ԵՄ

Եվրոպական միությունը (ԵՄ) իրավունքի քաղաքական համայնք է, որի նպատակն է Եվրոպայի երկրների ու ժողովուրդների ինտեգրման ու կառավարման գործառույթի կազմակերպումը: Հիմնվել է 1993 թվականի նոյեմբերի 1-ին, բաղկացած է եվրոպական 27 երկրներից։ ԵՄ կառույցներն են Եվրոպական խորհրդարանը, Եվրամիության խորհուրդը, Եվրոպական խորհուրդ, Եվրոպական խորհուրդ, Եվրամիության Արդարադատության դատարանը, Հաշիվների դատարանը, Եվրոպական կենտրոնական բանկը։

Լիսաբոնյան համաձայնագրի ընդունմամբ՝ Եվրոպական արտաքին գործերի ծառայության պատասխանատվության տակ անցան Եվրոպական միությունը և իր քաղաքացիներին ներկայացնող 140 պատվիրակությունները և գրասենյակները:

Հայաստանում Եվրոպական միության դեսպանն ու ԵՄ պատվիրակության ղեկավարն է Ն.Գ. Անդրեա Վիկտորին։

Եվրամիությունը դատապարտել է Լիբիա զորք ուղարկելու Թուրքիայի ծրագրերը |tert.am|

Եվրամիությունը դատապարտել է Լիբիա զորք ուղարկելու Թուրքիայի ծրագրերը |tert.am|

tert.am: ԵՄ-ի արտաքին քաղաքական գերատեսչության ղեկավար Ժոզեպ Բորելը կոչ է արել դադարեցնել օտարերկրյա միջամտությունը և դատապարտել է Լիբիա զինվորականներին ուղարկելու Թուրքիայի որոշումը, գրում է Reuters գործակալությունը։ Նա խնդրել է անհապաղ դադարեցնել բռնություններն ու արտաքին միջամտությունը՝ հավելելով, որ նկատի ունի Թուրքիայի գործողությունները։ «Ակնհայտ է, որ դա հղում էր Թուրքիայի՝ իր զորքերը Լիբիա ուղարկելու որոշմանը, որը մենք դատապարտում ենք: Թուրքիայի որոշումն առաջացնում է մեր անհանգստությունը»,- հայտնել է Բորելը։ Նրա խոսքով՝ կողմերը պետք է նստեն բանակցությունների սեղանի շուրջ և դիվանագիտական մեթոդներով լուծեն առաջացած հակամարտությունը։ «Շարունակական բռնությունը չի լուծի հակամարտությունը, փոխարենը կավելացնի ժողովրդի տառապանքը»,- հայտնել է նա և հավելել, որ «արտաքին միջամտությունը ճգնաժամ է սնուցում»։ Լիբիայում երկիշխանություն է տիրում՝ արևելքում իշխում է ընտրված խորհրդարանը, իսկ Տրիպոլիում, այսինքն՝ արևմուտքում, ՄԱԿ-ի և ԵՄ-ի աջակցությամբ կազմավորված կառավարությունը: Արևելյան հատվածի իշխանությունները գործում են Տրիպոլիից անկախ և համագործակցում են Լիբիական ազգային բանակի հետ:
05:50 - 08 հունվարի, 2020
ԵՄ երկրների ԱԳ նախարարները հունվարի 10-ին Իրանի վերաբերյալ հանդիպում կունենան |panarmenian.net|

ԵՄ երկրների ԱԳ նախարարները հունվարի 10-ին Իրանի վերաբերյալ հանդիպում կունենան |panarmenian.net|

panarmenian.net: Եվրամիությունը պաշտոնապես հաստատել է ԵՄ անդամ 28 երկրի ԱԳՆ ղեկավարների արտահերթ հանդիպումը Բրյուսելում։ Այդ մասին Twitter-ում գրել է ԵՄ արտաքին գործերի և անվտանգության քաղաքականության գծով գերագույն ներկայացուցիչ Ժոզեպ Բորելը։ «Ես մեր անդամ պետությունների ԱԳ նախարարների արտահերթ հավաք եմ կազմակերպելու հունվարի 10-ին, օրվա երկրորդ կեսին՝ քննարկելու համար վերջին իրադարձություններն Իրաքում և Իրանում։ ԵՄ-ն իր դերակատարումը կունենա տարածաշրջանում լարվածության նվազեցման գործում», - հայտարարել է նա, գրում է ՏԱՍՍ-ը։ Ըստ որոշ աղբյուրների, քննարկվելու է նաև Իրանի հետ միջուկային գործարքը։ Դեռ հայտնի չէ, թե արդյոք հանդիպմանը հրավիրված է Իրանի ԱԳ նախարար Մոհամմադ Ջավադ Զարիֆը։ Հունվարի 10-ին այդ նույն հարցերը քննարկվելու են Եվրահանձնաժողովի արտահերթ հանդիպմանը, իսկ հունվարի 14-ին՝ ՆԱՏՕ-ի Ռազմական կոմիտեի նիստում՝ գլխավոր շտաբերի պետերի մակարդակով։ Հունվարի 3-ին ԱՄՆ կողմից Բաղդադի օդանավակայանի հրթիռակոծման հետևանքով սպանվել էր իրանցի գեներալ, Իսլամական հեղափոխության պահապանների կորպուսի «Ղոդս» հատուկ ստորաբաժանման ղեկավար Ղասեմ Սուլեյմանին։ Ավիահարվածը հասցվել է ԱՄՆ նախագահ Դոնալդ Թրամփի հրամանով, Կոնգրեսը հարձակման մասին նախապես տեղյակ չէր պահվել։ Պաշտոնական Թեհրանը պաշտպանության նախարար Ամիր Խաթամիի շուրթերով վրեժ է խոստացել ԱՄՆ-ին։ Իրանի հոգևոր առաջնորդ Խամենեին ևս խոստացել է, որ ավիահարվածի կազմակերպիչներին «դաժան վրեժ է սպասվում»։
07:59 - 07 հունվարի, 2020
Եվրամիությունը Իրանի ԱԳ նախարարին հրավիրել է Բրյուսել |tert.am|

Եվրամիությունը Իրանի ԱԳ նախարարին հրավիրել է Բրյուսել |tert.am|

tert.am: ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեֆ Բորելը «Իրանի ԱԳ նախարար Մոհամադ Ջավադ Զարիֆին հրավիրել է Բրյուսել՝ քննարկելու Իրաքում ապաԷսկալացման հարցը»: Այս մասին ասված է ԵՄ արտաքին քաղաքականության ծառայության հայտարարության մեջ, գրում է Reuters գործակալությունը: Բորելը խորը մտահոգություն է հայտնել Բաղդադի օդանավակայանի շրջակայքում ԱՄՆ-ի ավիահարվածի հետևանքով Իսլամական հեղափոխության պահապանների կորպուսի «Ղոդս» հատուկ ստորաբաժանման ղեկավար, գեներալ Ղասեմ Սուլեյմանիի սպանության կապակցությամբ, գրում է աղբյուրը: Բորելը Իրանին կոչ է արել «ուշադիր մտածել ցանկացած արձագանքի մասին» և Զարիֆին հրավիրել է Բրյուսել՝ քննարկելու Մերձավոր Արևելքի իրադրությունը և Թեհրանի հետ միջուկային գործարքը պահպանելու հարցը: Իրանի գերագույն հոգևոր առաջնորդի ռազմական խորհրդականը կիրակի օրը հայտարարել էր, որ Միացյալ Նահանգների կողմից իր երկրի ամենաազդեցիկ հրամանատարներից մեկի սպանությանը Իրանի պատասխանը, անկասկած, ռազմական պատասխան կլինի «ռազմական օբյեկտների դեմ»:
06:12 - 06 հունվարի, 2020
Մակրոնը ստորագրել է ԵՄ-ՀՀ համաձայնագրի վավերացումը թույլատրող օրենքը

Մակրոնը ստորագրել է ԵՄ-ՀՀ համաձայնագրի վավերացումը թույլատրող օրենքը

Ֆրանսիայի Հանրապետության նախագահ Էմանուել Մակրոնը ստորագրել է ԵՄ-Հայաստան Համապարփակ և ընդլայնված գործընկերության համաձայնագրի վավերացումը թույլատրող թիվ 2019-1447 օրենքը:  «Այսպիսով, Ֆրանսիան ավարտեց Հայաստան-ԵՄ Համապարփակ և ընդլայնված գործընկերության համաձայնագրի վավերացման գործընթացը»,-տեղեկացնում է ՀՀ արտաքին գործերի նախարարության մամուլի խոսնակ Աննա Նաղդալյանը: Հայաստանի Հանրապետության և Եվրոպական միության միջև Համապարփակ և ընդլայնված գործընկերության համաձայնագիրը ստորագրվել է 2017թ. նոյեմբերի 24-ին Բրյուսելում: Այն վավերացրել և ԵՄ խորհրդին տեղեկացրել են Բուլղարիան, Չեխիան, Դանիան, Գերմանիան, Էստոնիան, Իռլանդիան, Կիպրոսը, Լատվիան, Լիտվան, Լյուքսեմբուրգը, Հունգարիան, Մալթան, Լեհաստանը, Ռումինիան, Սլովակիան, Ֆինլանդիան, Միացյալ Թագավորությունը և Հայաստանի Հանրապետությունը:
13:43 - 27 դեկտեմբերի, 2019
ԵՄ-ն 5,1 միլիոն եվրո դրամաշնորհ է տրամադրել Հայաստանի ճանապարհային անվտանգության ապահովման համար |armenpress.am|

ԵՄ-ն 5,1 միլիոն եվրո դրամաշնորհ է տրամադրել Հայաստանի ճանապարհային անվտանգության ապահովման համար |armenpress.am|

armenpress.am:  Հայաստանի Հանրապետությունը և Եվրոպական ներդրումային բանկը ստորագրել են Հարևանության ներդրումային հարթակի դրամաշնորհային համաձայնագիր՝ Հայաստանի ճանապարհային անվտանգության բարելավման ծրագրի իրականացմանն աջակցելու համար։ ՀՀ տարածքային կառավարման և ենթակառուցվածքների նախարարության հասարակայնության հետ կապերի բաժնից, այս համաձայնագիրը թույլ կտա Եվրոպական հանձնաժողովին ֆինանսավորել նշված ծրագիրը մինչև 4,25 միլիոն եվրո ներդրումային դրամաշնորհի չափով։ Ծրագրի ընդհանուր նպատակն է բարելավել տարածաշրջանային փոխհաղորդակցությունը Հայաստանի տրանսպորտային ցանցի կատարելագործման‚ մասնավորապես՝ ճանապարհային անվտանգության հետ կապված միջոցառումների ներդրմամբ և համապատասխան մարմինների ու շահագրգիռ կողմերի կարողությունների զարգացմանն աջակցելու միջոցով՝ ճանապարհային անվտանգությանն առնչվող միջազգային չափանիշներին հասնելու համար։ Այս ծրագիրը ներառում է հետևյալ գործողությունները՝ ճանապարհային անվտանգության միջոցառումներ Մ-6 միջպետական ճանապարհի վրա, ճանապարհային անվտանգության հետ կապված աշխատանքներ և ենթակառուցվածքների բարելավում Հ-8 հանրապետական ճանապարհի և Մ-5 Երևան-Արմավիր-Թուրքիայի հետ սահման միջպետական ճանապարհի վրա նախանշված 9 վտանգավոր կետերում, Մ-2 Երևան-Արարատ-Կապան-Մեղրի, Մ-4 Երևան-Հրազդան-Սևան-Ազատամուտ, Մ-12 Գորիս և Մ-17 Կապան-Շիկահող-Մեղրի միջպետական ճանապարհների վրա նախանշված 15 վտանգավոր կետերում‚ ինչպես նաև՝ լրացուցիչ բացահայտված այլ վտանգավոր կետերում։ Ծրագիրը ներառում է նաև Եվրոպական հանձնաժողովի կողմից մինչև 650 000 եվրոյին համարժեք գումարի չափով լրացուցիչ տեխնիկական աջակցության դրամաշնորհ և 200 000 եվրոյին համարժեք բյուջետային հատկացում՝ ԵՄ հաղորդակցության միջոցառումների, մասնավորապես` Հայաստանի ճանապարհային անվտանգության բարելավման ծրագրի համատեքստում վարքագծային ազդեցության համար հաղորդակցման (COMBI) ռազմավարության իրականացման համար։  
13:21 - 19 դեկտեմբերի, 2019
ԵՄ-ն գոհունակություն է հայտնել ՀՀ-ի կողմից բարեփոխումների իրականացման առաջընթացի կապակցությամբ |armenpress.am|

ԵՄ-ն գոհունակություն է հայտնել ՀՀ-ի կողմից բարեփոխումների իրականացման առաջընթացի կապակցությամբ |armenpress.am|

armenpress.am:  Բրյուսելում դեկտեմբերի 16-ին կայացել է ԵՄ-ՀՀ Համապարփակ և ընդլայնված գործընկերության համաձայնագրի (ՀԸԳՀ) ներքո ստեղծված ԵՄ-ՀՀ Գործընկերության կոմիտեի 2-րդ հանդիպումը, որի ժամանակ քննարկվեց Համաձայնագրի կատարման ընթացքը: Այս մասին հայտնեցին ՀՀ-ում ԵՄ պատվիրակությունից: Համաձայնագիրը կարևոր դերակատարում ունի ՀՀ կառավարության հավակնոտ և երկարաժամկետ ռազմավարական տեսլականին համահունչ բարեփոխումների իրականացման և երկրի արդիականացման գործում: Եվրոպական միությունն իր գոհունակությունն է հայտնել մինչ այժմ Հայաստանի կողմից բարեփոխումների օրակարգի իրականացման առաջընթացի կապակցությամբ, մասնավորապես դատական և հակակոռուպցիոն նոր ռազմավարությունների ուղղությամբ: Միևնույն ժամանակ Եվրամիության և Հայաստանի միջև առկա է հաջողված համագործակցություն ԵՄ-ՀՀ արդարադատության երկխոսության շրջանակում: ԵՄ կողմն ընդգծել է Հայաստանի կողմից որդեգրված բարեփոխումների ուղու շարունակումը, այդ թվում՝ մարդու իրավունքների պաշտպանության ապահովման տեսանկյունից։ Բարեփոխումը պետք համապատասխանի իրավունքի գերակայության հիմնական սկզբունքներին և հիմնված լինի բոլոր շահագրգիռ կողմերի, ներառյալ՝ քաղհասարակության հետ ընդգրկուն երկխոսության և գործընկերության վրա: Որպես Հայաստանի բարեփոխումների առանցքային գործընկեր՝ ԵՄ-ն պատրաստ է տրամադրել բարեփոխումների մշակման և իրականացման, ինչպես նաև ԵՄ չափանիշներին մոտարկման ուղղությամբ կառավարության կարողությունների ուժեղացման համար անհրաժեշտ փորձագիտական և ֆինանսական հետագա աջակցություն: Գործընկերության կոմիտեն քննարկել է նաև ՀԸԳՀ-ի իրականացման ընթացքը տրանսպորտի, էներգետիկայի և շրջակա միջավայրի բնագավառներում՝ ուղղորդելով դեպի հետագա առավել մանրամասն քննարկումների կազմակերպմանը փորձագետների մակարդակով ԵՄ-Հայաստան էներգիայի, տրանսպորտի, շրջակա միջավայրի, կլիմայի գործողության և քաղաքացիական պաշտպանության հարցերով ենթակոմիտեի շրջանակում, որը տեղի կունենա 2020 թվականի մարտին Երևանում։ Եվրամիության և Հայաստանի միջև կշարունակվի կրթական բարեփոխումների շուրջ երկխոսությունը: Կողմերը հետամուտ կլինեն համագործակցությանը հետազոտությունների ոլորտում «Հորիզոն 2020» ծրագրի ներքո և խորհրդակցություններ կսկսեն «Հորիզոն Եվրոպա» ծրագրի շուրջ։ Ավելին, ԵՄ-ն և Հայաստանը կդիտարկեն երիտասարդության ռազմավարության և գործողությունների ծրագրի մշակման հնարավորությունները: Քննարկվել են նաև տնտեսական զարգացման, անվտանգության, Արևելյան գործընկերության և տարածաշրջանային զարգացումներին վերաբերող հարցեր: Հանդիպումը համանախագահել են Արտաքին գործողության եվրոպական ծառայության Եվրոպայի և Կենտրոնական Ասիայի գծով գլխավոր տնօրենի տեղակալ Լյուկ Դևինը և Հայաստանի Հանրապետության արտաքին գործերի նախարարի տեղակալ Ավետ Ադոնցը:  
13:04 - 17 դեկտեմբերի, 2019
ԵՄ-ն չի ճանաչել Թուրքիայի եւ Լիբիայի ծովային գոտիների վերաբերյալ հուշագիրը |news.am|

ԵՄ-ն չի ճանաչել Թուրքիայի եւ Լիբիայի ծովային գոտիների վերաբերյալ հուշագիրը |news.am|

news.am։ Միջերկրական ծովում ծովային գոտիների ապալիմիտացման վերաբերյալ Թուրքիայի եւ Լիբիայի հուշագիրը խախտում է երրորդ պետությունների ինքնիշխան իրավունքները եւ նրանց համար իրավական հետեւանքներ չի կարող ունենալ, նշված է ԵՄ գագաթնաժողովի հավանություն ստացած հայտարարության մեջ, փոխանցում է «ՌԻԱ Նովոստի»-ն: «Թուրքիայի եւ Լիբիայի միջեւ ստորագրված Միջերկրական ծովում ծովային իրավազորության ապալիմիտացման մասին փոխըմբռնման հուշագիրը խախտում է երրորդ պետությունների ինքնիշխան իրավունքները, չի համապատասխանում ծովային իրավունքին եւ երրորդ պետությունների համար չի կարող ոչ մի իրավական հետեւանք ունենալ»,- նշված է հայտարարության մեջ: Նշված է, որ «Եվրոպական խորհուրդը ոչ երկիմաստորեն հաստատում է իր համերաշխությունը Հունաստանի եւ Կիպրոսի հետ՝ կապված Թուրքիայի այս գործողությունների հետ»: Թուրքիայի նախագահ Թայիփ Էրդողանը եւ Լիբիայի ազգային համաձայնության կառավարության ղեկավար Ֆայեզ Սարաջը, որը վերահսկում է երկրի միայն մի հատվածը, նոյեմբերի վերջին հուշագիր էին ստորագրել ռազմական ոլորտում համագործակցության եւ ծովային գոտիների վերաբերյալ փոխըմբռնման մասին: Թուրքիան հրապարակել էր ծովային գոտիների քարտեզ՝ «հաշվի առնելով թուրք-լիբիական հուշագիրը»: Թուրքիան չի ճանաճում շելֆի նկատմամբ հունական կղզիների իրավունքը: Հունաստանը կարծում է, որ Թուրքիան փորձում է յուրացնել հունական բացառիկ տնտեսական գոտու զգալի մասը՝ այն դեպքում, երբ Աթենքն ու Անկարան ԲՏԳ սահմանները չեն համաձայնեցրել:
08:22 - 13 դեկտեմբերի, 2019
ԵՄ-ի գագաթնաժողովը չի համաձայնեցրել համաեվրոպական հրաժարումն ատոմային Էներգետիկայից |armenpress.am|

ԵՄ-ի գագաթնաժողովը չի համաձայնեցրել համաեվրոպական հրաժարումն ատոմային Էներգետիկայից |armenpress.am|

armenpress.am: Եվրամիության պետությունների եւ կառավարությունների ղեկավարները Բրյուսելում կայացած գագաթնաժովողում չեն համաձայնեցրել համաեվրոպական հրաժարումն ատոմային Էներգետիկայից: Այդ մասին ասված Է գագաթնաժողովի՝ դեկտեմբերի 13-ին հրապարակված ամփոփիչ հայտարարության մեջ: «Եվրախորհուրդը ճանաչում Է Եվրամիության երկրների իրավունքն ինքնուրույն որոշելու Էներգիայի այն տեսակների ցանկը, որոնք իրենք մտադիր են օգտագործել, եւ կիրառելու առավել համապատասխան տեխնոլոգիաներ: Եվրամիության առաձին երկրներ (մասնավորապես, Ֆրանսիան եւ Բելգիան – ծանոթ. խմբ.) նշել են իրենց մտադրությունը շաունակելու օգտագործել ատոմային Էներգետիկան այդ ցանկում»,- նշված Է փաստաթղթում: Հայտարարության մեջ նաեւ ընդգծված Է Եվրամիության յուրաքանչյուր երկրի իրավունքը «ձեռնարկելու միջոցներ, որոնք անհրաժեշտ են սեփական Էներգաանվտանգության ապահովման համար», հաղորդել Է ՏԱՍՍ-ը:
07:26 - 13 դեկտեմբերի, 2019
ԵՄ գագաթնաժողովը հասել է կլիմայի հարցով համաձայնության |news.am|

ԵՄ գագաթնաժողովը հասել է կլիմայի հարցով համաձայնության |news.am|

news.am: Եվրամիության պետությունների եւ կառավարությունների ղեկավարները համաձայնության են հասել կլիմայական փոփոխությունների հարցում, սակայն միության մեկ երկիր հրաժարվել է առայժմ միանալ: Այս մասին Եվրոպական խորհրդի ղեկավար Շառլ Միշելը հայտնել է Բրյուսելում ԵՄ գագաթնաժողովի առաջին օրվա արդյունքներով կայացած մամուլի ասուլիսում, փոխանցում է ՏԱՍՍ-ը: «ԵՄ գագաթնաժողովը հասել է կլիմայի հարցով համաձայնության: Սա անչափ կարեւոր որոշում է,- ասել է նա: - Մեկ երկրի ավելի շատ ժամանակ է անհրաժեշտ, նախքան դրա կատարմանը միանալը: Մենք այս հարցին կվերադառնանք հունիսին»: Միշելը չի հստակեցրել, թե որ երկրի մասին է խոսքը: Գերմանիայի կանցլեր Անգելա Մերկելն, այդուհանդերձ, մամուլի ասուլիսում պարզաբանել է, որ խոսքը Լեհաստանի մասին է: «Մեկ երկիր՝ Լեհաստանը, այսօր դեռեւս չկարողացավ պարտավորություն ստանձնել կատարման առնչությամբ»,- ասել է նա: Լրագրողների հարցին՝ ինչո՞ւ է ԵՄ-ն որոշել հայտարարել համաձայնության հասնելու մասին, եթե ԵՄ երկրներից մեկը դրան հավանություն չի տվել, Միշելը պատասխանել է. «Մենք կլիմայական չեզոքությունը դիտարկում ենք որպես մեր ընդհանուր խնդիր: Բայց մեզ համար հասկանալի է, որ մեկ երկիր այնպիսի փուլում է, որ չի կարող պարտավորություն ստանձնել: Այս պատճառով մենք մեկ հանդիպում էլ կունենանք: Բայց մեզ համար կարեւոր էր ազդանշան տալ այն մասին, որ մենք ցանկանում ենք դառնալ առաջին կանաչ աշխարհամասը, ընդ որում՝ մենք հասկանում ենք, որ Լեհաստանին ավելի շատ ժամանակ է հարկավոր»:
06:47 - 13 դեկտեմբերի, 2019
Եվրամիությունը երկարաձգեց Ռուսաստանի դեմ տնտեսական պատժամիջոցները |tert.am|

Եվրամիությունը երկարաձգեց Ռուսաստանի դեմ տնտեսական պատժամիջոցները |tert.am|

tert.am: Եվրամիության դեկտեմբերի 12-ի գագաթնաժողովում որոշում է կայացվել Ռուսաստանի դեմ եվրոպական տնտեսական պատժամիջոցների երկարաձգման մասին: «Պատժամիջոցները երկարաձգվել են»,- գրում է РИА Новости-ն՝ հղում տալով դիվանագիտական աղբյուրի: Այս գագաթնաժողովին քննարկվող գլխավոր հարցերից մեկը վերաբերում էր կլիմային: Եվրամիության պետությունների և կառավարությունների ղեկավարներն ավելի քան 6 ժամ փորձում են համաձայնության գալ մինչև 2050 թ.-ի կլիմայի հարցով համայնքային ռազմավարության շուրջ, սակայն այդպես էլ ընդհանուր հայտարարի չեն գալիս: Այս մասին հայտնում է ТАСС-ը՝ հղում տալով Բրյուսելում ընթացող գագաթնաժողովին մասնակից պետություններից մեկի պատվիրակության անդամի: Մեկ այլ աղբյուրի հաղորդմամբ՝ գլխավոր անհամաձայնություններից մեկը կապված է ատոմային էներգետիկայի հետ: Ֆրանսիայի նախագահ Էմանուել Մակրոնը և Գերմանիայի կանցլեր Անգելա Մերկելը այս հարցում տարբեր դիրքորոշումներ ունեն:
05:24 - 13 դեկտեմբերի, 2019
ԵՄ-ը ողջունում է Հայաստանում հակակոռուպցիոն ռազմավարության ներդնումը |news.am|

ԵՄ-ը ողջունում է Հայաստանում հակակոռուպցիոն ռազմավարության ներդնումը |news.am|

news.am: Մենք ողջունում ենք Հայաստանում հակակոռուպցիոն համակարգի ներդնումը։ Այս մասին Քրեական օրենսգրքի հանրային քննարկումներում դեկտեմբերի 12-ին ասաց Հայաստանում Եվրամիության պատվիրակության ղեկավարի պաշտոնակատար Եկատերինա Դորոդնովան։ Նրա խոսքով՝ համագործակցությունը նոր Քրեական օրենսգրքի մշակման գործում արտացոլում է Հայաստանի եւ ԵՄ հարաբերությունների մակարդակը։ «Կարեւոր է գնահատել բռնության, կոռուպցիայի եւ հանցագործությունների այլ տեսակների դեմ պայքարի ճանապարհային քարտեզի իրականացումը։ Մոտեցումները, որոնք մշակվել են, հաշվի են առնում Հայաստանի առանձնահատկությունները եւ ուղղված են գիտելիքների մակարդակի բարձրացմանը կյանքի իրավունքի պաշտպանության մասով, ինչը լրացնում է երկրի ջանքերը բարեփոխումների ճանապարհին»,- նշել է նա: Հոկտեմբերի 3-ին կառավարությունը հաստատել է Հայաստանի հակակոռուպցիոն ռազմավարությունը։ Նշենք, որ Երեւանում դեկտեմբերի 12-ին տեղի են ունենում Քրեական օրենսգրքի նախագծի հանրային քննարկումներ։  
10:47 - 12 դեկտեմբերի, 2019
Հայաստանը պարենային լավ պոտենցիալ ունի. ԵՄ պատվիրակության ղեկավար |news.am|

Հայաստանը պարենային լավ պոտենցիալ ունի. ԵՄ պատվիրակության ղեկավար |news.am|

news.am: Հայաստանը պարենային լավ պոտենցիալ ունի, եւ անհրաժեշտ է ամեն բան անել, որպեսզի օգտագործվեն երկրի արտահանական հնարավորություններն այս ուղղությամբ։ Կարեւոր է նշել, որ, օրինակ, գինու որակը Հայաստանում 10 տարում էապես լավացել է։ Այս մասին մթերային ներդրումների հնարավորություններին եւ գործարարության զարգացմանը նվիրված միջազգային համաժողովում նոյեմբերի 27-ին ասաց Հայաստանում Եվրոպական միության պատվիրակության ղեկավար, դեսպան Անդրեա Վիկտորինը։ Նա հիշեցրեց, որ այս տարի լրանում է ԵՄ-Հայաստան համապարփակ եւ ընդլայնված համագործակցության համաձայնագրի ստորագրման երկամյակը, որն ամուր հիմք է դարձել շատ ոլորտներում համագործակցության համար։ «Կարեւորագույն ուղղություններից մեկը Հայաստանի պարենային անվտանգության մակարդակի բարելավումն է»,- նշել է եվրոպացի պաշտոնյան։   Վիկտորինի խոսքով՝ ԵՄ-ը ջանում է ոչ թե պարզապես օգնել երկրի բնակչությանը քաղցած չմնալ, այլ ունենալ որակյալ պարեն։ «Բացի այդ, կարեւոր է ջանքեր գործադրել գյուղատնտեսության ոլորտում կրթության մակարդակի բարձրացման, ինչպես նաեւ էներգետիկ ճյուղի զարգացման համար, որպեսզի ամուր հիմք ապահովվի բնական պայմանների օգտագործման համար, բարձրացվի արտահանական պոտենցիալը, ինչը սերտորեն կապված է պարենային անվտանգության խնդրի հետ։ Այս հարցում ԵՄ-ը ձգտում է ավելի սերտ համագործակցել Հայաստանի փոքր ու միջին բիզնեսի հետ՝ տարբեր ուղղություններով, աղքատության հաղթահարման համար, այդ թվում հանրապետության մարզերում»,- ընդգծել է Անդրեա Վիկտորինը։   Հիշեցնենք, որ նոյեմբերի 27-ին ՄԱԿ Համաշխարհային պարենային ծրագիրը (ՀՊԾ) Հայաստանում Իտալիայի դեսպանության հետ համագործակցությամբ կազմակերպել է միջազգային համաժողով՝ նվիրված մթերային ներդրումների հնարավորությանը եւ գործարարության զարգացմանը։ Համաժողովը կազմակերպվել իտալական խոհանոցի շաբաթի շրջանակում։  
10:32 - 27 նոյեմբերի, 2019
ԵՄ-ն անօրինական Է համարում հրեական բնակավայրերի կառուցումը պաղեստինյան տարածքներում |armenpress.am|

ԵՄ-ն անօրինական Է համարում հրեական բնակավայրերի կառուցումը պաղեստինյան տարածքներում |armenpress.am|

armenpress.am: Եվրամիությունը շարունակում Է անօրինական համարել Իսրայելի կողմից բնակավայրերի կառուցումը Հորդանան գետի Արեւմտյան ափին: Այդ մասին ասված Է ԵՄ-ի դիվանագիտության ղեկավար Ֆեդերիկա Մոգերինիի հայտարարության մեջ: «Բռնազավթված պաղեստինյան տարածքներում բնակավայրերի կառուցման Իսրայելի քաղաքականության նկատմամբ Եվրոպական միության դիրքորոշումը հստակ Է, այն անփոփոխ Է մնում. բնակավայրերի կառուցման այդ ամբողջ գործունեությունն անօրինական Է միջազգային իրավունքին համապատասխան եւ խարխլում Է պաղեստինա-իսրայելական հակամարտությունը երկու պետությունների սկզբունքի հիման վրա լուծելու եւ կայուն խաղաղության հեռանկարի կենսունակությունը, ինչպես դա հաստվատված Է ՄԱԿ-ի Անվտանգության խորհրդի 2234 բանաձեւով»,- նշվում Է հայտարարության մեջ: «ԵՄ-ն կոչ Է անում Իսրայելին դադարեցնել բնակարանաշինության հետ կապված ցանկացած գործունեություն իր՝ որպես օկուպացնող տերության պարտավորություններին համապատասխան»,- ընդգծել Է Մոգերինին: Միացյալ Նահանգների պետքարտուղար Մայքլ Փոմպեոն նոյեմբերի 18-ին հայտարարել Է, որ ԱՄՆ-ն այլեւս չի համարում, որ Հորդանան գետի արեւմտյան ափի իսրայելական բնակավայրերը խախտում են միջազգային իրավունքը: Իսրայելում ողջունել են սույն որոշումը: Պաղեստինում հայտարարել են, որ ԱՄՆ-ի վարչակազմը լիազորված չԷ չեղյալ հայտարարելու հրեական բնակավայրերին վերաբերող միջազգային բանաձեւերը: 2016 թվականի դեկտեմբերին ՄԱԿ-ի Անվտանգության խորհուրդն ընդունել Է թիվ 2334 բանաձեւը՝ օկուպացված պաղեստինյան տարածքներում բնակավայրերի կառուցման գործունեությունը դադարեցնելու պահանջով, հաղորդել Է ՏԱՍՍ-ը:
07:58 - 19 նոյեմբերի, 2019
Մադրիդում քննարկվել է ՀՀ-ԵՄ մուտքի արտոնագրի ազատականացման հեռանկարները |1lurer.am|

Մադրիդում քննարկվել է ՀՀ-ԵՄ մուտքի արտոնագրի ազատականացման հեռանկարները |1lurer.am|

1lurer.am։ ՀՀ-ԵՄ մուտքի արտոնագրի ազատականացման շուրջ երկխոսության (ՄԱԱԵ) մեկնարկի հեռանկարները քննարկելու նպատակով Իսպանիա մեկնած ՀՀ միջգերատեսչական պատվիրակությունը ՏԿԵՆ միգրացիոն ծառայության պետ Արմեն Ղազարյանի գլխավորությամբ Մադրիդում հանդիպել է իսպանացի գործընկերների հետ։ Երկու կողմերն էլ բարձր են գնահատել հանդիպման ձևաչափը և դրա արդյունավետությունը։ Հայաստանի միգրացիոն ծառայության պետ Արմեն Ղազարյանն ընդգծել է ՄԱԱԵ մեկնարկի համար նախապայման հանդիսացող ՀՀ-ԵՄ Մուտքի արտոնագրերի դյուրացման և Հետընդունման մասին համաձայնագրերի՝ ՀՀ կողմից արդյունավետ կիրարկման փաստը։ Ղազարյանը ներկայացրել է նաև ընդհանուր միտումները հարկադիր վերադարձի ոլորտում, թվերի դինամիկան՝ վերջին տարիների կտրվածքով։ Իսպանացի գործընկերներն աջակցություն են հայտնել ոլորտի բարեփոխումների ուղղությամբ հայկական կողմից գործադրվող ջանքերին:
06:52 - 19 նոյեմբերի, 2019
Եվրամիությունը 663 մլն եվրոյի ֆինանսական օգնություն է տրամադրել Թուրքիային |ermenihaber.am|

Եվրամիությունը 663 մլն եվրոյի ֆինանսական օգնություն է տրամադրել Թուրքիային |ermenihaber.am|

ermenihaber.am: Թուրքիայի նախագահ Ռեջեփ Թայիփ Էրդողանի սպառնալից հայտարարությունից հետո ԵՄ-ն 663 մլն եվրոյի ֆինանսական օգնություն է ուղարկել Թուրքիային սիրիացի փախստականների համար: Նշենք, որ Թուրքիան Սիրիայի հյուսիսում ծրագրել է անվտանգության գոտի ստեղծել, որտեղ պետք է բնակեցնի այժմ Թուրքիայի տարածքում ապաստանած սիրիացի փախստականներին (շուրջ 3.6 մլն): Թուրքական աղբյուրի փոխանցմամբ` Թուրքիան գործի է անցել սիրիացիներին Սիրիա հետ ուղարկելու ուղղությամբ: Նշվում է, որ արդեն պատրաստ են անվտանգության գոտում փախստականների համար կառուցվելիք բնակատեղիների ծրագրերը: Հիշեցնենք, որ Թուրքիան ԵՄ-ից աջակցություն էր պահանջել Սիրիայի հյուսիսում ստեղծվելիք անվտանգության գոտու առաջին փուլի ընթացքում սիրիացի փախստականների տեղափոխումն իրականացնելու համար: Այլապես Էրդողանը սպառնացել էր «բացել դարպասները» և Թուրքիայում ապաստանած 3.6 մլն սիրիացի փախստականներին ուղարկել Եվրոպա:
12:48 - 01 նոյեմբերի, 2019