13:40 - 28 օգոստոսի, 2023
Երևան-Կապան չվերթի օդանավը չի կարողացել Սյունիքում վայրէջք կատարել |news.am|
news.am: Երևան-Կապան չվերթի օդանավն այսօր՝ օգոստոսի 28-ին, Երևանից օդ է բարձրացել, սակայն վերադարձել է:
«Նովէյր» ընկերությունից հայտնեցին, որ պատճառը Կապանում եղանակային պայմաններն են։
«Մառախուղ է եղել»,- նշեցին ընկերությունից։
Հիշեցնենք, որ օգոստոսի 25-ի Երևան-Կապան-Երևան չվերթը դարձյալ չէր կայացել եղանակային անբարենպաստ պայմանների պատճառով։
Երևան-Կապան-Երևան կանոնավոր թռիչքներն իրականացվելու են շաբաթական երկու անգամ` երկուշաբթի և ուրբաթ օրերին։ Երևանից թռիչքն առավոտյան 8։00-ին է, Կապանից` 10։00-ին։ Մի ուղղությամբ տոմսի արժեք սկսվում է 20.000 դրամից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)