Կորոնավիրուս

Վրաստանում մեկ օրում գրանցվել է կորոնավիրուսի 698 դեպք |armenpress.am|

armenpress.am: Վրաստանում մարտի 29-ի դրությամբ արձանագրվել է կորոնավիրուսով վարակման 698 նոր դեպք: Ինչպես փոխանցում է Վրաստանի կառավարության կողմից ստեղծված stopcov.ge-ն, ընդհանուր դեպքերի քանակը երկրում 1 մլն 647 հազար 243 է: Վրաստանում վերջին 24 ժամվա ընթացքում կորոնավիրուսից բուժվել է ևս 1036 պացիենտ: Երկրում վարակից մահացել է ևս 10 մարդ, ընդհանուր մահերի թիվը 16 730 է:

20:37 - 29 մարտի, 2022

Հաստատվել է կորոնավիրուսի 16 նոր դեպք, առողջացել է 34 քաղաքացի

Մարտի 29-ի դրությամբ, Հայաստանում գրանցվել է կորոնավիրուսի 16 նոր դեպք, իրականացվել է 2416 թեստավորում, առողջացել է 34 քաղաքացի: Գրանցվել է մահվան 1 դեպք: Այսպիսով՝ հաստատվել է կորոնավիրուսային հիվանդության ընդհանուր 422484 դեպք, որոնցից 409853-ը՝ առողջացած: Փաստացի բուժում է ստանում 2344 մարդ: Ընդհանուր առմամբ, կորոնավիրուսի հետևանքով մահվան 8611 դեպք է արձանագրվել: Ընդհանուր կատարվել է 2971201 թեստավորում: Այլ պատճառներով մահերի թիվը հասել է 1676-ի՝ մեկ օրում ավելանալով 1-ով։

11:14 - 29 մարտի, 2022

ԱԱՏՄ-ն մարտի 21-26-ը իրականացրել է 1190 ստուգայց․ արձանագրվել են խախտումներ

ՀՀ առողջապահական և աշխատանքի տեսչական մարմինը 2022 թ. մարտի 21-26-ը հանրապետության ամբողջ տարածքում իրականացրել է 1190 ստուգայց՝ առողջապահության նախարարի 17-Ն հրամանով սահմանված Covid-անվտանգության կանոնների պահպանման վերահսկողության նպատակով։ ԱԱՏՄ մասնագետները բացահայտել են 4 խախտում, որոնց վերաբերյալ կազմվել են արձանագրություններ։ Տնտեսվարողներից 4-ին տրվել է նախազգուշացում։ Նշված ժամանակահատվածում կայացվել է տուգանքի 2 որոշում։ Արձանագրված խախտումները վերաբերել են առողջապահության նախարարի 78-Ն հրամանին, այսինքն՝ չպատվաստված աշխատողների համար աշխատավայր ներկայանալիս յուրաքանչյուր 7 օրը մեկ կորոնավիրուսային հիվանդության ախտորոշման ՊՇՌ հետազոտության բացասական արդյունքը հավաստող՝ առավելագույնը 72 ժամ վաղեմության սերտիֆիկատ ներկայացնելու պահանջի խախտմանը։

20:25 - 28 մարտի, 2022

Հայաստանում վերջին մեկ օրում կորոնավիրուսից մահվան դեպք չի գրանցվել

Հայաստանում մարտի 28-ի դրությամբ հաստատվել է կորոնավիրուսային հիվանդության ընդհանուր 422 հազար 468 դեպք, որից 409 հազար 819-ը`առողջացած, 8610-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2364 բուժառու: Այս մասին հայտնում է ՀՀ առողջապահության նախարարությունը: Մեկ օրում կատարվել է 2397 թեստավորում, հաստատվել է կորոնավիրուսային հիվանդության 10 նոր դեպք, առողջացել է 29 քաղաքացի, մահվան դեպք չի արձանագրվել: Թեստավորումների ընդհանուր թիվը հասել է 2 միլիոն 968 հազար 785-ի:

11:33 - 28 մարտի, 2022

Հաստատվել է կորոնավիրուսի 14 նոր դեպք, առողջացել է 33 քաղաքացի․ ԱՆ

Մարտի 27-ի ժամը 11:00-ի դրությամբ Հայաստանում գրանցվել է կորոնավիրուսի 14 նոր դեպք, իրականացվել է 1790 թեստավորում, առողջացել է 33 քաղաքացի: Գրանցվել է մահվան 2 դեպք: Այսպիսով՝ հաստատվել է կորոնավիրուսային հիվանդության ընդհանուր 422458 դեպք, որոնցից 409790-ը՝ առողջացած: Փաստացի բուժում է ստանում 2383 մարդ: Ընդհանուր առմամբ, կորոնավիրուսի հետևանքով մահվան 8610 դեպք է արձանագրվել: Ընդհանուր կատարվել է 2966388 թեստավորում:

11:07 - 27 մարտի, 2022

Հաստատվել է կորոնավիրուսի 21 նոր դեպք, մահացել է մեկ մարդ․ ԱՆ

Այսօր՝ մարտի 26-ին՝ ժամը 11:00-ի դրությամբ, ՀՀ-ում հաստատվել է կորոնավիրուսի 21 նոր դեպք՝ արված 2608 թեստավորումից: Այս մասին տեղեկացնում է ՀՀ առողջապահության նախարարությունը: Առողջացել է 64 քաղաքացի, գրանցվել՝ մահվան 1 դեպք: Ներկա պահին բուժում է ստանում 2406 հիվանդ: Ընդհանուր հաստատվել է կորոնավիրուսային հիվանդության 422 հազար 444 դեպք, որից 409 հազար 757-ը՝ առողջացած: Ընդհանուր առմամբ կորոնավիրուսի հետևանքով մինչև հիմա 8608 մահվան դեպք է արձանագրվել: Մինչ օրս կատարվել է 2 միլիոն 964 հազար 598 թեստավորում:

11:16 - 26 մարտի, 2022

Հաստատվել է կորոնավիրուսի 22 նոր դեպք, մահացել է 3 մարդ

Հայաստանում կորոնավիրուսի հաստատված դեպքերի թիվն ավելացել է 22-ով՝ ընդհանուր կազմելով 422 423: Այս մասին հայտնում է Առողջապահության նախարարությունը: Նախօրեին կատարվել է 2430 թեստավորում (ընդհանուր՝ 2 961 990): Մահացել է 3 մարդ: Կորոնավիրուսից մահացության դեպքերի ընդհանուր թիվը 8607 է: Առողջացել է ևս 58 քաղաքացի, և այժմ նրանց ընդհանուր թիվը հասել է 409 693-ի: Այս պահին փաստացի բուժում է ստանում 2451 քաղաքացի:

11:36 - 25 մարտի, 2022

Հաստատվել է կորոնավիրուսի 19 նոր դեպք, առողջացել է 47 քաղաքացի

Մարտի 24-ի դրությամբ, Հայաստանում արձանագրվել է կորոնավիրուսի 19 նոր դեպք: Իրականացվել է 2231 թեստավորում, առողջացել է 47 բուժառու: Գրանցվել է մահվան 1 դեպք: Այսպիսով՝ հաստատվել է կորոնավիրուսային հիվանդության ընդհանուր 422401 դեպք, որոնցից 409635-ը՝ առողջացած: Փաստացի բուժում է ստանում 2490 մարդ: Ընդհանուր առմամբ, կորոնավիրուսի հետևանքով մահվան 8604 դեպք է արձանագրվել: Ընդհանուր կատարվել է 2959560 թեստավորում։

11:18 - 24 մարտի, 2022

Արցախում հաստատվել է կորոնավիրուսի 2 նոր դեպք

Մարտի 23-ի ժամը 11:00-ի դրությամբ Արցախում իրականացվել է 37 թեստավորում, հաստատվել է կորոնավիրուսի 2 նոր դեպք: Ստացիոնար բուժում է ստանում 7 բուժառու: Այսպիսով, 2022 թվականին կատարվել է 10 506 թեստավորում, հաստատվել է կորոնավիրուսային հիվանդության ընդհանուր 3079 դեպք: Ընդհանուր առմամբ, կորոնավիրուսի հետևանքով մահվան 42 դեպք է արձանագրվել: Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու համար:

12:41 - 23 մարտի, 2022

Հայաստանում հաստատվել է կորոնավիրուսի 28 նոր դեպք. մահացել է 2 քաղաքացի

Հայաստանում մարտի 23-ի դրությամբ հաստատվել է կորոնավիրուսային հիվանդության ընդհանուր 422 հազար 382 դեպք, որից 409 հազար 588-ը`առողջացած, 8603-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2519 բուժառու: Այս մասին հայտնում է ՀՀ առողջապահության նախարարությունը: Մեկ օրում կատարվել է 2481 թեստավորում, հաստատվել է կորոնավիրուսային հիվանդության 28 նոր դեպք, առողջացել է 59 քաղաքացի, արձանագրվել է մահվան 2 դեպք: Թեստավորումների ընդհանուր թիվը հասել է 2 միլիոն 957 հազար 329-ի:

11:25 - 23 մարտի, 2022

Միացյալ Թագավորությունը Հայաստանին է նվիրաբերել «ԱստրաԶենեկա» պատվաստանյութի ավելի քան 25 հազար դեղաչափ․ ԱՆ

Միացյալ Թագավորության կառավարությունը Հայաստանին է նվիրաբերել «ԱստրաԶենեկա» պատվաստանյութի ավելի քան 25 հազար դեղաչափ։ «Մենք համոզված ենք, որ պատվաստումը շարունակում է միակ արդյունավետ գործիքը հանդիսանալ COVID-19 համավարակի դեմ պայքարի, դրա կասեցման և հետևանքների մեղմացման գործում։ Ուստի, շատ ուրախ եմ, որ Միացյալ Թագավորությունն օգնության ձեռք է մեկնել Հայաստանի մեր բարեկամներին՝ որպես ամբողջ աշխարհում համավարակի հաղթահարմանն աջակցելու մեր կառավարության հանձնառության մաս»,- ասել է ՀՀ-ում Միացյալ Թագավորության դեսպան Ջոն Գալագերը: Առողջապահության նախարարի առաջին տեղակալ Լենա Նանուշյանը շնորհակալություն է հայտնել նվիրատվության համար` ընդգծելով համավարակի դեմ պայքարին զուգահեռ առողջապահական այլ որոտներում գործակցելու կարևորությունը: Դեսպանն իր հերթին պատրաստակամություն է հայտնել շարունակելու Հայաստանի Հանրապետության առողջապահական գերատեսչության հետ համատեղ աշխատանքները:

19:03 - 22 մարտի, 2022

Հաստատվել է կորոնավիրուսի 26 նոր դեպք, մահացել է 3 մարդ

Առողջապահության նախարարությունը հայտնում է, որ մարտի 22-ի դրությամբ, Հայաստանում հաստատվել է կորոնավիրուսի 26 նոր դեպք, մահացել է 3 մարդ։ Երեկ կատարվել է 2258 թեստավորում։ Առողջացել է 99 մարդ։ Այսպիսով, հաստատվել է կորոնավիրուսային հիվանդության ընդհանուր 422 354 դեպք։ Հիվանդացածներից 409 456-ն առողջացել է: Ընդհանուր առմամբ, կորոնավիրուսի հետևանքով մահվան 8601 դեպք է արձանագրվել: Ընդհանուր կատարվել է 2 954 848 թեստավորում:

11:44 - 22 մարտի, 2022

Պորտուգալիան Հայաստանին 400 հազար 140 դեղաչափ «Պֆայզեր» պատվաստանյութ է նվիրաբերել

Պորտուգալիայի կառավարության կողմից նվիրաբերված COVID-19 դեմ «Պֆայզեր» պատվաստանյութի առաջին մասնաքանակը` 400 հազար 140 դեղաչափ, Հայաստանում է։ Այս մասին տեղեկացնում են ՀՀ ԱՆ-ից։ Այսօր առողջապահության նախարարության Հիվանդությունների վերահսկման կենտրոնի «Ռեֆերենս» լաբորատորիայում պատվաստանյութի խմբաքանակը առողջապահության նախարարի առաջին տեղակալ Լենա Նանուշյանին են հանձնել Հայաստանում Եվրամիության դեսպան Անդրեա Վիկտորինը, Լեհաստանի դեսպանի առաջին խորհրդական Կրիժշտոֆ Բարչակը:Մատակարարումն իրականացվել է Արևելյան գործընկերության երկրներին պատվաստանյութերով ապահովելու «Եվրոպայի Թիմ»-ի նախաձեռնության շրջանակներում` Եվրամիության, Լեհաստանի և Պորտուգալիայի համատեղ աշխատանքի շնորհիվ: Մյուս մասնաբաժնի առաքումը Հայաստան նախատեսվում է ապրիլին: «Շնորհակալություն մեր գործընկերներին այս ընթացքում ցուցաբերած սոլիդար վերաբերմունքի համար` ուղղված համավարակի զսպմանը: Հայաստանում արդեն 2 միլիոնից ավելի դեղաչափ պատվաստում է իրականացվել, 95 հազարից ավելի մարդ ամբողջապես պատվաստվել է: Մեր երկիրն անում է ամեն բան պատվաստանյութերի բազմազանությունն ապահովելու համար, և այս նվիրատվությունը ևս մեկ քայլ է պատվաստանյութերի հասանելիությունն ապահովելու հարցում»,- նշել է ՀՀ առողջապահության նախարարի առաջին տեղակալ Լենա Նանուշյանը։ «Ուրախությամբ հայտնում ենք, որ պատվաստանյութերը ժամանել են Հայաստան։ Երախտապարտ ենք Պորտուգալիայի առատաձեռն հանձնառությանը և Լեհաստանի՝ այս ամենը կյանքի կոչելու համար ներդրված ջանքերին։ Մենք շարունակում ենք միասին պայքարել COVID-19-ի դեմ», – նշել է ԵՄ դեսպանը ՀՀ Առողջապահության նախարարության հետ նվիրատվության փոխանցման ընթացքում։

18:26 - 21 մարտի, 2022

Մեկ օրում հաստատվել է կորոնավիրուսի 21 նոր դեպք․ ՀՀ ԱՆ

Մարտի 21-ի` ժամը 11:00-ի դրությամբ, հաստատվել է կորոնավիրուսային հիվանդության ընդհանուր 422 328 դեպք, որոնցից 409 430 առողջացած: Փաստացի բուժում է ստանում 2630 պացիենտ: Այս մասին հայտնում են ՀՀ առողջապահության նախարարությունից։ Ընդհանուր առմամբ, կորոնավիրուսի հետևանքով 8598 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1670 է․ մեկ օրում գրանցվել է 1 դեպք: Ընդհանուր կատարվել է 2 952 590 թեստավորում: Մեկ օրում արվել է 1752 թեստավորում, հաստատվել է կորոնավիրուսային հիվանդության 21 նոր դեպք։ Առողջացել է 73 պացիենտ, գրանցվել՝ մահվան 3 դեպք։

11:42 - 21 մարտի, 2022

Հաստատվել է կորոնավիրուսի 21 նոր դեպք, առողջացել է 80 քաղաքացի․ ԱՆ

Մարտի 20-ին՝ ժամը 11:00-ի դրությամբ, Հայաստանում հաստատվել է կորոնավիրուսի 21 նոր դեպք, կատարվել է 1709 թեստավորում: Առողջացածների թիվը 80 է, արձանագրվել է մահվան 2 դեպք: Այս մասին հայտնում է ՀՀ առողջապահության նախարարությունը։ Այսպիսով՝ հաստատվել է կորոնավիրուսային հիվանդության ընդհանուր 422307 դեպք, որոնցից 409357-ը՝ առողջացած: Փաստացի բուժում է ստանում 2686 պացիենտ: Ընդհանուր առմամբ, կորոնավիրուսի հետևանքով 8595 մահվան դեպք է արձանագրվել: Ընդհանուր կատարվել է 2950838 թեստավորում:

11:09 - 20 մարտի, 2022

Հայաստանում մեկ օրում գրանցվել է կորոնավիրուսի 32 դեպք

Հայաստանում մարտի 19-ի դրությամբ հաստատվել է կորոնավիրուսային հիվանդության ընդհանուր 422 հազար 286 դեպք, որից 409 հազար 277-ը`առողջացած, 8593-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2748 բուժառու: Այս մասին հայտնում է ՀՀ առողջապահության նախարարությունը: Մեկ օրում կատարվել է 2416 թեստավորում, հաստատվել է կորոնավիրուսային հիվանդության 32 նոր դեպք, առողջացել է 81 քաղաքացի, արձանագրվել է մահվան 1 դեպք: Թեստավորումների ընդհանուր թիվը հասել է 2 միլիոն 949 հազար 129-ի:

11:34 - 19 մարտի, 2022