլի 10-ին հայտնել էր, որ ՀՀ տարածքում հայտնաբերվել և ձերբակալվել է Ադրբեջանի ԶՈՒ զինծառայող: Ըստ նրա խոսքի՝ իր հետ եղել է ևս մեկ զինծառայող, որի որոնողական աշխատանքները դեռ շարունակվում են: Այսօր արդեն ՊՆ-ն հայտնեց, որ հայտնաբերվել ու ձերբակալվել է նաև ադրբեջանցի երկրորդ զինծառայողը։
20:04 - 13 ապրիլի, 2023
Համաձայնագիր Կապանի համայնքապետարանի և Զանգեզուրի պղնձամոլիբդենային կոմբինատի միջև

Համաձայնագիր Կապանի համայնքապետարանի և Զանգեզուրի պղնձամոլիբդենային կոմբինատի միջև

Ապրիլի 6-ին Կապանի համայնքապետարանը՝ ի դեմս համայնքի ղեկավար Գևորգ Փարսյանի. և «Զանգեզուրի պղնձամոլիբդենային կոմբինատ» փակ բաժնետիրական ընկերությունը՝ ի դեմս Ռոման Խուդոլիի, ստորագրել են համագործակցության հուշագիր՝ հաշվի առնելով Կապան համայնքի առջև ծառացած մարտահրավերներին դիմագրավելու անհրաժեշտությունը, փոխադարձ կամքն ու ձգտումը։ Հուշագիրը ամրագրում է երկուստեք համագործակցության ուղղությունները․ մասնավորապես տնտեսական, սոցիալական, քաղաքաշինական, կրթության, մշակույթի և սպորտի ոլորտներում։ Հուշագրի շրջանակներում կողմերը պատրաստակամություն են հայտնել նաև համագործակցել երկկողմանի հետաքրքրություն ներկայացնող այլ ոլորտներում, ինչպես նաև հանդիպումների, խորհրդակցությունների և այլ միջոցառումների կազմակերպմամբ քննարկել և մշակել համատեղ նախագծերի իրականացումը: Ողջունելով ներկաներին և շնորհավորելով բոլոր կապանցիներին և ԶՊՄԿ-ի կոլեկտիվին հուշագրի ստորագրման կապակցությամբ՝ համայնքի ղեկավար Գևորգ Փարսյանն ասել է. «Այսօր առաջին անգամ պաշտոնապես արձանագրում ենք Կապանի համայնքապետարանի և ԶՊՄԿ-ի միջև համագործակցությունը հուշագրի տեսքով։ Այն հիրավի կարևոր իրադարձություն է և ամրագրվելու է մեր պատմության էջերում։ Սրանով հիմք ենք դնելու ավելի բարձր մակարդակի և որակի համագործակցության։ Մենք շատ բարձր ենք գնահատում կոմբինատի կորպորատիվ սոցիալական պատասխանատվությունը և այդ շրջանակում կոմբինատի գործուն քայլերը։ Երախտագիտությունս եմ հայտնում պարոն Խուդոլիին իր կառուցողական մոտեցման համար, ինպես նաև այն ծրագրերի համար, որոնք իրականացվել և իրականացվում են Կապան համայնքում»։ Հուշագրի ստորագրման առիթով Ռոման Խուդոլին ասել է. «Այսօր ստորագրեցինք համայնքի և կոմբինատի միջև փոխհամագործակցության կարևոր հուշագիր։ Դա բնավ չի նշանակում, որ մենք ինչ որ բարեգործություն ենք անում, մենք աշխատում ենք երկկողմանի։ Այն ընդերքը, որ կա, դա նախ և առաջ Հայաստանի ժողովրդի բարօրության համար է։ Մենք հարկեր ենք վճարում, դա մեր պարտականությունն է, բայց նաև մեր պարտականությունն է սոցիալական պարտավորություններ կատարելը։ Եթե մենք գտնվում ենք այս տարածքում, պարտավոր ենք օգնել համայնքին իր ծրագրերի իրականցման գործում։ Ուստի, ուզում եմ ասել, որ այն նշաձողը, որ սահմանել ենք, դրանք ցուցանիշներ են, որ տարեցտարի պետք է ավելանան։ Ուստի ես շատ երախտապարտ եմ համայնքի ղեկավարին՝ իր գործուն քայլերի համար, որոնք տեսանելի են բոլորին»։ Հուշագիրը գործում է հինգ տարի ժամկետով՝ յուրաքանչյուր տարի հաստատված՝ ընթացիկ տարվա համար նախատեսված գործողությունների պլանով։ Ստորագրման բուն արարողությունից հետո համայնքի ղեկավարի ուղեկցությամբ՝ Զանգեզուրի պղնձամոլիբդենային կոմբինատի ղեկավար կազմը շրջել է կենտրոնի տարածքում, ծանոթացել իրականացված և ընթացքի մեջ գտնվող աշխատանքներին: Շրջայց է իրականացվել նաև Վազգեն Սարգսյանի անվան մանկական զբոսայգու և Կապանի բիզնես կենտրոնի տարածքներում, որոնց վերաբերյալ ձեռք են բերվել նախնական պայմանավորվածություններ։
17:47 - 07 ապրիլի, 2023
Դպրոցական ավտոբուսի վթարի հետեւանքով վիրավորված 23 քաղաքացիներից 11-ը դուրս է գրվել
 |news.am|

Դպրոցական ավտոբուսի վթարի հետեւանքով վիրավորված 23 քաղաքացիներից 11-ը դուրս է գրվել |news.am|

news.am: Սյունիքի մարզի Օխտար բնակավայրի միջնակարգ դպրոցի աշխատակիցներին եւ աշակերտներին Կապան տանող ավտոբուսի վթարի հետեւանքով վիրավորված եւ Կապանի բժշկական կենտրոն տեղափոխված 23 քաղաքացիներից 11-ը երեկ գիշեր դուրս են գրվել հիվանդանոցից։ Այս մասին NEWS.am-ի հետ զրույցում փոխանցեցին Սյունիքի մարզպետարանից։ «Հիվանդանոցում շարունակում են բուժում ստանալ 7 երեխա եւ 5 մեծահասակ։ Երեխաների վիճակը բավարար է, մեծահասակներինը՝ ծանր»,- նշեցին մարզպետարանից։ Հիշեցնենք, որ մարտի 10-ին Կապան-Նորաշենիկ ավտոճանապարհին տեղի էր ունեցել ճանապարհատրանսպորտային պատահար. Օխտար գյուղի միջնակարգ դպրոցի աշակերտներին և անձնակազմին տեղափոխող ավտոբուսը դուրս էր եկել ավտոճանապարհի երթևեկելի հատվածից և կամրջից (մոտ 5 մ բարձրություն) ընկել Աճանան գետը: Վթարի հետեւանքով մահացել է 1970 թվականին ծնված Թ․Դ․-ն, որը դպրոցի ուսուցիչներից էր։ Վիրավորվել էր 24 քաղաքացի, որոնցից 15-ը դպրոցի աշակերտներ են, 8-ը՝ ուսուցիչներ, 1-ը՝ սպասարկող անձնակազմից։
13:14 - 11 մարտի, 2023
Սյունիքի մարզպետը Կապանի ԲԿ-ում տեղեկացել է ավտոբուսի վթարի հետևանքով բուժում ստացողների առողջական վիճակի մասին

Սյունիքի մարզպետը Կապանի ԲԿ-ում տեղեկացել է ավտոբուսի վթարի հետևանքով բուժում ստացողների առողջական վիճակի մասին

Սյունիքի մարզպետ Ռոբերտ Ղուկասյանն այսօր դպրոցական ավտոբուսի վթարի վայր այցելելուց հետո եղել է Կապանի բժշկական կենտրոնում․ նա շրջել է հիվանդասենյակներում, տեղեկացել բուժում ստացող ուղևորների առողջական վիճակի մասին։ Երեխաների առողջական վիճակն այս պահին գնահատվում է բավարար: Մեծահասակներից 3-ի առողջական վիճակը գնահատվում է ծանր, մյուսներինը` բավարար: Նշենք, որ վթարից տուժածների բուժօգնությունն առավել արագ ու արդյունավետ կազմակերպելու համար Կապանի բժշկական կենտրոն լրացուցիչ բժիշկ մասնագետներ են տեղափոխվել նաև Գորիսի ու Քաջարանի ԲԿ-ներից։ Հիշեցնենք, որ մարտի 10-ին Կապան-Նորաշենիկ ավտոճանապարհին տեղի էր ունեցել ճանապարհատրանսպորտային պատահար. Օխտար գյուղի միջնակարգ դպրոցի աշակերտներին և անձնակազմին տեղափոխող ավտոբուսը դուրս էր եկել ավտոճանապարհի երթևեկելի հատվածից և կամրջից (մոտ 5 մ բարձրություն) ընկել Աճանան գետը: Վթարի հետեւանքով մահացել է 1970 թվականին ծնված Թ․Դ․-ն, որը դպրոցի ուսուցիչներից էր։ Վիրավորվել էր 24 քաղաքացի, որոնցից 15-ը դպրոցի աշակերտներ են, 8-ը՝ ուսուցիչներ, 1-ը՝ սպասարկող անձնակազմից։
18:52 - 10 մարտի, 2023
Դպրոցական ավտոբուսի վթարի հետևանքով 14 երեխաների առողջական վիճակը բավարար է, մեծահասակներից 3-ինը՝ ծանր․ ՀՀ ԱՆ

Դպրոցական ավտոբուսի վթարի հետևանքով 14 երեխաների առողջական վիճակը բավարար է, մեծահասակներից 3-ինը՝ ծանր․ ՀՀ ԱՆ

Սյունիքի մարզում տեղի ունեցած ավտոբուսի վթարի հետևանքով Կապանի բժշկական կենտրոն է տեղափոխվել 23 տուժած` տարբեր աստիճանի մարմնական վնասվածքներով: Այս մասին հայտնում են ՀՀ ԱՆ-ից։ «Նրանցից 14-ը երեխաներ են, ունեն տարբեր կոտրվածքներ: Բոլորի առողջական վիճակն այս պահին գնահատվում է բավարար: Տուժածներից 9-ը մեծահասակ են: Նրանցից 3-ի առողջական վիճակը գնահատվում է ծանր, մյուսներինը` բավարար։ Տուժածները ստանում են անհրաժեշտ բժշկական օգնություն»,- ասված է հաղորդագրության մեջ: Հիշեցնենք, որ մարտի 10-ին Կապան-Նորաշենիկ ավտոճանապարհին տեղի էր ունեցել ճանապարհատրանսպորտային պատահար. Օխտար գյուղի միջնակարգ դպրոցի աշակերտներին և անձնակազմին տեղափոխող ավտոբուսը դուրս էր եկել ավտոճանապարհի երթևեկելի հատվածից և կամրջից (մոտ 5 մ բարձրություն) ընկել Աճանան գետը:
17:57 - 10 մարտի, 2023
Ավտոբուսը գետն է ընկել 5 մետր բարձրությունից. ՆԳՆ-ն մանրամասներ է հայտնում վթարից

Ավտոբուսը գետն է ընկել 5 մետր բարձրությունից. ՆԳՆ-ն մանրամասներ է հայտնում վթարից

Ինչպես ավելի վաղ տեղեկացրել էինք, այսօր Կապան համայնքի Նորաշենիկ բնակավայրի ճանապարհին տեղի է ունեցել ճանապարհատրանսպորտային պատահար. վթարի է ենթարկվել «ՊԱԶ» մակնիշի ավտոբուս: ՆԳՆ Փրկարար ծառայությունը մանրմասներ է հայտնել տեղի ունեցած վթարից.  «Մարտի 10-ին՝ ժամը 14:20-ին, Սյունիքի մարզային ճգնաժամային կառավարման կենտրոն տեղեկություն է ստացվել, որ Կապան-Նորաշենիկ ավտոճանապարհին տեղի է ունեցել ՃՏՊ՝ ավտոբուսը շրջվել է ձորը․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։ Պարզվել է, որ Կապան-Նորաշենիկ ավտոճանապարհի 16-րդ կմ-ին Օխտար գյուղի միջնակարգ դպրոցի աշակերտներին և անձնակազմին տեղափոխող «PAZ» մակնիշի ավտոբուսը (վարորդ Լ. Գ., ծնված 1948 թ.)  դուրս է եկել ավտոճանապարհի եթևեկելի հատվածից և կամրջից (մոտ 5 մ բարձրություն) ընկել Աճանան գետը:  Փրկարարները 7 տուժածի մոտեցրել են շտապօգնության ավտոմեքենաներին։ Թվով 25 տուժած (ավտոբուսի վարորդը, դպրոցի 9 աշխատակից և 15 աշակերտ) հոսպիտալացվել է Կապանի ԲԿ, որտեղ արձանագրվել է ուսուցիչ Թ․ Դ․-ի (ծնված 1970 թ․) մահը։ Փրկարարները հոսանքազրկել են ավտոբուսը և փակել գազի բալոնի փականը:  Հատուկ տեխնիկայի օգնությամբ ավտոբուսը դուրս է բերվել գետից»,- նշված է հաղորդագրության մեջ։ 
17:15 - 10 մարտի, 2023
Կապանի նախկին ղեկավարին մեղադրանք է ներկայացվել մի շարք չարաշահումներ կատարելու համար․ ՔԿ

Կապանի նախկին ղեկավարին մեղադրանք է ներկայացվել մի շարք չարաշահումներ կատարելու համար․ ՔԿ

ՀՀ քննչական կոմիտեի Սյունիքի մարզային քննչական վարչությունում քննվող քրեական վարույթի շրջանակներում իրականացված քննչական և վարութային մեծածավալ գործողությունների արդյունքում պարզվել են Կապան համայնքի նախկին ղեկավարի կողմից մի շարք չարաշահումներ կատարելու դեպքի հանգամանքները: Այս մասին հայտնում են Քննչական կոմիտեից։  Քննությամբ ձեռք բերված փաստական տվյալների համաձայն՝ Կապան համայնքի նախկին ղեկավար Ա. Հ.-ն, 2012-2018 թվականը զբաղեցնելով նշված պաշտոնը, հաստատապես տեղյակ լինելով, որ նույն համայնքի բնակիչներից մեկը, համայնքային սեփականություն հանդիսացող, Կապան համայնքի Քաջարանյան մայրուղու վրա գործող ռեստորանային համալիրի դիմաց գտնվող 1,4 հա հողամասի վրա շարունակում է ինքնակամ կառուցել դեռևս 2008-ից սկսված 64 ք. մ շինությունը, որը նրա մահից հետո՝ 2016 թ., շարունակել է որդին, պաշտոնավարման ընթացքում նշված շինության ինքնակամ կառուցումը կասեցնելու, ինչպես նաև նրանց նկատմամբ վարչական պատասխանատվության միջոցներ չի ձեռնարկել: Բացի այդ, Ա.Հ.-ն ապօրինի կառուցված վերոնշյալ շինությունում անխափան ջրամատակարարումն ապահովելու անձնական դրդումներով, 2017թ. հոկտեմբերի 2-ին կազմել և Կապան համայնքի վերոնշյալ բնակչի որդուն է հանձնել կեղծ փաստաթուղթ հանդիսացող տեղեկանք, թե, իբր, ք. Կապան Քաջարանյան մայրուղու՝ ռեստորանային համալիրի դիմաց գտնվող 1,4 հա հողամասի վրա կառույցի օրինականացման գործընթացն ընթացքի մեջ է, որն էլ այլ անհրաժեշտ փաստաթղթերի հետ վերջինս ներկայացրել է «Վեոլիա Ջուր» ՓԲ ընկերություն և 21.01.2019թ. տվյալ ընկերության հետ կնքել ջրամատակարարման պայմանագիր: Քննությամբ պարզվել է նաև, որ Կապան համայնքի նախկին ղեկավարը, տեղյակ լինելով, որ հիշյալ համայնքի Բարաբաթում թաղամասի վարչական տարածքում գտնվող հողատարածքում՝ Հայաստանի Հանրապետությունում գործող հեռահաղորդակցման ծառայություններ մատուցող ընկերություններից մեկը պատրաստվում է տեղադրել բջջային հիմնական կայան և վճարել այդ հողակտորն օգտագործելու դիմաց, վճարվելիք գումարները համայնքի բյուջե մուտքագրելու փոխարեն, համաքաղաքացուն օգտակար լինելու և նրա կողմից գումար վաստակելու նպատակով, .2014թ. սեպտեմբերի 30-ին կայացրած որոշմամբ՝ նշված թաղամասում գտնվող, գյուղատնտեսական նշանակության արոտ հանդիսացող, 0,015 հա մակերեսով հողատարածքը տրամադրել է համաքաղաքացուն։ Ապա 2014թ. հոկտեմբերի 6-ին տարեկան 1000 ՀՀ դրամ վարձավճարով 25 տարի ժամկետով վարձակալության պայմանագրով հողամասը հանձնել է վերջինիս: Այնուհետև Ա.Հ.-ն, գիտակցելով, որ նշված հողամասը ենթավարձակալության է տրամադրվելու հեռահաղորդակցման ծառայություններ մատուցող վերոնշյալ ընկերությանը, առանց հողակտորի նպատակային նշանակությունը փոխելու, ապօրինի հողօգտագործումը կանխարգելելու փոխարեն, չի առարկել ապօրինի ենթավարձակալության պայմանագրի կնքման դեմ: Ավելին, 2014թ. հոկտեմբերի 29-ին նշված քաղաքացու և Կապանի համայնքապետարանի միջև կնքվել է անշարժ գույքի վարձակալության նոր պայմանագիր, որով թույլատրվել է հողամասը երրորդ անձին ենթավարձակալության տրամադրումը՝ առանց վարձատուի լրացուցիչ համաձայնության։ Ընդ որում, տվյալ պայմանագրի գործողության սկիզբ է նշվել 2014թ. հոկտեմբերի 6-ը: Կապան համայնքի նախկին ղեկավարի կողմից վերը նշված լիազորությունները չկատարելու պատճառով հողակտորը վարձակալվել է անհամեմատ ցածր գնով՝ համայնքի համար անզգուշությամբ առաջացնելով էական վնաս, մասնավորապես՝ համայնքին չի վճարվել ընդհանուր 1.316.500 ՀՀ դրամ։ Նախաքննությամբ ձեռք բերված փաստական տվյալների հիման վրա 2022թ. դեկտեմբերի 28-ին միջնորդություն է հարուցվել հսկող դատախազին՝ Ա.Հ-ի նկատմամբ հանրային քրեական հետապնդում հարուցելու վերաբերյալ, որը բավարարվել է։ Վարույթն իրականացնող մարմնի կողմից Կապան համայնքի նախկին ղեկավարին մեղադրանք է ներկայացվել արարքների կատարման պահին գործող՝ ՀՀ նախկին քրեական օրենսգրքի 308-րդ հոդվածի (Պաշտոնեական լիազորությունները չարաշահելը) 1-ին մասով, 314-րդ հոդվածով (Պաշտոնեական կեղծիքը) և 315․2-րդ հոդվածով, որոնք համապատասխանում են գործող ՀՀ քրեական օրենսգրքի համապատասխանաբար 441-րդ հոդվածի (Պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը) 1-ին մասին, 445-րդ հոդվածի (Պաշտոնեական կեղծիքը) 1-ին մասին, 447-րդ հոդվածի (Պետական կամ համայնքային սեփականություն հանդիսացող հողամասերի ինքնակամ զավթումը, ինչպես նաև շենքերի կամ շինությունների ինքնակամ կառուցումը կասեցնելու կամ անձին պատասխանատվության ենթարկելու ուղղությամբ օրենքով սահմանված կարգով միջոցներ չձեռնարկելը) 1-ին մասին: Նախաքննությունը շարունակվում է: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
15:38 - 29 դեկտեմբերի, 2022
Հայաստանում խորապես ընկալում և բարձր են գնահատում երկրի ողնաշարը հանդիսացող հատվածում՝ Սյունիքում գլխավոր հյուպատոսություն բացելու Իրանի որոշումը․ Միրզոյան |armenpress.am|

Հայաստանում խորապես ընկալում և բարձր են գնահատում երկրի ողնաշարը հանդիսացող հատվածում՝ Սյունիքում գլխավոր հյուպատոսություն բացելու Իրանի որոշումը․ Միրզոյան |armenpress.am|

armenpress.am: Կապանում պաշտոնապես բացվեց Իրանի Իսլամական Հանրապետության գլխավոր հյուպատոսությունը. ՀՀ ԱԳ նախարար Արարատ Միրզոյանն այն համարում է երկու բարեկամ և հարևան երկրների ջերմ հարաբերությունների ցուցիչ, տարածաշրջանում խաղաղության և անվտանգության ապահովման յուրօրինակ հանգրվան: Հոկտեմբերի 21-ին Կապանում հյուպատոսության բացման արարողությանը կարմիր ժապավենը կտրեցին ՀՀ ԱԳ նախարար Արարատ Միրզոյանն ու Իրանի ԱԳ նախարար Հոսեյն Ամիր Աբդոլլահիանը: «Այսօր նշանակալից օր է հայ-իրանական բազմադարյա և բարիդրացիական հարաբերությունների պատմության մեջ:  Վստահաբար կարող եմ նշել, որ Իրանի գլխավոր հյուպատոսության հիմնումն ու արդյունավետ գործունեությունը նոր որակ կհաղորդեն երկու երկրների առանձնահատուկ հարաբերություններին, կխթանեն երկկողմ փոխգործակցությունն ու կնպաստեն հայ-իրանական կապերի զարգացմանը»,- ասաց Միրզոյանը: Նախարարը հատկանշական համարեց, որ այս կարևոր միջոցառումը տեղի է ունենում Հայաստան և Իրանի միջև դիվանագիտական հարաբերությունների հաստատման 30 –րդ տարում: «Անցած 30  տարիների ընթացքում մեր անցած ուղին նշանավորվել է ռազմավարական բնույթ ունեցող հարաբերությունները եղբայրության և սերտ գործընկերության ոգով զարգացնելու մեր անկեղծ մղումով: Վստահ եմ, որ հետայսու ևս կներդրվեն անհրաժեշտ ջանքեր՝ ապագա  փոխշահավետ համագործակցությունն ավելի խորացնելու և ամրապնդելու համար»,-ասաց ԱԳ նախարարը: Միրզոյանը վստահեցրեց, որ Հայաստանում խորապես ընկալում և բարձր են գնահատում երկրի ողնաշարը հանդիսացող այս հատվածում՝ Սյունիքի մարզում գլխավոր հյուպատոսություն բացելու Իրանի որոշումը: «Ցանկանում եմ ևս մեկ անգամ վերահաստատել հայկական կողմի մտադրությունը՝ Թավրիզում գլխավոր հյուպատոսություն հիմնելու վերաբերյալ: Իրանի Իսլամական Հանրապետությունը Հայաստանի համար մշտապես եղել է և կշարունակի լինել առանցքային գործընկեր: Մեր փոխգործակցությունը ներառում է բավականին ընդգրկուն քաղաքական օրակարգ, ինչպես նաև առևտրի, էներգետիկայի, տրանսպորտի, զբոսաշրջության, մշակույթի, գիտության, կրթության ոլորտներում ամուր կապեր, որոնք, լիահույս ենք, ավելի կխորանան  և որակական ու գործնական նոր շունչ կստանան այսօր բացվող գլխավոր հյուպատոսության շնորհիվ»,-ասաց ԱԳ նախարարը: Նա վստահություն հայտնեց, որ գլխավոր հյուպատոսությունը մեծապես կնպաստի նաև հայ և իրանցի ժողովուրդների միջև մարդկային շփումների առավել ակտիվացմանը: «Այն կդառնա երկու բարեկամ և հարևան երկրների ջերմ հարաբերությունների ցուցիչ, տարածաշրջանում խաղաղության և անվտանգության ապահովման յուրօրինակ հանգրվան»,-ընդգծեց Միրզոյանը: Նա հյուպատոսին շնորհավորեց Հայաստանում Իրանի գլխավոր հյուպատոսի պատասխանատու պաշտոնում նշանակման կապակցությամբ:
16:35 - 21 հոկտեմբերի, 2022
Հակազդեցությունը լինելու է տվյալ գործողությանը համարժեք․ Իրանի գլխավոր հյուպատոսը՝ սահմանների փոփոխության դեպքում ԻԻՀ գործողությունների մասին

Հակազդեցությունը լինելու է տվյալ գործողությանը համարժեք․ Իրանի գլխավոր հյուպատոսը՝ սահմանների փոփոխության դեպքում ԻԻՀ գործողությունների մասին

Հուսով ենք, որ որեւիցե երկիր իրեն թույլ չի տա իր երկրի սահմաններից դուրս գործողություններ իրականացնել, հակառակ դեպքում ԻԻՀ կողմից համապատասխան հակազդեցություն կցուցաբերվի։ Այս մասին ասաց Կապանում Իրանի գլխավոր հյուպատոս Մորթեզա Աբեդին Վարամինը՝ պատասխանելով հարցին, որ Թեհրանը բարձր մակարդակով հայտարարում է, թե թույլ չի տալու պատմական սահմանների փոփոխություն, որն է լինելու գործողությունը բացի հայտարարություններից։  «Այնպես, ինչպես հարցի մեջ է արծարծվում իրավիճակը, մենք նման իրավիճակ մեր իրականության մեջ չունենք․ մենք իրանցիներս՝ ավելի շատ գործի մարդիկ ենք, քան խոսքի։ Հուսով ենք, որ որեւիցե երկիր իրեն թույլ չի տա իր երկրի սահմաններից դուրս գործողություններ իրականացնել, հակառակ դեպքում ԻԻՀ կողմից համապատասխան հակազդեցություն կցուցաբերվի»,- նշել է հյուպատոսը։  Ճշտող հարցին, թե ինչպես է դրսեւորվելու այդ հակազդեցությունը, հյուպատոսը պաստասխանեց, որ որպես դիվանագետ միայն կարող է ասել, որ այդ հակազդեցությունը լինելու է տվյալ գործողությանը համարժեք։
16:11 - 21 հոկտեմբերի, 2022
Իրանը ՀՀ-ի ու տարածաշրջանի անվտանգությունը համարում է իր անվտանգությունը․Աբդոլլահիան

Իրանը ՀՀ-ի ու տարածաշրջանի անվտանգությունը համարում է իր անվտանգությունը․Աբդոլլահիան

Հայաստանի ու Իրանի ԱԳ նախարարները Կապանում մասնակցում են Իրանի գլխավոր հյուպատոսության բացման արարողությանը։ Իրանի ԱԳ նախարար Աբդոլլահիանը Կապանում հայտարարեց․ «Ուրախ եմ, որ Իրանի ԱԳՆ-ի իմ գործընկերների ու Երեւանում դեսպանատան ջանքերով եւ ՀՀ կառավարության աջակցությամբ այսօր Կապաում Իրանի գլխավոր հյուպատոսություն հիմնելու ԻԻՀ կառավարության որոշումը իրականություն դարձավ։ Հաջողություն եմ մաղթում հյուպատոս Մորթեզա Աբեդին Վարամինին, որը մեր պրոֆեսիոնալ դիվանագետներից է, Կապանում իրենց կարեւոր պարտականությունների ու առաքելությունների իրագործման հարցում»,- ասաց ԱԳ նախարարը։  ԱԳ նախարարի խոսքով՝ ԻԻՀ-ն ՀՀ-ի ու տարածաշրջանի անվտանգությունը համարում է իր անվտանգությունը։ «Կապանում հյուպատոսություն հիմնելու ԻԻՀ կառավարության որոշումը այն կարեւորության այն դրսեւորումն է, որ Իրանի կառավարությունն ու ժողովուրդը տալիս են Իրանի ու ՀՀ-ի հազարամյա հարաբերություններին։ ԻԻՀ-ն ՀՀ-ի ու տարածաշրջանի անվտանգությունը համարում է իր անվտանգությունը։ Մեր քաղաքականությունն է հարգել տարածքային ամբողջականությունը եւ միջազգայնորեն ճանաչված սահմնանները։ Երեւանում Իրանի իմ գործընկերների, ինչպես նաեւ Կապանում հյուպատոսության ջանքերով կաշխատենք , որ 2 երկրիների միջեւ առեւտրատնտեսական հարաբերությունները առավել զարգացնենք։ Սյունիքի մարզը հանդիսանում է Հյուսիս-Հարավ միջացքի կարեւագույն հատվածներից մեկը։ Մենք Հայաստանը համարում են Հյուսիս-Հարավ մայրուղում գտնվող կարեւոր երկրներից մեկը, եւ մենք մեր առավելագույն ջանքերը կգործադրենք, որպեսզի այս տարանցիկ ուղին, ինչպես նաեւ ապրանքափոխադրումները եւ ուղեւորափոխադրումները այս ուղով ավելի զարգանան»,- նշեց ԱԳ նախարար Աբդոլլահիանը։ 
16:04 - 21 հոկտեմբերի, 2022
Կապանի ժողովրդին խորհուրդ կտամ չանհանգստանալ, մենք այստեղ ենք հայ ժողովրդի համար. Իրանի գլխավոր հյուպատոս |news.am|

Կապանի ժողովրդին խորհուրդ կտամ չանհանգստանալ, մենք այստեղ ենք հայ ժողովրդի համար. Իրանի գլխավոր հյուպատոս |news.am|

news.am: Կապանի ժողովրդին խորհուրդ կտամ չանհանգստանալ, մենք այստեղ ենք հայ ժողովրդի համար։ Այս մասին հարցազրույցում նշեց Իրանի գլխավոր հյուպատոս Մորթեզա Աբեդին Վարամինը: Ստորեւ ներկայացնում ենք հարցազրույցը. Արդյոք Կապանում Իրանի հյուպատոսությունն այսօր կամ վաղը սկսելու է աշխատանքները։Բոլոր աշխատանքներն ավարտվա՞ծ են։ Պարոն Միրզոյանի հրավերով մեր Արտաքին գործերի նախարարի այցը Հայաստան լավ հնարավորություն էր բացել վերջինիս ներկայությամբ գլխավոր հյուպատոսությունը։ Այսպիսով երկուշաբթի օրվանից գլխավոր հյուպատոսարանը սկսելու է աշխատանքները։ Բայց գործնականորեն այն աշխատանքները կսկսի մյուս շաբաթվանից։ Ինչպե՞ս է հյուպատոսությունը պատրաստվումնպաստել Հայաստանի և Իրանի միջևհարաբերությունների ամրապնդմանը։ Դեռ շաբաթներ առաջ մենք ակտիվ աշխատանքներ ենք տարել երկու երկրների միջև հարաբերությունների զարգացման հարցում՝ նախապատրաստվելով այստեղ գլխավոր հյուպատոսության բացմանը։ Լիահույս եմ, որ հյուպատոսությունը մոտ ապագայում կօգնի զարգացնել մեր պատմական հարաբերությունները տարբեր ոլորտներում՝ քաղաքական, մշակութային, առևտրային, տնտեսական և այլն։ Արդեն կա՞ն մշակված պլաններ կապված  Սյունիքի հետ։ Ինձ մի փոքր ժամանակ է անհրաժեշտ այստեղ մարդկանց, Սյունիքի մարզի պաշտոնյաների հետ ծանոթանալու համար, և դրանից հետո մենք կորոշենք, թե որ ոլորտներում կարող ենք ավելի լավ համագործակցել։ Բայց ակնհայտորեն Կապանումհյուպատոսության բացումը նաև քաղաքականմեսիջ ունի։ Մենք ադրբեջանական զորքերիցընդամենը 2կմ հեռավորության վրա ենքգտնվում։ Սա հաշվի առնելով՝ կցանկանայի լսելձեր մեկնաբանությունը, թե ինչու էհյուպատոսությունը Սյունիքում բացվում հենցայժմ։ Մենք Հայաստանում խաղաղության սուրհանդակներ ենք և ցանկանում ենք Հայաստանը տեսնել որպես կայուն երկիր։ Այսպիսով, ինչպես նշել են Իրանի բարձրաստիճան պաշտոնյաները, մենք չենք կարող ընդունել տարածաշրջանում սահմանների որևէ փոփոխություն։ Արդյոք քաղաքական իրավիճակն էր առաջինպատճառը Սյունիքում հյուպատոսությանբացման համար։ Կարծում եմ՝ Կապանում Իրանի Իսլամական Հանրապետության գլխավոր հյուպատոսության բացումը ցույց է տալիս երկու երկրների ղեկավարների ամուր վճռականությունը։ Այս որոշումը տարիների պատմություն ունի և մենք այժմ ականատես ենք լինում հյուպատոսության բացմանը։ Կցանկանամ լսել Ձեր մեկնաբանությունը՝ որպեսանհատ, Սյունիքի բնակչության մասին, սա Ձեր առաջի՞ն այցն է այստեղ։ Ես հայերին պատկերացնում եմ այնպիսին, ինչպիսին Իրանի հայ քաղաքացիներն են։ Նրանք շատ քաղաքակիրթ և բարեհամբույր մարդիկ են։ Այդպիսին են նաև ձեր երկրի և Կապանի մարդիկ։ Անգամ այն դեպքում, երբ սահմանային լարվածությունն այստեղ չափազանց բարձր է, ևմարդիկ շատ նյարդային են և ապրում են մշտական վախի մթնոլորտո՞ւմ։ Կապանի ժողովրդին խորհուրդ կտամ չանհանգստանալ, մենք այստեղ ենք հայ ժողովրդի համար։   Լուսանկարում՝ Կապան քաղաքը  Իրանի գլխավոր հյուպատոսության բացման օրը 
15:08 - 21 հոկտեմբերի, 2022